imfromhk's Profile

A5和牛火鍋+任食雪場蟹腳$738位，睇落好抵，點知好多伏位⋯等我仲同個女仔friend咁期待🥺🥺初時我地仲以為係可以一邊食主食，一邊食蟹 ，原來係一定要食晒以下1-7嘅前菜，先可以食蟹腳 ，仲有如果啲蟹食唔晒要罰錢，咁都好，可以防止啲人浪費食物1.鮑魚2.生蠔三隻 （蠔味超級淡，但都算新鮮嘅）3.炸飯團一個，都幾大舊，味道ok嘅，但我想留肚食蟹腳，我無食晒4.蟹黃炒年糕🥲，呢個勁難食，完全一啲蟹糕味都無，但唔知點解食到鹹魚雞粒炒飯嘅味，好古怪😂😂5.和牛火鍋，打卡幾靚，但味道一般6.鮑魚 味道一般7.串燒 （雞翼同燒粟米🌽都ok)8.主角蟹腳～都算幾厚肉，但就好鹹，唔太鹹嘅位都幾好食嘅先唔講1-7味道非常一般，再加上如果食晒1-7，以女仔嘅食量，我地都好難再食蟹腳，所以每樣食少少就算😅咁食呢7樣野，加等餐，當日就約45分鐘，餐廳係一定要你食完呢堆野，先可以開始steam 蟹，我地又要等15分鐘，到要食蟹嘅時候，得返1個鐘倒⋯每一次就黎4隻腳，1人份係2隻咁食蟹嘅人都知，快極有限，點知我同朋友把鉸剪✂️勁無力，好難剪，好易變左型咁（有圖）唔係剪唔到，而係要用好多力去剪，攪到手都痛，勁快攰，叫職員換過比我地，但店員話佢果啲都係差不多之後我地差不多食完第一set蟹嘅時候，想叫第二轉，我手上仲有2寸長嘅蟹腳食緊，我朋友就吞緊😌個職員都要我地完全食晒，先可以叫佢準備蒸第二set蟹😂😂咁又等, 到再送黎，只得好少時間可以食🙈同一個價錢，去酒店食自助餐仲好，起碼食蟹無食得咁辛苦，我覺得酒店食物水準點都好過呢一餐🙂‍↕️因為呢餐整體上食物味道真係非常一般，而用餐體驗都唔太好BTW 個女店員好有禮貌。強烈建議餐廳換咗啲鉸剪✂️比食客⋯咁大隻蟹腳，啲鉸剪咁弱，堅難用…Read More

同朋友食生日飯，終於可以食到bookmarked左好耐嘅the ground kitchen跟OpenRice指示西營盤C出口街，其實都有啲遠，唔止5分鐘，行左10幾分鐘先到😆去到6:00pm未夠，餐廳已經坐滿人，係呢個咁多人北上嘅時勢，仲有咁多客人，真係實力嘅表現，好彩我地訂左位😆餐廳嘅樓面～服務態度親切~~又會不時加水同幫忙執枱咁樣，並不會因為多客而忽略左～非常好食物方面：ordered 左兩個套餐主食：牛柳及波士頓龍蝦各一牛柳如果無特別要求，餐廳都會整到5成熟，好嫩，牛柳係靚嘅牛柳，所以用淡調味為主，令牛味更突出～～整體好食另一款波士頓龍蝦🦞 就比較失色，調味雖然好食😋但焗耐左少少，令到肉質偏乾及韌，但整體都ok 的，下次我會試吓魚，可能會好食啲飲品～推薦🍹酸梅檸檬梳打，超級好飲🥹酸梅係好食嘅質素，甜酸度適中，又唔會太鹹，梅味濃，所以呢款飲品好出色！餐湯～選擇了廣島蠔周打魚湯，魚味濃又唔腥 魚係煎香過嘅魚香，廣島蠔有一隻，輕輕燒過，好味！油甘魚沙律都好食，每碟有兩片厚切油甘魚，同酸甜嘅沙律一齊食 味道好有層次感～好味😋一定會再訪呢間小店😊…Read More

