Mango_Jenny's Profile

今天和朋友去了時代廣場看《星球大戰》的大型收藏品展覽，看完後朋友介紹附近的一間傳統餅店，店內有熱狗、豬扒包等小食，十分出名，於是便決定前往丹麥餅店試試 。餅店擺設、裝潢果真充滿懷舊味道，由於店舖外行人道偏窄，所以在店外選擇了一會，便決定入內點叫漢堡包和吉列豬排包。進入去後先在左邊付錢取票，然後再到另一邊的廚房排隊拿取食物漢堡扒挺juicy，煮時才慢慢將其壓平煎香，不過個包並不是我喜歡的口感，而且很容易按扁。吉列豬扒包相對較為喜歡，也是即叫即製，把豬扒炸至金黃色，挺香脆。說真的，兩個包在個人來說吃起來味道都只是普普通通，沒有太大驚喜，相信來吃的不少都是吃香港回憶的味道。而且既然此餅店開業逾40載，一定有它的魅力所在，所以下次會試試其他出名小食：熱狗和炸雞脾 。…Read More

聽朋友說這幾天某服裝品牌在九展有一個開倉活動，所以今天收工後突意和朋友前來看看，完了之後便打算在這裡順便食埋晚飯才回家。朋友說最近在這裡開了一間新餐廳叫台灣麵，一碗麵可以試齊2種麵款，挺特別，所以便決定前來試試 。來到看了餐牌才想起以前已在荃灣分店試過 ，選擇了一會，便決定點叫台灣紅燒牛肉乾伴麵併韭菜肉雲吞新竹米粉、牛筋腩乾伴麵，另外點了台式飲品荔枝柑桔蘆薈。不消一會，荔枝柑桔蘆薈便來到，柑桔味有點兒蓋過荔枝的味道，而且愈飲愈甜，比較失望，下次需要另叫少甜才可以。不過很喜歡飲品加入了蘆薈，增加口感 。牛筋腩乾伴麵挺有驚喜，牛筋腩軟腍非常，大大件，十分入味，乾伴麵煙韌彈牙，值得再來一試。紅燒牛肉也非常好吃，肉味挺濃郁，並帶有筋位，應該是牛部分來的 。韭菜肉雲吞則普通，不過新竹米粉就大愛，米粉麵質幼細，但就不會太淋，仍非常爽口，不會一夾即斷，正 。總體而言，雖然只是吃粉麵套餐，但晚餐來說價錢不算太貴，而且一碗麵可以試齊2款口味，也算是挺有特色，會再來一試 。…Read More

今日下班後和男朋友去了旺角食晚飯，因為尚未決定食甚麼，所以先去附近逛逛。然後途經鳴橋燒肉料理，從門面看來挺有日式風格，感覺不錯 ,成功令我們停下腳步來看看 。但由於現在燒肉放題開到成行成市，質料參差，所以便先上openrice看看，見評價不錯，食物選擇也滿多，便決定食這間餐廳 :) 。平日晚市時段由6：00至9：30，價錢$188/位，星期五、六、日、假期及假期前夕需另加$10，價錢並不算貴。另外只需加$40，便享有升級優惠，我被大虎蝦、帶子、帆立貝等吸引，便決定升級了，餐廳此升級策略滿成功 。餐廳是採用紙上燒方式烹調食物，減少食物燒焦的機會，並且更能鎖住肉汁，相信亦能方便清洗底下的鐵板 。首先來到的食物是虎蝦和帆立貝，虎蝦大大隻，肉質爽口彈牙，帆立貝亦十分厚身，肥大美味，食完立即再點 。然後就到刺身，三文魚厚切，充滿油光，吃起來啖啖肉，十分肥美 。帶子相對切得較薄，但也挺鮮甜。章魚、甜蝦就普普通通。帶子第二轉則較為厚身一點，不錯 。馬刀貝在其他餐廳較為少見，是將蟶子切片的一種刺身，好爽口，滿有嚼勁。牛肋肉、豚頸肉香腍軟滑，口感十足。牛舌挺爽口，不過略嫌切得較為薄身。羊架則較為失望，肉質較韌，且羶香味不足。不過基本上肉類本身的調味偏淡，需要靠醬油、桌上的樽裝日本鹽及七味粉加強味道。總體而言，食物質素雖然不能說得上很高，但以這個價錢來說，也算挺實惠，而且亦有不少飲品、甜品選擇，有機會可以再來試試 。…Read More

