20aa's Profile

同男朋友兩個食飯，叫左一個二人套餐，仲額外叫多左個貓抓烤茄子，食到我地飽到一個點呀！✦ 二人套餐 $348➣川味小皮蛋➣貓抓全明星拼盤(包括：蒜香豬五花、現拌牛肉、秘制牛五花、雪花牛肉、貓抓藤椒雞、藤椒牛舌、炭燒黑豬梅花肉)➣貓抓拌飯➣口蘑蝦滑➣貓抓鐵板豆腐➣貓抓紅豆豆腐花➣生菜➣貓檸茶二人套餐份量都幾大，有幾款小食，又有甜品同野飲，拼盤仲有好多唔同口味既肉類。個人最鐘意既係蒜香豬五花，每件豬五花上面都有好多蒜，燒起上黎非常香口，而且件豬五花都好大件，烤熟之後再剪開一小塊，好好味！其他肉類都都好入味，藤椒雞同牛舌比較辣，岩哂鐘意食辣既人！再飲埋個貓檸菜，可以下一下火氣。川味小皮蛋切成小塊容易入口，冷盤小小辣都幾開胃。口蘑蝦滑勁大粒，烤出黎都好香口，一份都有成6粒咁多！鐵板豆腐賣相好吸引，上碟時都好熱辣辣，醬汁好食。拌飯配上紫菜更好味，再加埋豆腐一齊食係很好配搭。最後食埋個紅豆豆腐，可以畫上完美句號。✦貓抓烤茄子估唔到會有烤茄子食，茄子上鋪滿左好多蒜，再加上醬汁同蔥花，非常惹味！…Read More

✨牛之拼盤拼盤包括牛舌、一口牛、牛肉蘆筍非常推薦佢既牛舌，厚薄適中，而且爽口👍🏻一口牛好嫩滑好香口，牛肉蘆筍配搭好夾，蘆筍爽脆。✨大蜆味噌煮呢個大蜆會連埋火爐，令大蜆同味噌湯一直都保持熱辣辣既狀態。大蜆好肥美，粒粒都漲卜卜，包住味噌湯既湯汁好好食。✨燒喜之次開邊鹽燒魚好香口，魚肉嫩滑，配搭醬汁味道更佳，但小心會有魚骨。✨辛燒豚梅肉拉麵我比佢既湯底吸引左，唔算好辣且惹味，我最鐘意就係佢既豚梅肉，佢既肥肉係好好食，豚梅肉好淋，加埋啲湯簡直不得了！✨三盛燒肉丼呢個丼飯相當豐富，三盛包括牛舌、煙熏雞，五花肉。牛舌與串燒係一樣厚薄適中爽口，煙熏雞嫩滑入味，五花肉更係出色，油香加肥肉令人更加垂涎三尺。…Read More

今日想食下拉麵，今次係APM搵到呢間拉麵店神山麺屋✨神豚燒沾汁麵（白）$88麵條口感適中，叉燒都幾大塊，麵沾濃厚，可以令麵條掛湯，再配上一粒糖心神蛋😊✨蕃茄叉燒拉麵 $85本人熱愛任何蕃茄湯產品，今次蕃茄叉燒拉麵亦都係我一定會叫😆蕃茄湯屬於偏酸口味，喜歡偏甜的人要留意一下～～作為重口味人士我覺得可以再重味啲，但呢個都不錯！✨神山湯餃子 $42呢個餃子都幾出色，因為個湯夠好飲！令到普通既餃子食落去有另一番味道～而且餃子煎過，配埋個湯所以都好香口。✨雙色牛舌 $48呢款雙色牛舌都幾特別，一款係凍食，另一款係熱食。先吃凍的，有助開胃。我覺得熱食好味啲，有別於平時食開既牛舌，咸咸地～✨吉列廣島蠔 $48成餐飯我最好食既竟然係呢個廣島蠔！外面炸得脆脆，但一啲都唔油膩，而家唔會食到成口都係炸粉。蠔好鮮，冇怪味，鐘意食蠔既人唔好錯過～～✨梅子青檸梳打 $28左邊係梅子青檸梳打，右邊係巨峰提子。梅子青檸梳打比較特別，如果食完沾麵想中和一下，呢個都係唔錯既選擇！…Read More

