1
餐廳既佈置好有心思，服務員亦好有禮貌咁同我地介紹佢地有咩野招牌菜，同埋受歡迎既菜式。
2
因為餐廳既廚房係半開放式，廚師煮野食煮得好香，搞到我地都好肚餓！
薄荷朱古力鮮奶咖啡
因為朋友做過兼職咖啡師，對咖啡一向都幾有要求。呢杯咖啡好好飲，好濃同好有質感，唔似出面飲果種溝好多水好淡。
烤榛子朱古力
而呢杯杯朱古力比起出面飲既有啲唔同，味道有好濃，因為榛子烤過既關係，所以佢既榛子味都特別香。
Monster All Day Breakfast
份量超誇張，食材種類成十款咁多，最初黎到都好怕食唔晒，但係味道好令人驚喜，每一款放入口之後，都忍唔住即刻想食第二啖，唔覺唔覺就清左碟。All Day Breakfast係香港好多地方都有，但我同朋友都覺得，呢個算係我地食過既比較值同好食。
1
忌薕汁配牛油果扁意粉
味道非常好，可能因為小妹本身偏愛牛油果，但係份量都幾多，食到後尾會有少少膩，好在朋友幫手包底。