平時食開Ann mama但比呢間嘅裝修吸引左，一入門口就係bar枱今晚我地被安排坐bar枱，有啲迫，如果叫野食太多會無位放😂食物水準算係好食，而且價錢都抵每碟都大份今晚叫左小食拼盤$118好大舊，味道都不錯胡椒大蝦🍤$158呢個好食，蝦大隻，又有膏牛肉炒通菜 $88呢款牛肉就似平價肥牛，味道偏咸🙈柚子大蝦沙律🥗柚子好好食～肉係大大粒，調味都好食仲有兩杯沙冰🍧～都好好飲，今晚仲買二送一食物味道係好，但服務就唔好喇佢地有好多海鮮餸菜，但餐廳係無濕紙巾比顧客，所以如果大家要準備濕紙巾而餐巾，你要問佢地先有多一兩張比你當時想share野食，所以問店員拎兩隻碗但店員比兩隻濕嘅碗比我地🙄 無諗過抹乾，叫我地自己抹我地兩隻碟都係蝦殼，滿晒，但完全無人幫手換碟，我地叫佢比多隻碟，佢都無收返我哋滿晒野嘅碟，全枱都好亂🙈希望服務可改善😅…Read More

后園環境，比我感覺樓底好高所以6張大枱 係同一個廳，都唔會好嘈，餐具好典雅～佢哋啲燈光好好 影相一流😏服務就中規中矩～食物方面 有驚喜的 清淡一般中菜點心都較油膩，但佢地嘅點心就完全無呢個感覺平時我唔食叉燒包，最怕杰撻撻嘅汁仲有一堆肥肉，佢個雪山叉燒包真係最有驚喜，皮薄又好食，甜度剛好，入餡嘅醬份量剛好，肉碎同其他配料 唔會油膩，可以食兩個🤣今日我地一行三人叫左午市套餐，人均$500/位， 份量都算唔少，特別係個湯：杏汁燉豬肺湯係原盅每人一份，唔係一碗，所以都抵食，湯完全唔油，好香杏汁味，豬肺都清洗得好乾淨另一個有驚喜係荀絲，平時食荀會有陣怪味，但佢完全無，可以煮到咁好勁，上嘅時候整到好似麵咁，初時我仲以為係麵🤭好食！主菜我地揀左金莎帶子，鹹蛋黃碎嘅調味又係剛剛好，外層炸漿不過厚，帶子又唔會太老，肉質鮮嫩！好食整體味道質素真係幾好，不過美中不足係個餐好奇怪，因為佢由頭盤去到主菜都係 有幾款比人揀，但 就一定要三個人都一樣，例如主菜 有魚 或帶子，但如果要帶子，就三係人都要係一樣，唔可以其中一個食魚😅但明明就每人一份上，唔太明點解會咁…Read More

太古城～高質串燒店💛💛食到勁飽 好食！～人均消費$500上年係K11 mall食過一次，已經覺得佢地嘅串燒好食，比起香港好多串燒店，我覺得佢地價錢同食物真係成正比☺️ 而且服務好好K11 mall店 比較有氣氛，室內環境較大，好多打卡位，但枱與枱之間就窄少少，而太古城呢間～我自己感覺好似高檔啲，枱與枱之間好闊落，我地兩個人又有訂位，所以職員比左張大長枱比我地，坐6人都得，真係好爽呀，因為食串燒會放到成枱都係，今次唔駛就住就住🥰餐廳職員都服務好好，上菜有分幾段時間，等你唔駛食得太急，加茶都加得好密😆特別係一位樓面姐姐，超級nice,仲會不時問我地食物質素如何，又有啲特別推薦建議👍🏼我地兩人order 左一個「兩人套餐-幸之晚宴」再加左幾份串燒🍢🍢🍢🤤兩人餐 仲有會員價、平勁多架，樓面姐姐教我即時downloaded app ~折實左就$688✨好多款野食，飽到震😂「幸之晚宴」折左$688再加1🥗沙律（好食，個汁調味剛好，啲菜幾滑身，口感有啲似日本牛油生菜～全碟食晒）前菜小食：🍤脆炸白蝦 （呢個超驚喜🤣勁好食，第一次食咁酥脆嘅白蝦仔）🫔味醂魚干（呢個我勁鍾意，想一個人食晒，送酒一流）🍣時令刺身三品盛（中TORO 、甜蝦、帶子）呢樣味道正常發揮🍢串燒六品（和牛舌心 👅，雞翼、雞串、黑豚肉、蘆筍、秋葵-呢個全部都好好食，又唔燒得太乾，調味又啱，見到食評話太鹹，嗯🤔我今晚食就唔覺，平時我食好清都接受到）🍱一口鰻魚飯（魚好食，不過汁多左少少，下次我會走汁🤣）🍜迷你牛肉烏 （我鍾意呢個多啲，個湯底好正，烏冬口感都好好，牛肉都滑～）🍲清酒煮蜆，呢個真係大推🥹 一見到 佢唔係蜆，係好大隻嘅沙白😍 好新鮮又肥美🍰時令甜品 （🍵🍰抹茶芝士蛋糕 ，嶡餅，芝士蛋糕好有驚喜，份量唔止大件，都算係好食，唔會太甜，我全件食晒😂嶡餅就略甜，但味道和口感都係好嘅）平時呢啲餐，甜品都係流流地，但佢地真係唔流☺️另外再加左其他串燒，不能盡錄但我推薦～💛海之盛$138 💛-有燒白鱔，真係勁好味呀🥹 只係加左少少鹽，帶點少少碳燒香再有少少油脂，勁正/ 燒蠔 1粒～又係好好食😂 不過燒完細粒左好多，不過我下次都會再叫、多春魚：呢個都好味，但我鍾意乾身啲，不過呢間餐廳師父，應該係偏向保留水份～唔會做得太邪惡，脆卜卜咁😆京葱燒$38🍢👍🏼👍🏼 勁大件，仲勁熱😂食嘅時候要小心啲 ，但真係好好味🥰————————————飲品 apple lychee squash $68(較甜,仲有啲花香味，我唔太鍾意😅）另加單嘅有85折，因為係經openrice 訂位，樓面姐姐好細心咁幫我地分左單，因為會員價二人餐及openrice 優惠要分開使用，非常好～飽到癲左都係千零蚊，仲要好食！好坐！好服務👍🏼👍🏼👍🏼環境闊落…Read More

