mcwings411's Profile

Oishii ~ 用呢個字黎做標題係最好不過，因為真係好好味。得悉Adachi San新鋪5月開張，即時打去book，book到6月中呀。今日，終於輪到我食喇！鋪頭係木系裝修，非常簡潔企理，空間感亦足夠。我點左$680 (+10%) 12貫壽司，包茶碗蒸，前菜，麵豉湯，甜品/雪糕/咖啡。茶碗蒸 - 非常滑，魚子亦新鮮。前菜立魚魚子八爪魚🤎 - 八爪魚好好食。十二貫 (相片由上至下，左至右）1. 深海池魚2. 左口魚🤎3. 牡丹蝦4. 中拖羅5. 赤身6. 鱒魚7. 甘目魚🤎8. 赤貝🤎9. 小肌 10. 昆布海膽🤎11. 墨魚12. 吞拿魚楠手卷🤎麵豉湯及蛋糕甜品焙茶奶凍雖然食物風格同Adachi San之前做嗰間有d似，但一樣都係咁好食，價錢亦都一樣，大家可以多個選擇。每樣野都係藝術品咁（包括食物同碗碟)，希望可以快d book到再黎食🤎…Read More

又到星期五食好少少嘅日子，朋友揀左呢間鮨店慶祝Happy Friday 我地點左特上壽司12貫$398。即係sushi lunch set，但因為餐廳只有sushi bar table, 所以壽司係一件件咁上嘅。餐廳環境唔錯。除左12件壽司外，個set仲有手卷，沙律，前菜，蒸蛋，漬物，湯同雪糕。同其他鮨店相比，個蒸蛋味道淡左d，同唔夠滑。12貫（圖片次序由左至右，上至下）：1. 深海池魚2. 石垣鯛3. 鰈魚4. 八爪魚5. 牡丹蝦6. 赤貝7. 帶子8. 油甘魚9. 銀雪魚10. 竹韱魚11. 拖羅12. 海膽壽司味道中規中矩，無話好驚艷嗰種，但呢個吞拿魚腩蓉手卷，加左烤雪魚脆片，每啖都有軟同脆兩種口感，好好味食緊手卷時，就上埋個湯，因為時間表太趕，相都唔記得影。最後仲有雪糕。呢個價錢食到12件壽司加手卷，仲有甜品，連埋餐廳環境，都算滿意嘅。…Read More

有一日係social media 睇到有人介紹呢間餐廳，咁我就search 下外賣app，搵到喎，一於試下啦～我點左海南雞半隻，同埋細肉骨茶。個外賣袋都幾得意:)見Openrice 有咁多好評，又見social media 有人推介，話好食過文華酒店嘅海南雞。我未食過文華酒店嘅海南雞，所以比較唔到，但呢間餐廳嘅海南雞，我真係覺得無咩特別，好普通，連d醬汁都係好普通，可能我本身期望比較大。。。除左肉質都算嫩之外，真係談不上好好食海南雞下面有青瓜墊底。反而呢個肉骨茶有驚喜，有好濃嘅胡椒粉味，唔錯。如果你地咁岩經過呢間餐廳，都可以試下嘅。但如果要專登搭車黎食，咁就未必值得了。…Read More

經同事推介，佢話係西環食過呢間餐廳，話好好味嘅，最近係鰂魚涌開左分店。既然佢講到咁正，咁一到lunch time，就一枝箭咁衝去排隊，12:40pm左右去到，排第二，職員話大約1pm可入坐。本身等20mins我無問題的，但最弊嘅就係呢間餐廳嘅排氣系統正正排去我地排隊嗰度，d濃味油煙每幾十秒定一分鐘就排出黎一次。入面廚房係咁炸野，我地就係外面係咁吸呢d油煙，攪到成頭成身一浸味呀講返食物，我地叫左兩個set lunch (包starter，main, daily dessert 同drinks)。Starter: 我地叫左daily soup，嗰日係洋蔥湯，超級油膩Main: 我點左soft shell crab burger ($178)，軟殼蟹都算juicy，但薯條唔掂，炸粉又唔均勻，似係翻炸，好硬，乾爭爭咁。Main: 同事點左fish and chips ($188)，如圖一樣頹，4條薯角放底，上面有一塊炸粉勁厚嘅炸魚最後甜品係d現成cake，好細件嘅，都不值一提，相都唔記得影。後尾得知，點long lunch 6-course menu ($400 per head) 就可book位，避開嗰浸難頂嘅油煙。…Read More

平時無辣不歡嘅我，係外賣app搵緊食咩時，無意中發現左呢間新加盟嘅餐廳，再睇睇openrice，原來係來自葵涌廣場嘅小店，見好評都好多，就試試啦。我叫左呢3樣野：正宗麻辣手撕雞，味道唔錯，夠麻香，但雞肉好似有d死實實咁，唔夠嫩。夫妻肺片，好辣，除左辣，食唔到其他味。仙草冰粉（唔記得影相），個冰粉係無落任何配料或黑糖調味，就只係靠涼粉嘅味，製作有d頹。整體來說，一試無妨，但未必會再食，加上用外賣app，每樣野都貴成10蚊。…Read More

