FoodBo's Profile

新試業既火鍋店，裝修新，座位寛敞，4人有卡位間格座。整體用料新鮮，唔錯既選擇！最欣賞桶蠔，7隻好肥大新鮮。響鈴、魚皮即炸好脆安格斯牛肉都幾嫩炸芋頭超粉，good quality飲品紫貝天葵唔太甜，good~白汁豬肺湯底好味，唯一係豬肺蘿蔔有d未霖，可能係我地5：30食既關係 整體都唔錯，舒適火鍋之選～…Read More

一班朋友仔齊齊去試法國餐，真係感受到咩係享受！3小時慢慢嘆，每道菜都有來歷，兼且色香味俱全，讚！今次仲食咗好多海鮮，勁開心！首先以幾隻新鮮甜美生蠔做頭盤已經無得輸，侍應姐姐教我哋先食嘅係清甜啲嘅品種，再食啲海水味重啲嘅，我個人就喜歡重口味，後面食嗰兩隻味道濃郁又有口感，正！不過頭盤佢又點止蠔，西班牙紅蝦刺身薄片印象都好深，上碟已經好有驚喜，因為係正正方方型擺盤架！刺身好甜美之餘，又有芒果莎莎同芥末蛋黃醬配襯，好有層次！食完冷盤飲返個熱湯先，龍蝦湯好足料好杰身，香味好濃，正！大海美味，除咗龍蝦同生蠔之外，點少得蟹！今次品嚐咗焗阿拉斯加蟹腳，我直情會用蟹扒去形容，因為size真係好大！成條蟹肉拉出嚟慢慢嘆，啲蟹肉又嫩又鮮味，一絕！不過都鐘意重口味口嘅我，梗係感覺有啲失落，呢個時候就有一份慢煮法國鴨胸上桌喇！啲鴨嘅咸香好似凝聚晒喺呢一件鴨胸到咁，肌紋又好緊緻，啖啖都係濃香，每口都咬到肉汁！真係非常之滿足呀！…Read More

觀塘韓式餐廳唔多，呢間算幾出色，款式多，質素保持得都ok，lunch 要排隊等位，但都唔算好耐。午餐選擇的確多，講得出既韓國菜色都有，加錢可有埋韓式小食。叫咗年糕小食，幾野味，年糕比市面的幼身，亦較霖身，配埋野味、濃味既汁唔錯，細細份，可滿足到味蕾之餘唔會太滯，個汁亦唔算辣。主菜叫了芝士雞翼+泡菜炒飯，芝士好融岩feel，拉絲的，配泡菜炒飯好夾，中和了泡菜的濃味，炒飯配菜亦多，有粟米紫菜等，層次亦豐富。雞翼比我想像中出色，有juicy 感覺，呢個係我食雞類食物的重點要求，最怕乾肉粗糙的雞肉，呢度好食，入味，仲有4隻雞翼，份量算多。另一個主菜叫了炒粉絲，質素亦唔錯，炒粉絲要入味濕潤，又要唔油膩，呢度都幾乎合我要求，配菜好多，亦相對有營養，又減少油膩感。餐飲亦唔馬虎，好多選擇，柚子蜜、薑蜜呢類都有，整體既午餐，$70-100，又多選擇，又好質素，算係咁，只係要等位，相信晚飯會舒服d…Read More

行過呢條街，見裝修幾日式，店員又喺門口介紹有日本生蠔優惠，見咁抵就入左去。店員好friendly, 傾談之間知道原來係日本人開的，全部空運食材。首先，既然嚟到居酒屋，當然要啤一啤佢啦! suntory 既premium malts 麥味幾濃。燒元貝，真係好大隻，燒到剛剛熟，有少少sauce 同蔥花，比較鐘意呢個煮法。生蠔，都係日本做法，有少少sauce 同蔥花但唔咸，見到相都知生蠔整新鮮，有光澤，滑溜溜的情景湧出嚟! 真係好鮮味，而且好大隻，比一般法國澳洲蠔更大，所以食落去肥美juicy感十足! 決定再encore! 嚟來一round !龍蝦海膽，原隻龍蝦上，加特大海膽，賣相一流。海膽微微火炙，更加香味。龍蝦肉燒得剛好，晶瑩剔透，爽口尾聲，當然要食返d飽肚野。店員介紹蝦拉麵特別，果然無介紹錯，平時食拉麵只是豬骨湯，而家加埋濃蝦既豬骨湯，真係好鮮，提升左個湯既鮮味，而且無平時豬骨濃湯咁重口味，有蝦反而覺得light左!加熱石，令湯能保持溫度，上檯繼續滾緊，真係好細心。和牛泡菜湯飯，店員雖然溫馨提示會幾辣，因為日本廚師堅持原有味道，唔會做少辣，果然真係幾辣，但熱石鍋內的泡菜牛肉窩蛋泡飯，真係好有自己風味，食得幾過癮。整體都好滿意，支持呢類高品質小店，有佢地既堅持，而且服務食物都good quality，真係做到日本居酒屋既精神!…Read More