⭐雞軟骨 $22 (2串)粒粒都爽口，而且佢本身都有味，唔洗額外再加佢提供既調咪粉已經好食👍⭐五花肉 $21 (1串)肥肉跟瘦肉都好平均，唔會太肥唔會太瘦，同樣因為本身都有味，咸咸地，我覺得呢樣係最好食💕⭐烤生蠔 $38 (2隻)一上枱隻蠔係熱辣辣，上面放左好多蒜蓉，再加左啲小辣椒，非常惹咪，個蠔唔會腥，配埋啲蒜辣係停唔到口😍⭐韭菜 $18 (1串)食串燒必點之一就係韭菜，一串都有好見條，而且已經有調味，所以食起上黎都好入味，自己食食下都忍唔住叫多兩串😂⭐烤菠蘿 $18 (1串)菠蘿都係我必點串燒，燒得岩岩好，好甜仲有好多汁😊⭐椒鹽魷魚鬚 $38 (1份)係串燒前叫左個前菜食，點知一食愛上，魷魚鬚配上椒鹽真係絕配，同埋上到枱既魷魚鬚仲係脆架，食完串燒都忍唔住再叫多一次🤩⭐烤茄子 $42 (1份)茄子上加左好多調味同埋辣粉，食起上黎好過引，會係令你食唔停口🤤仲叫左其他野食，整體來講都好不錯，環境都坐得舒服，唔會好焗。同埋幾鐘意個爐既設計，一直烘住啲串燒，令串燒唔會因為放得太耐而凍哂～…Read More

臭臭鍋？聽個名好似好奇怪，究竟係咪好似臭豆腐咁臭？原來係檢自台灣既鍋，有啲似打邊爐咁，有好多唔同既餸係個鍋入面，今次就黎左旺角既【茶茶台式料理】，晚市都差唔多坐滿人。餐牌上原來除咗招牌既臭臭鍋，其實仲帶好多唔同口味，岩哂不同喜好既人一人一鍋～仲有好多唔同既台灣小食飲品可以揀，可以當去左台灣夜市咁！鹽酥雞併小香腸台灣最出名既美食係哂呢個併盤入面，可以一次過滿足晒想要既野。台灣腸同平時係台灣食既差唔多，都係好有台灣風哋，鹽酥雞更加不用多說，好食！酸菜肥牛鍋呢款鍋好得意，得意之處係佢唔辣，但會有麻辣既麻既感覺！裡面既餸非常豐富，除左有肥牛，仲有冬菇、粉絲、蜆、丸、菜⋯⋯仲有其他酸菜口味好開胃，同其他餸都好夾，最岩唔食得辣既朋友！麻醬手撕雞伴麵本身以為跩個麵平平無其，但其實食落都幾好食！麻醬好濃郁，好有花生味，鐘意重花生味既人好適合～另外手撕雞都好食，充滿麻醬味，份量都好足料。芝芝莓莓…Read More

要細數好既既天婦羅，我都會第一時間諗起「金子半之助」！位於葵芳，位置方便唔難搵，就係係新都會廣場地下。入面既種類選擇唔算好多，主要有海老、魚、蔬菜既天婦羅可以揀～海老天婦羅呢個海老天婦羅真係一食愛上，其實唔止海老，佢其他既天婦羅都好出色，熱辣辣似係即叫即炸！而且每件天婦羅都唔馬虎，件件都好大件，啖啖都係天婦羅既脆脆～除左有海老，佢都有幾件蔬菜既天婦羅，下次要食埋其他種類既天婦羅！雖然價錢略嫌有啲貴，不過都值得～…Read More

香港既日本潮從來都冇消失過，而日本平常既立食係香港都可以搵到。個人認為唔想成日都坐係到，又想快食日本壽司，立鮨絕絕係個唔錯既選擇！企係到食雖然可能會攰左啲，不過可以感受到日本既風味，同埋我覺得呢到既食物都幾好食，唔會HEA！MENU左手，想食咩就嗌咩！雖然唔係叫左好多，但已經滿足～海膽手卷唔算好大份，不過海膽味濃，食完會覺得唔夠喉，因為好吃，哈哈！三文魚子軍艦雖然體積都係細細件，但佢既三文魚子係滿瀉，這樣個感覺好過啲，味道同樣不錯呀！背後既三文魚、帆立貝、海老都好好食，件件都新鮮唔會腥～牛油果壽司牛油果食得多，配壽司食我都係第一次。原來味道都好好，牛油果甜甜的，如果點少少豉油仲會食到有三文魚既味道！一件食到兩個味，感覺好特別，所以ENCORE多一件！…Read More

