怡BEE..=]'s Profile

灣仔，出名餐廳林立，種類繁多😎今日諗住來個靜靜地一人lunch，就去試Mr. 🦀 Crab啦。之前都有食佢係尖沙咀既seafood dinner，但灣仔分店就未試過，一於衝入去食個lunch先。差不多中午1點，不用等位，直接入座，見到餐廳都起碼有80%滿座，心諗應該不錯😎午餐菜單，睇來選擇也不錯，餐配有沙律及飲品，價錢可接受。睇名，似似地Fusion菜，上到桌面，第一啖食落雞肉質感超級乾身，完全無味，伴菜沙律又好咸..🥲總括來說，灣仔Mr. Crab的午餐，可一不可再，晚餐的話都需要一點勇氣再敢嘗試，很失望…Read More

2018年開始將成為石門人，只因新公司在石門，午飯之選就當然要搵下附近有咩米線🍜舖食啦中午12點幾，全店滿晒人，不過幸好店員的幫助，等左大概10分鐘，我地同行7人都能被安排入坐。裝潢比一般的米線店有心思，有特色，感覺有點像譚仔路線的米線店，而不是雲貴香果隻。望一望菜單，見到都有幾種湯底揀，特別欣賞可以選擇小米線，價錢會-$1，對於女仔來講，的確加分首次見到有茄辣之選，但比其他湯底貴$1，總共要加$2，不過我好新奇之人，最後都選擇左食呢一隻湯底。上菜速度10分快，等左大約5分鐘便已上齊，小辣，湯底都有譚仔4/5小辣的程度，而酸度則是白酸菜帶出，可能辣味較出，所以蕃茄味被比下去，附加魚腐大大塊，足足有成4塊，味道亦不錯米線少米線，但係唔會唔夠食，對於一個女仔來講，份量絕對是剛剛好。同事點的糊辣湯底，有一陣陣很香的胡椒味，而辣度剛點選了微辣，剛好入口，簡直係湯底都想飲多兩啖阿總體，不過不失，味道不會是很出眾，但可以以多種湯底取勝。…Read More

天氣開始凍，其中一項最好的節目當然係去打！邊！爐！好似都年幾前荃灣新開左間馬辣台祖火鍋店，同朋友去試左水準幾高，今次旺角開分店，又即時去嘗試。今次旺角分店睇落比荃灣更大，更闊落，坐位更舒適，而裝潢方面亦都落左啲心機。食物櫃有兩面，基本丸類齊全，可見到有台灣的丸子燒，口感像糯米滋。驚喜的是見到有魯肉蛋及珍珠飯，加埋便是魯肉飯？但可惜因爲太多野食，要留肚，所以只好留待下次先再試！另外，火鍋醬汁亦是重要的一環，見到咁多個碗，無錯阿，就係兩大排，咁多樣選擇，隻隻都唔同，並不是重覆的！飲品方面都是基本飲品，但佢另外仲有一個櫃係有得揀樂天飲品的，以及荃灣分店都有既花茶，即沖雀巢咖啡或朱古力機都有既，當晚沖左兩杯朱古力飲，足夠朱古力味，唔會話溝左太多水，唔夠朱古力粉搞到好淡味；花茶則有薰衣草，玫瑰🌹，烏龍茶等，可以用小茶壺自己溝味。食物方面沒有多影相，都是離不開羊豬牛，而牛仲有幾隻可選擇，令我再有驚喜的是竟然有鱔食，愛鱔之人一定唔可以錯過啦淨係我一個人都食左四碟，而每碟都會有三小塊簿切。埋尾部分：甜品櫃，有數款水果及多種一人甜品，都是以慕絲及啫喱為主，口感好滑身，而家賣相都有啲心思，讚！最後來到雪糕🍦部分，簡直令我揀唔到手，因為雪糕櫃一共有三個，而每個櫃都是不同選擇的，其中更有雪葩及榴連味可選，而雪糕則是Dreyers，及有多種雀巢的雪條及糯米滋等。因初開業，免加一，每人$168，以此食物質素，絕對值得去嘗試，成晚過程都沒有拖單或掉單的情況，即使同店員單點，佢地轉頭都會好快送上桌，期間老闆仲向每桌的客人親自煮牛食及作簡短的食物介紹，誠意可加！種種因素加埋，絕對稱得上一個好評！…Read More

