aphaydenv3v's Profile

醬炒牛肉石鍋芝士拌飯拌飯係熱石鍋加入芝士炒勻，令芝士係半溶狀態，啖啖都係芝士香！拌飯配料超多，口感好豐富！牛肉係偏甜嘅，好韓式嘅調味。薯仔排骨湯薯仔排骨湯係我去韓國係次次都飲的，係韓屋呢到食到嘅都一樣咁正宗。排骨燉得幾腍身。湯底鮮味濃郁！薯仔片索滿湯嘅味道，配飯食更加正。餃子王/泡菜餃子王呢到嘅餃子都係必食，餃子王大大粒，皮薄餡多！韓國嘅餃子肉餡比較綿。個人比較鍾意泡菜口味！Peach Juice/Peach Soda呢度仲有好多款韓式飲品選擇。酒精及非酒精都有。Peach Juice桃味濃郁吾會太甜。而Peach Soda比較甜，想飲有氣飲品嘅時候可以揀。…Read More

西營盤呢間有氣氛嘅小酒吧係法國人主理。入邊有幾張枱仔俾人揀適合自己嘅酒坐低飲。亦都可以入去選購紅酒或者白酒。今次我哋揀咗坐喺窗邊位，一邊飲酒食下小食一邊望住出邊嘅街景傾吓偈。令到呢個假日過得好chill！White wine我地一杯揀咗果香味重啲，一杯揀咗比較清新啲。白酒比紅酒更加易入口，岩一啲平時少飲開酒嘅朋友。而老闆都會好客地問清楚你嘅喜好而推介適合你嘅酒。France oysters法國生蠔海水鮮味濃，生蠔嘅肉質好柔滑。Cheese platter 今次拼盤揀左兩款芝士，有Camembert cheese同blue cheese。Camembert cheese質地好順滑，奶香味濃。而blue cheese食落去質地比較實淨，味道比較強烈，鹹香味出啲。除咗芝士拼盤仲有smoked ham，sausage同法式三文魚醬。呢個三文魚醬塗係麵包食，係十分之夾！麵包會烘到熱辣辣先上枱，就咁食都已經好好食了。下次會再黎呢到享受白酒同芝士🫶🏻！…Read More

Tera一向都好出名食pancake ，今次特登為咗新推出嘅杜拜朱古力pancake過去食！佐敦店雖然店舖唔大，但係入邊係原木和風嘅裝修，彩光亦都幾好，所以都幾鍾意呢間舖嘅感覺。杜拜朱古力pancakePancake面頭鋪滿比利時朱古力同埋開心果脆脆，增加咗整體嘅口感！梳乎厘Pancake鬆軟，質地偏向濕潤。梳乎厘Pancake嘅蛋香味配埋濃郁嘅朱古力醬，好滿足！All day breakfast 全日早餐(Deluxe 豪華)自己偏好有窩夫嘅全日早餐，所以呢個就啱晒我！窩夫脆身，有蜂蜜嘅香味。黑松露炒蛋都係呢盤早餐嘅靈魂！炒蛋好香滑，配上香濃嘅黑松露好夾。而切咗片嘅炒啡菇調味亦都幾好。整體蔬果都好新鮮。帆立貝明太子蟹肉扁意粉帆立貝有兩大粒，面頭有大量嘅蟹籽。Creamy嘅醬汁入邊充滿蟹肉同明太子，每條意粉掛滿濃郁嘅醬汁。建議呢個同朋友share食！芒果生椰乳好夏日嘅特飲，酸甜嘅芒果醬配上椰乳，唔會太甜，亦都好解渴。黑枸杞黑糖桑葚茶好啱女士飲嘅熱茶。有黑枸杞、桑葚、紅棗片、玫瑰嘅黑糖茶。味道少少酸甜，淡淡嘅黑糖味。有時想飲返杯熱飲，就可以試試。…Read More