朋友帶路先知蘭桂芳附近有間日本菜，主食鐵板燒同日本料理，環境優雅舒服，2人好寬敞的卡位，同朋友傾計食飯一流。前菜送上鱈魚片，小薄片好鬆脆，有淡淡鱈魚香，伴少少沙律醬，好香口的前菜。這個天時，有什麼好得過叫一枝啤酒解暑?! 呢度有生啤同枝裝，選了枝裝的Sapporo premium beer，比較清淡，啱我，最impress既係隻金屬杯真係好夠凍，未飲都消暑了。枝豆，唔會太多鹽，微溫，軟硬亦剛好。鐵火卷，即吞拿魚卷，雖然係卷物，都食得出吞拿魚的鮮甜，而且沒有筋，肉質柔軟都係夏天精選，天婦羅配冷蕎麥麵。蕎麥麵的質地都幾彈牙，天婦羅好齊全，蝦、蕃薯、茄子、南瓜、青椒，上檯剛炸好，炸粉鬆脆微熱，蝦身爽口實肉，証明一定係新鮮既。日本近江牛係日本最本最有歷史既和牛，見到就好想食啦有燒、壽喜鍋等幾款食法，選了壽喜鍋，甜的湯底配以蔬菜菇菌類。和牛100g都有6，7片，肉質果然無令我失望，好鬆化，有牛香，配埋蛋漿食，nice~整體都見到餐廳既質素，但最喜愛既，竟然係鰻魚飯，一打開已經好吸引，盛滿了12片厚身鰻魚，看是剛燒好的，特意唔上汁，仍可保留魚皮魚肉的微脆。咁厚身肥美的鰻魚，看也看得出是新鮮烤的，絕對不是現成的來貨已煮版本。食落肉身真係肥美爽脆，呢個食鰻魚飯既感覺，香港真係好少有。飯上有鰻魚汁，味道亦剛好，唔會太咸。鰻魚飯一向是我至愛，呢個可算是我的top 1 picks! 好滿意的一餐，好滿足，整體都好食，亦看到日本料理的用心，食到我最愛的鰻魚飯同近江和牛。服務亦周到，適時但又有空間的服務，值得一讚。…Read More

蒸火鍋，要海鮮多，粥底先好味，唔駛諗就叫左海鮮5層塔，有龍蝦，肉蟹，扇貝，魚頭同蜆，個粥一定正!平日都坐滿粥底有肉排，白果，同少少炸菜絲。大半碗米，都煲到6~8碗粥。5層塔嚟啦，不過佢同其他額外叫既野混埋一齊，其他海鮮放旁邊。蒸肉蟹，好鮮甜，啖啖肉。蜆，蒸完好juicy, 但用碟隔水蒸，因怕個粥底太咸，因為d蜆的確幾重海水味，就咁食就正!波士頓龍蝦，又一鮮甜之作魚頭雲極新鮮至surprise 推介，蝦丸的，unexpected 的新鮮，完全鬆軟鮮甜到唔同街外的。菜，是完美的結局，一般蒸都比炒煮更鮮嫩甜美。咁多鮮味汁既精華，變左粥底既一部份，突然排骨粥都變海鮮粥，飽極都食左兩碗。…Read More