大埔美食推薦😆雖然成日有好多人話大埔多美食，唔知係咪我要求高，我就唔太覺大埔多好野食🙈不過新開呢間點心店就真係好食～～聽聞佢地好多人排隊，而我最怕就係排隊，所以今次先試外賣先😀一收到外賣，真係真心一讚🥹包裝做得好好，果然係酒店師父開嘅店，果隻好可愛嘅雞仔鮑魚酥 有一個特別盒放，另外金魚餃 仲有兩片花瓣跟埋🥹細心🧡有人話佢用包裝辣椒油😮‍💨算吧啦，我覺得幾好吖，衞生又企理，又唔係漏晒出黎講返今次外賣左咩先☺️上湯金魚餃： 我就好鍾意食，因為入面都多芫茜🤣，而且個樣又靚，唔太油！招牌酥皮鮑魚糯米雞外形好吸！味道都唔錯，但我自己一向唔食酥皮，所以只食左個内餡～都好食😋調味剛好流沙茘枝球： 我覺得口感佢似迷煎堆😆但係唔油嘅！炸得勁好，完全唔會有油係手度，入面嘅奶黃都係少甜，不過我初時以為真係有荔枝味🤣 點知得個樣，不過都係好食！避風塘蘿蔔糕：呢款又係好出色，炸蒜係全乾身，啲蘿蔔糕又勁大舊，好抵食🤤香菇燒賣皇：呢款我又係好鍾意，事關佢蝦多過肥豬肉，有好多茶樓燒賣都用好多肥肉，佢就多蝦，而且仲要好彈牙🥹🥹又大粒！好好味呀燒汁牛柳南瓜球： 呢個就比較一般，不過個樣都靚～～流沙豬仔包：呢個都好食😍雖然得兩個，可以因為要襯返個豬造型服務費今次叫左7樣嘢都係$278～當食應該更平，食物質素好高，同我去酒店食真係差不遠～～但價錢平一半😍😍😍 有時間一定再幫襯🧡…Read More

TIRPSE IN HONG KONGTIRPSE. 日本米芝蓮一星法國菜餐廳,係東京開業兩個月就已經獲得米芝連一星🌟雖然無時間飛去東京食～但佢係香港都有分店，價錢仲好合理～梗係要試下喇😌💋味道：4/5😬回頭率：4/5📷CP值 ：4/5 🤵🏻服務質素：4/5💰人均消費：$550📍尖沙咀：TIRPSE今日揀左中午4道菜的menu,食物質表同餐廳環境好好🤤，而且仲海景😃以呢個價錢！真係性價比勁高❤️一定會再訪雖然有不少人話食物份量好細，唔夠飽🙈但以法國菜嘅份量，其實我覺得呢啲都係正常法國菜份量，而我同朋友食完，都覺得好飽🤪本來想食多個下午茶set,都飽到食唔落🥴…Read More