知道呢間小店在今年已開張，一直都好想去嘗試，可惜因爲店位置不近家，對面是工廠區，所以遲遲未有機會嘗試。今早近工作完後可在葵芳搭43A，屏麗徑站落車，一落車便見到該店。下午一點左右，見到只餘下幾個位，有樓上共兩層，但下層只有約10個位，而且位置都十分緊迫。見到店內裝修有點心思，亦有多人在外叫外賣，可能剛好撞正是午餐時間。價錢合理，選擇都是基本款。會多一隻招牌豬軟骨，但今次並沒有嘗試。因首次嘗試，辣度寫了中小辣，隨後男店員告知，並沒有中心辣，可先試小辣，如不夠辣就再加至中辣，如此細心可一分，因為外面好多米線店都最好話如不夠辣，隨後只能加辣椒，或直接ignore你所要求的辣度，隨意落辣椒🌶️。落單後不到五分鐘已上桌，是幼身的扭紋薯粉，彈牙，而湯底叫左小辣，並不是以辣油為主，而是有辣椒🌶️粒，令到湯底更為香，不單只是有辣的味道，但如是喜歡食辣者建議可嘗試食中辣，因小辣實在太唔夠喉了配菜點選了豬腩肉，連皮半肥瘦，好稔身，帶有豬皮入口更香，入口即溶的感覺阿！…Read More

見到呢間拉麵店在不同的地方都持有高評價，難得佢在屯門開分店，當然唔少得！取址於屯門市中心，十分方便，午市到店內，人不多，可即時入坐中間位置有一個小屋台，好有日本🇯🇵風味係日本食過天下一品的雞湯拉麵，一直念念不忘，故此見到有呢個湯底就即時選擇！可惜飲不出湯底有雞味，而且極為淡味，而雞肉肉質好稔身，雖然有醬汁伴口，但係仍能食得出雞件不太新鮮，充滿著雪藏味，不好食面則是幼身面，彈牙，如特別想軟或硬身可另外再同店員要求。辣味湯底點選了中辣，配上一條辣椒🌶️仔，不會太辣，味道足夠，豚肉會比雞件較好，稔身濃味，有一部分是肥肉；溏心蛋只是溏心，沒有蛋的香味。午市加$12可配一份炸雞或餃子， 餃子共有五隻，配上餃子汁，不過不失，而需留意，店內的餃子汁醋味較重。成為會員的可免費一碗枝豆，枝豆表層佈滿黑椒及椒鹽，在進食豆時會多點味道。總體而言只是中等，沒有驚喜，也不是太過差，可能真的如男朋友所言，我的要求太高了，以香港🇭🇰質素的拉麵而言，應尚算中上吧。…Read More

今日同娘親搵素食店，食到入屯門餐廳位於一間舊式商場內，而店舖面積不算大，沒有光鮮的裝修。下午兩點半左右到達餐廳，餐廳有一半客人，而剛坐下向店員詢問洗手間時，店員的態度亦有所欠缺，之後到隔離枱想點餐時，亦聽到他們對店員的態度有所投訴，看來這一點認真需要改善一下:(素食點心紙，種類繁多，而且價錢亦不貴，同時亦有午市餐單。而當天我剛好在優惠時段進餐，所以以下餐單的小菜均有半價優惠講到明係招牌菜，當然要試吓啦醬汁開胃，咕嚕肉好入味，菠蘿不會太酸，有點甜甜的味道，整體來講好食然後再嗌多一個午市套餐，炒飯值得讚，因為推開並沒有見到太多油份在底，而且每粒飯粒都炒得分明。例湯並不是想像中的味精湯，而是清清地，沒有太濃口味，飲晒成碗之後都唔會覺得頸渴。套餐可以加多＄10附上油菜一碟，菜心清甜，連娘親食物都讚新鮮如果又想食素食點心，或者小菜，呢一間小店的確是不錯的選擇…Read More