大埔之友有福了！估唔到大埔呢到都有間oppa燒肉😍成個環境都好有氣氛，成間鋪都打造左韓國既感覺，每一台都有吸油煙既管，絕對唔洗驚食完成身都係油煙味～而且椅子仲可以放袋或者外套，十分之貼心❤️食燒肉點可以唔食牛，首先黎個頭盤先！✨弘大燒肉放題 $238/位燒之前當然唔少得有開胃前菜，韓國泡菜同埋泡菜蛋當然是必備之選～重點既頭盤黎啦！呢盤野可以好清楚話比你知你食既牛係咩部位，最緊要份量多，而家望落肉質都好不錯！主要有：黑毛和牛肩肉、澳洲和牛封門柳、雪花腩片、加拿大牛排骨、黑毛和牛三角腩、鹿兒島牛柳粒✨加拿大牛排骨係成盤牛入面最大件既肉，只要燒得好，唔好燒得太熟，牛肉食落就會比較軟比較嫩，而且入味又多肉汁，同埋唔會淨係得啲骨，咬落口都係肉！✨鹿兒島牛柳粒以正方磚既形狀，比較厚身，所以燒起上黎要比啲耐性，要將每一面平均咁燒，唔洗全熟，就可以食到嫩口多汁。✨黑毛和牛三角腩無論係豬定係牛，腩肉永遠都係我既至愛！呢款牛明顯會見到脂肪既分佈，配上燒肉汁完成係perfect！三角腩唔會太肥，但又食到佢既口感。✨黑毛和牛肩肉唔會太薄唔會太厚，食落去同樣入味又多汁，一啲都唔硬！✨澳洲和牛封門柳比較薄身啲既一款牛，個人認為配一碗白飯係好好食😆除左和牛盤，其實仲有好多唔同既食物可以燒，例如有豬肉、海鮮、野菜，可以滿足大家既喜好😙…Read More

要係鬧市中搵一間寧靜少少，舒服既CAFE唔容易，剛巧約左個朋友，想輕鬆食餐飯仔傾下計，呢間「WANNA EAT」都係一個好地方。佢既位置個人認為算係有啲偏，不過跟住地圖走都會搵到。佢個環境比較日式，主要以白色同木既設計，所以令成間餐廳既感覺都好休閑舒服。餐牌入面既野食都幾得意，除左有日式主打既意粉、小食之外，仲有啲港式主食可以選擇，而定出左杯特別飲料，崇尚日系既朋友可以試下～想食。明太子帶子意粉 $102意大利粉 X 日式明太子，忌廉汁非常杰身，建議趁熱食，凍左就唔係咁好啦！配上4粒帶子，加上忌廉汁已經有明太子係到，所以成個配搭都好MATCH～因為個汁比較杰既關係，食完係會有飽肚感！海鮮蕃茄意大利飯 $110呢個蕃茄味會係偏向酸酸地帶有點甜味，海鮮份量都幾足，有三大隻青口，平時一般出面都只會得兩隻，仲有啲大蝦，隻隻都好有肉～辣味薯角 $45薯角既調味好重，送到上台仲係非常熱辣辣的，非常可口！不過略嫌唔夠辣味，如果辣粉重啲會更香口！ICED HAZEINUT CHOCOLATE朱古力榛子味非常重，鐘意榛子既朋友值得一試！富士山 $30呢杯富士山係呢到既期間限定，想打卡既朋友唔好錯過呀！佢其實係一杯梳打，打左啲甜甜既泡沫係面，泡沫上加左啲爆炸糖，令我覺得佢似櫻花，配上富士山，非常好睇！…Read More

