上星期接朋友收工
之後沙田食飯
裝修幾有泰國街頭feel，好似好好味咁
所以就入左去食
首先係打拋豬肉飯
因為朋友唔食得辣，所以走左辣
冇咗辣味反而更食到豬肉同九層塔嘅香
撈飯一流
雜菜炒闊河粉
河粉夠闊身，咬落有口感
雜菜爽脆，雖然我地走左辣但鑊氣十足
醬汁鹹甜適中，唔會太油膩
泰式燒豬頸肉
驚喜十足！外皮燒得微微焦脆
肉質爽彈，點埋個酸甜醬，真係停唔到口
燒原隻魷魚
成隻上枱，切開仲見到微微炭香
魷魚新鮮彈牙，蘸少少泰式辣醬
味道好夾
最後以芒果糯米飯作結
芒果甜到漏，糯米飯暖笠笠
椰漿香濃但唔會太甜，完美收尾
