Skull_couple's Profile

上星期同朋友係荃灣跑完步佢話有間串燒店好好味, 於是我地過左去食估唔到係荃灣樓上既餐廳可以咁熱鬧餐廳裝修好日系坐底之後店員就拎左個爐黎比我地話比我地暖住啲食物, 都幾細心我地點左鹽燒白鱔魚皮燒到似威化紙咁脆，鱔肉卻保持啖啖膠質孜然燒蒜蓉茄子係每次必點嘅素食之選，原條茄子上鋪滿金銀蒜孜然香氣撲鼻，用匙羹𢳂起嚟食仲有肉汁流出嚟七味汁燒豬大腸清洗得極乾淨，完全無異味燒到外脆內糯，七味粉嘅微辣更加帶出腸衣嘅油香，送酒一流孜然豚肉莞茜卷我身為一個芫茜控見到即刻忍唔住點豚肉片卷住滿滿香菜燒香後芫茜依然保持翠綠孜然味同芫茜香意外地夾味醂魚干燒得恰到好處甜鹹交織嘅魚香配沙律醬，係傳統居酒屋風味燒芝士年糕外皮脆卜卜，上面放左紫菜醉點埋醬汁一齊食味道好意想不到蟹肉芝士最中餅個賣相好靚, 創意滿分中間夾住滿滿既蟹肉作為串燒中途嘅小清新break食都幾合適鹽燒翠玉瓜多汁清甜，完美展現蔬菜原味汁燒三黃雞氣管口感獨特似脆骨，燒汁甜甜哋幾惹味，鍾意咬嘢既朋友應該會沉迷呢種爽脆感焦糖鰻魚芝士玉子燒鰻魚既焦香同玉子既軟嫩, 兩者口感加埋好特別而且兩樣都係我鍾意既食物鹽燒鮮三黃雞腿肉簡單用鹽調味已經無得輸雞肉嫩滑，外皮燒到微脆鎖住肉汁，好味焦糖青蘋果鵝肝多士比我想像中大件, 鵝肝好厚身用焦糖青蘋果嘅甜酸平衡油膩感個多士仲要烘到牛油香四溢，完美配搭厚切鹽燒牛舌拖羅牛舌好厚切咬落爽彈得嚟帶點黏口炭火香同肉香交織我同朋友都爭住食埋最後一件添鹽燒和牛牛小排油花分布靚到似藝術品，輕輕一咬油脂香即時爆發建議第一啖原味，第二啖點少少wasabi，層次即刻昇華～鹽燒原塊雞皮燒到似塊透明玻璃紙，脆到「索索聲」又唔油膩灑咗少少七味粉更加惹味，送酒一流！和牛棒配松露一口飯造型精緻，將和牛碎搓成棒狀燒香配埋松露香濃嘅一口飯兩種口感同時享受，儀式感滿分…Read More