💋味道：2/5😬回頭率：0/5📷CP值 ：1/5 🤵🏻服務質素：3/5💰人均消費：$400📍尖沙咀：葡匯咪走雞葡國餐廳葡匯咪走雞葡國餐廳，由一位有著葡藉血統的總廚Michael Franco主理，見OpenRice 咁多好評，所以都想試下，佢地位於尖沙咀美麗華商場，果場都幾靜，經過三年疫情都仲係度，心諗應該質素都唔差掛，點知😅//今晚一行三人，叫左紅酒慢煮牛仔膝 $388葡撻 $15 x2葡式海鮮湯飯 $368馬介休炒椰菜 $128葡國特色拼盤 $108//🍛紅酒慢煮牛仔膝 $388呢個叫做全晚最好食，但佢個份量好細，得兩小舊肉😮‍💨//🥧葡撻 $15/pc : 皮唔夠香，個蛋又唔滑，諗住係間正宗葡國餐廳可以食到好味葡撻，點知咁難食🥺，好失望😞真心，KFC都好食過佢😅由於佢太普通，相都無影到🤷🏻‍♀️//🍲葡式海鮮湯飯 $368收我$300幾蚊，全部都係急凍海鮮😒仲要係好普通size 嘅急凍海鮮，個飯質煮得幾好，但啲材料唔掂，如果用新鮮海鮮，整體一定鮮甜好多😮‍💨 而家食落有啲次 少少蕃茄湯加雞湯嘅味⋯⋯//🥗葡國特色拼盤 $108呢個係2人份量小食拼盤，首先係4片急凍魷魚圈，仲有4片葡國蠟腸，4條炸豆角😂，2粒馬介休薯球（全碟最好食呢樣😮‍💨）呢碟野，份量又係好少⋯食材同味道都幾勁一般⋯⋯⋯⋯⋯⋯⋯⋯//馬介休炒椰菜 $128馬介休幾好食 ，但都係勁少，蒜蓉比例多好多，係屋企都煮到嘅野的質素😂//總結：全部野嘅味道都非常普通🙈而且份量偏細（除左個飯），相對之下，價錢就偏貴喇，咁細份😒性價比超級低🤷🏻‍♀️ 職員服務一般，成日攬實個menu,唔想人落單咁 😂…Read More

呢間餐廳～之前睇喱騷發現，bookmarked 左好一直好想試～平時係TST多數只係幫襯阿閒泰，因為真係好好味，但有時都難book,諗住～有多一間選擇都好餐廳服務算ok, 環境都唔錯，所以都算係一間靚靚打卡餐廳，不過食物質素就真係好一般，佢份量唔細嘅，但就唔太好食2人平均消費$800幾，呢個價錢大把更好選擇⋯當日叫左 前菜 兩款 （北海道蟹餅、蠔餅）湯🥣 龍蝦湯沙律：燒牛肉泰式沙律🥗小菜： 泰式炒雜菜主食： 虎蝦肉碎炒飯飲品：荔枝梳打北海道蟹餅： 一咬落去，外層脆脆同蟹肉完全分離⋯之後個蟹係完全無味，勁淡，好喇，諗住有個汁點下，我諗本身個汁應該會有少少醒胃，點知個汁都係無咩味😂蠔餅：好大塊～炸到好脆好香口，不過我就覺得啲蠔仔太少，而粉漿又較多，所以先咁脆，如果多返少少蠔會好啲⋯沙律：燒牛肉泰式沙律🥗牛肉唔錯，幾嫩，但個汁 有啲少同唔太襯個沙律， 所以整體都係一般般主食： 虎蝦肉碎炒飯😟失望飯底炒得好乾身係唔錯嘅，但蝦啲肉質腍啤啤，無左虎蝦平時果啲爽肉嘅口感嘅⋯⋯而且都唔算大隻，肉碎都唔太香小菜： 泰式炒雜菜呢個算全晚最好食龍蝦🦞湯： 都幾好飲，但如果可以收貴少少，有啲蝦肉就仲好喇，唔駛龍蝦肉，蝦肉都好，因為得湯同少少乾葱絲，飲落好空虛🤣…Read More

