魚堅日記's Profile

路經見到間店舖好搶眼，充滿香港懷舊風格，而且勁多打卡位📸，原來係香港創立嘅品牌《品曲奇》响旺角開咗新舖，當然要入去朝聖下喇。佢哋有創意之餘，仲好有港式風格，而且口味獨特，同時包裝設計亦好用心。店內好多款式都可以試食，可以試到啱先買；仲有多款得獎產品，好似有夏威夷果仁鳥結糖、原味牛油蝴蝶酥、鹹蛋蝴蝶酥、紅棗曲奇、朱古力果仁脆片等。另外仲有好多創意口味曲奇🤩，例如有：蝦膏、XO醬、蔥油雞、紅棗等，最緊要係不含防腐劑及色素，真材實料👍。無論送禮定自肥都一樣咁正，今次買咗👇：🍪果仁脆脆：有原味及朱古力味，曲奇口感非常香脆，美國果仁超新鮮，朱古力味更於2025獲獎🎖。🍪鹹蛋曲奇：曲奇口感鬆化，鹹蛋味濃郁，港式風格亦甚濃。🍪快樂果醬曲奇禮盒：禮盒內有原味、果醬牛油、果醬朱古力及菠蘿果醬荔枝，曲奇口感同樣鬆化，配合面頭口感QQ不同味道嘅果醬，最鍾意菠蘿果醬荔枝，濃郁甜香嘅菠蘿醬配合芳香嘅荔枝曲奇，創意及味道滿分😋。…Read More

九龍城好食嘅店舖往往亦好平易近人，價錢親民，就好似呢間集港式茶餐廳及大排檔風味嘅小菜館，食過一定會回頭。小菜供應時間由早上11點至晚上11點，餐牌好吸引，好多款式，有豬、牛、雞、海鮮小炒及煲仔，應有盡有，最正嘅就係每碟小菜送一罐指定啤酒，啱哂我哋呀🤩。鮑魚滑雞煲$178煲上熱辣辣，香氣四溢，份量唔惹少，鮑魚厚肉大隻，口感軟腍滑溜亦不失口感，濃郁味鮮；選用文昌雞，皮薄肉嫩，口感Q彈，雞味濃郁，以青紅椒、洋蔥、薑、蔥等爆炒，惹味又滋味😋。🥢爆炒香辣海蝦$158炒得非常有鑊氣，海蝦鮮甜爽彈，少少辣，相信大人細路都能接受，餸酒下飯都好正👍，轉餐加$12，有白飯及湯/餐飲。另外，每日11：00至18：00星期一至日都有供應10款不同款式嘅午餐，星期日有我喜歡嘅黃豆醬蒸鯇魚腩$64，包中湯/西湯及餐茶。🥢黃豆醬蒸鯇魚腩：鯇魚腩新鮮嫩滑，除咗鹹香黃豆醬之外，再加埋薑絲及蔥花，仲有鹹度適中嘅豉油，令魚嘅鮮味倍增。粉葛湯：完全唔係例湯咁簡單，湯頭濃郁又足料。☕️熱檸茶：有湯仲包埋餐茶，你都咪話唔抵👍。…Read More

每次去開新城市廣場都會諗起呢間餐廳嘅梳乎厘pancake，無論係賣相定味道都係無有得頂👍，當然佢哋其他出品亦都不容 忽視，有供應特色小食、薯條、漢堡包、意大利麵、意大利飯、扒類、窩夫等，都好多選擇。🍴Chicken & Cheese Quesadilla $82墨西哥薄餅夾住濃濃香料味嘅嫩滑雞肉及淡淡奶香又有拉絲口感嘅Mozzarella芝士，並配上清爽番茄莎莎、輕盈順滑酸忌廉、綿滑牛油果醬及柚子醋沙律菜，整體配搭清新又好味。🍴Tom Yum Seafood Risotto $182意大利飯上面全部蓋滿海鮮，珍珠帶子雖然細細粒但口感都好Q彈，原隻虎蝦夠鮮甜，比目魚嫩腍，青口就正常發揮；意大利飯口感煙靭，並附上鹹鹹酸酸嘅泰式醬汁，無論係 拌飯或蘸海鮮都能增添不少風味。🥞Mango Pomelo Sago Pancake $138梳乎厘pancake超有蛋香味，充滿空氣感，口感軟綿入口即溶，芒果醬好有芒果嘅鮮甜味，果醬中帶有西米，增添口感，另外仲有肉嫩多汁嘅甘柚及超鮮香特別嘅血橙醬。🥞Butlery's Pancake $109呢度啲梳乎厘pancake咁正，當然要叫多份喇，呢款簡簡單單，有焦糖牛油、楓葉糖漿及新鮮雜錦水果，同樣有超好味嘅梳乎厘pancake兩件。🍹湄公芒果梳打$35帶有芒果香甜味道嘅特飲，清爽唔甜。…Read More