琴晚同班friend食飯揀咗間主打潮式海鮮嘅私房菜一入去就聞到陣陣鑊氣同埋燉湯嘅香味坐低冇耐，店員就開始上菜每道餸都係即叫即整，熱辣辣上枱樣樣都好新鮮 海苔墨魚 墨魚鮮嫩彈牙，咬落去仲有少少爽口配埋海苔嘅香氣，鹹香得嚟又唔會搶咗墨魚嘅鮮味口感層次好豐富韭菜蝦皮蠔仔春卷 平時食春卷多數係豬肉或者素菜餡今次試咗呢個蠔仔版本，真係有驚喜韭菜嘅香味好突出，但完全唔會蓋過蠔仔嘅鮮甜脆卜卜嘅外皮包住juicy嘅餡料，好食到停唔到口 潮式熟醃羅氏蝦潮式醃蝦我第一次食原來用半熟既蝦去醃製建議先食蝦身，感受吓蝦肉嘅鮮甜同爽彈之後再啜吓蝦頭，裏面嘅蝦膏濃郁到爆，仲帶少少酒香，正！ 四季燉湯 老火湯就飲得多，但呢個湯真係夠晒足料材料包括有豬肺、雞腳、大白菜、豬𦟌 豬肺洗得好乾淨大白菜同豬𦟌令湯底更加清甜飲完喉嚨好舒服 梅子花龍蝦球 龍蝦肉超級嫩滑咬落去彈牙得嚟仲帶少少爽口梅子醬唔會太酸，甜甜哋同龍蝦嘅鮮味好夾 豉椒汁炒蟶子皇刀削麵 蟶子皇大大隻，鮮甜冇沙豉椒汁炒得夠鑊氣，刀削麵吸盡啲精華麵質煙韌有咬口，同蟶子一齊食口感同味道都滿分玫瑰煙燻新鮮雞 一上枱就聞到陣陣煙燻香雞皮微微焦脆，入面嘅肉質竟然可以咁嫩滑玫瑰嘅香氣好特別，唔會太濃，就令成道菜多咗份優雅感旁邊嘅薄荷葉唔止係裝飾夾埋雞肉一齊食，清新得嚟又解膩 啫啫蝦乾芥蘭煲一嚟到就聽到「啫啫」聲，香氣撲鼻乾嘅鹹香完全滲入芥蘭度，菜莖爽脆冇渣熱辣辣咁食真係超正 龍蝦頭抓拆肉泡飯店員將泡飯上枱之後，即場倒入脆米通聽到「咋」一聲，視覺同聽覺都享受埋拆出嚟嘅龍蝦肉仲保持到嫩滑，加埋煙煙韌韌嘅米通口感好過癮，係完美嘅收尾…Read More

上星期同閨蜜去咗呢間隱世法式廚房室外位仲可以帶埋毛孩一齊chill整間餐廳環境都好大座位好闊落, 坐底之後我地點左 法式酥皮龍蝦湯 一上枱就聞到超濃龍蝦香個酥皮用叉輕輕一篤「咔嚓」一聲脆到好似ASMR咁趁熱將酥皮撈落湯飲吸晒啲精華好邪惡呀新鮮活藍青口伴意大利軟包成鍋藍青口份量都幾多每隻都脹卜卜、冇一粒係閉殼肉質嫩滑, 個白酒蒜蓉汁既蒜味夠香但唔會搶鏡加咗少少蕃茄同香草，再將個意大利軟包點落個汁度吸到滿滿嘅精華，味道都幾好炭燒澳洲肉眼牛扒 × 波士頓龍蝦尾 牛扒叫咗medium rare, 切開粉嫩冇血水個炭燒香真係無得輸, 龍蝦尾爽甜到彈牙旁邊仲有個薯餅, 幾好食白酒煮蜆扁意粉每啖意粉都掛住白酒同蒜香蜆肉都幾大隻又冇沙最驚喜係用扁意粉個意粉都幾吸汁最後梗係仲有甜品啦甜品我揀左最鍾意食既Tiramisu呢度既Tiramisu味道奶油味勁啲酒味唔算好濃, 大人細路都岩食而飲品我地揀左杯勁打卡既Cocktail「美女與野獸」 侍應一拎過嚟全場望住玻璃罩一打開煙霧瀰漫入面仲有食用花同乾冰效果閨蜜瘋狂影咗好先肯飲 味道似玫瑰荔枝特飲，酒精好輕盈，女仔一定會鍾意 Hoegaarden Peach蜜桃甜香既啤酒，解膩又清爽，正呀食飽仲有代幣比我地夾公仔最後我地夾到優惠劵留番下次黎可以用先…Read More

同朋友行開尖沙咀餓餓哋諗起好耐冇食泰菜誤打誤撞闖入嘉蘭圍呢間餐廳坐底後我地叫左泰式檸檬烏頭一上枱都幾震撼無諗過都幾大條魚魚蒸得剛剛好，魚肉嫩滑到夾唔起最正係魚肚位啖啖肉芒果蟹肉炒飯金黃色炒飯粒粒分明蟹肉絲唔係求其俾兩條，真係撈勻每啖飯芒果清甜解膩，估唔到同成個飯都幾夾烤安格斯牛肉沙律牛肉驚喜地軟身燒烤香配泰式辣汁好開胃洋蔥絲同薄荷葉夾埋一齊食清新得嚟又惹味泰式豬頸肉炭燒香氣撲鼻厚度切得剛剛好外脆內軟唔乾身點埋秘製醬汁簡直停唔到口馬拉盞炒通菜鑊氣十足，馬拉盞鹹香惹味但唔會過鹹菜梗脆嫩菜葉掛汁，簡單但最考功夫…Read More

