ec_911's Profile

適逢女友生日 想訂造一個特別的生日蛋糕俾佢🥰 坊間很多蛋糕都一式一樣 很多都打卡打到没趣了 所以想搵一個造型比較特別又唔太浮誇的蛋糕 剛巧搵到呢間位於長沙灣美居中心的小型蛋糕店 估唔倒咁有驚喜 六月炎熱的天氣 想搵比較清新消暑嘅蛋糕 呢款Dancing feather the very lemon就適合不過 本身我跟女友都很喜歡海綿蛋糕 加配佢地自家製的檸檬醬 帶有好香嘅檸檬味道 檸檬配cream不但十分醒胃 還有消暑的感覺 上面仲有可食用的羽毛 外觀文青優雅 我地訂的是5‘’ size 可供三至五人食用 由於唔會太甜 cream厚度剛好 我們餐後再吃完都唔會太over 女友都很滿意 還說下次有機會一定會再訂 及選購其他款式口味 不得不讚店主親切有禮 更細心幫我把蛋糕包裝好放入冰袋 很好的一次體驗…Read More

由日本到香港開張到現在都經常去光顧, 因為一蘭嘅豚骨湯真係最岩我口味, 豬骨味道同拉麵都夠正宗。今次特登再親臨本店係因為想試之前網上教最强食法, 我想試下咁點係咪真係比之前更滋味! 果然不出所料, 真係非常出色。網上流傳最强落單選法口味濃淡: 濃味油膩度: 超濃厚蒜泥: 1份蒽: 有叉燒: 有赤紅秘製醬汁: 3倍麵的硬度: 超硬原來咁選法真係惹味好多, 但油膩度重了自然會比較膩, 所以食完要飲大量冰水。3倍辣度剛剛好, 既可以享受辣味刺激又不會影響豚骨湯既香味。蒜泥要1份, 會令拉麵更香更滑。麵質硬度點超硬, 食落更煙靭。食完好滿足好實在。由於太好味嘅關係, 所以我決定加麵底。…Read More

行開LCX又突然想打邊爐, 海港城大部分餐廳都排滿長龍, 而呢間日本餐廳優勝之處就係可以用apps等位, 可以邊行街邊等位, 既不會浪費時間, 又可以食我至愛嘅涮涮鍋。日式火鍋比較健康同食材也比較高質, 所以我都非常喜歡。美國和牛肩脊肉 $119和牛肉質鮮, 非常有牛味, 唯獨份量較少。可能要點幾份才夠, 唔係就到喉唔到肺。有機豆乳湯淡淡的豆漿味, 開始時比較清淡, 但會愈滾愈 香甜。非常養生。骨膠原柚子塩湯一見到有骨膠原已經吸引了我點, 再加柚子已經幻想到多養顏, 味道有點像魚湯, 味道相比較濃。建議加點水, 否則會愈食愈咸。野菜五品盛合 $65日式涮涮鍋比較注重健康多菜, 所以温野菜點可以唔點菜, 二人食份量剛好。黑松露免治雞肉 $39黑松露味没有太出, 免治口感特别, 口感實在但不夠彈口, 還是一般肉滑比較適合我。帶子 $62帶子新鮮香甜, 肉質非常彈口。蒟蒻非常爽口, 個人比較喜歡白色, 灰色有種不知道怎樣形容既味道, 但都好味。食飽當要點返個甜品綠茶粉配紅豆再配雲里拿雪糕, 非常滿足!整體算不錯, 但價錢相對偏高。…Read More