今天中午去到茶室食lunch,由於每次來到出面都已有十多個人在排隊等候，所以平時並不常來，繼上次隔了一段時間後，今天在朋友提議下再來試試  。餐廳座位有限，需要人齊才可入座，上班族要注意，不要在外面白等哦 ！餐廳有10款東南亞菜式選擇，價錢由50至60元左右不等，特色菜來說價錢合理，想了一會，便決定選擇特色去骨海南雞飯試試 。不用5分鐘，海南雞飯就送到，而且餸菜擺放精緻美觀，賣相吸引，成功刺激到我的食慾，值得一讚 。先嚐口飯，飯裡有淡淡的薑味，不錯，可惜飯身偏淋，並不是我喜歡的口感。雞肉嫩滑非常，雞皮厚薄適中，不會過分肥膩，配埋薑蓉、醬油等調味料，滋味十足 。喜歡健康的朋友們可叫多碟時菜，份量十足，而且只需10蚊，真的超值，今時今日在其他餐廳很難遇見 。整體來說，主打東南亞菜式的餐廳在九龍灣選擇不多，而且價錢合理，成功吸引不少上班族成為捧場客，有機會會再來試試 。…Read More

對上一次去Outback食晚飯已經在差不多一年前，還記得餐廳的食物出名份量多，是一大班朋友聚餐的好地方，順便亦可以試多些不同的菜式 。食飯當天才記得打電話預約，但9點前booking已滿，所以決定早點來walk-in等位，最後等了大約40分鐘才入座，尚算可以接受 :) 。點菜後首先奉上這裡的特色黑糖麵包，微熱，吃起來鬆軟可口，並帶有少少甜味和麥味，一試傾心。我們好快就把它消滅，然後忍不住立即再點多條來吃，完全忘記之後點的菜式份量也挺大 。因為好多頭盤小食都想試試，討論了一會也決定不下，所以就決定點肉醬味肋骨雞翼拼盤 Combination Appetizer， 可以一次過試齊炸雞搥，芝士煙肉薯條和豬肋骨 。雞搥微辣，炸得好香脆，肉質嫩滑，值得一讚 。薯條炸到脆卜卜，夾起來拉出一絲絲芝士，配埋煙肉碎，惹味得來亦非常邪惡 。豬肋骨雖然啖啖肉，但肉質較乾身，並且略嫌偏甜。主菜選擇了肉眼扒拼豬肋骨Steak & Ribs Combo，因為其中一位朋友不太吃生食物，所以肉眼扒選擇了5成熟，讓她可以吃肉邊較熟的部分 。牛扒切起來仍見到中心呈粉紅色，帶有嚼勁，不過我還是較為喜歡3成熟，相對較多肉汁，肉質亦較為細嫩 。豬肋骨同小食拼盤煮法不同，滿多根骨，份量十足，不過都是略嫌偏韌，不夠juicy,今日的Ribs整體較為失望。另外叫多個主菜芝士白汁鮮蝦寬麵 Toowoomba Pasta，麵身爽口彈牙，配上滋味濃郁既白汁，食過不停，一點也不會膩， 挺有驚喜 。整體來說，餐廳份量足，肚皮也脹爆了，價錢亦算相宜，環境優雅，不太嘈吵，是和朋友相聚的一個好選擇。…Read More

由於這裡並不是地鐵沿線，亦只有一個商場，所以平時甚至來逛， 這次剛好要來這邊問朋友拿點東西，才首次來到Mikiki， 但既然一場來到，當然要食個lunch先走喇 。和朋友行了一會，看見定食8這間餐廳排了長長的人龍，其他餐廳相對較靜，而且朋友話這間餐廳是最近新開，所以就決定試試 ，餐廳需要人齊才可以入座，來吃的朋友要注意哦！餐廳提供8款定食，每款均一價48元，另設加一。看下去每款都挺吸引，都想試試，討論了一會，就決定選擇豪華海景丼定食、岩鹽牛排定食和芝士豬排定食來試試 。豪華海景丼定食看上去好吸引，有三文魚、希靈魚、熟蝦、帆立貝、帶子、蟹柳、劍魚及蟹子 。 雖然刺身質素中規中矩，但以這個價錢可以吃到多款刺身，真是超值 。而且我覺得個醋飯好好味，應該是加入醋的份量剛好，不過就略嫌壓得有點實，相信鬆散一點會更好 。 岩鹽牛排擺放得挺精緻美觀，不過一吃下去就有點失望，肉質較為粗糙，不夠嫩滑，相信是牛的質素關係，但這個價錢也不會期望咁多，不過下次就會寧願試其他定食喇 。芝士豬排好大塊，炸得挺香脆，夾起來還拉出長長的芝士絲，肉質相對較牛排嫩滑，怕太heavy的朋友可以約多幾個一齊分來吃 :) 。整體來說，以這個價錢，吃到這種質素的食物，是挺不錯，而且還設有自助區可以無限添加味噌湯、白飯及麥茶，有機會可以再來試試其他定食以及單點食物 。…Read More

