Ice Purple

食完晚飯後，見時間尚早，就諗住去附近食返個甜品先返屋企，上openrice見呢間點紫冰冰既評語不錯，於是就決定試試 。

點紫冰冰

餐牌

入到去，見到好多甜品改了搞笑既名字，覺得十分有趣，曲奇喜馬拉雅山、天使刨冰、惡魔刨冰、明治富士山……揀左一陣，就選擇了天使刨冰試試 。

天使刨冰

甜品一黎到，我即刻笑左出黎，因為真心覺得似隻惡魔多過似天使 ,而且雪糕有點溶了，影響外觀，不過造型既野都係比朋友間笑下就算，味道始終最重要。雪糕草莓味濃郁，本人覺得不錯，不過亦因為味道好濃，所以蓋過了西瓜既甜味，可能選用其他水果配搭會更好。刨冰加左淡奶，配搭埋荔枝味既椰果，口感十足，有機會可以試試這裡既其他甜品 。