九龍城呢間泰國餐廳，食物款式種類好多，價錢相宜。如果想食正宗泰國菜，好推介過嚟試吓！老闆娘都會好熱情推介熱門嘅菜式。咖喱炒軟殼蟹炸脆左嘅軟殼蟹沾上甜甜辣辣嘅咖喱，超級惹味！軟殼蟹炸得酥脆，入邊都食到唔少蟹肉，可以再叫埋蒜蓉包點埋咖喱汁一齊食！冬陰海鮮湯冬陰海鮮湯入邊嘅材料好豐富，有大蝦、蕃茄同草菇等等。冬陰功湯調味甜甜酸酸，十分開胃。而且有個火爐熱住，唔怕啲湯好快凍。燒牛仔骨牛仔骨肉質軟腍，燒到少少脆邊，點埋秘製醬汁更加好食！泰式炒金邊粉金邊粉炒得幾有鑊氣，配埋大蝦、蛋絲、芽菜同蔥等等配料，調味甜甜辣辣，係泰國正宗嘅味道。西瓜沙冰 椰青沙冰好解渴，唔會太甜，飲得出係新鮮西瓜打成的沙冰。椰青好大個，椰水好鮮甜，係食泰國嘢必嗌嘅飲品啦！…Read More

呢間位於尖沙咀嘅串燒鋪絕對係Happy Friday嘅好地方！串燒選擇多，有啲特色嘢食出邊好少見。嘢飲種類都好多，酒精及非酒精嘅都有。星期五晚同weekend仲有live band表演！-蒜蓉燒生蠔生蠔大大隻，鮮味嫩滑，配埋蒜蓉一齊燒，超級惹味！-汁燒紫蘇雞皮蝦出邊未食過呢款串燒，燒脆左嘅雞皮包住蝦肉，入面夾住紫蘇葉，呢個配搭都幾特別！-燒原條茄子茄子索滿蒜蓉香同醬汁，好食到好快清晒啦！-溶岩炸蝦球外皮脆卜卜，入面嘅蝦丸都幾彈牙，夾心仲有流心芝士！配埋蜜糖芥末醬，更加有層次。-鹽燒雞中翼外皮燒得脆卜卜，好鹹香。-燒滷水豬大腸豬腸薄切，燒到脆脆地，食落有甜甜嘅滷水味。-孜然紅柳枝羊肉羊肉調味得幾出色，香料減低羊騷味，亦燒出油脂香。-汁燒油豆腐燒油豆腐，燒到脆卜卜，沾埋辣椒醬食更加好食！-蜜糖燒菠蘿菠蘿燒得啱啱好，好juicy。-香燒娃娃菜娃娃菜燒完都唔會太乾身，保留到菜嘅水份。有時食串燒唔想食太多肉，就可以嗌蔬菜食下。-炭烤吐司吐司搽滿牛油，烤到好香脆！食完唔夠喉，再嗌多片！-炸芝士年糕芝士年糕煙煙韌韌，面頭淋上煉奶醬，好邪惡！-夠莤汁燒牛肋肉牛肋肉索晒芫荽汁，肉質鬆軟，仲好Juicy。-椰子雞湯估唔到串燒舖都有湯飲，椰子雞湯好清甜，食完串燒，飲返碗個胃都舒服返晒。重點推介呢度嘅mocktails！大大杯之餘，味道亦都特調得好好。-鳳仙起舞菠蘿做基調，加入熱情果醬同檸檬汁係梳打度，飲落好fresh，唔會太甜。-熱情歌唱熱情果做基調，加入荔枝醬同檸檬汁係梳打度，飲落去果香味幾突出。…Read More

蛋包虎蝦炒金邊粉薄煎蛋皮包住金邊粉，面頭仲有大大隻炸虎蝦，好香脆！金邊粉酸酸甜甜，幾有鑊氣，最重要係上碟嘅時候夠熱，份量又多。見到有幾枱都有叫呢個金邊粉，應該算係招牌菜！香葉肉碎煎蛋飯肉碎有得選擇微辣或者辣啲。肉碎配上香葉炒，炒得好香，配埋煎蛋送飯一流！串燒(雞、牛、豬)(菠蘿)(雞髀菇)串燒燒得好香炭燒味，沙嗲醬好正宗！比較推薦豬肉串。燒菠蘿同雞髀菇都好Juicy！珍多冰 泰青檸茶珍多冰好重椰奶味，入邊嘅斑斕粉條好滑溜溜。泰青檬茶酸酸甜甜，好開胃。…Read More

