NatalieSum's Profile

首先，Book左餐廳12點，12：15落單，都等到1點先有野食，都算，野食絕對唔係新鮮，已經凍左，仲要個牛角包應該可以轉名做牛角石，敲落隻碟到Kong Kong 聲，仲要係乾同凍。 之後佢仲要落漏單，叫左芝士條成粒鐘都唔到，都算。同佢講我地趕時間，唔需要啦，佢即刻去廚房炸話5分鐘就出到？！ 咁點解成粒鐘都唔出，仲要講左唔要，仲要押硬俾客食，留意仲要係又乾又黑又難食。。。。苦嫁🙂🙂🙂杯咖啡就唔好再提，全港最難飲，唔知點沖。。。iced coffee 都可以沖到咁真係難得大家唔好俾ig ad 呃。 …Read More

今晚想食個西餐，咁見E間食評好似幾好諗住去試下，點知都幾失望...星期日晚上唔多人，只有3枱客人，睇Menu睇左幾次先揀到食咩，因為竟然係無Dinner set，就算你係俾緊$400蚊食個乳豬仔都好，野飲只有酒同Mocktail， 絕對唔抵食。之後3人叫左2樣野，羊架同乳豬，個羊架大1半都係脂肪仲要，識食羊既點都知要配埋薄荷啫喱先正點知佢係無既。 仲要乳豬有好大陣臭豬味... 成份野，好油唔係咁開胃。但如果鍾意睇波既朋友，e 到可以有個大銀幕俾你睇，唯一好就係咁。…Read More

好少會打食評俾Bar, 但今次E 間算係新開既Bar 覺得好值得推薦同Feel到所有小食同酒都係有用心製作既😍👍首先，坐位算係幾好坐既，冷氣都夠，氣氛都幾好，唔會係咁只係播d勁嘈既音樂，又聽唔到朋友講野咁🤣 第二，野食方面係幾有驚喜☺☺☺ 叫左豬頸肉串同2碟熱帶風情醬蝦，豬頸肉串新鮮燒，d 汁好香同唔會好咸，真係會想食多幾串，送酒真係一流而醬蝦係第二驚喜啦，佢係無殼既好細心，仲要d 汁又係有d 燒烤既香味同蝦係好新鮮爽口既口味，正!酒就真係種種都好熱帶風情，好似木瓜味、斑斕味、香蕉 (佢會用火槍燒...塊葉）款款都好有特色🥳🥳🥳 最後個侍應好Fun, 會係咁黎同你跟進d 酒同野食如何，仲會free shot (可能星期五晚先有) 大推！ 😃👍…Read More

琴晚同班同事Happy Friday ， 早幾日book 左枱，就已經話你地9個人，不如俾個舒服既位你地坐，Sofa 位 $3000😑😑😑 大佬 生意難做 明既 但我地無揀 只揀左$1500 枱....去到， 只係幾張高枱仲要得6張櫈，完全唔值$1500，侍應又講多次 最好俾多一半坐sofa, 但我地無理，繼續飲野。 之後d 音樂就愈黎愈大聲，大聲到演唱會都無佢咁大聲，好似去左Club咁，同朋友完全傾唔到計，講野講到聲沙！ 飲品數量唔算多，唯一好係有得掟鏢。唔建議大家去，都無下次！ …Read More

Lunch Set 既價錢絕不便宜，但竟然個份量可以少到咁樣，真係唔係好接受到。☹叫左個羊架，得2條又乾又無肉既羊架，仲要係要成$98， 好啦仲要d 薯菜係6條豆到啦，同一舊勁細舊既薯蓉.....平時細食既我，都覺得食完好似無食過野咁。 🥲叫左杯凍咖啡，飲到仲有咖啡粉....無下次！…Read More

難得有間餐廳服務態度係十分好，可能是因為侍應多為上左年紀，很熱情同友善！ 食物質素都中上水平，仲要有前菜任食，好似半自助式咁，有煙三文魚、芝士、火腿、沙律等等 仲有南瓜湯任飲 主菜叫左煎三文魚扒都幾大舊嫁！唯一係餐飲要加$10／$15 就較貴啦～ 可以多多支持下佢地啦! …Read More