忙碌工作後一人到isquare嘗用午餐，大餐廳，相信都係品牌餐廳，在OpenRice之際見到有一間未試過的泰國菜館。餐牌都算多選擇，以此價錢在此地點，感到合理。被分配到入面的一張小二人桌，而則面有數張靠窗位置。先上餐湯，很清甜，而套餐亦有配上餐飲品，有龍眼冰，紅豆冰可選，並不用額外加錢。最後點選龍眼冰，龍眼味很淡，甜味也不多，都是清清地的味道。雞件肉身十分滑，有少許雞味，配上雞油飯，醬汁，的確不錯！而雞油飯入口不會感到油淋淋的感覺，飯粒分明，醬汁帶點酸辣味，更為開胃！一人午市不錯之選，在用餐時見到隔離桌點選炒河粉，較油面，但好香，下次亦可一試！…Read More

今晚同行4人到18樓食雞煲，其實係大鴻輝中心入面都已經有好多間火鍋店，所以係晚飯時候在地下排電梯上樓都會十分多人，好多時都會在商場外已見人龍。當晚一早已訂座1830，4位，一半人數已可被安排入座，1830入座，2100交桌，全餐廳都是以卡位形式，惟靠窗邊的卡位需以6人座。一坐下，朋友未到齊，店員已這在旁邊，說即時幫你落雞煲，本心想雞煲應該都要等10-15分鐘上桌至熟，而朋友亦在樓下等電梯上來，所以便即時下單，時間應該剛剛好，誰知一分鍾後雞煲已到，而店員更告訴你所有雞件已全熟，可即時食用今次叫左小辣，但完全沒有辣味，感覺下次可試中/大辣，雞件雞身較乾，細舊，骨大，但係汁料好濃味，份量可能因為比較細舊，所以食到差不多都會想加湯，不想再食雞件。加餐廳建議加到2吋高度，而湯需自行出蔬菜雪櫃旁邊取，不是清水，可讚一點見到菜單上，有數款較特別的食物，例如：芝士豆腐，台灣一口腸，麻辣雞粒等⋯而最最最令我感到驚喜必定係白鱔片，雖然很簿切，而每碟只有三塊，但是入口很爽，又不會太油脂的感覺，正，我自己一個人已經食左三碟每次出菜的份量不會太多，你預四人的話，便是每人一粒/一份，我覺得都幾好，因減少出現叫左，食唔晒浪費的情形。圖上左下角的為自家製響鈴，入湯後的確好好食，配合濃郁湯底的味道，而且又不會太過油口感！是日海鮮推介係聖子BB，入口好多沙，於是只好每人食左一隻便沒有再食埋尾當然要食返一杯甜品啦，而餐廳係有乳酪及雪糕可選，更有多種toppings及醬，所以的確很不錯，而且不會太過稀身或水份重是晚乳酪有：原味及西瓜味；雪糕有：原味及草莓🍓味。而整晚都沒有出現漏單情況，而家又不會等太耐，埋單四人連加一$770，普通可一試的，特別係愛食白鱔之人喔…Read More

天氣開始凍，今晚就同家人一齊到旺角試一間新火鍋點先晚上7點30到店，都未算太多人，而餐廳內並沒有卡位，全是圓桌，但係又唔會太逼，因為佢會係每張桌既隔離放一張長方形小桌放置火鍋料，所以桌面上唔會放到無位擺。大圈為芫荽雪梨湯底，清清地，而中間則是麻辣底，鴛鴦鍋不用加錢。麻辣鍋底見到有好多大辣椒，麻子數量則不多，而面層都多油，入口只有辣，沒有香，並沒有麻，對於嗜辣之人一定會好失望雞身較乾身，骨頭較大，肉質並沒有雞味，相信是雪藏雞，完全沒有新鮮的味道。生蠔洗得算乾淨，但蠔身較細粒，沒有太大的腥味，可一試。羊肉片有輕微的”so”味，不會un，肥瘦分明，算是不錯。全晚最喜歡及有驚喜一定係呢道魚卜，因好少火鍋店可點，而且價錢也不貴，好有咬口，好味道！埋單三個人連加一菜水，合共$499，價錢可接受，但食物就真的平平，如是不貴的自選火鍋可一試！…Read More

