Jasmineminty's Profile

🍜 安格斯牛肉烏冬：肉嫩湯鮮，大滿足！呢碗 安格斯牛肉烏冬真係冇得輸！牛肉用上高質安格斯，片片厚薄適中，入口超嫩滑，牛味濃郁得嚟又唔會韌，仲帶少少油脂香，正！烏冬煮得啱啱好，煙韌彈牙，掛湯力一流。湯底係日式清湯底，唔會太鹹，飲落鮮甜，仲有少少昆布同鰹魚香，同牛肉好夾。如果加隻溫泉蛋就更加完美啦！ 🍇 葡萄梳打：香甜解膩食濃味烏冬，點可以冇杯 葡萄梳打襯托呢杯梳打葡萄味好突出，甜度適中，唔會假甜，仲有粒粒果肉感，氣泡夠足，飲落好清爽！鍾意果味重嘅朋友一定會愛上，尤其係夏天飲，真係透心涼～ 🍊 完柑梳打：清新之選如果鍾意酸酸甜甜，蜜柑梳打就係你杯茶！柑橘味好自然，帶微微果酸，開胃又解膩，同烏冬一齊食好夾。比起葡萄梳打，呢款更加清爽，飲完成個人都醒神晒！ 總結：** 安格斯牛肉烏冬質素高，肉同湯底都做得好好，加埋兩款果味梳打，一濃一淡，平衡得剛剛好。推薦大家試吓呢個配搭，特別係鍾意日式風味嘅朋友！ …Read More

After acquiring her cooking skills in France from the famous chef Pierre Koffmann, Tiffany returned to Hong Kong and invested in her own restaurant. I honestly enjoyed every dish here and will definitely come back. Hong Kong is not short of high-end restaurants, but not all of them can capture the true spirit of the food. Jean May is one of those exceptional places.…Read More

餐廳位於將軍澳南海濱位置，環境雅致，戶外座位享有橋景，歡迎狗狗，邊鬧市中的清閒海風角落。鵝肝蚵仔糖心蛋飯，魯肉炆入味有驚喜，肥嫩多汁，蚵仔隻隻都肥肥白白。古早濃湯牛肉麵，佢個濃湯幾特別，帶有微微嘅藥材味，再加好香濃嘅牛肉味，幾好食嘅，牛肉都炆到好淋，鵝肝波仔老玉糖心蛋飯有台灣古早味嘅感覺。隨餐贈送的前菜。台式滷水雞翼, 雞翼肉質有滷水香味，花生香脆, 小菜之選。仲叫咗個小炒水蜜桃生炒骨，水蜜桃不會太甜，恰到好處，生炒骨乾身不會太多汁，不錯。珍珠奶茶及凍咖啡，入口香滑，珍珠彈牙有咬口，茶味香濃有層次。…Read More

如果我以後每天只可以揀一間中菜館去，我會毫不猶豫答，粤藝館。 餐廳食物好味不在話下，店內環境，侍應服務態度，上菜速度都滿分，而且配合餐廳的會員優惠、商場的消費優惠及泊車優惠，可謂物超所值。一入店舖的大堂已經煥然一新，門口的羅漢松在射燈的照射下，配合天花的大型吊燈，顯得格外有氣勢。鏗魚花醉鮑魚，鮑魚做到入味但仍然肉身爽脆，恰到好處。紅杞花雕雞，雞肉滑而且無多餘肥肉 ，味道清新健康。花膠鮑魚雞湯，此湯非常足料，令人眼前一亮，火喉夠，湯渣也有半碗。即燒無花果天下第一豬，鎮店之寶。皮香脆，色澤光潤，肉滑甜軟，滿分之選。金沙鳯尾蝦球，由蛋黃的外層，包著新鮮的蝦肉，下面放著米通，好味道。花膠天白菇菜膽，花膠厚身大件，入味好吃，主廚應該是有把花膠先用上湯浸發。芡汁是傳統的古法料理，不會太濃而遮蓋花膠本身的味道。瓦啫啫唐生菜，是最後的一菜，但沒有令人失望。唐生菜非常新鮮爽脆，用燒滾紅了的瓦窩上菜，配合一點點的蝦乾吊味，正！最後值得一讚的是員工的服務態度，餐廳雖然是中菜，但是員工的服務態度及傳菜手法可以媲美法國餐廳，餐廳經理說話誠懇, 說話時身體半前傾，半鞠躬。…Read More

