joanccc's Profile

今晚與摯友預訂了中環月山，體驗主題為「守破離」的特別套餐。餐廳堅守傳統、突破框架，同時不忘初心，整體設計與菜式皆充分展現這一理念。小食是香脆的炒松子仁，簡單樸實卻滋味醇厚。前菜精選沖繩水雲配睡蓮花花冧、山口赤貝裙邊搭配青瓜漬物與酸汁，酸酸開胃；石川縣櫻煮八爪魚，經過醬油慢煮三小時，嫩滑鮮美，展現師傅對食材的細膩尊重。體驗感亦爆登！有得玩又有得食！刺身環節突破框架，融匯中式烹調手法：季節真蠔配話梅啫喱、北海道赤牡丹蝦浸花雕酒、長崎吞拿魚以醬油輕漬，每款都散發獨特風味。煮物選用蘇格蘭蟶子，搭配輕燙鰹魚湯、奢華的馬糞海膽和魚子醬，及山椒醬提味。燒物為慢煮法國鵪鶉，前一晚浸秘製醬汁，肉質濃郁嫩滑，京蔥焦糖焦香與山椒汁完美平衡。強肴澳洲和牛骨付肋肉經酒燒處理，濃郁多汁。鍋物博多地雞與季節野菜的水炊鍋溫暖清爽，最後以雞湯雜炊配宮崎赤玉蛋作結，細膩而溫馨。甜品則簡單呈現當季水果，清新爽口。全晚菜式層次豐富，細節處處能見匠心與創意，服務同樣周到貼心，讓人感受堅守與突破並存的美食哲學，實為難得的用餐體驗。…Read More

朋友話日山喺灣仔合和開咗新店，仲話有靚房可以book，我哋成班嘈嘈貢梗係二話不說話要去試，果然冇令我地失望。餐廳就好似一間美術館咁擺滿藝術作品，打卡一流。我哋book咗ge「鶴」房個設計係將日本本店還原到香港，所有傢俬都係從日本空運到港，氣氛感滿滿 ！我哋一行8人一半叫咗「梅」套餐 ($798)，另一半叫咗「竹」套餐 ($998)，套餐除咗有主打嘅A5和牛壽喜燒，仲有前菜、溫物、飯/烏冬、甘味，而「竹」套餐仲有壽司，非常豐富。我哋仲另外嗌咗一枝日山清酒，注重儀式感ge最開心就係有得揀清酒杯同埋筷子ge環節。前菜：兩個套餐都有3款 - 煙燻八爪魚、微酸沖繩水雲、鹹香Parma Ham芝士卷，開咗個準備食A5和牛ge胃口！溫物：「梅」套餐係慢煮A5牛頰肉，「竹」套餐係鮑魚、車海老、青海苔；慢煮A5牛頰肉醬汁濃郁，個人偏好牛肉多一點。「竹」套餐仲有三款壽司，食完令我更期待壽喜燒！壽喜燒：「梅」套餐係肩胛部位，「竹」套餐係西冷部位，我好慶幸兩款套餐都嗌咗，因為好食到做唔到選擇！配夢美人白飯一流！配菜跟埋個汁都好出色。最後朋友為我送上埋生日驚喜，除咗有自己準備ge蛋糕，仲有寫咗祝福ge甘味，開心又好味！…Read More