無花果脆皮雞煲呢度招牌嘅脆皮雞一定要試下！雞件分左一碟碟咁上，淥30秒就食得。蔥粒醃好咗嘅雞肉肉質好鮮嫩，雞皮爽身彈牙！雞肉淥左30秒岩岩好熟透，唔會令啲雞乾柴。湯底好足料，無花果同粟米令到個湯好鮮甜！因為個湯好好飲，所以叫埋個娃娃菜就可以令啲菜吸晒湯入邊啲精華！海鮮拼盤海鮮拼盤有鮑魚、生蠔同大蝦。每樣都各有四件。可以同朋友一齊share食。鮑魚好彈牙，生蠔大大隻，而大蝦都幾新鮮！臘味煲仔飯煲仔飯入邊有臘味亦都有芋頭粒，熱辣辣嘅煲仔飯淋上甜豉油，食落去好滿足！芋頭粒煮到好軟綿，而飯焦香脆焦香。桃膠椰子凍椰子凍質地好似布丁咁，椰子味極濃！鍾意食椰子甜品嘅朋友仔一定要試下！…Read More

尖沙咀嘅日本居酒屋有好多，不過沃川係一間令我念念不忘嘅高質日本居酒屋。最近想食正宗嘅日本菜，所以今次一於再到訪！自選刺身拼盤今次點左油甘魚腩、牡丹蝦、廣島蠔、鯛魚同八爪魚。厚切嘅油甘魚油香十足！牡丹蝦好鮮甜。最正係廣島蠔大大隻，好肥美！呢度嘅魚生份量都好足！價錢亦算公道。自選串燒串燒簡左雞腎串、雞腳筋串、牛舌串同鴨心串。燒牛舌同鴨心係我最愛。牛舌質感柔軟，調味鹹香惹味。燒鴨心出邊唔係成日都有得食到，味道好香濃。鹽燒鵪鶉髀今次喺第一次食鵪鶉髀，鵪鶉髀細細件，燒得外皮微微有炭燒嘅焦香，肉質仲保持到嫩滑！非常適合配啤酒或者清酒。燒牛小排牛小排肉質鮮嫩，控制火候燒得啱啱好。濃湯蝦烏冬烏冬彈牙，蝦湯好濃郁鮮味！配料除咗有蝦隻仲有櫻花蝦增加口感。龍蝦沙律龍蝦肉質紮實，面頭蟹籽都幾多，口感層次豐富！…Read More

每次黎西貢，都幾鐘意係m square食個lunch或者tea。呢度個環境好寬敞，坐得舒服。每次黎到都有種遠離繁囂嘅感覺。Lobster Mac & Cheese龍蝦好鮮味，肉質好彈牙。每粒通心粉都掛滿香濃嘅芝士醬。面頭仲鋪滿拉絲芝士，芝士愛好者必叫！Le Foie Gras Burger充滿油香嘅鵝肝、juicy嘅漢堡扒。呢個漢堡包滿足晒2個願望。Burger入面有搽果醬做點綴，做到解膩嘅作用之外，亦都令味道更加有層次。而伴碟嘅薯條充滿薯蓉，炸到脆卜卜。Coco PB Milkshake & Chocolate Milkshake 呢到嘅milkshake係我每次黎都要飲的！一杯叫左夏日限定嘅花生醬朱古力奶昔，第二杯係朱古力奶昔。第一次飲有花生醬嘅奶昔，比想像中好飲！花生醬令奶昔嘅質地更加香滑！不過就有少少遮蓋咗朱古力嘅味道。而朱古力奶昔就明顯更重朱古力味。…Read More

