咖喱炒軟殼蟹
炸脆左嘅軟殼蟹沾上甜甜辣辣嘅咖喱，超級惹味！軟殼蟹炸得酥脆，入邊都食到唔少蟹肉，可以再叫埋蒜蓉包點埋咖喱汁一齊食！
冬陰海鮮湯
冬陰海鮮湯入邊嘅材料好豐富，有大蝦、蕃茄同草菇等等。冬陰功湯調味甜甜酸酸，十分開胃。而且有個火爐熱住，唔怕啲湯好快凍。
燒牛仔骨
牛仔骨肉質軟腍，燒到少少脆邊，點埋秘製醬汁更加好食！
泰式炒金邊粉
金邊粉炒得幾有鑊氣，配埋大蝦、蛋絲、芽菜同蔥等等配料，調味甜甜辣辣，係泰國正宗嘅味道。
西瓜沙冰 椰青
沙冰好解渴，唔會太甜，飲得出係新鮮西瓜打成的沙冰。
椰青好大個，椰水好鮮甜，係食泰國嘢必嗌嘅飲品啦！
