肉肉大米

Open Now

Now Closed

餐廳以開放式廚房設計，無論坐邊度都可睇到職員煎漢堡扒嘅狀況，感覺都好療癒。🥢3件漢堡扒套餐(原味2件+芝士)$125🥢3件原味漢堡扒套餐$110套餐包咗漢堡扒、西蘭花、生蛋、餐湯及白飯， 當中嘅西蘭花、餐湯及白飯皆可無限添食。漢堡扒係逐件上，表面已經煎到夠哂焦香，如果想熟少少，可以在自己嘅鐵板上煎一煎，控制番自己喜愛嘅生熟度；漢堡扒牛味濃郁，就算煎熟少少都仍然咁juicy 。芝士漢堡扒超邪惡但係超美味，放上整塊片裝芝士再灑上大量芝士碎，啖啖濃郁芝士充滿鹹香及奶香。可以任食嘅西蘭花，在鐵板上煎過，味道更顯濃郁。蕃茄蔬菜蜆仔湯好多料，蜆仔都好鮮甜，可以免費續碗實在太正。米飯亦可免費續碗，質地軟糯有飯香。生蛋絕對要撈埋白飯一齊食，超正。檯頭上嘅醬汁非常多款式，有洋蔥醬、燒肉醬、奧羅拉醬、黃芥末醬、沙茶醬、胡椒鹽、芥末鹽麯、蒜香辣椒醬及爽口醃菜；個人超喜愛芥末鹽麯及黃芥末醬，清爽中帶獨特嘅香味，並可減低油膩感。紀州橘子汁$38濃郁嘅橘子香味，味道甜香中帶微微酸爽。檯頭仲擺放咗好清新清爽嘅薄荷檸檬青檸橙水添。