台灣人氣茶飲店UG TEA登陸左旺角朗豪坊啦！今次就係想去飲佢地新登場既兩款哈密瓜飲品。聽講係好似香水咁有分前調、中調同後調都感覺到唔同味道。哈瓜奶茶🍈前味:哈密瓜甜香 中味:濃郁奶香 後味:茉莉花清香傻瓜奶茶🍈前味:哈密瓜甜香 中味:濃郁奶香 後味:芋香哈瓜奶茶以經典三窨茉莉花茶做茶底，而傻瓜奶茶就以糯米香做茶底。兩杯都飲到清甜既哈密瓜味。而我自己就比較鐘意哈瓜奶茶，茉莉花茶既清香令到整體更加有層次感。而傻瓜奶茶覺得更加適合鍾意奶香味既朋友。指定優惠內容：即日起至8月31日，1️⃣購買任何哈瓜 UG 奶茶系列飲品加$10 多一杯同系列飲品🥤2️⃣於Google評分留言優惠 免費加料📍旺角亞皆老街8號朗豪坊1樓18B號舖📍藍田匯景道8號匯景商場4樓2A1號舖…Read More

今次係大坑發現間日式小店，店舖雖然細細間，但係樓底高，采光度幾好，所以都坐得幾舒服。今次嚟到見到午市套餐幾吸引，所以我哋嗌咗兩set試下。可以揀主菜再拼小食連沙律同飲品，價錢都幾相宜。呢度主打拉麵、烏冬同日式小食。日式炸雞稻庭冷烏冬配芝麻雞翼炸雞大大粒有三件，熱辣辣炸起都幾juicy。鰹魚汁冷烏冬真係岩曬呢個咁熱既天氣食！烏冬配有蟹柳絲、青瓜絲、紫菜同糖心蛋，撈埋一齊食口感好豐富同埋烏冬夠彈牙。而芝麻雞翼炸到外皮脆卜卜。辣豚骨湯拉麵配章魚小丸子拉麵有2塊燒叉燒，叉燒肉質幼嫩。湯底香辣濃厚，個辣度都唔惹少。拉麵係幼身既麵，食落去有口感嘅麵質。而小丸子外皮炸得脆脆的，香口好食。燒三文魚腩串三文魚腩油脂會多小小，所以做到入口有少少溶化嘅感覺。水蜜桃梳打 白桃烏龍茶水蜜桃梳打偏甜，夏天飲梳打就是爽！白桃烏龍茶相對地就冇咁甜，比較清香。…Read More

饑餓館2.0位於係九龍城廣場地庫food Court入面。前舖位於鴨脷洲，係一間幾多好評嘅小店。今次轉左新舖位，決定過去試吓！食物質素睇得出係老闆好用心製作！價錢都好相宜，希望大家都多啲支持本地小店！肥牛炒蛋卷餅呢個配搭幾新穎，但係意外地卷餅包住炒蛋都幾夾！餡料好豐富，入邊嘅蔬菜足料又新鮮！外皮有彈性唔會乾身。主角肥牛肉炒蛋，蛋炒得香滑。而肥牛片更加增加到整體口感。仲有卷餅入邊包左巨量嘅芝士！香辣蕃茄肉丸烏冬烏冬面頭鋪滿勁多芝士，完全可以拉絲出嚟。肉丸索滿蕃茄汁嘅味道，而烏冬掛汁又彈牙。香濃嘅蕃茄汁好開胃又鮮味。仲可以揀辣或者唔辣。墨西哥雞翼雞翼新鮮炸起，外皮好香脆，墨西哥風味好咸香。係一款食完都繼續想食嘅小食！鮮炸薯條呢度嘅薯條比較粗身，入邊薯肉比較多！係我鍾意嘅一款！田園沙律沙律包含幾款新鮮蔬菜配上醋汁，幾清爽同開胃。呢款醋汁微微酸帶有小小甜幾特別。樽仔奶茶/檸檬茶奶茶奶味較重，唔會太甜，都幾香滑。檸檬茶酸味較突出，一樣都係微甜的，有解膩作用。…Read More

