位於尖沙咀金巴利道，地方都好易搵，好就腳，唔怕搵唔到路。
上到去個門口招牌都幾搶眼，用左霓虹燈既設計，好吸睛。
入到去有職員同你量體溫同埋要消毒雙手，食客可以安心。
雖然環境比較幽暗，不過都幾有FEEL，播住唔同既歌，邊CHILL邊飲，
中間仲有張波台，岩哂鐘意篤波既你！而且仲有張玩GAME既台，實行邊玩邊飲！
餐牌除左有酒，仲有好多唔同既野食，可以飽肚，可以送下酒。
餐前有個小食，應該係咖喱味既蝦片？係超級好食
青口鮮蜆蕃茄汁意大利粉 $92
未食就已經聞到好香濃既蕃茄味，加上芝士粉，我本人覺得好好食！
有兩大隻既青口，仲有蜆，都幾鮮甜，而且蜆既份量都算多～
個蕃茄汁係比較杰身，好濃，所以食到最後都會有少少飽，不過是接受的！
鐵板白酒蒜香煮蜆 $68
呢個鐵板白酒蒜香煮蜆比我想像中更重味道，（因為之前食過類似既煮蜆係冇咩味道）
但呢到蒜味好重，好岩重口味既人去食，不過我就略嫌白酒味唔係好夠重！
不過值得一讚既，佢啲蜆冇沙，呢個都係我喜歡既地方。
四式芝士薄餅 $88
食意粉點都想配PIZZA，佢有幾款PIZZA可以揀，
不過呢款四式芝士薄餅係人氣之選，所以我都揀左佢黎食！
四式芝士應該顧名思義係有四種唔同既芝士，不過好老實講邊四種我就真係唔係好識分，
但佢既芝士味的確係重既，同埋佢係薄身PIZZA，PIZZA底是脆脆的！
RUBY RED $68
一杯士多啤梨味既MOCKTAIL，岩哂唔係好飲酒既女士，
甜甜的～都是不錯！
