Foodiekelly's Profile

上次幫襯過尖沙咀分店，今次兩個人去希慎行街就試吓銅鑼灣店。銅鑼灣冇尖沙咀咁方便，要等𨋢上去，人流比尖沙咀多，要等位。今次試其他菜，叫左「生煎迷你叉燒包」、「意大利肉醬焗意粉」同「腰果露」。先來一碗例湯濕濕口，冇諗過唔落肉嘅湯都可以咁好飲，我地差唔多飲哂成盅 生煎迷你叉燒包同上海餐廳嘅生煎包口感一樣，素叉燒色香味都似，美中不足係偏甜，如果鹹啲就更似真叉燒包。平均唔使8蚊一件，抵食:)焗肉醬意粉無論口感同賣相都好吸引，唔講以為食緊真肉醬，濃香番茄芝士味，會再食…Read More

行大帽山，好多人都會去一趟川龍村，端記係村內最大嘅茶樓。無論點心好唔好食，當佢係景點都應該去一次。今時今日，仲有幾多間酒樓可以掛雀籠、辦雀王比賽、露天嘆茶。端記全部係自助形式，斟茶攞點心甚至剪鹹水角都係自己黎。點心比想像中好，牛肉排骨嫩滑。不過要數最出色嘅，係西洋菜。端記隔離有幅好大嘅西洋菜田，都係第一次食大帽山西洋菜。入口清甜冇喳，$50一碟絕對值回票價。…Read More

見唔使排到出門口，就等一陣試吓呢間新野。賣點之一係花生任食，排隊嘅時候攞咗幾粒，好鹹，食三粒已經好夠，千祈唔好因為免費係咁食。叫左Hamburger 同 little cheeseburger，分別係少一塊牛肉，價錢相差$20 ，如果唔係好大食， little已經夠。薯條我認為兩個人最細size已經足夠，今次叫regular食唔晒。Order時候，先揀咗burger，再揀toppings，連ketchup 、mustard都係講先會加。如果你食得辣，建議你加jalapeño pepper 同hot sauce。總體來講都值得試，會再食，但如果條隊太長就無謂等。另外有啲失望就係未有milkshake。…Read More

常去嘅車仔麵有三間，港島就榮記同鵝頸橋街市，九龍就一定係文記。呢度有啲餸車仔麵好少做，例如我每次都會叫嘅柚皮，另外佢嘅雞翼魷魚都做得出色。不過今次想介紹嘅係花椒油，就算唔食辣都可以試少少，因為佢有好強嘅麻香，但又唔算辣，會令你成碗車仔麵錦上添花。…Read More

上星期同大老闆去呢度見客，因為有客人，唔好意思影相。坦白講，未出發前好期待，因為打正係日本人俱樂部，覺得會比其他日本餐廳好食好多。老細幫我叫咗個大約$560嘅set，嚟到有啲嚇親，有拖羅、牛肉卷、天婦羅、燒魚，加埋一定有嘅湯、蒸蛋、沙律、白飯，食到反肚。但坦白講，除咗蒸蛋特別香滑，其他餸唔算有驚喜，可能我自己期望太高。例如天婦羅，同稻菊就差得遠。牛肉卷、燒魚普通嘅日本餐廳都做到。不過，如果喺銅鑼灣咁嘅地方、咁嘅環境、五百幾蚊有咁多嘢食算唔錯。…Read More

去過新加坡食喇沙，返嚟香港一直搵唔番嗰種味道，有啲人話因為香港冇用螄蚶，所以冇咗鮮味。呢間有米之蓮推介，又有螄蚶，即管試試。（$78）由於唔係好慣相機食先，食咗一半先記得影相。整體來講，喺香港嘅喇沙算係唔錯，但始終搵唔番嗰種鮮味。可能我都係要放棄喺香港食喇沙。（$88）肉骨茶，略嫌藥材味唔夠濃，但唔差。整體來講，唔算係好有驚喜嘅新加坡菜，但以喺銅鑼灣地段來講，坐得舒服，食物OK，可以話係一個唔錯選擇，我之後都有再上去食午餐。…Read More

以往好怕去食素，感覺又老又悶。近年新派素菜，啱哂我呢啲「齋口啱齋心」。朋友話陳志雲推介「大自然素食」，即管試試。招牌菜「雀巢三色骨 」，雖然三款都係由猴頭菇做，但口感各有特色，陳皮似椒鹽、士多啤梨似甜酸骨、沙律粟米就還原猴頭菇真味。同意係必食之選。姐姐推介新出品「芫茜麻香黃金皮蛋」，入口充滿麻香，以為會好辣，但原來一啲都唔辣，相信係食素唔鍾意味道太嗆。只係$28，超值。睇到其他星級食家推介另一新菜式「沙薑西洋菜」，本來有啲擔心，但估唔到都幾夾。 最後食埋「芋蓉豬扒焗飯 」，口感似日本吉列豬扒厚切。好食，但份量太大，一個人無可能食得哂。…Read More

呢間算係我同屋企人嘅周未食堂，最少每兩個禮拜都去一次，地點有啲隔涉，但勝在 value for money。而且佢嘅客人大多斯文有禮貌，好少人大聲講嘢，就算有小朋友佢哋相對都好乖。每次都係叫晚餐，大約$130至$170。雖然佢出名係食豬，但我最常叫係Risotto，幾款都食過，冇失望。今次兩個晚餐再叫多碟mussel，新鮮 creamy，會再試。…Read More

我唔算鍾意tea set，因為好多時間都失望，除非只係諗住影相打卡，品質次要。今次朋友想試就陪佢，加上呢間酒店啲餐廳一直都有水準。本來有啲擔心，因為眼見甜品多，我個人鍾意食鹹點，好彩有驚喜，幾個甜品原來係鹹點。例如呢個Cream Brûlée ，原來係加咗鴨肝嘅鹹點。而眾多鹹點之中，最鍾意下面呢個蟹肉魚子醬。…Read More

朋友經常叫我介紹餐廳, 我一定會附帶一句:「你去到唔好亂叫, 我唔保證所有都好食」去一間餐廳, 無論貴同平民, 都要叫啱食物。例如福臨門, 我認為點心唔特別出色, 所以我同朋友或介紹佢地去,都會一定叫燒雲腿、琵琶鴨、 花雕煀雞。有時會加叉燒、雞子戈渣, 點甜就萍葉角。…Read More