第一次上嚟，原來個景咁正，大玻璃窗，嘆住個陽光普照的廣闊大景，有種心曠神怡既感覺，心情都靚d!頭盤，叫左蛋卷，原來都唔少分量，有9件。蛋卷既蛋好滑，似日本玉子，但唔係甜的，用作壽司飯般卷住蔬菜，午餐肉，再點一個特別既sauce, 幾好食，好快清晒。魚糕湯，唔辣，但有胡椒湯既味道，有暖胃既感覺，而且清清地。魚糕好多款，廣闊左我對魚糕既識知，原來可以咁多款，最喜愛的是腐皮中有粉絲的那個，吸晒湯汁，既粉絲同腐皮喜愛烤ribs, 上檯時，d芝士仲滾緊，泡泡地滾緊，係芝士控的視覺享受。ribs卷住拉絲芝士食，肉質嫩又入味，芝士較煙韌，兩種口感，而且芝士既味唔太濃，唔會太搶肉既味道。芝士年糕拉麵，無錯，又係芝士，呢個辣辣地，幾野味。食完咁多濃味野，忍唔住叫左杯西柚沙冰，即時爽晒，fresh!新野，芝士迷必點，honey almond 味既烤雞加芝士。估唔到個烤雞幾入味，有微微咖哩味，加甜甜地既蜜糖。睇完呢個介紹卡，即刻覺得食得健康咗，因為雞原來係無經油炸呢度既餐牌，圖大過字，大部份一版一款，上菜同相都幾似唔驚叫錯野，以下是我推介。仲見到原來有網上外賣平台, 以後喺屋企唔駛食kkc，可以食好d啦…Read More

嚟到先知，原來同全聚德同一間公司，可以叫埋佢地既餐牌。所以集廣東、順德、北京、上海於一家，的確好多選擇，連懷舊廣東菜既金錢鷄都有，可惜要預訂，無得叫。叫d特色野，大良炒鮮奶，一上碟好滑嫩咁，上面有d蟹肉添，好香滑。炸水餃，係鳳城既著名特色菜，當然要食啦～炸餃既皮脆，熱辣辣，裡面好多蝦肉，好爽口。但唔係就咁食架，仲要點上湯，半霖半脆咁食，好似魚皮既原理咁。好食，出面好少有，嚟得，要試!北京烤鴨，果然係全聚德，d皮燒到好脆，咬落有卜卜脆既聲，而且一讚既係隻鴨唔太多膏，唔駛咁膩。熱辣辣包皮，配海鮮醬、青瓜、大葱，同脆皮烤鴨，正! like!砂鍋雲吞鷄，平時覺得雲吞鷄沒有大特別，但今次個湯好好味，好清既燉雞湯，唔重味精，而且小棠菜好霖，仲有雲吞、冬菇、冬筍，冬天食好啱，暖暖地，滋潤!呢度食中菜，集齊廣、京、滬、順德，多選擇之餘，味道又好食，同屋企人聚會，的確係一個唔錯既選擇。…Read More

呢度晚市優惠好吸引，原本想食半價的海膽丼，只係$134，話有4板海膽，但有quota, 之後轉左食海膽生蠔，$98/6隻。估唔到都幾大隻，幾新鮮，6隻雖然有大小，但整體都肥大飽滿，說是愛爾蘭生蠔，幾鮮甜，第一次配埋海膽同三文籽食，增強味道層次，味道更濃郁。雖然叫唔到半價海膽丼，店員介紹$198的另一款丼，有2板海膽，三文魚籽同吞拿魚蓉。都其實好正，2板海膽原來有4排，都好多，有另配紫菜比你食海膽，yummy! 搞到我好想下次嚟食半價有4板海膽既優惠丼中拖羅，$140，之前睇森美節目介紹中拖羅係佢至愛，話有肥美油香之餘，仲食到魚香味，而且沒有筋，鮮甜! 果然唔錯!三文魚牛油果米紙卷，配有青瓜，幾清新既餐前小食。見門口既釜飯專區，好pro，好吸引，店員介紹係由上湯，好多配菜一齊煮，聽落好似日版煲仔飯。鰻魚釜飯，鋪滿左飯面，飯因為同栗子及其他蔬菜一齊煮，好清新既香味，幾特別既味道，出面少有。再另配鰻魚燒汁，個人覺得落左再野味d好食d。食到大半，可再加茶同紫菜做茶漬飯，兩種風味，一飯兩味，的確幾夾既組合。呢度價錢唔貴，質素幾好，CP值幾高，仲繼續想試優惠海膽丼，希望下次叫到啦～ …Read More