上星期去左上水探家姐之後食晚餐費時煩食乜所以就去左食放題見到佢哋啲湯底名幾得意有個叫「博多美人骨膠原啫喱雞白湯」聽到個名已經覺得自己需要補充膠原蛋白（笑）佢個湯底賣相好可愛另外家姐就揀咗關東風壽喜燒，甜甜地咁襯牛肉最正一坐低就衝出去拎嘢食出面自助區有菜、丸類、飲品同甜品款式都幾多，不過我地主力係嚟食肉嘅即刻落單叫咗阿古豚梅肉、精選牛肩胛同星級牛肌腹阿古豚梅肉好軟嫩，油脂分布平均壽喜燒湯底淥一淥再點生雞蛋食，超滑！牛肩胛同牛肌腹都唔錯，尤其是牛肌腹咬落去有少少彈牙，肉味幾濃另外仲食佢哋嘅炸物拼盤炸雞塊配芥末沙律醬好開胃日式炸蠔同炸蟹鉗都脆卜卜唔會油淋淋最驚喜係脆皮香蕉同冰烤番薯第一次食，好特別炸雞軟骨粒細細粒送酒仲有雞皮餃子，個皮炸得香脆中途叫咗碗溫泉蛋牛摩飯撈勻啲蛋漿同牛肉碎，飯粒濕潤又香最後食埋個甜品，真係大滿足下次再encore…Read More

泰菜幾時都食唔厭上星期接朋友收工之後沙田食飯裝修幾有泰國街頭feel，好似好好味咁所以就入左去食首先係打拋豬肉飯因為朋友唔食得辣，所以走左辣冇咗辣味反而更食到豬肉同九層塔嘅香撈飯一流雜菜炒闊河粉河粉夠闊身，咬落有口感雜菜爽脆，雖然我地走左辣但鑊氣十足醬汁鹹甜適中，唔會太油膩 泰式燒豬頸肉驚喜十足！外皮燒得微微焦脆肉質爽彈，點埋個酸甜醬，真係停唔到口燒原隻魷魚成隻上枱，切開仲見到微微炭香魷魚新鮮彈牙，蘸少少泰式辣醬味道好夾最後以芒果糯米飯作結芒果甜到漏，糯米飯暖笠笠椰漿香濃但唔會太甜，完美收尾…Read More

收工約咗朋友食飯佢話銅鑼灣有間樓上居酒屋好隱世仲要唔使排長龍上到去估唔到都幾有氣氛坐底左後就開始叫野食拖羅蓉脆米餅一上枱就聞到陣芝麻香脆米餅咬落「咔嚓」一聲上面堆滿咗鮮甜拖羅蓉口感又暖又冷，好過癮蓬鬆玉子 一切落去，蛋香爆出嚟中間仲流心，甜度剛剛好汁住左口魚裙邊 果然係名物魚裙邊油潤到發亮，醬汁甜中帶焦香一放入口就化開，滿嘴魚油香朋友原本話怕膩，但結果自己食晒全部燒油甘魚鮫 皮脆肉嫩，魚油滴晒出嚟夾埋檸檬汁同蘿蔔蓉，食落都唔膩輪到最期待極上蟹肉蟹膏燉飯一上枱成個蟹蓋下鋪滿蟹膏撈勻啲飯仲食到絲絲蟹肉濃郁到癲，每一啖都好滿足 …Read More

