大自然素食

Open Now

Now Closed

以往好怕去食素，感覺又老又悶。近年新派素菜，啱哂我呢啲「齋口啱齋心」。朋友話陳志雲推介「大自然素食」，即管試試。招牌菜「雀巢三色骨 」，雖然三款都係由猴頭菇做，但口感各有特色，陳皮似椒鹽、士多啤梨似甜酸骨、沙律粟米就還原猴頭菇真味。同意係必食之選。姐姐推介新出品「芫茜麻香黃金皮蛋」，入口充滿麻香，以為會好辣，但原來一啲都唔辣，相信係食素唔鍾意味道太嗆。只係$28，超值。睇到其他星級食家推介另一新菜式「沙薑西洋菜」，本來有啲擔心，但估唔到都幾夾。 最後食埋「芋蓉豬扒焗飯 」，口感似日本吉列豬扒厚切。好食，但份量太大，一個人無可能食得哂。