不過呢一區一向缺少日式放題，自從北角有了新商場，北角滙，為北角帶來了不少新景象，今次更加罕有的已有日式火鍋放題，我哋當然立即去試一試。順帶一提北角匯商場…常常有不同的promote，今次就有櫻花祭，在海濱附近，放了很多不同的櫻花樹，為旅客提供了好好的打卡位。食牛放題當然第一件事最重要就係揀牛，我們選了美國頂級牛肉放題套餐60分鐘，每位成人$148 ，在60分鐘內所有食材也是任食的。事不宜遲立即開波，第一碟送來的是頂級牛肩胛，色澤紅潤， 10分新鮮，我最欣賞是牛肉上的雪花紋，即使我們叫的不是最頂級的日本黑毛和牛餐，但是店家送上的牛肩胛及牛空腹肉也10分新鮮，雪花紋理清晰，分布平均。另外仲有丹麥直送的皇冠豚梅肉也是10分美味。湯底我同朋友叫了鏗魚湯及豬骨湯。鏗魚湯清清地， 咁先唔會搶咗牛肉嘅鮮味。 除湯仲附送兩條鏗魚片，夠曬原汁原味。豬骨湯都算係穩陣之選，豬骨夠入味，仲有杞子等等材料，絕對唔失禮漿料區有好多選擇，比起一般嘅放題餐廳更加多, 除了常見嘅日式燒汁, 醬油, 芝麻醬, 等等一般配料另外仲有比較少見嘅七味粉, 青檸等等.... 相信可以迎合大部份人嘅口味.... 呢間放題嘅飲品選擇其實都幾多, 淨係啤酒已經有兩款，可樂都有兩款，仲有忌廉, 雪碧, 橙汁, 芒果汁, 烏龍茶, 綠茶等等除此之外, 仲有店家自製的羅漢果茶同埋橙汁. 除咗movenpick 雪糕，仲有雀巢朱古力脆脆雪條... 哇, 有Movenpick 雪糕呀, 有朱古力, 士多啤梨, 雲呢拿味，正呀!! movenpick 呢個牌子, 以前淨係酒店自助餐先有㗎! 幫我出去攞嘅時候已經冇晒雪糕，好在有個好好人嘅男職員即刻幫我攞咗兩盤新嘅出嚟。…Read More

一直聽講灣仔街市有間不吃不可嘅叉燒，係由獲獎無數嘅大廚主理。我聽完當晚就去斬料加送返屋企，果然冇失望，一試難忘，非吃不可。店舖位於灣仔街市，灣仔地鐵站A3出口, 一想就係莊士敦道，行過對面馬路，有間中銀，一轉入三角街就會見到。每日一到放工時間，店面就會大排長龍，一個個灣仔街坊指手畫腳，其實個個都係等緊新鮮出爐嘅叉燒、燒鵝、燒鴨同埋燒腩肉。一般燒味店好多時都係晏晝已經一次過煮好咗，等到放工時間，斬料返屋企已經凍哂。我最欣賞呢間舖頭，每隔10分鐘就有新嘅燒味做好。金牌大廚主理，每十分鐘有新鮮燒味做好。正！燒鵝薄皮，肉質鮮嫩，有鵝香，口感結實，鵝汁係個口入邊爆出黎。燒肉皮脆內軟，熱熱辣辣，外皮金黃，豬油沿着豬肉一滴一滴落下。好珍貴，呢啲就係精華。暗然銷魂鴛鴦飯，包括左半肥瘦叉，煎雞扒同埋兩隻煎蛋。呢個係真係好抵呀一個價錢三種享受。叉燒我最鍾意就係佢表皮有少少燶，增加佢嘅焦香感，叉燒醬係有少少果香、果甜，口感好夾。老闆仲特登放咗幾支XO靚酒喺度，每當有街坊經過可以坐低傾幾句，難得的好有親切感、人情味。…Read More