✨土瓜灣～有驚喜日式fusion西餐🕌 環境：優雅、座位闊落，吹水傾計，約會都啱💋味道：3.5/5😬回頭率：3.5/5📷CP值 ：4/5 🤵🏻服務質素：4/5💰人均消費：$500📍土瓜灣：KAKU好耐無出街食飯，係IG見一間較新嘅西餐廳廣告，見到係fusion菜式，所以好想試下，星期一晚就walk in 去左試星期一晚佢地都算旺，個場都有8成入坐率😀，由於無訂枱，餐廳安排咗我哋坐梳化位置，我自己本身係坐慣矮枱食飯，所以好識應，但如果唔慣嘅人士，就記住要訂位喇😀今日要左一個兩人餐$888/2位🥐餐前包～不錯，上枱仲係暖嘅，配自家製香草牛油🧈 ，幾好味😀果晚天氣凍，我地揀左南瓜湯，無揀沙律🥗南瓜湯味道都ok, 但可以再杰身返少少、南瓜甜返少少咁仲好😆比較啱我個人口味前菜：🍙泡菜海膽，明太子芝士飯波配韓式紫菜一份四粒，好味！海膽質未去到好鮮甜，但以呢個價位，我覺得都算係咁，面上嘅魚子都有微微嘅鹹鮮味～🍮澳洲和牛他他伴四川花椒油，配生鵪鶉蛋：面上鋪滿魚子醬，增添鮮味，造型高貴傳統牛肉他他多數配芥末，KAKU就改用四川花椒油，食落唔太食到四川花椒油嘅味道，比較起，我就鍾意配芥末，味道層次可能會多啲🤔主菜：特盛海鮮釜飯：😍呢個飯非常出色，而家份量都唔少，兩隻大蝦燒到好香，蝦頭仲有好多膏～啲燒過嘅海鮮嘅香味會同底下嘅飯融合一齊，所以連啲飯都勁香，飯入面嘅海鮮有大蝦🍤、海膽、魷魚🦑、帶子、三文魚子餐廳建議將海膽先撈勻成個飯～咁樣真係好好食，三文魚子完全唔死鹹，反而增加口感， 好好食，下次一定會再食呢個飯🥩壽喜燒汁慢煮日本鹿兒島五花腩本來一睇佢咁多肥肉，以為一食會成口油，但原來都唔會，由於慢煮關係，啲肉煮到超腍身，壽喜燒汁又唔會好鹹，餐廳建議係用生菜🥬包埋一齊食，咁樣食係有另一番風味😊而且佢嘅餐具都有諗過晒，上菜係一個波嘅器皿，打開有三層就放左生菜、配菜，五花腩👍🏼加分兩款甜品中規中矩～～因為係跟餐嘅，所以都無咩期望😆唔難食～都已經好好喇飲品🍹荔枝玫瑰梳打 $40 ～餐廳水吧自己調嘅～好飲😀而且我覺得$40唔算貴，平時呢啲要調嘅飲品多數過$60🫖奇趣曲奇果粒茶$58我本來以為係有塊曲奇🤣原來唔係，只係乾果粒水果茶，味道酸酸地，無咩特別，下次唔會再試🤣不過都幾大壺，可以飲4杯～總結全餐飯嘅食後感😌👇🏻餐廳服務都幾好，我最欣賞係佢枱與枱之間都闊落，環境舒適～又唔會嘈，好好坐，符合呢個中價路線設定餐廳都提供不同嘅酒，空間大啲，客人傾計都唔怕咁易比隔離聽到😆～所以慶祝食飯、約會或者三兩知己傾計食飯都好啱個人覺得佢啲野有點細份，女仔會夠飽，男仔嘅話可能要點多一兩樣先夠～…Read More

✨抵食中價～米芝連一星中菜✨🕌 環境：寬敞舒適✨💋味道：4/5😬回頭率：5/5📷CP值 ：3/5 🤵🏻服務質素：4/5💰人均消費：$700📍佐敦: 逸東軒餐飯係母親節果時食，而家先有時間出post🙈媽咪本身食野好清淡～餐廳又怕去好嘈果啲所以我地就揀左逸東軒喇～佢地質素好好！而且晚市好多時都有7折😱樣樣都堅好味，味道清淡啱晒媽咪🌟前菜果幾款燒味真係好屈機，厚切叉燒😳肉汁鮮嫩💛💛💛個蕃茄仔都勁好味😋🌟個佛跳牆好大盅🙈🌟玻璃蝦球好大粒好脆口，媽咪話好好味🌟十頭鮑～超超超腍，daddy牙齒不太好都食得好順暢😂🌟清蒸東星班～個汁整得超好🙈好過好多酒樓，肉又滑🌟脆皮雞，daddy最愛😂皮薄肉嫩❤️細個屋企人會去鳯城食脆皮雞～但我覺得呢度好食勁多～又唔會整到好油！🌟甜品係呂宋芒果🧡🧡嘻嘻～無令我失望🥰我覺得逸東軒嘅米芝連一星～味道及服務有過之而無不及💕💕💕食物同服務水準都好好～～～…Read More