呢間潮州菜館裝修新派時尚，並以傳統融合創新元素，製造出精緻美食。🥢潮汕鹵水炸乳鴿$49外皮酥香，肉嫩多汁，鹵汁夠入味。🥢酸菜龍躉$149金黃色嘅酸湯夠濃郁，微酸帶花椒香，龍躉大大件新鮮超爽彈，除咗酸菜之外仲有薯粉、萵筍、唐芹、芽菜及芫荽。🥢女兒紅醉蝦$99甜蜜醇香嘅女兒紅完全滲入哂爽彈鮮蝦內，使得蝦肉酒香濃郁，食落juicy回甘。🥢花雕醉蟹$89 大閘蟹完全沉醉於花雕酒內，使得蟹肉與蟹膏滿滿酒香。🥢酒醉文昌雞$89呢款係第三道以酒入饌系列，今次用上皮薄肉嫩嘅文昌雞，同樣都係酒香濃郁。🥢游水金魚湯餃$49超可愛嘅金魚响池塘嬉水，餃皮Q彈，漲卜卜餡料內藏好多鮮甜蝦肉，又打卡又好食。🥢鳳梨雀仔$49另一款可愛打卡點心，酥脆鬆香嘅外皮包裹着酸甜適中富菠蘿香嘅餡料，好味唔膩。🍯酒釀小丸子$49 酒釀湯酸甜醇和，小丸子口感Q彈煙靭，清潤暖胃。🍹手打鴨屎檸檬烏龍$39好搞鬼，個壺仔噴煙，好igable，清新鴨屎檸配烏龍，無得輸。🍹油甘茉莉茶冷萃咖啡$36咖啡味超香醇，富淡淡嘅油甘茉莉茶香，另外仲可以選擇常溫，啱哂而家咁凍嘅天氣。🍺深潛者冷釀IPA$39滑身口感，清香微酸，帶橘子味。🫖茶位$15如果叫茶飲的話，仲可以免埋茶位，超抵。…Read More

去到K11見到呢間泰式餐廳裝修以開放式設計，清新簡潔，睇下個餐牌都好啱食，係泰西fusion菜，仲有好多特色cocktail及茶飲添。🥢泰式香辣醉貓炒豬肉手工卷粉$138手工卷粉口感煙靭Q彈，有點像薯粉，除咗有肉片外仲有豆角粒及芥蘭。🥢炭烤魷魚鬚青芒沙律$98魷魚鬚口感彈牙，配以爽滑微酸嘅青芒沙律，惹味又清新。🥢棕櫚糖炭燒三皇雞(半隻)$188新鮮燒起熱辣辣，外皮超脆，肉質嫩滑juicy ，配搭烤菠蘿，可減油膩感，仲有新鮮脆卜卜嘅合桃及腰果。🍹阿閒泰氮氣冷泡檸檬茶$58與一般檸茶不同，飲落比較厚身，茶味濃郁，有層綿密氣泡，仲以為自己飲緊檸茶氣泡酒添。🍹原味泰茶配自家奶茶雪條$68原條奶茶雪糕奶茶味濃郁，服務員叮囑先加熱奶稍為將雪條溶解，再加入樽裝咖啡，打卡度高，又可自己親身動手體驗，好玩又好飲。…Read More