今日星期六都無咩人都覺得奇怪嗌左個羊架餐同什扒餐，首先黎左2碗湯先同餐包.... 一飲碗湯，嚇左嚇，我好似飲緊海水咁紅湯都好d d 但都係咁咸。好啦咁試下食包，熱就熱啦，但個底硬過鑽石真係有d痴線。好，以為主菜同飲品好d啦，嘩，一山還有一山高，最難飲既紅豆冰，應該全港佢係第一間。係紅豆水，真係淡到，好似洗完碗既水放左個雪糕落去咁，完全無法接受！個扒當然好似醃左十年咁啦，咸到食唔到，又Un! 無下次！大家唔好去呀!…Read More

侍應態度真係有待改善。食物質素極差，只有湯係正常。 問左侍應可唔可以少飯，佢講可以。點知出餐係正常飯，好，再同佢講多次想少飯，佢拎去廚房之後呀姐勁大聲講：好煩呀 （我地食11：30 無人等位，唔多人）係咩服務態度？其實又唔係無問，問左係你地講可以少飯，咁做咩仲要大大聲話個客。 叫左沙薑雞1 pet 花生醬咁樣仲要痴立立，食落口仲要係酸既，之前食過一次，今日會係最後一次。會幫襯黃店，但佢地做到咁既水準，要好好檢討下。差到一個點！唔值得排隊！…Read More

係尖沙咀想同朋友下午聚一聚，係Openrice見講好味既人數咁多，當然就想試一試，點知中哂伏! 令我學習到likes既數字都係參考下算，睇食評先係最好，食物相假，就係拿野。首先環境係極窄同迫，坐已經唔係太舒服 仲要開到勁大冷氣，唔講以為去左雪房，差在未落雪。❄❄❄❄到食物部分，見評價講個芒果沙冰好飲，又igtable，咁就叫左，點知上到黎個冰無芒果味淡水咁之餘反而好多奶味....飲到完全唔知自己飲緊咩🤢 之後唯一覺得可以既，就係菠蘿炒飯，係正常但都唔係好味嫁啦，菠蘿明顯因為酸佢就用d 焦糖鋪面蓋左陣酸味，但就甜到浸左糖水咁。其他野食都無特別，見質素咁都唔會敢叫生蝦，其他想去食既朋友，留意啦～ …Read More

首先，我係一早已經book左枱，而我地book既時間係仲未好多人流。但門口女員工就黑口黑臉串共共咁講我book左3位得1位唔入得住。好，企係門口等，佢又嫌我阻路，係咁問我朋友到未，我講黎緊，佢先俾我入。 但其實唔明，張枱已經係放左預約，咁點解差個10分鐘都唔俾我坐住先？ 好啦，仲要我朋友黎到之後佢填紙仔，個串共女員工，佢係箱到摷番我朋友個張紙，問係唔係佢黎，喂大佬，好難想像如果個張紙唔係我朋友，佢係會俾左其他客人d 個人資料俾人睇，係唔係有問題，咩服務態度？仲要叫人寫番清楚d 個電話。 之後用餐時間未到，仲飲緊野，員工2次催埋單，但佢地係接住咁催，上一個講完唔夠5分鐘，真心好差，野食唔係特別好味，無下次！ …Read More

首先，樓面唔夠人， 出餐等咗好耐。叫左一碟$148帶子露荀意粉，碟意粉係無露荀，仲要成碟野係暖，唔知放左幾耐先拎出黎俾客食。帶子更加好細舊，又咸，完全唔值$148。 實在太失望，都唔會有下次，性價比低。…Read More

衛生情況不佳，食到肚痾。 應該都係d 菜莆問題， 唔知放左幾耐。 餃子唔係特別好味，煎餃子勁油同埋湯餃既湯食得出係有味精，餃子得個大字。 見到個人包緊餃子但無帶手套，真係見到都食唔落。 要去食既朋友小心，唔想有人都食到肚痾！…Read More