聽聞佢嘅串燒非常出色, 所以今次轉程去到時代廣場試下呢間Greenhouse。店內充滿文青工業風的裝潢, 非常時尚, Fushion菜式也非常新㯋。今次𦲷臨係為左試下佢嘅串燒, 當然要點佢地嘅日式fushion串燒。炙烤芝士, 煙肉, 日本一口薯仔 $38芝士煙靭配煙肉及一口薯仔, 具有多種不同口感, 炙烤帶出煙肉的香味。非常可口!炙烤可樂牛肉串 $58第一口咬時味道像平時食開嘅燒牛肉串, 但當品嚐多一會兒會發現帶有可樂的甜味, 這種層次感非常獨特, 不錯!黑松露意粉 $128黑松露香口配濃厚嘅白sause, 非常滋味, 意粉有口感。二人share份量剛剛好照燒牛肉鵝肝煎蛋飯 $168鵝肝肥美不油膩, 配牛肉煎蛋好有學生時代喜歡豉汁午餐肉煎蛋飯嘅回憶, 再配日式照燒汁非常好味, 雖然已經係大碗飯但真係有衝動想再添飯。荔枝玫瑰冰茶 $52荔枝味好香甜, 帶有玫瑰花香, 芬香樸鼻, 入口非常清新, 再配冰茶消暑一流。蘋果薄荷冰茶 $52蘋果鮮香加淡淡薄荷, 非常清涼, 開胃又解渴。…Read More

上班族最頭痕就係諗食咩lunch, 好多時又多人又貴, 食拉麵又食來食去嗰幾間, 咁岩返工附近俾我發現咗呢間日本拉麵。門囗雖然排滿長龍, 但人流總算去得快, 所以也不用等太久。店內面積較少, 如果人多去食就不用考慮, 但如果只係自己或一兩個人去就剛好。招牌熊拉麵 $85湯底濃厚不膩, 配料點了個梅頭瘦叉燒, 肥瘦適中, 非常有口感。麵身如常點了幼身, 非常地道口味。崇上健康的我走了香味油, 也非常惹味。仲有温泉蛋附上,價錢尚算合理。…Read More

放工想同朋友happy hour飲返杯, 但又想食飯, 其中一個朋友又想去cafe飲coffee, 呢間coffee shop就滿足哂三個要求。餐廳除了有多款西餐供選擇, 仲有咖啡及多款手工啤酒供應。店內文青工業風加高高的樓頂, 既時尚又寬敞, 所以都十分受外國人及白領的愛戴。店內散發著非常香濃的咖啡味, 混合了食物的香味非常醒胃。Flat White Coffee非常漂亮的拉花, 心型拉花非常别緻, 香濃咖啡入口香滑。牛扒肉汁鮮美带點烤味, 肉質有口感。Curly fries脆口, 配手工啤酒一流。意粉爽囗加少許芝士粉, 非常開胃。香料味稍濃, 汁有點厚身, 感覺像咖喱汁risotto。日本手工啤麥味香濃。英式手工啤, 帶有焦糖味, 花香甜易入囗。…Read More

中環食lunch選擇多但平日都係留意西餐多, 就算食中餐都係粉麵茶餐廳同飲茶, 好耐冇去過正宗傳統粥店。呢幾日腸胃不太好, 想食清啲例如粥之類, 就打算睇下附近有冇啲好食又地道嘅粥麵店。咁岩經過見到呢間粥店排哂長龍, 粥嘅種類又非常多, 而且價錢仲好合理。豬紅瘦肉粥 $21好耐冇食過咁好味嘅粥, 粥身夠厚加葱味香濃。豬紅香滑彈口且瘦肉鬆軟, 一定滿足到喜歡食香港地道口味嘅人。三絲炒米 $12份量多同料足, 米粉炒得夠乾身。加少許辣椒醬, 非常惹味。一個人或兩個人食都非常足夠。…Read More