餐廳裝修好襌，清雅不失時尚，門口展示咗個好signature嘅日式燈籠組合藝術裝置；朋友食過呢間餐廳讚口不絕，雖然新開，但已經係北角嘅人氣店，主打10道菜嘅Rumi Menu每位$598 。🥢Fish Bone Tuile打卡度非常高又有驚喜，咁特別嘅魚骨造型原來係鯖魚茸所倒模而成，炸到脆卜卜，中間夾住肥美嘅拖羅蓉並混合清爽嘅意大利青瓜，食落有多層次嘅口感。🥢Burrata Cheese with 3-Year Aged Japanese Red Vinegar 用上奶香濃郁柔軟絲滑嘅布拉塔芝士，切開爆醬感十足，配埋酸酸地嘅醋漬車厘茄、沙律菜、櫻花蝦及師傅即刨鰹魚絲，用上3年熟成赤醋及醬油，混合所有食材一齊食，滋味無窮。🥢Sea Urchin Chilled Chawanmushi with Gauliflower Puree賣相極精緻，以海膽殼做器皿，茶碗蒸用上紫海膽，配上滑溜鮮甜椰菜花mousse，口感非常絲滑，最正嘅係上層添加咗甘甜嘅北海道赤海膽，非一般嘅茶碗蒸。🥢Pan Seared Scallop, Ponzu Beurre Blanc, Scallop Sauce 煎到微微焦香嘅鮮甜帶子配以柚子醋浸過嘅三文魚籽，仲有牛油果醬及白酒柚子醬，綿上添加咗條紫蘇花，成件事已經好完滿，但原來仲有重頭戲，師傅即席加入咗用柱貝炒香過嘅醬汁，湯汁勁鮮甜，成件事亦好有心思。🥢Charcoal Grilled Sanma秋天不能缺少嘅當然係秋刀魚，炭烤過嘅秋刀魚魚味濃郁，脂香爆發，配以味甘甜嘅秋刀魚肝醬及酸酸辣辣嘅杏仁混醬，前者味道比較濃郁，後者會較為清新。🥢Quail Gyoza with Chicken Liver Pate and Mushroom 香脆嘅餃皮包裹住原隻軟嫩鵪鶉脾，再配以味道濃郁嘅雞肝醬及juicy蘑菇，入口熱辣辣，外皮香脆內裡濕潤，原來餃子可以做到咁極致。🥢Abalone with Handmade Cavatelli Pasta自家手工扭指意粉，口感Q彈煙靭，沾滿濃郁嘅鮑肝醬汁，用上北海道鮮嫩滑溜鮑魚，同時配上時令筍，食落濃郁中帶清新。🥢Fatty Tuna Futomaki脆紫菜、口感軟糯嘅赤醋飯、爽脆青瓜再加埋肥美鮮甜嘅拖羅所整嘅太卷，充滿幸福嘅飽足感。🥢Matsutake Chicken Soup睇落雖然清清地，但飲落超濃雞味，並帶着淡淡嘅松茸香味。🥢Dessert自家製雪糕，用上迷迭香及焦糖化牛油所製成嘅雪糕，口感非常滑溜，味道就帶濃濃嘅迷迭香及生薑味，配上焦糖脆榛子及鮮橙，整體配搭清新，超有心思。今次所品嘗嘅10道菜，睇得出每道菜都花咗好多心思，又好有創意，食材配搭獨特，打卡度高，最緊要當然係好味。…Read More