尖沙咀有好多唔同特色既BAR可以選擇，想約啲朋友傾下計CHILL下，或者慶祝下生日，我都有個唔錯既BAR推介一下，呢間野叫「DKLM Bar & Restaurant」。位於尖沙咀金巴利道，地方都好易搵，好就腳，唔怕搵唔到路。上到去個門口招牌都幾搶眼，用左霓虹燈既設計，好吸睛。入到去有職員同你量體溫同埋要消毒雙手，食客可以安心。雖然環境比較幽暗，不過都幾有FEEL，播住唔同既歌，邊CHILL邊飲，中間仲有張波台，岩哂鐘意篤波既你！而且仲有張玩GAME既台，實行邊玩邊飲！餐牌除左有酒，仲有好多唔同既野食，可以飽肚，可以送下酒。餐前有個小食，應該係咖喱味既蝦片？係超級好食青口鮮蜆蕃茄汁意大利粉 $92未食就已經聞到好香濃既蕃茄味，加上芝士粉，我本人覺得好好食！有兩大隻既青口，仲有蜆，都幾鮮甜，而且蜆既份量都算多～個蕃茄汁係比較杰身，好濃，所以食到最後都會有少少飽，不過是接受的！鐵板白酒蒜香煮蜆 $68呢個鐵板白酒蒜香煮蜆比我想像中更重味道，（因為之前食過類似既煮蜆係冇咩味道）但呢到蒜味好重，好岩重口味既人去食，不過我就略嫌白酒味唔係好夠重！不過值得一讚既，佢啲蜆冇沙，呢個都係我喜歡既地方。四式芝士薄餅 $88食意粉點都想配PIZZA，佢有幾款PIZZA可以揀，不過呢款四式芝士薄餅係人氣之選，所以我都揀左佢黎食！四式芝士應該顧名思義係有四種唔同既芝士，不過好老實講邊四種我就真係唔係好識分，但佢既芝士味的確係重既，同埋佢係薄身PIZZA，PIZZA底是脆脆的！RUBY RED $68一杯士多啤梨味既MOCKTAIL，岩哂唔係好飲酒既女士，甜甜的～都是不錯！…Read More

每間有特色既冰廳都有佢既招牌，而呢到既野食野有唔少都好特別，佢係深水埗同長沙灣都有分店，呢間就係【雪山冰廳】佢地每個月都會轉季節小菜，包保時時有唔同既菜色。除左季節小菜，仲有唔同既特式小菜、招牌、推介菜色等等。。。XO醬海斑片炒西蘭花 $72每晚食飯點都要叫碟菜先覺得係健康，呢碟仲要有魚有菜，好抵食！海斑片份量足夠，而且件件都有肉，唔會得啲粉～而西蘭花都入哂味，啖啖都食到XO醬味～配埋個白飯係一流呀！椒鹽鮮魷拼金磚豆腐 $78鐘意惹味既你呢碟都好推薦比大家！雖然有少少熱氣，但係真係會食到停唔到口～同樣鮮魷都大大嚿，唔會食到成嚿粉，豆腐再加上椒鹽更係令人愛不釋手！送多一碗白飯都仲可以呀！脆皮冰梅骨 $78食左啲咸既，食返啲酸酸甜甜中和返，甜既味道比較重啲，梅骨細細粒容易食入口，我相信呢款小朋友一定喜歡食！港式茶走紅豆冰 $25呢到除左樽仔奶茶出名之外，佢既茶走紅豆冰同樣係出色，應該係我飲過咁多紅豆冰以來最好飲既！茶走喜愛既味道個個都唔同，但呢杯係我最鐘意既味，滿滿既豆冰，撞上呢杯茶走真係好好飲！…Read More

想要搵到好野食，都要花少少時間去搵既。今次去左一間比較偏僻既餐廳食飯，就係位於灣仔【初心日式燒肉店】餐牌上主要有幾款推薦之選，每一款都好精心別緻。最後我地揀左其中以下兩款：酸忌廉慢煮牛柳丼、網燒焰牛舌丼酸忌廉慢煮牛柳丼 $188當酸忌廉遇上慢煮牛柳會係點樣架呢？以慢火煮成既牛柳比起普通平時煮既牛真係好唔同，牛柳呈現出紅紅粉粉既顏色，開頭我以為啲牛好似好生咁，但食落去既感覺就好唔同，完全打消左我最初既諗法。牛柳非常嫩，質感係有少少乾身，不過配上酸忌廉成個感覺又係另一回事。值得一試呀！網燒焰牛舌丼 $148牛舌迷當然不能錯過任何牛舌既款式，呢款網燒焰牛舌丼也不能放過啦！肉既厚度剛剛好，不會太薄也不會太厚，所以口感上咬落去都恰到好處。呢個網燒既煮法可以令牛舌保留佢既肉汁，再加上本身呢個飯係配有醬汁，醬汁味道再加牛舌既香，真係好夾！…Read More