早前網上見到呢間餐廳口碑不錯, 尤其係佢個雞白湯拉麵同饅魚飯。 難得約好朋友二人去開佐敦, 當然要去品嚐下。 打算晚一點去應該會少啲人, 但到了晚上九點依然排滿長龍, 但絶對冇打消我地嘅念頭。見到排隊嘅人都充滿著期待的樣子, 更加令我大感喜悅。 門口嘅日式裝橫極具東洋風味, 而且充滿著一種傳統既神秘感, 令我更有好奇心去享受下。店内巨型金壁畫同日式嘅裝橫, 將傳統和風與現代時尚結合, 非常有格調及品味。金鶴.雞白湯拉麵 $98 首先當然要點主打金鶴.雞白湯拉麵有別於平日食開嘅拉麵, 一般拉麵食完都會較重味而且感口渴。 但呢個赤雞熬嘅白湯拉麵香濃而清甜, 一點也不油膩。 麵質爽口且彈牙, 非常滋味。真的名不虛傳呢!煎日式餃子 (4pcs) $33 餃子煎得好香口, 外皮好脆且肉質鮮甜, 二人份量剛剛好。燒雞泡魚乾 $4。雞泡魚香口又煙韌,食落口感一流, 而且仲會食上瘾。小食必點之一, 再配佢地特製嘅手工啤, 極高享受。芥辣八爪魚 $33八爪魚鮮味夾爽口, 芥辣味恰好, 非常開胃。配啤酒或日本清酒也很匹配。日本手工啤酒 (Beniaka紅色) (333ml) $68點左幾款小食, 當然要飲返杯啤一啤。 就呢款紅色手工啤酒, 入面加咗番薯釀製, 濃得黎仲帶有焦糖麥芽香。非常有特色, 最適合喜歡特別手工啤嘅我。總括黎講呢間日式食店cp值算高, 下次會同朋友再黎食佢出名嘅饅魚飯。非常滿足的一個用餐體驗。…Read More

今日同家人一同五人去了位於觀塘宏天金融大廈嘅酒家食晚飯, 見佢海鮮齊全價錢又幾吸引, 一於決定陪屋企人試下。除左有任食火鍋仲有一些海鮮套餐, 好似幾超值。仲有啤酒, 庶水, 果汁及汽水任飲, 竟然平民價就食到海鮮全宴。我地最後點左個十全十美海鮮宴, 雖然呢個係四人餐, 但都足夠我地五人食。咁岩果日係阿哥生日, 仲有壽包及奶皇千層糕贈送作為甜品。非常滿足!十全十美海鮮宴 (4位用) $958 + 1位每位加$200紅燒皇子乳鴿兩隻肉質嫩口, 皮脆多肉, 非常可口。勁蒜蒸元貝蒜味好香, 元貝厚肉但稍微不夠火喉。薑蔥粉絲蟹煲多蟹肉同多粉絲, 非常入味, 薑蔥非常惹味。清蒸游水龍躉夠鮮肉厚同肉質嫰滑, 非常大條。上湯龍蝦伊麵伊麵有點水, 但芝士不濃所以不膩。龍蝦加分, 厚肉鮮甜。椒鹽鮮鮑魚鮑魚太細, 但勝在有口感, 但這個價錢不要要求太有鮑魚味。鮮魷彈牙, 西芹香口。配啤酒一流!酥炸大生蠔保留生蠔鮮味, 酥炸外脆內軟。日式清酒煮大蜆:)清酒清甜配大蜆帶出甘香, 大蜆肉質厚身彈牙。杏汁燉白肺花膠爽口, 配杏汁非常香甜潤口。濃湯野菌浸鮮蔬最後食個菜加野菌幫助消化, 非常滿足。坦白過呢個價錢真心超值, 以後食海鮮又多一個地方選擇, 下次試下佢地既火鍋先。…Read More