餐廳牆身掛咗好多獨特風格嘅掛畫，而且燈光昏暗柔和，令人好放鬆，提供西班牙及日式料理，同時亦有不同嘅酒類，啱哂與三兩知己傾談歡聚。🥢北海道帶子沙律 $128嫩滑嘅薄切帶子與卜卜脆嘅三文魚籽超夾，再加埋爽脆青瓜、蘋果等蔬果，配搭鮮甜、鹹香又清新。🥢鹽烤西班牙鬼椒 $68鬼椒味濃而甜，簡單鹽烤已經超好味，份量都幾多。🥢明太子蟹肉西班牙蛋餅 $118蛋餅非常足料，內藏綿腍薯仔粒、並混合明太子及蟹肉，口感鹹香豐富，煎到微焦更覺蛋味濃郁，蘸點微酸嘅開心果醬，減低油膩感之餘仲可增添風味。🥢七味粉炸白蝦 $88酥脆微辣，蝦味濃郁，佐酒一流。🥢地中海煎烤智利海鱸魚 $288超厚肉，皮煎到脆卜卜，肉質緊緻亦不失嫩滑，魚味濃郁，油脂豐盈，配菜豐富，有法邊豆、櫻桃蘿蔔、車厘茄、青黑橄欖及椰菜花，並配上黑醋汁。🥂Prosecco Brut Zonin (Italy) $65帶橘子味，清新酸爽，與海鮮非常匹配；順帶一提，晚上8點前都有Happy Hour㗎。…Read More

今次多得住麗港城嘅朋友帶我去呢間酒樓，附近亦隣近觀塘海濱公園及茶果嶺海濱公園，酒樓都幾闊落，檯與檯之間都有一定距離，天花吊滿色彩繽紛嘅燈籠，另外仲有露台，可以觀賞煙花添。🥢油泡沙巴龍躉$168以油泡嘅做法，炸到條沙巴龍躉脆卜卜，脆到連魚翅位都可食埋，魚皮甘香脆口，肉質亦鮮嫩滑溜。🥢脆皮燒鵝皇(下庄)$188外皮酥脆油脂甘香，肉質嫩滑細緻，鵝味濃郁，餸酒一流。🥢金銀蛋白菜仔$108爽脆嘅白菜仔浸於濃郁嘅金銀蛋肉碎湯之中，惹味鹹香，金銀蛋及肉碎份量非常多，下飯一流。🍯糖水飯後免費紅豆沙，紅豆煲到夠綿夠沙，甜度適中。🫖茶位$16…Read More

今次去呢間印度素菜餐廳，1952年創於孟買，已經有70年歷史嘅老字號，堅持做傳統印度素菜，全球有成80間分店，當然要去朝聖下喇。入門口一刻已經聞到餐廳充滿印度獨特嘅香氣，令人好放鬆舒服，中間特色間隔架掛滿印度風餐具，同時播放着印度歌曲，再食埋印度素菜，簡直係沉浸式印度體驗。🥢Tikki Chaat $89底層係口感濕潤軟糯嘅薯泥餅，淋上軟腍惹味嘅咖哩鷹嘴豆、羅望子醬、辣椒醬及乳酪，口感層次豐富又開胃。🥢Paneer Tikka HaraMasala Biryani $129米飯粒粒分明乾爽，帶濃郁嘅香料味，芳香惹味，飯內有好多軟糯濕潤充滿奶香味嘅Cottage Cheese，同時配上濃濃香草乳酪醬，內裡有甜辣椒、青瓜等配料，可令米飯層次更豐富更平衡。🥢Chole Bhatura $115Bhatura炸麵餅口感煙韌Q彈嚼勁十足，Chole鷹嘴豆咖哩軟腍咖哩味香濃，帶少少辣多多香，同時配上鹹香醃漬青椒及辛辣生洋蔥絲，增添風味。🥢Cheesy Brocoli Tikka $109西蘭花被芝士及乳酪包住一齊燒，表面雖然燒焦，但西蘭花仍然濕潤，帶濃郁嘅芝士香，配搭清新嘅薄荷乳酪醬，令整度菜嘅口感更為平衡。🍹Mango Lassi $65濃稠又順滑，帶香甜嘅芒果味。🍹Chill Guava $65口感清新酸爽，帶芭樂嘅清新甜香，並帶輕微辣感，層次豐富。响 社交平台story打卡同時tag返餐廳，仲有9折優添。…Read More