今日就去食韓劇常常見到嘅石頭鍋. 鋪頭係韓式裝修，用霓虹燈點綴畫咗個可愛豬豬。連店員都係剪 oops 頭. 💝🤩🤩小菜係酸蘿蔔，比較酸，不過作為開胃小菜都OK👍🏻👍🏻👍🏻因為我哋之後要食兩個重頭戲。韓式豬肉煎餃子🥟一碟五件，抵👍🏻👍🏻👍🏻豬肉餃子，外皮煎到金黃，香脆可口。食韓餐當然要食人蔘雞湯，廚師用咗多個小時煲雞湯，煲到雞嘅精華都係湯入邊，每一啖都係營養，再加埋紅棗等有益藥材，真係非常之滋補。雞肉唔肥唔瘦剛剛好，比一隻法國春雞第一點，雞肉煲到好軟林林，連雞軟骨都可以直接食完全唔會浪費。個湯香濃軟滑，食完好有嘅滿足感，相信冬天食更加暖身。🥰🥰🥰雞殼入邊仲有糯米飯一齊煲，所以非常之夠飽，糯米亦都好香軟。讚。👍🏻👍🏻👍🏻❤️💛🧡❤️💛🧡❤️💛🧡另一重頭戲芝士石頭鍋飯，其實韓國人真係好鍾意芝士，無論係炸雞定還是石頭鍋飯，總之有機會就會落好多芝士。店員冇講呢個係乜芝士，但我食得出係mozzarellas. 剛出爐嘅石頭鍋熱辣辣，將出鋪喺入邊嘅芝士溶化，芝士嘅香味再係米粒中間飄出來。真係好正。材料包括豬肉絲、蘿蔔絲、芽菜絲、菠菜絲、金菇、菜瓜絲、紫菜碎等等⋯⋯好滿足。辣醬另上可以除個人喜好，調教辣度。…Read More

難得帶媽咪去將軍澳食日本餐，當然唔可以失禮，要食就要食最好。最近就喺日本廚師坑口的東港城商場開咗一間丼專門店。店內環境清靜，而且非常乾淨衛生。可能食客都係斯文人，而且尊重日本文化，所以講嘢都係細細聲，配合埋個清雅嘅日式裝修，難得可以舒服的坐底，安安靜靜地享受一個一級的日本丼餐。我點了特上吞拿魚蓉丼，呢個檔嘅材料非常豐富，有雜錦的海鮮料，除了我最愛的海膽、雪蟹、甜蝦，仲有紅肉魚(呑拿魚)、白肉魚, 章魚、穴子(鰻魚)、蛤蜊、小扇貝三文魚子 、青瓜、紫菜碎、洋蔥碎等等⋯⋯我數過最少有13款食材, 只係付出1份嘅價錢有13分嘅享受，真係好抵！除咗價錢抵，食材亦都好新鮮，個甜蝦肉爽甜，咬落去索索聲。海膽鮮甜，每一啖都滑捋捋。個餐仲跟咗小食今日就有木魚茄子🍆。正吖。另外中附上壽司醋啫喱及新鮮雜錦魚湯，可以隨意個人口味加喺飯入邊。個壽司啫喱晶瑩剔透，望住佢係熱辣辣的飯入邊慢慢溶化，都是一種視覺享受。相信廚師用咗好多心機去到準備完唔同的海鮮佢做呢個海鮮湯，因為個湯層次非常豐富。飲完喺口入邊仲有回甘。咁正嘅湯我唔捨得加落去飯度撈，就咁就啪左成碗。另外我哋仲叫咗燒明太子，$40竟然買到完條切片上菜，真係好抵呀，去日式超市淨係買條生嘅明太子返去自己煮都要大概$60啦。。。。明太子一粒一粒，都幾有咬感，同埋非常之香口。讚。👍🏻💝…Read More

來到女僕餐廳，大家的關注當然是女僕了。當天試業中，不少可愛女生來面試。全部大概二十歲，這麼可愛的女生，有男友嘛？另外有夾公仔機，可以夾女僕的照片。找女僕要搖鈴，女僕就會貨貓貓一樣過來。十分禮貌地詢問 master 想食咩。感覺就是被關注及重視。由於是試業的關係，暫時選擇不多，所以我們都叫了蛋包飯，女僕會在蛋上畫卡通人物。我們叫了，叮噹及鬆弛熊。女僕年紀少，根本都不知叮噹是誰。他們大概叫多拉A夢吧。蛋包炒得嫩滑，半熟的蛋汁是不錯。煙肉炒飯份量也足，食完已很飽了。Tiramisu, 是不錯的選擇，配玫瑰 latte , 👍🏻👍🏻👍🏻香軟而不會太甜。每個菜式都精美可愛。朋友點了士多啤梨新地，造型十分夢幻，打卡一流。令我們感驚訝的是，不少女生來女僕餐廳。…Read More

Combo A 完全係為咗食肉獸而設，已包括牛、豬、雞同肉腸，另外仲有美國家傳戶曉嘅芝士通粉及薯仔沙律，一定夠飽啊。尤其最欣賞佢嘅牛肉，一入鋪就見到佢大大嘅烤爐，因為佢係用美式嘅焗烤箱用120度慢慢咁煙燻，鎖住肉汁，令到肉味更嫩滑。正。其實食完Combo A 已經好飽, 但係嚟到美式餐廳, 冇理由唔食漢堡包，始終都係叫返個漢堡包踏實啲。店員就推薦呢個 big boy burger, 入面除咗有自家製牛肉漢堡扒，仲有煙肉丶洋蔥丶pepper jack 芝士同埋燒烤醬。漢堡包係厚厚嘅傳統美國style，肉汁 juicy, 配上燒烤汁，酸酸地非常開胃。啤酒有好多選擇，bar tender 好細心，會慢慢介紹每一個啤酒嘅特性，包括味濃、淡、如果味、木桶味、酒精含量等等⋯⋯你甚至可以逐款試到啱為止。我哋就算了十號，貪佢夠清香，又唔太苦，加上 made in HK ! …Read More

