CHUTNEY

升降機一出見到個充滿神秘感嘅Reception，左手邊嘅牆壁係用馬賽克湊拼成一幅印度皇族壁畫；餐廳內亦充滿印度風情，裝修金碧輝煌。🥢薄脆及三個醬汁 先來一個序幕，鹹鹹脆脆嘅薄脆配上菠蘿、薄荷及紅菜頭醬汁，印度特色出哂嚟。🥢鮮果餡料脆餅賣相超靚，薄薄嘅脆皮包裹着不同款式嘅清甜生果，包括有提子、蘋果、蜜瓜、香蕉等…，仲混合咗乳酪及薄荷醬等醬汁，令到整體更柔和，口感更清新。🥢盲曹魚咖哩盲曹肉質腍滑，配上香料味超濃郁嘅咖喱，餸飯或餸薄餅都好正。🥢香料菠菜苗煮雙孢蘑菇軟滑綿香嘅菠菜苗蓉入口充滿炭香味及蒜香味，風味一流，個人覺得與Naan非常之夾。🥢酸甜醬炒蝦球爽彈蝦球配上酸酸甜甜仲有少少辣嘅醬汁好開胃。🥢茉莉香米🥢香蒜饢餅有咖哩當然唔少得米飯及Naan喇。🍹Lassi Mango滑溜溜嘅乳酪與甜香芒果混合而成嘅飲品，口感濃郁豐富又健康。🍹Desi Soda清清爽爽，帶薄荷及檸檬嘅香味，醒神開胃。