居酒屋位於一樓，沿梯級掛滿日式燈籠，拾級而上好有氣氛亦好有儀式感，門口位置擺放咗靚靚打卡鳥居，餐廳裝修亦充滿日式風格。嚟得居酒屋當然要整番個靚靚刺身拼盤先啦👇🥢活赤貝$70肉質彈牙，鮮甜脆嫩。🥢油甘魚$88順滑爽彈，油脂甘香鮮甜。🥢深海池魚$90口感鮮嫩細膩，爽滑清甜。🥢中拖$138 油脂平衡，甘甜鮮味，肉質軟嫩。🥢鹽燒油甘魚鮫$90燒到魚翅都脆卜卜，好香口，肉質細嫩鮮甜，油脂甘香，跟咗柚子醋，可減低油膩感之餘更可增添風味。🥢花魚一夜乾$98原條花魚燒到表面收乾哂水，但肉質仍然鮮嫩緊致，味道鹹鮮又富油香，餸酒一流。🥢活鰻西京燒$68燒到表面夠哂焦香，鰻魚肉質軟腍，油脂豐盈，味道甘甜醇香。🥢軟殼蟹手卷$30軟殼蟹炸到外面脆卜卜內裏肉軟腍，並配上青瓜絲，清新又香口。🥢甜蝦唐揚$55放上檯已經聞到超香嘅炸蝦味，脆卜卜好惹味，確係餸酒佳餚。🍺麒麟生啤500ml$70呢款唔係普通嘅生啤，口感超正，面層係綿密嘅泡沫並夾雜住細緻嘅冰粒，飲一口透心涼。…Read More

呢間居酒屋嘅名物非千層脆脆及金龍珠卷莫屬，目測差不多檯檯都起碼叫一份，而且每道菜式打卡度都非常之高。🥢炙燒右口魚裙邊拖羅蓉海苔夾心脆脆$88炙燒過嘅右口魚，魚油甘甜肉質軟滑加埋肥美拖羅蓉，再配以脆脆海苔天婦羅做層夾，口感軟嫩又香脆，好有層次。🥢海膽拖羅蓉千層脆脆$138同樣以脆脆海苔天婦羅做層夾，綿密鮮甜嘅海膽配拖羅蓉，口感亦一樣好有層次。🥢焦糖鵝肝和牛千層脆脆 $98嫩綿肥美嘅鵝肝面上帶有薄薄一層焦糖卜卜脆，今次就由拖羅蓉換上和牛蓉，整體食落鮮甜肥美又香脆。🥢巴馬火腿芝士天婦羅 $88 鹹香火腿包住軟糯濃香芝士炸成天婦羅，香脆惹味。🥢皇金杯 $168造型好靚，好適合打卡，食材亦好矜貴，有蟹皇、三文魚籽及拖羅蓉，配以紫菜一同食，鮮甜度滿分。🥢金龍珠海膽吞拿魚蓉卷 $158用醬油醃漬過嘅蛋黃味道特別濃郁，再配以海膽及吞拿魚蓉，不愧為當店嘅名物。🥢蟹皇丼 • 月見蟹皇三文魚籽飯 $288呢款丼飯夠哂時令，用上蟹皇及三文魚籽，味道夠哂鹹鮮，再加隻橙紅色嘅蛋黃，增添豐富口感。🥢新銀丼 • 炙燒右口魚邊三文魚籽配柚子醋 $198炙燒過嘅右口魚油脂爆發，入口脂香四溢，可蘸點柚子醋減低油膩感，同樣都係配上三文魚籽及靚靚蛋黃，又係一道打卡美食。…Read More