呢間火鍋，環境好日式，是新派火鍋，有卡位，易傾計，仲有兩間private room比20人同12人，大班人有間房的確傾計容易d,的確幾好。選了套餐，唔駛諗，咩都有d, $328/位，加$40仲可免費任飲啤酒汽水，加$60可任飲埋清酒，的確幾抵，平時打邊爐，飲品先係最貴，唔飲又口乾，搞到要慳住飲，而家定價任飲，好FREE! 爽呀！湯底4選2，店員建議，因餐內多海鮮，清一些既湯比較夾，所以簡左姬松茸冬瓜粒，同埋芫荽皮蛋湯。兩個都又清又下火。生蝦刺身，有生蒜片，辣椒粒，最愛係青檸辣汁，醒胃野味。冰鎮鮑魚，都幾爽口。完全沒有平時煙韌感覺。海鮮拼盤，最愛大聖子，一變白身就得，真係好爽甜。蝦，蜆都好大隻，鱔片都好爽口，海鮮真係新鮮才是靈魂。手切安格斯牛肉，網紋脂肪均勻，有肉味，都係剛剛熟7，8成最好食。丸類，平時我不大喜愛，今次我好SURPRISE, 豬肉丸好鬆軟，完全唔係食魚蛋粉嗰D死死實實，食得出既手打，而且比一般火鍋店，呢度鬆軟口感更特別。墨魚丸都係，好鬆軟，但中間有粒粒墨魚粒，好有口感。另外有水餃，都有水準。初時見獅子狗，以為沒有特別，但原來係芝心的，而且幾濃郁。豬三毛，豬膶，豬紅，豬皮。豬皮吸湯，琳琳爽爽。蔬菜盤葛絲，即類似粗粉絲，芋絲之類。為尾聲靚湯汁畫上了完美句號。整體都新鮮好食。呢度既服務好好，好細心，成日幫我地片湯面上既泡泡，又幫地轉新碟。一般反應都快，體貼的體驗。…Read More

放題而家越嚟越多樣化，嚟到樂天大喜屋，竟然有自助餐區，有特飲，罐裝飲品，炸品，手卷，熟食，沙律，冷食，雪糕，甜品。未嚟第一round 都可即刻有野食住先。飲品甜品平時要落單，而家即有，方便左。刺身方面，真的唔錯，至愛油甘魚，三文魚，好肥美，又唔係硬冰冰嗰d。海膽手卷，勁多海膽，大愛！可惜要排隊，但都好值得，每次限取2個。軟殼蟹手卷都好大份，炸軟殼蟹都微熱，好食。牛肉鍋，湯底甜甜地，好味，特別蔬菜，吸收晒湯底，夾埋隻蛋同豆腐，好快清晒。蒸玉子，估唔到都幾好食，好強烈清湯底鮮味，又好滑，有水準。炸小蕃薯，平時出面都幾貴，粉漿唔厚，幾好。串燒糯米鷄，都幾得意，入面係鷄肉串，出面用糯米包住嚟燒，濃味，微脆，味道絕不是茶樓糯米鷄，都帶點日式風味。燒大腸，肥美乾淨既大腸，燒香再有甜甜地醬汁。沙律醬燒蝦，都係驚喜推介，開邊蝦沾上沙律醬同芝士，野味。今次都沒有失望，都好多選擇，又有新款式同新自助餐區，希望可以繼續keep 住啦～…Read More

登打士廣場好多樓上cafe, 今次去左呢間go dutch cafe，坐位都寛敞，好多卡位，唔迫。價錢都幾經濟，飲品加$38，可有焗薯蓉，toppings 好多款，簡左芝士吞拿魚白汁薯蓉。以為$38係小食，但薯蓉份量係平時見到既double, 係可以當正餐，而且剛焗起，熱辣辣，又多芝士，好香。小食，蜜糖雞翼，$48，有6隻，都係剛炸起，上面加左蜜糖，脆脆地，甜甜地，幾正！蜜桃沙冰，5十幾，個杯已經高，佢仲加建高冰柱，抵飲，蜜桃味都強。整體係唔錯既晚餐gathering 之選，沒有限時，坐得唔迫，價錢合宜，唔駛同人喺商場迫。…Read More