兩隻生蠔脹卜卜!超級新鮮!全隻放入口咬落去D蠔味湧出黎!真心必食! 薄切鱆紅魚擺盤非常靚,片片都透光咁,絕對見到師博刀功!食落鮮甜爽口,個人覺得幾抵食!熟食就簡左溫泉蛋黑豚丼飯同燒物，兩樣都幾出色! 燒物整體各樣都好啱火喉，叫左冬菇、秋葵、京蔥、煙肉捲、牛舌、釀雞翼、牛柳、雞翼……款式好多選擇，而且唔會燒到乾爭爭，調味都好夠，整返杯啤酒就一流!我自己就特別鍾意燒牛舌同冬菇， 牛舌唔會熟到咬唔開，調味唔會太濃味空口食都好OK，燒冬菇值得讚，唔會燒到燶哂有苦味，外面夠味之餘仲保持到入面軟軟地有D汁，睇得出係比心機慢慢燒；溫泉蛋黑豚丼飯望落色水就麻麻地,但將溫泉蛋撈埋落去食,成碗飯又幾香幾好食!份量食落都唔少,絕對飽肚!整體性價比都幾高, 係幾抵食又幾好食既餐廳!…Read More

兩個女人去食lunch，梗係要去返啲女人做主題嘅餐廳食嘢啦, 非 lady m 莫屬. 一直都知道 lady M係出名食蛋糕，食lunch 真係第一次，可能冇乜特別期望，點知十分有驚喜。而且價錢都好抵， 168包一個正餐、一個蛋糕給一杯咖啡。我要咗個茄汁意粉，茄汁唔會係食死實實嘅茄膏味道，而且麵條係10分但彈牙，絕對唔係 pre-cooked 有驚喜。朋友就叫咗黑松露味道嘅意粉，麵條係比較硬，好香嘅黑松露，流心雞蛋好香滑。淨係個造型都已經贏咗。伯爵茶千層蛋糕，呢個蛋糕都算係 lady M入邊最出名嘅一個系列. 絕對冇令我地失望, 每一口都好軟滑，之餘又有口感。芝士蛋糕，適合鍾意食甜嘅朋友，配合埋芝士嘅香味，鹹鹹甜甜咁幾好味。再加上一杯 cappucinno 同埋一杯 latte簡直係完美嘅句號。…Read More

好開心今次再食 landmark cafe. 之前其實試過幾次感覺一般，但今次再同朋友嚟慶祝生日, 感覺啲嘢食樣樣都好好味完完全全改觀，再加上AE信用卡有折頭，叫咗咁多嘢埋單都係840真係好抵. 先來個麵包，佢有三款，提子、香草及白麵包。三個都真係味，不過我最鍾意係香草真係好香好軟熟呀。頭盤我哋叫咗蟹籽牛油果沙律🥗又係好好味，都蟹肉碎甜甜地😄正。好開胃。Parma ham with melon 😆火腿非常有鹹香，唔知要風乾幾多個月呢？A5和牛清湯，個湯係上枱嘅時候先加落去所以啲牛非常之嫩滑，剛剛好。個湯雖然清單好有牛肉味，只可以講，好正。Blueberry lychee Smoothie & Papaya peach smoothie兩個都係即叫即炸汁雖然等左一陣但係非常值得因為好滑,好香,好好飲。安格斯牛扒，好有牛味，不用點芥末。…Read More

The nice and fine bread selections. sun-dried tomato sauce and butter to taste.Nicely decorated salad. With a bit of goat cheese on top. Ham and seasonal melon.The snapper was magically fired so the scales were standing upright. They become golden color and enjoyably crispy.black pepper sauce minute steak.I like how be caramalized the peach before putting them on plate. very warm & sweet.…Read More

I like the bread. They have special favor, chocolate, Olive. I like the olive bread. Its kinda chewy.Sweet corn soup. The salad is good. The cheese is a quite a match too. The Beef is good. A little smoky making it unforgettable.Blue berries cheese cake. but it would be so much better if the portion would be bigger. I am not a big eater but still not full after....…Read More