一向都比較鐘意為小店寫食評，一來覺得大食店已概有品牌，二來亦都希望能為小店帶來正面的支持係石籬想食魚蛋粉，除左石蔭果間之外，今日經娘親推薦之下，去左呢間石籬老店魚蛋粉一試。店少，煮食位置不會太大，但都比想像中細，客人入來，店內姐姐就個個都好似朋友咁，言語間有種街坊人情味。傳統魚蛋粉選擇，但見到有我的鯪魚肉，當然要一試啦！5分鐘上到桌，因今次我坐的位置比較近煮食位置，所以特意聽到店舖阿姐落單後同廚房講，鯪魚肉必定要等客人落單後先煮，唔好預先煮熟浸在湯內，咁樣先會夠彈牙及好食米粉比較硬身，我可接受，爽口，鯪魚肉入口好滑，不會帶糊口的口感，彈牙，食得出絕對是手打，而且好多材料在內。除左見到的蔥花，魚肉，另有洋蔥製成。配上店內的白胡椒粉，醋，辣椒🌶️油，不失美味！石籬人，的確可一試阿！…Read More

熱香米線，更愛薯粉既我，今日係屯門試一間新店，街坊裝修，平民價錢，感覺好一般。入到去見到菜單，唔單止有米線，更有扒飯，仲有餃子，比想像中多選擇。豬頸肉薄身，有6-8塊，數量都足夠，湯底一上桌見到好厚一層油在面，以為食落口會好肥膩，但原來都唔會。小辣：辣度及麻度都有少許，如食到譚仔3至4辣或嗜辣者，建議可叫中辣。薯粉需另加$2，但有驚喜，係超幼身的薯粉，硬度適中，好似粉絲，咬落好有口感本以為炸醬撈會比較奇怪，但李公子一試就不停讚好，炸醬夠多，夠味，只可惜唔夠辣，但可自行加辣油，而辣油都好香，牛丸彈牙，有啲似係手打果隻，再一次有驚喜沒有期望，就沒有失望，更有驚喜，雖然亳無裝修，但係的確可一試！…Read More

平價意大利🇮🇹菜一諗就諗起呢間餐廳，晚市食得多，下午菜又真係未試過喎。中染新城大翻新，餐廳轉左上三樓，感覺好似比以前細間左，但係坐得都舒服。環境都係一貫作風，及會禁鐘叫待應生落單。菜單價錢真係幾平，重點係套餐價配埋飲品吧，平時則要以每位加錢，呢點讚選擇包括左飯，意粉，Pizza，鐵板餐，以下午菜餐來講，都算多。友人點叫的鐵板餐，成碟都好香口嘢味，漢堡扒比一隻手掌心咁大，而且食落口仲好juicy!至於我就叫咗個意大利飯，雖然見到有好多番茄，不過食落口就完全都冇番茄味，總括嚟講啲飯嘅味道都係好淡，只好自己加胡椒粉同辣椒仔落去調味；飯底有多汁，所以飯身都會比較爛，實在唔建議叫呢樣雖則如此，但係套餐可免費配飲品吧，沒有加一收費，以此合理的價錢，絕對係慳錢嘅好選擇…Read More

靠得住一向都係我同李公子既清淡之選，今日午市唔知揀咩好，一於去屯門間分店試下先，店舖比起葵芳大間，但在門外仍然需排隊，等兩張桌。午市都算多選擇，有菜飯及白飯餐，背面更有平時都可以叫到的粥餐配不同小食，要留意一點，只有數個套餐跟菜飯，其餘都要+$5。特別留意飲品方面，有多種選擇，面大部分都熱飲不需額外加錢，實在不錯落單時，店員同我講因需即時蒸，所以需要得15-20分鐘，李公子見我想食又唔趕時間，都決定落單一試。結果只係等左10分鐘左右便上桌，聞到已經好白蟲草花味，份量都幾多，伴菜有豆腐卜，雞肉比較hi身，但係點碟底啲汁都幾好食；而菜飯，面有一層油，正確啲來講：應該係話菜油飯。不過入口都好食，菜都好多，可惜太好食，想份量再多返啲…Read More