第一次嚟，原來呢度幾好氣氛，仲可遠望旺角夜景，幾好feel ~呢度喺bar and restaurant, 環境比較幽暗，中間stand alone有個大bar位，所以環繞住既位與位之間唔會好密，坐得舒服。果然係bar, drink menu比我想像中多選擇，用pad來order, 圖片影到杯杯都吸引之餘，又詳情介紹每杯成份。叫左Far east highball, 呢個係mocktail 裡面有些是homemade 的成份，菠蘿配青檸，酸甜剛好 ，好fresh 醒胃之選。朋友叫左white wine sangria, 有好多新鮮青蘋果同橙片，易入口，不過始終白酒加brandy, 都幾勁！叫左個set dinner, 有齊沙律、湯、main course, 甜品、餐茶。餐湯係洋蔥忌廉湯我叫左迷迭香羊柳川辣意粉。好麻辣，幾過癮，食完個口都麻麻地。羊柳好霖，好鬆軟，羊肉味都唔會比d麻辣蓋左，意粉係al dente 的剛好。甜品係士多啤梨芭菲，士多啤梨mousse 加脆片同新鮮士多啤梨果肉，唔太甜，mousse 香滑，食晒成杯都唔膩。另外叫左個fennel tomato chicken soup, 香草味極濃，fennel 味好突出，蕃茄湯酸酸地，配熱辣辣又脆皮鬆軟既麵包，一絕！三文魚扒，三成熟左右，外面用火槍燒到皮微焦香，好滑既魚肉，又唔腥，伴甜麵豉湯，微甜但又唔覺怪喎。下面既去皮茄子都好impressive, 吸晒湯汁，好juicy 。食完一d都唔膩，係亮點推介。另加了甜品，vanlia 同 chocolate mousse 兩層，vanlia mousse 好滑身，chocolate mousse 滑得嚟較rich, 兩種口感，旁邊朱古力餅碎碎，伴嚟食更增口感，而且賣相吸引，like!整體食物同環境、景觀都唔錯，係旺角難得既高quality 餐廳。見四周的都係同朋友慶祝既，可喺甜品上寫名，應該係朋友慶生既好選擇。…Read More

平日喜愛西班牙菜的我，真係好鐘意周圍去比比看。喺呢度太子通菜街，以前以為飲酒睇波既地方，原來都有食正餐既地方，channel 3環境上都似係一間bar, 但播著輕鬆西班牙音樂，周圍嘈雜回音又唔多，比一般bar舒服，係餐廳同bar既混合體。一坐低，就有栗米片配沙律醬，個醬好似調過，好好食，加埋肚餓，瞬間清晒。飲品，呢個係益力多cocktail, 好益力多味既雞尾酒，附送一支lollipop 小食拼盤，$128，4款tapas, 都幾啱兩個人食。有薯角，炸薯波，三文魚芝士波及炒salami 最推介三文魚芝士波，煙三文魚包住軟芝士，幾好配搭，唔膩。炒salami ，咸香的，送酒啱啱好。main dish, 慢煮牛面肉，呢個菜我自己都煮過，咁大portion既牛面肉，又慢煮到琳，$148係抵，牛面肉好多collagen 喺中間，又琳又滑。Parma ham pizza 係驚喜，個芝士好rich, 厚厚質感，拉絲得嚟又soft, 好掂，$78， 超超抵食，必叫!西班牙奄列，薯仔蛋餅，仲有洋蔥，魚肉，配少少沙律醬，應是fushion配搭。呢度main dish平均百多元， 味道，環境來說，呢度真係好唔錯既選擇。仲要西班牙菜。值得推介之選。…Read More

睇完戲諗住6點前食，會容易攞位，但估唔到5點都半滿。叫左兩個飯，加$38可有定食既湯，沙律，唐揚炸雞。滑蛋炸豬扒飯，豬扒鬆脆，肉都算嫩，最鐘意滑蛋夠多，送到晒d飯。三文魚石鍋飯，新野，好熱既石鍋，上檯已feel 到不得了的熱，一定要小心食，因為熱，好快就有飯焦，如同我一樣不喜歡硬飯，一定要快拌勻。三文魚蓉雖然碎晒，但份量好多，加埋紫菜碎同蔥粒，配埋調製過的甜豉油醬汁，唔咸，幾好味。唐揚炸雞有2件，樣貌不太吸引，但估唔到都鬆脆，雞仲有點juicy感，好味。原來睇戲，憑票可甜品，飲品，買一送一，但完全睇唔到宣傳單張，係隔離檯叫先知，士多啤梨芭菲， $40， 仲買一送一，都幾抵，中層有大大粒爆谷。…Read More