果日同朋友行街，經過見到呢間餐廳，因為朋友一向都鐘意飲咖啡，所以就去左 Studio Caffeine 食下。餐廳既佈置好有心思，服務員亦好有禮貌咁同我地介紹佢地有咩野招牌菜，同埋受歡迎既菜式。因為餐廳既廚房係半開放式，廚師煮野食煮得好香，搞到我地都好肚餓！薄荷朱古力鮮奶咖啡因為朋友做過兼職咖啡師，對咖啡一向都幾有要求。呢杯咖啡好好飲，好濃同好有質感，唔似出面飲果種溝好多水好淡。烤榛子朱古力而呢杯杯朱古力比起出面飲既有啲唔同，味道有好濃，因為榛子烤過既關係，所以佢既榛子味都特別香。Monster All Day Breakfast份量超誇張，食材種類成十款咁多，最初黎到都好怕食唔晒，但係味道好令人驚喜，每一款放入口之後，都忍唔住即刻想食第二啖，唔覺唔覺就清左碟。All Day Breakfast係香港好多地方都有，但我同朋友都覺得，呢個算係我地食過既比較值同好食。忌薕汁配牛油果扁意粉味道非常好，可能因為小妹本身偏愛牛油果，但係份量都幾多，食到後尾會有少少膩，好在朋友幫手包底。…Read More

聽身邊朋友講大圍都有唔少嘅嘢食，現在除咗有唔同嘅大排檔同埋粥鋪之外，都有啲西式既好餐廳，今日就嚟咗呢間風車。意式薄片刺身帶子日本嘅帶子刺身就食得多啦，意式嘅刺身又真係第一次食！原來刺身帶子都可以做到外國嘅風味。帶子上面配有唔同嘅材料，令到成個菜式甜甜地但係有少少酸味，食完之後開胃左唔少，味道係幾特別嘅。德國腸拼盤（三款口味）呢三款腸都各有特色，每一款都唔同味道，而我最鍾意就係最長果款，腸既外皮煎得好好食，每一下咬落去都係脆卜卜，係三款入面佢唔係味道最咸，反而更得我心。法式燴羊膝羊架就食得多，羊膝都係第一次食，可以話係一試愛上！首先我最欣賞呢道菜嘅原因，係因為廚師煮得佢好淋，基本上你唔使點樣用力切，啲肉都好容易分得開，食落去嘅感覺都好嫩滑。而且佢既醬汁，非常之配合呢隻羊膝，十分驚喜！Strawberry Colada士多啤梨嘅味道唔會太甜，反而帶有一點點嘅酸味，再配合成餐飯，感覺唔錯。Pearl Harbor鍾意薄荷既人，都可以試吓呢款飲品，飲唔之後你會覺得個感覺好清爽。…Read More

位於朗豪坊既【 i CREMERiA Café 】都好受大眾喜愛，皆因佢地既甜品精美，而且仲幾好食～次次經過都見到好多人食，係甜品打卡既不錯選擇。多款既日式甜品可以選擇，今次揀左其中兩款～士多啤梨海綿卷輕食 $158期間限定既野就一定唔可以錯過，因為過左就無！！所以呢款士多啤梨都吸引左好多人黎食～除左賣相靚，仲好好食！呢個輕食主要有士多啤梨海綿卷、日本AMAO士多啤梨、士多啤梨配白朱古力雪糕、飲品1杯。睇個名都知係同士多啤梨有關啦～相信唔少人，特別係少女都會喜歡呢款甜品，用黎打卡絕對讚呀！甜甜既士多啤梨完全無任何挑剔，真係想一食再食。日式雜錦輕食配飲品2杯 $198賣相十分精緻，有著日本既風味特色，入面主要有日本時令水果、茶大福、什菜芝士三文治、綠茶芝士蛋糕、自選雪糕、紅豆、白玉丸子、蜜餞栗子、飲品2杯。其實個賣相根本靚到唔捨得食，每一款都好別緻。而我最鐘意就係食佢既綠茶芝士蛋糕同埋綠茶雪糕，綠茶味唔會太苦就正正合我心意～兩款口感都好滑呢～…Read More