粥底火鍋相信都係成日聽到鍋心，今晚終於可以同到一班朋友去食啦，同行8個人，一個星期前預約桌，共有三個時段，我地揀左第二個時段就係2030-2230，即使你提早到場，亦都只可以準點入場，因為上一個時段需要清場。店舖賣點：廉價食海鮮食到飽，我都好期待海鮮質素如何如同其他粥底火鍋店，每一樣食物都會有指定時間教學，因為每一種食物所需煮食既時間分別都不同；除左menu上的指定海鮮外，更可在菜單選擇五款食品，其後如需追加其他食物就需要額外加錢。前菜沙律只有一盤，我地成班人，一人夾一兩舊都已經唔夠食話雖如此，生菜及紅蘿蔔都好甜，比想像中好食！先上海蝦，上到桌仲係跳緊既，每人都會有三至四隻，味道尚算鮮味，但唔會太大隻。蟹超多膏，而且係超鮮味，肉多，蟹膏濃味，使落左鍋仲係郁緊想爬出來，眼白白睇住佢地落鍋煮都有少少驚，每人只有半隻。鮑魚如手掌心大隻，屬中型size，口感算彈牙，沒有沙，洗得都先乾淨，都係每人一隻。扇貝都係每人一隻，落左水之後會縮水，所以好似無乜點食過添上網做左功課見到好多人都推薦呢道手打丸，份量都算多，入口食到雞軟骨，好有咬口，都不錯當見到上碟係整一條魚即時心心眼，呢類魚肉身較扁，骨大條，容易食，唔會有太大既魚腥味，但要注意煮食時間，因如時間太耐魚身會變淋，然後啲肉會散開。女性朋友揀左花膠，但食落就完全沒有花膠味，反而十足十似豬皮味道，唔推薦。打邊爐點可以少左牛!!!塊塊都肥度平均，入口夠牛騷味，唔會hi口，正，必點！最後到左成晚既重點，經過多種海鮮洗禮既粥底！配以幾重伴菜，當中有：芫荽、蘿蔔絲、榨菜絲、油渣粒。加落碗粥底，更加香，而當中以蟹味最出，果然係新鮮蟹，有啲似食緊澳門既水蟹粥$198/位，免加一，的確不錯，絕對值得回頭再食！…Read More

自從上次第一次食左呢間小店之後，成日都好想再一試佢既水煮魚，今日剛好李公子放優，相隔數天，又來到食返餐辣辣午餐先！雖然相隔時間短我又再次為呢間餐廳寫食評，但今次都特地叫與上次不同的食物，同大家分享返唔同的選擇紅薯粉照舊，小辣，但配以豬腩肉，一碗約有4-6塊左右，每塊都大塊，而且肥度不會太誇張，肉質比較乾身，味道沒有太大的衝擊，還是上次的口水雞好食！今次當然唔少得老闆娘介紹的水煮魚，底部有大量芽菜，而魚則是成條上，並不是魚塊，有驚喜！除左魚頭沒有之外，本條魚連尾部都在，而魚質好滑，而且不是小骨，方便食，唔會有太大的魚腥味，大大塊魚足足有6-8塊，絕對足料！今次更勇氣可嘉地，嘗試中辣，一入口，與小辣沒有太大分別，相隔後秒入口後，辣感開始在口腔展開，慢慢到個胃都會好暖，但係口腔內並不會出現又麻又辣，再食唔落既情況，簡直係越食越爽強烈建議愛食辣之人食中辣，因小辣完全沒有味道，只有中辣或以上才能真正食出四川菜的美味！…Read More