冒喜係間專食冒菜，四川菜既餐廳。餐廳提供多款秘製湯底選擇，有辣都有吾辣。宜家係香港已經有5間分店嚕。呢間係我有時想食川菜既好選擇。我哋叫左2個可以選擇6個配料既吉祥套餐既冒菜，第一碗叫左升級版香辣湯配上土豆粉，配料揀左潮汕手搥牛肉丸、墨魚丸、蟹籽蟹粉丸、貴州丁家脆哨、豬大腸同油麥菜。香辣湯惹味香濃，土豆粉吸滿香辣既湯汁！第二碗叫咗生椰蕃茄湯配白飯，配料揀左潮汕手搥牛肉丸、墨魚丸、滑牛肉、鴨血、海帶結同娃娃菜。生椰同蕃茄嘅結合，新穎得來估唔到有幾清新同埋幾夾！配料方面特別推介手搥牛肉丸、鴨血同丁家脆哨。牛肉丸彈牙鮮味，仲幾juicy。鴨血好嫩滑，而丁家脆哨食落去有少少似豬油渣，其實係由切成丁既豬肉經過醬油、鹽、醋同甜酒醃製後熬炸而成。食落脆卜卜，浸埋湯一齊食都幾增加口感！小食-秘製藤椒魚皮魚皮好有彈性，加埋藤椒涼拌好惹味！小食-惹味杏鮑菇杏鮑菇切左細片，所以食落去香辣味吸收晒係菇入面，好入味。飲品-洛神花山楂蘋果/酸梅青檸鳥龍茶呢2枝特飲都係酸酸甜甜，幾開胃同解膩。不過偏向有少少甜。…Read More

星期日放假嚟到灣仔嘅Odelice食個brunch。呢度嘅brunch set都幾多選擇。仲可以自己配搭唔同嘅甜品同飲品。頭盤(餐湯 炸辣蟹肉球)個日餐湯係翠玉瓜薯蓉湯，飲落去好Creamy！翠玉瓜做嘅餐湯比較少見，飲落去都幾有驚喜。而炸辣蟹肉球，食落有少少似炸薯波，外皮好脆！不過食落又唔覺得佢係辣。法國鴨肝鴨肉漢堡鴨肝都幾厚身，煎得幾香口。鴨肉切碎咗夾喺漢堡入邊，呢個配搭都幾夾！生菜同蕃茄中和到油膩嘅感覺。烤龍蝦燴飯龍蝦好大隻，加咗海量嘅芝士係面頭，好邪惡！Risotto個汁都幾香濃，蕃茄汁做底，酸酸地食落幾開胃！地中海大蜆鍋蜆肉大大粒，肉質幾鮮嫩！不過略嫌係有少少沙。榛子朱古力醬香蕉可麗餅可麗餅整得幾薄身，搽上滿滿嘅榛子醬，加埋煎香咗嘅香蕉。絕對係傳統又好味嘅法式甜品！飲品(抹茶青蘋果特飲 凍鮮奶咖啡)抹茶青蘋果特飲飲落去幾fresh，青蘋果配上抹茶味都幾特別。而latte都幾香滑，鮮奶比例較多。…Read More

今次嚟到呢間位於佐敦既情懷小店，係一間有糖水、小食同粥品供應既舖頭。絕對係夜晚想食宵夜既好地方。XO醬炒燒賣第一次食炒燒賣，食落都幾有驚喜。燒賣索滿XO醬，配上芽菜同埋椰菜一齊食，又幾有咬口！不過建議食得辣既朋友仔先好叫，因為會越食越辣。XO醬炒麵炒麵配上香濃XO醬，絕對夾！炒麵唔會炒到太乾身，微微香辣既感覺。香辣牛粒牛肉粒共有七粒，牛粒沾上香辣粉，都幾惹味！牛肉質地鬆軟，有小小肉汁。芒果大滿足幾推介呢碗芒果大滿足，因為都幾足料，而且芒果都好甜！有芒果、芋圓、椰果、仙草同丸子。鍾意食煙韌嘢既朋友仔必點！鮮奶小麻薯5號呢個絕對係養顏之選。牛奶配上桃膠、芋圓、丸子同小麻糬。有凍亦都有熱選擇。…Read More