早兩日放工心血來潮突然好想食碗熱辣辣嘅日式拉麵門面細細但成日見人排隊，一於黎食佢先我地點左個月見牛燒肉丼定食上枱時見到蛋黃喺牛肉山頂搖下搖下撈勻之後飯粒掛滿蛋汁燒肉都幾香口，每啖飯連埋肉一齊食好滿足另外再叫左碗香菜拉麵個名已經夠衝擊芫荽控既我一見到就即刻叫左湯底係豬骨濃湯混咗芫荽醬飲落意外地平衡火炙叉燒肥瘦適中直麵吸湯力強，好好味個餐加錢就有雞軟骨棒餃子煎得脆口餡料豐富，仲食到「喀嚓」聲最後仲有鮭魚腩同帆立貝帆立貝厚切又鮮甜，鮭魚腩食完會再想食味道好濃厚…Read More

早兩日同朋友行完街去左附近呢間食日本野估唔到食物質素真係有驚喜而且價錢又合理⁡我地點左究極金龍卷 呢個卷物好特別裡面既蝦炸到金黃脆口外層包住壽司飯飯上面仲有拖羅同金箔有塊鱈魚乾放埋係上面脆、軟、鮮三種口感一次過晒，好滿足⁡究極丼 見到個賣相已經流口水三文魚、油甘魚、帶子全部厚切仲有大蝦、左口魚、海膽、拖羅, 材料好豐富放埋隻溫泉蛋落去，篤穿之後撈飯食成個丼即刻滑溜晒呢個價錢食到咁高質嘅海鮮丼，好抵⁡山葵泥碎拖羅丼 鍾意食拖羅嘅朋友一定要試將拖羅剁碎撈埋新鮮山葵泥加少少醬油再一齊食飯粒吸晒拖羅嘅油脂香食到尾都唔會覺得膩⁡京蔥地雞 估唔到日式小店嘅雞都整得咁好食雞皮煎到脆卜卜，肉質依然juicy配埋個芝士忌廉汁，邪惡到爆連埋薯條一齊食，無得輸⁡另外原來佢炮台山都有分店好似話嗰度仲大啲添如果多朋友一齊食飯，可以去果度都得啵⁡⁡⁡…Read More

早幾日出旺角行完Donki順便醫下肚去左隔離間燒肉店食原來係台灣人氣NO.1嘅「燒肉Smile」聽講佢哋嘅一人燒肉好出名，而且肉質有保證性價比都幾高我地叫咗兩個套餐加單點，食到超飽 牛肉盛合套餐（和風醬燒）  呢個套餐有齊牛小排、厚切板腱牛排、牛橫膈膜、牛肋條同牛舌一次過試晒五種部位，啱晒我哋呢啲貪心嘅食肉獸  牛小排油花均勻，燒到微焦時油脂香爆出，入口即溶，正！  牛橫膈膜肉味濃郁，帶少少嚼勁 牛舌薄切但唔會韌，加埋蔥鹽一齊食，爽脆得嚟又香口 整體都算高質SMILE盛合套餐（和風醬燒） 呢個套餐係「燒肉Smile」嘅招牌之一主打海陸雙拼 , 肉類海鮮組合除左牛小排同埋牛橫膈膜外仲有松阪豚, 即係豬頸肉, 口感爽脆，燒到金黃色時外脆內嫩，油脂滲出嚟超香。  北寄貝新鮮彈牙，燒完唔會縮水，帶淡淡海水味鮮蝦爽口，燒到蝦殼微焦時更香鱸魚魚肉嫩滑，魚皮燒脆後更香，唔會腥另外我地兩個餐都配左蔥花蘭王玉子飯同埋雪濃牛骨湯用日本蘭王蛋，蛋黃濃郁，撈飯超正 雪濃牛骨湯湯底濃郁，飲落去有牛骨香，暖胃又解膩  特別再提鳳梨冰茶（菠蘿特飲）好好飲 呢杯特飲唔單止有鳳梨嘅酸甜，仲加入咗蒟蒻粒飲落去清新解膩，蒟蒻咬落QQ哋，同鳳梨果肉好夾最後再食埋佢個精選甜品焦糖布丁, 咁就大滿足…Read More