門口見到呢間小店有日式嘅鍋燒烏冬、炸物、和風pizza，另外仲有雲南米線、重慶酸辣粉、重慶串燒系列、涼拌小食等，啱哂又想食中又想食日式美食嘅朋友。🥢大大碗雲南薯粉 $60叫一碗已經大滿足，超過10幾款餸菜超豐富，有潮州魚蛋、魚皮餃、豬紅、豆卜、牛腩、墨魚丸、支竹、娃娃菜、肉碎、酸菜、韭菜、芽菜、芫茜及蔥花，款款都合哂口味，當中最鍾意係牛腩，居然用上牛坑腩，口感軟嫩牛味濃郁，仲有Q彈煙靭嘅薯粉可選擇，最緊要係唔使額外加錢，好抵，整體酸酸辣辣好惹味。🥢酒香花甲米線 $58花甲新鮮juicy，份量超多，多到你想像唔到，配菜有金菇、芫茜及青蔥，加埋帶酒香嘅湯底，食到不能停口。🍢鵪鶉蛋$18細細粒，一粒一口Q彈滋味。🍢牛舌 $44爽彈不失鮮嫩，入口富肉汁。🍢白鱔 $44皮脆肉質細緻爽彈，鮮甜味濃。🍢菠蘿$36微微燒焦嘅菠蘿味道更顯濃郁，多汁甜香。🍢秋葵$18鮮嫩爽口。🥢涼拌墨魚頭$49墨魚頭口感新鮮爽脆，涼拌醬汁帶點麻辣香，佐酒一流。有串燒又有涼拌小食，當然要嗒番杯喇🍻。🍺藍妹$35🍺朝日$35🕝下午茶時段14：30 - 17：30，凡惠顧雲南米線系列，加配兩個餸，就免費送凍飲一杯。🕝 另外串燒狂歡時段14：30 - 17：00，只係$100就有10串，當中仲可揀焗生蠔或燒白鱔，超抵。…Read More

Pirata Group 大閘蟹狂賞月已經登陸 Pici 及 The Pizza Project，最喜愛Pici 每月都推出不同主題特價美食，今個月就將大閘蟹融入其意大利菜式當中，同時亦帶到The Pizza Project，如果大家想食每日鮮製手工意大利麵就要去Pici，想食Pizza嘅話就要去The Pizza Project，因為兩間店舖係各有主打㗎。今次我哋就去咗Pici去品嘗佢哋出色嘅手工麵，餐廳裝修設計係傳統意大利風格並用上木調傢俱，設有開放式座位，可與朋友、家人或毛孩一同分享美食及開心時刻。Tasting Menu每位$298🥖麵包用袋裝住，保持衛生，麵包蘸油醋係最正嘅。🥣軟殼蟹藏紅花忌濃湯軟殼蟹肉厚香脆，沉浸於濃厚creamy嘅藏紅花忌濃湯內，吸收哂啲湯汁後，嫩滑味鮮。🥗熱帶蟹肉沙拉甜香juicy紅肉木瓜加清新酸爽青木瓜再配上鮮甜鹹香蟹肉，清新味美，配搭一絕。🍝大蝦海鮮濃汁黑細麵大蝦肉鮮爽，黑細麵軟硬度恰到好處，每條麵條都沾滿茄味濃郁嘅醬汁，美味極致，醬汁內更有鮮甜蝦肉充滿其中，增加不少鮮味。🍝 澳洲龍蝦扁意粉呢款扁意粉口感厚實煙韌，好好咬口，沾滿鹹香味鮮嘅龍蝦汁扁意粉，惹味濃郁，再配埋彈牙爽口嘅龍蝦，外表平凡但食落超凡。🍝大閘蟹粉手工圓麵 呢款手工圓麵外表很像烏冬，但口感係超超超煙靭彈牙，非常獨特，味鮮鹹香嘅大閘蟹粉份量超多，舖滿成碟手工圓麵，每條麵都被蟹粉包裹著，入口味鮮濃香。🍧柚子奶凍奶凍質地濃香軟滑並充滿柚子香，面頭舖滿juicy柚子肉，增加清新感，清甜唔膩。🧁薑味雪糕第一次食到呢款咁獨特口味嘅雪糕，薑味濃郁，與 醇厚牛奶配合，食落有點像薑撞奶嘅味道。🥂Rose Della Sicilia 很明亮嘅淡橙粉紅色，帶花香及雜莓味，清新微酸口感柔滑。…Read More