呢間位於山林道嘅西餐廳, 好像有蠻多生蠔種類供選擇。價錢算適中, 但品質卻幾高。可以話係近期食過最有驚喜嘅生蠔餐廳。佢嘅生蠔真係值得一讚, 又大隻又新鮮, 雖然有些法國產地蠔價格會比一般市面高, 但味道也成正比。今次專程跟朋友黎試下佢嘅生蠔, 嘆下白酒。果然有驚喜同非常愉快經驗!二人order左一個Oyster Set Oyster Set $398包括12pcs oysters + 2杯house wine (自選十二隻 但超過$32嘅生蠔要補貼)加拿大Malpeque bay oysters × 2非常有驚喜, 平時一向食開法國澳洲蠔, 估唔到加拿大嘅蠔除左口感獨特, 仲好有鮮甜。佢海水味唔太重, 但仍然保留到海水鮮味。肉身比較圓, 食落有啲似凡立蜆, 又好味又有別一般生蠔口感。愛爾蘭Irish Premium oysters × 2帶有海水味, 非常大隻, 配sparkling wine好匹配。 值得點!法國Normande oyster × 2法國蠔帶有重海水味, 適合喜歡海洋鮮味嘅朋友, 我本人就十分喜歡。基本上食親都會點, 配白酒一流。法國Fine de Claire oyster × 2呢隻法國蠔身修長, 肥度剛剛好, 味道先咸後甜, 有啲榛果香甜, 好有層次感。法國Marenne oyster × 2因為都係鍾情法國蠔, 所以都係選了呢款法國出產嘅蠔。呢款也是海水味重的一種, 非常鮮味。法國White Pearl oyster × 2白珍珠蠔也是常點一種, 海水味適中, 易入口, 肉身又爽又滑。…Read More

每次去親諾士佛臺都係飲野, 難得今次試下西餐bar。尖沙咀要揾西餐一啲都唔難, 但集合墨西哥巴西阿根廷特式嘅餐廳就唔易揾。竟然俾我發現咗呢間位於樓上常路過但又未試過嘅特式餐廳, 女友咁岩又想据扒, 就一於book呢間。一入面已經充滿著墨西哥風情。有氣氛又寧靜, 拍拖撐台腳真係好享受! 剛好taco tuesday, 很多外籍人士也專程來享受taco星期二。今日重點女友想据扒, 當然要點返塊靚扒。阿根廷頂級草飼肉眼扒 Rib Eye 250g $298價錢合理肉汁好香, 肉質鮮甜帶點幼嫩。點了medium, 熟度剛好但帶點生, 但平時食開medium rare嘅我, 剛剛好。再配佢特式Chimichurri阿根廷青醬, 非常合我口味, 醬帶點香草香味, 非常開胃。黑菌安格斯肉醬闊條麵 $218麵條份量恰好, 安格斯肉醬香濃而不咸, 加黑菌非常有口感。再每人點杯papa joe signature cocktail又有情調又醒胃, 調酒一點也不馬虎。Tropical Fizz $85Rum酒帶果香鮮甜, 呈現熱帶風味, 好岩女性朋友飲。Papa Sour $90帶點酸但份量相對少了點, 但非常醒胃, 聊天飮杯好舍意。最後當然要點個甜品令呢餐更錦上添花。Homemade檸檬芝士蛋糕 $78味道尚可, 感覺檸檬有點蓋過芝士蛋糕, 味道有點像檸檬夾心餅乾。再配上樹莓醬就略带酸, 但如果喜歡香莓草莓的你可能會喜歡。…Read More

最近發現呢間位於利舞臺樓上嘅韓式餐廳口埤唔錯, 仲常見大排長龍。二話不説即同朋友訂左呢間餐廳一齊聚會。Dodam除左有人氣炸雞, 仲有多款特式烤雞。佢嘅獨特配方, 真係比出面食嘅更出色。朋友們都讚不絶口。香蒜鼓油辣香雞 $185 外皮香脆, 味道香辣惹味, 不咸且肉質香滑。 個雞鎚真係好嫩滑, 雞胸多肉但就冇腿咁滑, 強烈推薦。 佢仲有出左款麻辣, 下次會試下。  食完韓國老闆仲咨詢我地味道如何, 才得知原來係剛推出, 非常用心體貼。韓式海鮮燒餅 $138 味道香濃, 海鮮有八爪魚同青囗配燒餅好有口感, 三人進食份量剛好。牛排骨湯 $188 肉質鬆軟, 配各菇類及紅棗, 湯底更顯香甜。Draft Bottle Makgeolli 韓國米酒 $78米酒香甜帶點酸, 非常開胃易入口, 聚會一定要飲返杯。…Read More