今日收工後約左男朋友食晚飯，佢話要補祝返中秋節，所以決定去樂天大喜屋食放題(佢真係好多藉口= =)。因為店員話預約booking已full的關係，需要9點再去到餐廳睇睇walk in有冇位，好彩去到等左10分鐘左右就入得，正 。首先，放題其中一樣必點的食物當然是非刺身莫屬，刺身拼盤好快就來到，效率滿高，抵讚 。三文魚、油甘魚切得好厚身，肥美嫩滑，充滿油光。甜蝦、極大赤蝦大大隻，味道鮮甜，不會像某些放題般小而乏味，看得出他們的誠意。北海道帶子亦好新鮮肥美，大愛 。平時食放題，我較小機會點選壽司，因為女仔個胃一般都比較細，而且味道大多普通，沒有太大驚喜。但這裡的壽司上桌時擺放精緻，貌相吸引，看到都想試試 :) ，於是我試了吞拿魚同花之戀壽司。吞拿魚好鮮甜，口感豐富，又不會太大件，不錯 。鹽燒雞翼比我想像中好食好多，外皮燒得好香脆，甚至咬落去是有聲的，咔嚓，爽 ！肉質亦好嫩滑，水準挺高。燒溫室甜菠蘿就有點失望，就這樣看已經覺得有點乾身，唔夠多汁，吃下去偏酸，沒有酸中帶甜得感覺。鹽燒牛舌燒得岩岩好，厚身爽口多汁，需要的話可以擠d檸檬汁調調味，不過我覺得就咁食都已經好正 。鹽燒海蝦大大隻，看上去已覺吸引，食落去啖啖肉，不過略嫌燒得太熟，肉質不夠爽口彈牙。芝麻雞翼加左好多芝麻，炸得鬆脆惹味，食完即刻想食第2件，如果唔係怕肥，食多幾隻都得 。鍾意食菇的我當然要試埋牛油燒雞脾菇，雞脾菇厚切，燒的時候加埋牛油，不會燒得太乾身，食落重係好juicy，不過味道略為偏淡。餐廳飲品，甜品選擇好多，亦是得喜歡這間餐廳的原因之一，甜品竟然重有Haagen-Dazs雪糕，重要係我最喜愛的曲奇味，真是高興。總括來說，餐廳食物種類選擇多，性價比亦算高，每人只需270元左右，本人覺得好抵食，是會值得再來一試的放題 。…Read More

剛剛去完墾丁旅行返港，因為差點兒受台北颱風影響而取消航班，幸好只是延誤半小時便順利起飛，所以返港後便決定吃點東西小小慶祝一番才回家 。搭機鐵後轉乘接駁巴士到旺角後，行下行下見到呢間正宗上海生煎皇，想想食上海野都不錯 ，便入去坐下來。選擇了一會，便點了上海生煎包、小籠包、四川擔擔麵和豆漿一杯。首先來到的是上海生煎包，生煎包應該不是即叫即整，沒有新鮮辣得燙口的感覺， 不知道是否因為差不多關門的關係， 不過個底都煎得幾香脆，皮亦不會太厚，不錯。然後我就慢慢在生煎外皮咬了個小孔，湯汁不夠充沛，感覺就像缺少了生煎包的靈魂，有點失望。但餡料都算鮮甜，份量亦足夠。然後就試試小籠包，皮不夠薄身，湯汁亦不夠，平時慢慢咬下去應該會飲到湯汁，這店不太做到，有改善的空間。最後到四川擔擔麵，呢個我覺得不錯，麵身爽口彈牙，小小辣，適合不太食得辣的我。然後加埋肉燥、蔥花點綴，增加口感，不過略嫌芝麻醬較少，如果可加多一點增加芝麻香會更好。…Read More