秋意漸濃，呢間餐廳推出咗秋冬時令美食，齋睇餐牌都覺得好吸引，於是入去試下，餐廳裝修木系為主，簡潔清新。🥢燒日本南瓜無花果瑞可塔芝士配蜜糖黑醋汁$118顏色已經好吸睛，瑞可塔芝士口感濕潤綿密帶淡淡奶香，配合燒香嘅南瓜、無花果、櫻桃蘿蔔仔、車厘茄及新鮮沙律菜，再淋上黑醋汁，開胃又健康。🥢火炙間八香草燒日本南瓜丼$138丼上放咗片紅葉合時又igable，火炙過嘅間八突顯鮮甜及魚油香，另外，濃郁嘅松露醬與間八及南瓜一齊食都好夾，同時跟咗碟海蜇，口感Q彈。🥢香煎帶子榮螺貝柱蒜片意粉$158帶子都幾厚肉，口感爽彈又juicy，醬汁內有煙靭爽脆嘅榮螺肉及大量蒜蓉，使得沾滿醬汁嘅意粉都好惹味。🍨柚子雪葩無花果芭菲$72有柚子雪葩、柚子啫哩、無花果、士多啤梨乳酪及穀物脆脆，清爽唔甜，健康又好味。🍹楓糖乳酪奶蓋香橙伯爵茶 (凍)$58奶蓋幼滑甜香，與濃郁香橙味嘅伯爵茶混合一齊都好夾。☕️楓糖乳酪奶蓋蘋果生薑伯爵茶 (熱)$58以紅葉做裝飾，好有秋天氣息，生薑暖生亦啱哂秋天飲用，熱飲更突顯生薑嘅味道。…Read More

餐廳樓底高，檯與檯之間有足夠距離感，坐得舒服，裝修好有京都feel，有藝妓牆、日式吊燈以及錦鯉、富士山、哥斯拉嘅天花佈置，另外，從餐廳嘅落地大玻璃可遠眺維港景及中環城景，感覺相當寫意。每份Izakaya Brunch Set 都會附有6款前菜。🥗前菜• 菠菜沙律：清甜嘅菠菜配胡麻醬絕對無得輸。• 吞拿魚他他：口感清新爽甜。• 三文魚明太子大葉天婦羅：炸到脆卜卜又夠哂鹹香。• 磯煮鮑魚：鮑魚口感軟腍，味道鮮中帶甜。• 松葉蟹肉湯葉配高湯掛：鮮甜松葉蟹與嫩滑湯葉沾滿高湯，真係好有京都色彩。• 煙燻鴨胸：鴨胸嫩腍鹹香。🥢特上刺身拼盤定食 $498成個拼盤超吸睛，有鮮甜甘糯牡丹蝦、入口即溶大拖、油脂平衡中拖、甘甜濃郁海膽、嫩彈鮮甜帶子、爽脆彈牙劍魚腩、柔滑甘香鯛魚及入口回甘口感細膩嘅安康魚肝，並附有沙律、味噌湯及白飯，一個拼盤十分滿足。🥢特上壽司拼盤定食 (12件)$488壽司拼盤有吞拿魚腩、海膽、金目鯛、帶子、劍魚腩、三文魚、鯛魚、鰈魚裙邊、吞拿魚、油甘魚、池魚及牡丹蝦，款款都好新鮮厚切，有鮮甜、有爽口、有肥美、有肉嫩……，件件口感不同，啱哂多心嘅我，同樣附有沙律及味噌湯。🍧芝麻雪糕每份Izakaya Brunch Set同樣包咗芝麻雪糕作結尾。呢間居酒屋可欣賞到維港景、中環城景，又好有京都風情，感覺令人好放鬆，坐得好舒服，咁好氣氛，當然要飲番杯清酒喇，發現原來有🍾free flow drink package，有3個package可選擇，我哋揀咗最貴嗰隻$428，因為有我哋喜愛嘅香檳及清酒，另外仲包埋紅白酒及啤酒，都非常合我哋心意。🥂香檳泡沫細膩柔滑，香氣馥鬱，帶清新嘅水果味，口感平衡和諧。🍶清酒醇香柔和，微甘， 啱哂初心者飲用。有美酒又點會無佳餚呢，叫咗幾款串燒試下👇。🍡銀杏$30：口感Q彈，味道獨特，回甘清甜。🍡青椒仔$35：微微燒焦嘅青椒仔，味道濃郁。🍡厚切牛舌$75：爽口彈牙中不失嫩滑，juicy爆汁。🍡銀雪魚$65：皮脆肉嫩，脂香滿溢。…Read More