最近發現觀塘開了好多新fusion食店。呢次行經附近突然發現一幢叫the Wave嘅新商廈, 就入去逛逛, 無意發現呢間新開不久嘅高級餐廳, 地方有格調, 舒適優雅。門口雅緻嘅酒吧把我吸引了, 裝修既時尚又寛敞, 急不及待便進去就坐了。店員都好有耐性推薦食物, 服務也不錯, 價錢在觀塘算偏高, 但食物質素非常滿意。Downtown Station $88店員推薦了一杯登堂signature drink, 咁岩我又非常鍾情whisky。加左lemon同honey, 把whisky的smoky回甘味再提高。再加左少許金巴利同君度酒帶出非常濃郁嘅橙香, 非常開胃易入口。加埋大方形冰塊, 更把喝威士忌品味提高。輕煎北海道鮮帶子, 煙肉勝瓜, 雲耳, 半乾車厘茄, 香辣蒜汁扁意粉 $188 帶子好厚肉鮮甜, 食落好彈口, 再配其它配料好有口感。意粉份量也很大, 兩個人食都好足夠。香辣蒜汁好厚身, 味道香濃而不膩。Gillardeau  吉拉多 $68 (市價)難得有至愛嘅生蠔食, 當然要試下。餐牌款式算多, 但可能不是季節, 只有五款可選。最後點了一隻Gillardeau, 果然不失所望, 非常有海水鮮味且香甜同厚肉。好想整多隻, 但已經有點飽, 所以留返下次再同朋友試。野菌黑松露菌醬比薩 ( 黑松露菌醬, 野菌, 莫薩里拉芝士, 白松露油, 洋蔥,  火箭菜, 俄勒罔) $168芝士味有點蓋過黑松露味, 但依然十分香口。比薩夠哂薄同脆口, 但配料有點少。如果單點pizza未必夠喉。…Read More

同女友逛開銅鑼灣, 晚餐突然想食日本野, 但一般壽司拉面又食到有啲厭。想找一間有比較有特式嘅日本餐廳, 發現呢間心之食堂嘅食物不但外觀有特式, 價錢也非常合理。佢有別於一般刺身壽司, 佢特有心心型飯, 刺生杯及各種串燒。外型非常有特式, 打卡一流。原燒牛舌心 1串 $58牛舌厚身又爽口 帶點鹽味 非常惹味。燒雞軟⻣  $38軟骨脆囗 送酒一流。心之荔枝清酒特飲 $58非常香嘅荔枝味 清酒易入口 配食串燒一流。海膽蟹籽杯 $68海膽非常新鮮 又厚身又大件 配少少蟹籽飯 非常出色。心心三文魚飯 $78心型飯外觀吸引 熟三文魚配飯 非常香口 唯獨底砂糖有點甜。…Read More

今次Lunch專程來到麵尊位於銅鑼灣分店, 之前都一直去開上環嗰間。下午繁忙時間門口依然要排隊, 但輪候時間相比上環店短。門面的霓虹燈夠哂時尚新潮, 融合了香港傳統特式及地道車仔面風味。內部的裝修非常舒適乾淨, 重點係食物依然保持到水準。自選車仔麵 $10/餸 四餸一麵 $50點了四個餸加一個幼麵底 餸非常充足 比外面好多車仔面足料 平均每樣超過五六件 超值! 麵底也十分充足, 没有加底也夠飽。值得一讚當然佢個湯底, 腩汁夠濃且食完不口渴。佢地自製嘅麻辣醬簡直令人開胃, 少量已經夠麻辣, 岩哂食得辣之人。豬皮爽口 軟身剛好 夠哂入味!豬紅十分推薦 本人覺得比市面上嘅彈口入味。東菇超彈口 且有菇味。雞腎爽夾煙靭 好有口感 數量亦多。幼麵份量算多, 之前試過佢嘅油麵同米線, 都非常滋味, 全因湯底做得好。 銅鑼灣分店多了一項服務, 就係會主動幫你加湯。埋單五十蚊, 性價比算高, 一個會令你試完再試嘅車仔面。…Read More