食完晚飯後，見時間尚早，就諗住去附近食返個甜品先返屋企，上openrice見呢間點紫冰冰既評語不錯，於是就決定試試 。入到去，見到好多甜品改了搞笑既名字，覺得十分有趣，曲奇喜馬拉雅山、天使刨冰、惡魔刨冰、明治富士山……揀左一陣，就選擇了天使刨冰試試 。甜品一黎到，我即刻笑左出黎，因為真心覺得似隻惡魔多過似天使 ,而且雪糕有點溶了，影響外觀，不過造型既野都係比朋友間笑下就算，味道始終最重要。雪糕草莓味濃郁，本人覺得不錯，不過亦因為味道好濃，所以蓋過了西瓜既甜味，可能選用其他水果配搭會更好。刨冰加左淡奶，配搭埋荔枝味既椰果，口感十足，有機會可以試試這裡既其他甜品 :) 。…Read More

上次出去食川菜既時候，朋友介紹話牛頭角有間食川菜既店舖都不錯，於是今日收工後就來到又一川試試。講真，就咁睇出面既門面，真是毫不起眼，不太吸引，但走近一看，已經看見裡面坐滿哂人，挺受歡迎，剛好有一枱客走，所以我地就即刻走入去坐下來。看了餐牌，發現選擇滿多，不少菜式都想試試，而且有不同既辣度選擇，適合不太食得辣既我們，挺細心。今次得2個人黎食，所以就點了四川酸辣粉、七味煎雞翼、水煮牛肉。呢到既菜式遷就左香港人既口味，不會加入太多紅油，減少油膩感。等了一會兒，酸辣粉就來到，分量十分足，紅薯粉非常滑溜，口感煙韌，酸酸辣辣，唔錯 。七味雞翼煎得好香口，外皮很脆，雞肉亦很嫩滑，本身以為呢個小食係辣既，但原來不是，還有少少甜味，挺有驚喜 :) 。最後就到水煮牛肉，牛肉好嫩，完全不會覺得韌，而且切得大大塊，份量絕不欺場，配埋嫩嫩既大豆芽浸在底部，少少麻，不會過辣，正 。兩個人黎食，每人都係70蚊左右，真係好抵食，份量又多，下次可以黎再試試其他水煮、涼拌系列菜式~…Read More

香港人一向喜愛食放題，喜愛放題選擇多，刺身、燒物、小食、甜品、炸物....各款各樣，任叫任食,今次就嘗試了位於位尖沙咀既大吉居酒屋。每次去食放題，坐落座位第一件事就是立即點刺身，刺身拼盤一來到時，賣相挺吸引，刺激到食慾 。三文魚切得厚身，雖然油脂唔夠，但都尚算鮮甜，啖啖肉，不錯。飽魚片，象拔蚌挺爽口， 油金魚則較為乾身。鐵板雪花牛柳粒口感挺嫩滑，調味適中，既香口又惹味，味道濃郁，幾有驚喜 :) 。蜜糖雞翼原本以為應該係穩穩陣陣、是冇得輸既一道菜式，點知真是比較失望。烹調時為了加快令雞翼熟透，應該有把它壓過，所以看上去較為扁身，肉質亦較實及乾身。鹽燒海蝦可能未完全解凍就燒，所以燒熟後蝦肉會黐住個殼，剝殼較為困難，但因為我喜愛食海鮮既關係，所以就給予機會再點多次，想不到第二次真的進步很多，蝦大大隻，完全冇黐殼，肉質亦十分爽口彈牙，但就略嫌水準不夠穩定。除了刺身外，燒菠蘿亦是我在放題必點既食物之一，做法簡單，把菠蘿表面燒至微微既金黃色，酸酸甜甜又多汁，好食又健康 。看見餐廳牆上貼着芝士焗蠔既介紹，便點來試試，賣相挺吸引，但吃起來就好失望，蠔肉很小件，不夠嫩滑鮮味，芝士味亦不夠濃郁，提升不到它的口感。一口黑椒腸皮脆肉香，肉質幾爽嫩香口，相信肥肉少一點會更好。羊架表面燒至有微微既油光， 肉質嫩滑無根，不過略嫌羊酥味不足。是次放題每人約$250，整體來說，我覺得質素屬中檔水平，價錢都尚算合理。另外值得一讚的是，飲品選擇多，亦有不少甜品、雪條選擇，本人十分喜愛，服務都不錯，值得一讚 ！…Read More

