Cheerful Sky Cuisine (Closed)

今日同家人一同五人去了位於觀塘宏天金融大廈嘅酒家食晚飯, 見佢海鮮齊全價錢又幾吸引, 一於決定陪屋企人試下。除左有任食火鍋仲有一些海鮮套餐, 好似幾超值。仲有啤酒, 庶水, 果汁及汽水任飲, 竟然平民價就食到海鮮全宴。我地最後點左個十全十美海鮮宴, 雖然呢個係四人餐, 但都足夠我地五人食。咁岩果日係阿哥生日, 仲有壽包及奶皇千層糕贈送作為甜品。非常滿足!

十全十美海鮮宴 (4位用) $958 + 1位每位加$200
紅燒皇子乳鴿兩隻
肉質嫩口, 皮脆多肉, 非常可口。

1

紅燒皇子乳鴿兩隻

勁蒜蒸元貝
蒜味好香, 元貝厚肉但稍微不夠火喉。

勁蒜蒸元貝

薑蔥粉絲蟹煲
多蟹肉同多粉絲, 非常入味, 薑蔥非常惹味。

薑蔥粉絲蟹煲

清蒸游水龍躉
夠鮮肉厚同肉質嫰滑, 非常大條。

清蒸游水龍躉

上湯龍蝦伊麵
伊麵有點水, 但芝士不濃所以不膩。龍蝦加分, 厚肉鮮甜。

上湯龍蝦伊麵

椒鹽鮮鮑魚
鮑魚太細, 但勝在有口感, 但這個價錢不要要求太有鮑魚味。鮮魷彈牙, 西芹香口。配啤酒一流!

椒鹽鮮鮑魚

酥炸大生蠔
保留生蠔鮮味, 酥炸外脆內軟。

日式清酒煮大蜆:)
清酒清甜配大蜆帶出甘香, 大蜆肉質厚身彈牙。

日式清酒煮大蜆

杏汁燉白肺
花膠爽口, 配杏汁非常香甜潤口。

杏汁燉白肺

濃湯野菌浸鮮蔬
最後食個菜加野菌幫助消化, 非常滿足。

坦白過呢個價錢真心超值, 以後食海鮮又多一個地方選擇, 下次試下佢地既火鍋先。