今日Happy Friday~ 請左半日假同朋友食生日飯。一出lift見到有d紙箱雜物，感覺唔係咁好。環境唔算高檔，坐位之間亦唔夠寛敞，但因為我地食2:15pm，避開左繁忙時間，所以都還可以。我地點左12貫，$420。12貫壽司有(圖片次序由左至右，由上至下):1. 間八2. 赤貝(好爽口，我最鍾意)3. 金線鯛魚(即日本紅衫魚)4. 油甘魚5. 天婦羅帶子(紫菜超脆，配好少炸粉嘅帶子天婦羅，好正)6. 鯖魚7. 甜蝦配蝦膏8. 鰤魚9. 赤身10. 大拖羅11. 海膽12. 左口魚個lunch set 仲有沙律，海帶，麵豉湯，蒸蛋同手打抹茶 🍵整體來說，性價比係高嘅，美中不足係個set 無一份正統手卷同甜品或雪糕做結尾。…Read More

平時經過見到呢間韓國新餐廳，排晒長龍。好唔鍾意排隊嘅我，所以一直都未有機會試。呢日星期二同朋友12:15pm行到黎，無人等，即刻安排入坐我同朋友兩人都各加左$48升級套餐，每份升級套餐會有一杯特飲同一份前菜。圖為二人份量。我地叫左無花果凍飲，味道幾清新，唔太甜。前菜都算有誠意，一份係紅菜頭，另一份係西蘭花椰菜花。正餐方面，我就點左煙三文魚牛油果牛角包窩夫，幾好味，而煙三文魚份量都算多，都有5-6小件。不過食晒都未係好飽朋友點左烤牛肉蛋包飯，佢話好好味，飯係炒飯底，又夠飽。可惜，我係唔鍾意食飯。…Read More

無辣不歡嘅我，一早已經bookmark 左兩姊妹呢間店好耐，但又怕要排隊，所以一直都無機會去。難得今日星期日，我準時2:30pm去到（佢地開2:30pm），係我前面有一位客人落緊單，我只係等左一兩分鐘，就可以落單啦～我點左：- 招牌兩姊妹涼皮加滷水牛柏葉（我鍾意麻辣，唔太鍾意酸辣，所以我叫左小酸，多麻，小辣）- 夫妻肺片（中辣）- 涼拌牛肚（走辣）- 黑糖五彩冰粉整體來講，味道唔錯，涼皮好滑。唔係只有辣味，仲有香味，但佢地嘅辣，同平時係其他食肆食開嘅小辣/中辣係無咁辣，下次再食嘅話可以叫辣d。但走辣嘅涼拌牛肚反而有少少辣…Read More

平時好少嚟呢條街食lunch，無嚟一排，原來以前嘅餐廳已換晒一批新嘅餐廳，價錢唔算太貴嗰種。因為某app可以用積分換飲食券係呢間餐廳用，所以朋友提議嚟試下呢間餐廳。早一日book定兩位，當日12:45pm嚟度，即刻可以入座，餐廳當時大約一半位係有客人坐嘅。平時中環嘅食肆，係午飯時間，好多都坐滿晒，或者出面有人龍，呢間餐廳竟然無咩人，當時我仲同朋友講，都係唔好抱咁大期望。牛扒嚟到，賣相幾好，即刻切一塊試試，竟然係又嫩又軟又有肉汁，一塊咁厚嘅牛扒，7成熟，都可以咁嫩，真係估唔到，有驚喜！餐茶點左熱檸茶，係一壺上，仲要係Twinings English breakfast tea，有驚喜。朋友點左熱咖啡，自己加奶，個奶係熱架！總結，餐廳唔多人食，咁可能位置麻麻，因為食物真係唔錯，有誠意的，值得再嚟食！…Read More

平時lunch間中都會尼嘅一間餐廳，lunch 時段有lunch set，比起晚餐時段平好多！加上在isquare又方便，又近地鐵，餐廳環境又夠闊落，窗邊卡位仲有風景添，lunch 真係好值得尼食！餐具兩位會有6碟前菜，我就最鍾意食薯仔，泡菜，同菠菜，仲有碟魚餅都好味，但唔係時時有，唔夠嘅最多可添兩碟我平時食開lunch set 4號餐，辣牛肉粉絲湯，好好味，但唔知點解，近呢兩次去都話無，好失望。唯有點其他set。今次就點左燘牛肋骨拼辣豆腐湯，牛肋骨夠淋夠入味，豆腐湯辣辣地但偏咸。始於都係以前個辣牛肉粉絲湯好味，希望快d有返啦。…Read More