以前不嗜辣既我，因為男朋友嗜辣既關係，平時去餐廳食飯都會點了不少微辣既餸菜，慢慢地我也接受了。今次和朋友們就去了深水埗，嘗試以麻辣乾鍋作為主打既嫲嫲辣辣 。以前總覺得麻辣鍋都是滿鍋紅油，看似十分油膩，不太吸引。而這裡的乾鍋是以快炒形式將我們選擇既材料與香料混在一起，油份自然較少，適合愛麻辣而又較愛健康既朋友 :) 。根據我們既喜好，選擇完鍋底及配菜後，不消一會兒，乾鍋便來到了 。單看賣相，已覺非常吸引，起初擔心點選生菜會吸哂鍋中既油份，但實際又不會太油膩，仍然非常爽口。牛肉、田雞等配料肉嫩帶彈性，又麻又辣，吃得滿嘴辣香 。因為有朋友不吃內臟關係，所以另外點選了乾鍋肥腸，肥腸充滿嚼勁，外皮非常爽脆，香辣惹味，挺有驚喜。食物質素不錯，服務效率亦算高，每人平均消費百多元，愛辣既朋友，這裡也算是一個挺好的選擇 。…Read More

生煎包，在上海已有上百年既歷史，亦係大眾市民喜愛既點心之一，相信愛吃生煎包既朋友對祥興記這個名字一點兒都不陌生。今天剛好來到荃灣上課，上課後當然要前往祥興記品嘗下那裡最出名既生煎包喇 ！可能因為下雨天既關係，外面等待既人們不算多，不用五分鐘便有位置坐了，然後就立即點了一個下午茶餐，包括四隻生煎包及一杯飲品，盛惠$32 。飲品方面，平時我會選擇豆漿，不過見有其他餐廳很少出現既粟米汁選擇，今次即管試一試，可惜就較為失望，因為以前飲過鮮搾粟米汁，所以一飲就飲得出分別。首先，感受不到粟米既香甜味，口感亦不足，飲了少少就再沒有飲了 :( 。然後，主角生煎包就黎到喇 ！我立即迫不及待拿起筷子把它夾起來品嘗品嘗，生煎包煎得脆而不硬，皮亦很薄，可見師傅既功架。咬開了外皮一小口，已看見裡面滾燙的鮮湯，賣相非常吸引，然後慢慢吸出裡面既湯汁，非常鮮甜，餡份量十分足，充滿肉味，很有咬口。以這個價錢，食到如此質素既生煎包，確是高興，性價比咁高既生煎包，為了它，必定會再來 。…Read More

夏天熱辣辣，晚飯後當然要食返碗甜品涼快下喇 ，今日係mega box同朋友食完晚飯之後就去左淘大滿記食糖水，可能已經10點幾，人流唔算多，等左5分鐘左右就入得。入到去，d枱排到密密麻麻，所以坐得都比較迫，不過點完甜品之後，唔洗5分鐘就送到上黎，幾有效率 。首先就食左抹茶彩虹，雪糕既綠茶味幾 香，配埋各種新鮮水果，算係唔錯，不過我覺得水果既分量再多一點會更好，而抹茶凍食落就不是我喜歡既口感。然後，一向鍾意食芒果既我，當然要點返碗芒果西米露，一見到大大舊既芒果，已經流哂口水 ，而且芒果係夏天時令水果，唔知係咪心理上既錯覺，總覺得特別香甜，啖啖既芒果肉，配埋又甜又濃郁既芒果醬汁，煙韌既西米，口感豐富，本人十分喜愛，唔係怕肥，真係想成日黎食 。…Read More

今日夜晚由於男朋友好有興致既關係，去apm買左夜晚11點幾既戲飛 ，我地離睇戲前重有一個小時左右，時間唔算多，而且重未食晚飯既關係，所以就去左比較多選擇既food court 睇下有咩好食,行行下見到間係食越南菜式，諗住食得清淡d,當減肥，就揀左香辣屋喇 。其實之前係尖沙咀已經同朋友一齊試過香辣屋，個陣時主攻泰國菜，當時已經覺得佢地既菜式賣相既吸引又好食，挺有風味，值得推介 。今次就簡簡單單試左越南菜式：四寶湯檬粉， 湯粉連罐裝汽水，50蚊左右，價錢合理 。首先，檬粉爽口彈牙，係我喜歡既口感，豬肉好嫩滑，扎肉咸咸地，配上一啖啖既檬粉，真係一流，雞翼就比d湯整到個外皮偏淋，略嫌口感不足，但唔洗一陣，成碗就比我清哂 ，認真唔錯，之前慢慢飲埋罐汽水，就上去睇戲喇，有機會可以再試下其他菜式。…Read More