//✨中環又靚又抵食✨秘魯日本fusion 菜✨🕌 環境：寬敞舒適✨靚裝餐廳💋味道：4/5😬回頭率：4/5📷CP值 ：4/5 🤵🏻服務質素：4/5💰人均消費：$500📍中環: Tokyolima//第一次食秘魯+日本的fusion菜～原來秘魯菜咁好味都係以海鮮為主🤗咁晒我//餐廳本身有套餐提供$348/位😍～，仲有welcome drink✨套餐内容已定，你只需要選擇個主菜就得今次我地揀左魚再加$128轉龍蝦🦞跟餐有：（前菜、魚生冷盤、壽司、炸雞、沙律）～份量唔算細份//Welcome drink :係一杯橙味梳打🍸好好飲之後我地再叫其他mocktail 都好唔錯！👍🏼Earl grey lemonade 雖然無earl grey 味😂反而勁重荔枝味❤️我覺得勁好飲🥰//前菜：係一款鯖魚漬物，仲有鵪鶉蛋加少少酸酸地嘅蔬菜🤤幾醒胃//沙律🥗：個汁調較得好好味，入面仲有啲薄脆～同果仁碎，好有口感，仲有少少辣～好味👍🏼：：唐揚🍗：必食！外皮炸得夠脆，炸漿唔厚，入面肉質唔乾，調味～好惹味🤤鍾意炸雞嘅話😏你一定會鍾意//冷盤：由幾款魚刺身細成，加啲蔬菜，再加佢哋自家醬汁、薄脆片撈埋一齊食就好似加左油香咁，整體味道不錯😌如果個汁唔好咁酸仲好//🍣🥑：吞拿魚牛油果反卷🐟～飯味好淡，唔似一般的壽司飯🙈🐟肉質唔夠實淨，應該唔算新鮮😅最無特別係呢道菜🙈但唔難食😮‍💨//主菜1:芝士龍蝦🦞好高質，肉質爽彈🥰啲汁好好味！下次一定會✨✨encore✨✨主菜2:三文魚扒～味道不過不失//甜品🍰：雖然個樣普通，但幾好食～～朱古力味超濃！但中間類似布甸嘅野，好難食🙈🥴//總結全餐飯嘅食後感😌👇🏻餐廳好靚～金碧輝煌但唔俗氣🥰而且都好有情調CP值好高，影相靚～我地3:00pm食都full house👍🏼所以一定要訂位～😊食物價錢～都抵食！🤩因為好多野食，味道好清新！唔油膩😌除左食野，呢度飲野傾計都好有氣氛用餐無限時，我地坐左3個幾鐘～職員都好nice~❤️冷盤部分同場加映席前料理😆幾得意呢間絕對係我✨encore✨之選🥰//另外～餐廳無加1服務費，客人可以隨心比tips😊佢哋服務好好，職員好nice又主動，所以我地都有比…Read More