Lunch有時都諗唔到食咩好，唯有睇下Openrice 中環有咩好食，睇睇下發現呢間主打羅宋湯嘅餐廳。一向都好鍾意飲羅宋湯嘅我，今日lunch一於尼試下。我同個同事大約12:45pm到，唔洗等位就有位（隔離嘅太興排晒長龍）。餐廳食物唔算多選擇，就係呢兩頁餐牌。其中呢一頁有一半係早餐同下午茶。我點左羅宋湯加咸牛脷豬仔包，再加左星期三嘅小食糖心蛋。羅宋湯好味，夠濃咸牛脷豬仔包就不過不失啦。而糖心蛋都好味同事點左個羅宋湯螺絲粉，加餐包。佢話兩樣都好味整體尼講，食物質素同味道幾好嘅，會再光顧。但呢個價錢，我期望個湯宋湯會係再大碗d多料d，所以亦都解釋到點解lunch嘅繁忙時間都仲有吉位。…Read More

平時係中環食lunch，食尼食去都係嗰幾間，今日難得見天氣好，就搭去尖沙咀K11搵食。我同朋友都未食過大都烤鴨，所以就決定食呢間。大約12:45pm到達，唔洗book位，唔洗等位就有位。餐廳環境唔錯，又有卡位座。我地點左二人set（$298）。兩個人食份量都好夠。前菜係糖醋魚同蠔油磨菇。再尼小籠包。皮夠薄，唔錯湯羹係元貝鴨絲羹，都幾大碗同幾足料。咸肉津白。大都炒麵。係用鴨絲炒嘅，麵條質地同味道都唔錯。大千烤鴨架。呢個麻麻地，味道太濃，鴨肉有點死實實。…Read More

一年前同個朋友lunch 尼過飲茶，嗰次我地兩個一見到有點心車推埋尼，就咩都話要食，結果兩個人食左成700蚊，食到捧住個肚。一年後，我地係上星期五嘅lunch再尼飲茶。我地係12:10pm用app拎定飛，12:40pm行到尼，12:50pm入座。今次我地好謹慎，只會拎真係好想食嘅點心，d點心車係我地枱前經過兩次先出手灌湯餃（頂點$60），一人點左一個，好足料，又多瑤柱，好味牛柏葉（中點$46），好入味菠蘿叉燒包（中點$46），好正，又熱又香脆，好好味蛋撻仔（中點$46），暖暖地，蛋漿好味，唯一唔岩我嘅係我唔鍾意食酥皮。楊枝甘露（中點$46），一人點左兩個，唔太甜，好味今次控制住點心份量，只拎大家都鍾意食嘅點心，但咁樣都食左$423連茶錢同加一（每位$211）都幾貴，而且唔算多野食，但嗰下食完都飽嘅。…Read More

一直都想食四季常餐，但位置實在有點吊腳，天氣又咁熱，lunch去到仲要排隊。今日放工約左朋友係附近按摩，難得係附近而又唔洗排隊，終於有機會食到喇～我點左常餐，蕃茄湯牛肉通粉配炒蛋多士（$48），朋友點左晚餐，叉燒炒蛋飯（$57）。蕃茄湯底係羅宋湯咁嘅，味道夠濃，好味。唯一唔鍾意就係無其他麵底選擇，因個人口味問題，真係唔太鍾意食通心粉。希望遲d會有出前一丁炒蛋夠滑，多士夠脆夠軟，好味朋友嘅叉燒炒蛋飯一樣好味，叉燒夠嫩身平時Lunch難怪咁多人排隊，因為真係幾好味，價錢又合理…Read More

得悉中學同學係日本返尼香港聚舊，我一早就係Openrice 搵定有咩靚餐廳食afternoon tea，傾下計，影下相。見呢間餐廳好似幾靚，又可以係Openrice book訂位，終於就決定揀呢間。我地3人星期六3pm尼到，都接近坐滿。餐廳環境好靚，大落地玻璃，太陽自然光，好光猛，白色雲石枱，有齊晒打卡影相嘅元素。我地3人點左個afternoon tea set $588 for 2 （包兩杯茶或咖啡），再叫多杯咖啡。個afternoon tea set 都好靚嘅，係好岩影相嘅。可惜嘅係，就只有賣相，沒有味道，食材沒有誠意可言鬆餅，無溫度，乾身。最好食已經係呢樣，腸仔。菠蘿油，油膩左d外，味道都可以。扮熱夠嘅macaron，無咩特別。鳳梨酥，味道好普通，afternoon tea 竟然有鳳梨酥呢d現成野。炸雞，炸粉過多。竟然仲有舊肥燒肉。仲有兩塊好似以前係旺角糖果鋪夾嘅雞蛋糖。珍珠奶凍，除腸仔之外，第二樣覺得可以嘅食物。卷蛋，無咩特別嘅。呢個set要$588（再要加一）整體性價比真係偏低，食材亦頹得過份，尤其係件鳳梨酥、肥燒肉、似旺角夾嘅糖。兩位同學都覺得差，仲要係我揀嘅，真係好失望…Read More