早幾日母親節同媽媽食好啲成日陪媽媽買餸都見到呢間餐廳就帶佢黎食下先一入到去已經聞到好香坐低後點咗杯生啤, 呢日母親節仲做緊半價添另外仲點左杯青檸柚子梳打，酸酸甜甜超解膩 至於野食呢, 我地點左燒油甘魚頭魚皮脆到咔嚓聲，魚肉爆多汁，肉質幾嫩羅燒伴燒鱈魚乾蟹膏濃到癲，連埋鱈魚乾嘅脆勁，鹹香得嚟又唔腥，送酒一流厚燒牛舌串牛舌夠厚身，咬落爽口，唔會韌，簡單鹽燒已經好夠味燒扇貝我地叫咗芝士同蒜蓉兩款芝士嗰款味到好濃郁蒜蓉就超級多蒜蓉鍾意食蒜既一定要點 三文魚腩油脂分佈平均師傅切得夠厚食落有口感 牛肉壽喜燒牛肉份量都幾多配料有豆腐、金菇、寬粉整體味道都好夠, 湯底甜甜地, 幾好香蒜大茄燒蒜蓉鋪到滿滿，茄子燒得軟身，蒜香十足香蒜牛油芝士流心蛋粟米切開真係有流心，芝士味都夠濃 燒韮菜串燒得剛剛好，唔會過乾燒日本甜薯日本甜薯我本身好鍾意食外皮燒到微焦而且有層蜜糖甜甜的入面薯肉香甜綿密，好味食埋甜薯作結尾, 成餐好滿足…Read More

同事last day 我地去左銅鑼灣間暗黑風格餐廳環境型格最初黎到本身已經揀好食啲咩點知黎到望到一個新餐牌係華園同呢間餐廳合作 所以個Starter轉左叫呢個「齋燒鵝」個雞肝醬係自己做然後配埋佢哋手做嘅酸種麵包麵包上有砵酒加蒜頭同雞肝打成個醬上面再放上華園既齋燒鵝再係上面加左少少百里香同黑椒個麵包好鬆脆，一啲都唔硬包入面仲有合桃，好有口感估唔到成件事味道咁夾「Uni Lobster Bisque Arancini」用原隻龍蝦加埋蘿蔔洋蔥西芹做個汁黎煮個意大利飯將意大利飯包好後再拎去炸上面再放左北海道小川海膽外脆內軟, 一咬開, 濃郁既芝士直頭可以拉絲, 勁吸引底層鋪左黑豆, 對比色仲顯得個食物再突出「Crispy Short Rib」呢個牛係由牛坑腩整成朋友話食落口感似叉燒佢肥瘦剛好, 肉質好嫩滑個薯蓉好幼滑軟線綿不經不覺食下食下我都食晒全部薯蓉「Yellow Chicken Roll」慢煮完再用牛油同煎左啲雞外面脆，入面啲肉好滑佢仲有啲麵包粒脆脆食落好有口感而且個配菜個毛絨菇好好味「Genmaicha」玄米茶浸咗Gin再加入自製嘅冬瓜茶同埋梳打水，佢個味道有三個層次先係玄米茶，跟住冬瓜茶最後先係嗰種酒味味道甜甜好易入口「冷泡甜話梅」話梅浸咗Gin再放係冷泡茶入面我覺得個細心位係佢用冰條話梅放係冰條上面又唔會跌晒落去味道酸酸咁好開胃…Read More