✨高質！抵食酒店牛扒✨✨Mirage Bar & Restaurant 位於Renaissance harbour View Hotel 的lobby，但區分得好好，唔會好似比人睇住你食野咁😌，樓底勁高，空間感好足👍🏼大大嘅落地玻璃可以睇到少少海景😆平時食塊高質少少嘅扒大概都$800-1000佢地嘅二人套，每位只係$398幾😱😱散叫都唔貴！另外沙津、薯條、甜品係可以任添😍//二人～Mirage set dinner @ $398主菜1:安格斯紐約客牛扒（西冷）主菜2:厚切帶骨西班牙豬扒跟沙津 +薯條🍟 無限添加個餐係無前菜～只跟餐包所以我地叫左一份牛肉他他🥩//🥩✨ 安格斯紐約客牛扒（西冷）係一塊厚切牛扒😍我地叫左5成熟，切開～真係唔成熟🥰事關之前睇食評有人寫話要7成但出到黎係8-9成熟🙈仲諗，係咪因為咁平，所以質素唔好不過我地就無呢個情況☺️☺️肉質鮮嫩，超級juicy🤤🤤勁高質仲有三款醬汁跟埋但佢嘅肉已經好高質，所以落少少鹽已經夠//🍖厚切帶骨西班牙豬扒都係一塊厚切豬扒😍外層微微煎香，内裡唔會乾，仲好鮮嫩之前係出面要食好多間餐廳啲豬扒都乾乾地除非餐廳係用慢煮方法🤔如果唔係好少機會食到呢個質素所以豬扒比起牛肉我更加有驚喜！//🐃牛肉他他肉質好鮮嫩✨配上紅洋蔥🧅一齊食可以減少腥味但就算唔加😆我都唔覺有腥味放上佢地厚切嘅炸薯片一齊食🤤更有口感//薯條🍟同沙津係無限添加❤️薯條外脆內軟～仲要熱辣辣👍🏼沙津個都係好食仲要好大碗🥗🥗我就一個人食左兩大碗喇😌//甜品🍰好甜，唔太好食🙈//總結全餐飯嘅食後感😌👇🏻整餐飯嘅質素都好高～價錢咁平都有呢個質素！真心抵❤️❤️❤️係好多中價餐廳都未必咁好食😌十分推介✨✨✨✨✨✨雖然佢無前菜、餐湯同餐飲🙈但薯條同沙律可以任添～好食！唔係hea場所以無餐湯同餐飲跟，我都覺得無所謂🙈而且用餐地方闊落，成件事好舒適～👍🏼服務都算好～😌希望下一次黎食～餐廳都保持到呢個水準一定會再黎…Read More

🕌 環境：優雅的玉石主題，～整體風格洗鍊高雅💋味道：7/10 (以價錢的期望值，我會比呢個分數）💁🏻‍♀️服務：親切有禮，專業👍🏼中菜餐廳欣圖軒被譽為全球最佳粵菜食府而且仲係米芝連一星～聽講餐廳嘅供應會隨著時令食材而每隔一陣子就會轉menu👍🏼所以一直都想揾機會試；餐廳而家位於K11 musea ✨個景勁靚，節日慶祝啱晒☺️所以就揀左係結婚紀念日當晚去食晚飯😌頭盤：子薑流心皮蛋、黑豚肉蜜汁叉燒、酥脆日本蠔三樣入面～炸蠔最出色😌，火喉剛好，外脆内多汁本身唔食蠔同炸物嘅我都覺得好好味😆叉燒好一般，而且比較乾身🙈花膠燉繡球菌🍲個湯清清地都幾好飲，第一次食繡球菌覺得口感好得意有啲似厚身又爽嘅雪耳花膠好大塊～又夠滑🥰係高質花膠美中不足～我覺得個湯略鹹🙈紅梅燕液蛋白蒸龍蝦球🦞最期待係呢味菜式，可惜係最失望😓龍蝦球得個鹹味，龍蝦膏好似橡根咁🙈好怪明明整體食材係好勁但食落⋯味道極度平凡，無層次感🙈唯一可以讚嘅，就係底層的蛋白，好滑～蠔皇原隻鮑魚🥘一味好安全嘅菜式，個汁好味，鮑夠腍身🙃醬爆和牛鴨肝黃金盞🐃外層個炸麵盞好好味，鴨肝都好有水準🤤出色👍🏼個汁好惹味🥰粒和牛都非常肉嫩～老闆都好鍾意呢味菜式😌飄香荷葉飯🍚🤩超級驚喜嘅一道菜式一打開就已經好香～啲米係粒粒分明，好似炒過之後再用荷葉去蒸咁，表面平平無奇，但入面好多細節，飯入面有菇類同肉之外，仲有切到好細粒嘅筍🤩口感非常好全晚～我地最鍾意呢道菜，亦都係最有驚喜🤣兩款甜品都好高質～～首先係架上的甜品每粒都做到好似煎堆仔咁～又有細細粒嘅糯米糍但粒粒都唔同味味道非常好，以果味饀為主而且唔會太甜，食晒都無問題🥰桃膠糖水都好高質～係大粒又清嘅桃膠配上圓肉～味道超夾我好鍾意🧡另外值得一讚嘅～係佢嘅啲茶真係好好飲Drink menu 内有一啲特別嘅中國茶百幾至三百幾一位都有～職員仲會好專業咁話你知點樣飲先啱～沖泡嘅時間都有指定～所以佢地都會不時過黎幫你沖之後仲會比返未飲嘅茶葉您拎走😍返到屋企可以再沖👍🏼👍🏼總結全餐飯嘅食後感😌👇🏻欣圖軒嘅侍餐服務真係勁好，比起好多米芝連一星餐廳真係有過之而無不及👍🏼✨🧡🧡印象最深刻嘅係，當我地同職員講「唔該」，佢哋都會話唔駛客氣👍🏼😌我真係第一次遇到呢啲咁有禮貌嘅職員😆佢嘅環境好高雅～但又唔會令你食得好拘謹😬幾好～餐廳外嘅景又靚！所以慶祝食飯都勁啱但我自己就覺得食物今次唔太啱我個人口味🙈或者下次會試吓食中午點心，可能會有新嘅體會😁…Read More

✨✨荃灣新Omakase ✨✨🕌 環境：寬躺，簡約日本風格～💋味道：7.5/10 (以價錢衡量，會比呢個分數）💁🏻‍♀️服務：親切有禮💰人均消費：$1078（中午，已計加1）📍荃灣西：弦🇯🇵荃灣西最近新開左一間Omakase, 某日經過見到佢個menu 嚇一嚇🤭因為都唔平，晚餐$1780及$2280～貴過中上環區好多出名嘅OMAKASE，所以令我同朋友好奇想去試下～睇吓係咪好好食😌係荃灣西～敢開到呢個價位，我覺得應該係好食先收呢個價😆雖然佢唔平，但個晚餐有好多野食，我驚太飽，所以先試佢哋個中午OMAKASE先😎中午OMAKASE $980（茶碗蒸*1、Sashimi *4、壽司 *7迷你丼*1、湯*1、手卷*1、甜品*1）🍵一開始食個海帶茶碗蒸～味道十分鮮甜，因為個底有好多具類～🐟刺身方面都唔錯～最有印象係～～😆👇🏻👇🏻✨象拔旁 ：呢款好食～肉爽又新鮮～而且仲有好靚嘅紫蘇花配襯🌸✨蛋醋+白子：（驚喜之作）第一次食白子，本來都驚唔鍾意，但食落好有驚喜，師父將外層輕輕燒過，口感有少少外脆内軟棉棉👍🏼佢地自家嘅蛋醋都係驚喜部分😌酸甜酸甜，可以幫單調嘅白子味道提鮮，整體味道更有層次✨天婦羅帶子：粒帶子好大粒，又夠厚肉，廚師拿捏個火喉啱啱好，中間係緊熟，所以係外脆内鮮甜👍🏼👍🏼🍣壽司方面～都不錯，最有印象係👇🏻✨牡丹蝦：内加左少少日本柚子皮～幾清新✨青魚 ：而家係食青魚嘅季節，所以好有魚味😍我本好鍾意青魚，而家食仲加分 ✨大toru ：我唔太鍾意呢款，因為有筋🙈之前睇好多YouTube,啲omakase達人都話有筋即係唔掂😅但師父話日本人鍾意食大TORU就係鍾意食筋😂但師父都有補充就話如果要做到無筋都得，但就要花更多時間去處理✨ 不過值得一讚嘅係，佢哋嘅壽司飯酸度啱啱好，好多Omakase 都會自己調個飯嘅味道，我覺得呢間好合我個人口味～～🍚迷你丼：用左三文魚子、海膽、Toru混合，一睇就會覺得好好食嘅組合，但食落又無想像中咁好味，我覺得個海膽同魚子唔夠鮮甜，海膽都新鮮，但就應該唔係好靚果種質素🙈整體不過不失🍲燉湯：燉湯好好飲！師父話當由我一入座就開始整個湯，連個小茶壺一齊燉，個湯係無油～好鮮甜，都係有好多貝類，可以飲倒4小杯，份量都多🤣總結全餐飯嘅食後感😌👇🏻餐廳服務好好，好細心，仲不時遞上紙巾，好似有專人服侍咁😆👍🏼👍🏼好貼心師父都好用心介紹，仲不時問吓我覺得有咩改進😊話晒都係新餐廳～大家都謹守崗位👍🏼讚另外值得一讚嘅係～佢個收據會放係個厚卡套比您，正正做法好似係名店買野一樣😆，我覺得咁樣好好，因為我啲收據日左攝又右攝，如果咁樣，我就會收得好好～食材方面我自己就覺得以呢個價位～可以多少少特別啲嘅食材～或者係擺盤上花點心思～我明白OMAKASE係重食材質素，但當餐廳本身又係咁新，而係食材方面未敢用到最好，但係呢個打卡時代～我就覺得要係外觀上再花D心思，咁先引到更多人去試先～😌✨✨…Read More