媽媽生日話想食台灣菜於是就帶左佢出去銅鑼灣買下新衫同埋黎呢間餐廳慶祝呢間餐廳好耐之前同爸媽都食過佢地食完都話好正, 所以今次再同佢地食記得之前係去銅鑼灣另一間店今次搬左新鋪環境一如以往地好好光猛, 座位好闊落坐底之後佢俾咗個前菜我哋食係煮稔左既栗子同花生好好味，甜甜地而且佢因為煮腍左所以唔係好熱氣之後開始上菜啦第一樣梗係叫佢招牌菜色 – 小籠包啦皇朝特色小籠包 (8件)八種唔同顏色, 勁吸引, 見到都想食味道分別有招牌原味、糟溜絲瓜、鵝肝、黑松露、芝士、蟹粉、蒜香、川味而且食既時候原來有分次序, 由淡味食到濃味每款都咁好味, 我諗我一個人食晒成籠都食得落芝麻醬油麥菜第一次食新鮮既油麥菜廚師將油麥菜捲埋，再用青瓜包住點埋芝麻醬一齊食，味道好夾菜好冰凍，好fresh特別欣賞廚師嘅細心因為隻碟係凍，所以可以保持住菜嘅溫度蘿蔔絲酥餅呢個真係極力推介個酥外層好鬆化入邊嘅蘿蔔絲煮到好腍基本上唔使咬都已經入口即融同埋就算我哋放咗好耐咬開入邊嘅蘿蔔都仲係熱辣辣李白醉雞唔飲酒嘅媽咪都覺得酒味岩岩好唔係好濃又唔會搶走雞既味道雞肉好嫩滑忍唔住成碟連雞皮都食埋皇朝魚湯酸菜魚份量比想像中多除咗主角酸菜同魚之外仲有豆腐、薯粉、萵筍魚肉質非常之滑而且又冇骨湯底唔算辣，係喉嚨嗰種辣薯粉好軟棉棉豆腐好彈牙香煎豆沙窩餅外層煎到好脆紅豆甜到岩岩好而且個窩餅唔痴牙今餐飯真係大滿足…Read More

平時同親呢幾個朋友都係去做運動今次打破過慣例，一於去打邊爐先因為啱啱去完泰國，太掛住泰國嘅味道所以就約咗佢哋去食泰國火鍋秘製冬陰功椰奶雙拼鍋雙拼鍋真心好抵，個價錢仲要平過單點兩款湯都係新鮮熬製冬陰功嗰邊係有四隻海蝦梗係飲吓個湯先椰子湯底有好多雞肉，又有粟米而且湯底好甜，又唔會覺得好溜飲完又唔覺得好口渴輪到飲冬陰功湯湯底有少少辣不過係喉嚨嗰種辣唔太食得辣嘅，我都覺得飲完想再飲美國嚴選牛板腱肉質顏色好靚脂肪分佈好平均而且牛味好濃又唔會覺得好酥手工鮮炸腐皮卷（4卷）打邊爐梗係要食響鈴呢個鮮炸腐皮卷，其實即係響鈴佢炸到好鬆脆一層一層咁點一秒落湯度再食軟脆交替果個口感感覺好好潮汕牛肉丸（4粒）牛肉丸好彈牙我哋四個人一人一粒啱啱好唐生菜兩款湯底都咁吸引梗係要叫個菜嚟吸收下啲湯底再食吓最後梗係食埋甜品啦招牌椰皇凍呢個真係強烈推介雖然佢名話係椰皇但係其實係用椰青做入面全部都好似係奶凍咁而且淡淡椰青嘅味道，好清新入邊啲果肉都好容易刮出嚟我哋問過店員佢話可以就咁外賣依個甜品食價錢又唔貴下次外賣一個俾媽媽食先整體都好好味$15包括醬料、茶水、蝦片蝦片仲要無限添加，好正另外有加一既價錢整體都唔貴，下次再約朋友嚟食先…Read More

上星期終於早啲收工可以同屋企人嚟呢間餐廳度食因為每次如果晏收工，間餐廳都好多人排隊間餐廳裝修好靚，見隔籬枱啲嘢食都好吸引坐低咗之後我哋開始點菜White Wine Mussels 個醬汁煮得好好味，旁邊仲有麵包伴隨住用嚟點醬汁再食，非常滋味而且青口一啲雪味都冇，每一粒都脹卜卜Black Truffle Cheese Chips 每次嚟到西餐廳，見到有薯條都必定會點每條薯條都好大條，而且唔係好油膩配埋黑松露醬，食完一條又一條Grilled Lobster Tail & Seafood Risotto 輪到主菜啦主菜我哋叫咗一個龍蝦海鮮意大利飯意大利飯煮到軟硬度啱啱好返上面配有好多海鮮有青口、魚、龍蝦、每件都好大件因為個飯太好味，有啲想一個人食晒成碟Matcha Cream Pancake 食完個飯食甜品啦個pancake比想像中大件兩層疏乎厘中間搽咗抹茶醬一切開一啲抹茶醬就留出嚟個pancake好鬆軟而且疏乎厘上面有好厚厚嘅抹茶醬望到都好想食…Read More