cyeung10's Profile

餐廳環境好好， 有好多菜式都係fusion菜。魚肉丸子：廚師好有創意，第一次係西餐度食魚旦fusion starter, 覺得好有驚喜👏🏻👏🏻釀雞翼： 呢個係佢地力推既招牌菜。 整隻雞翼都好完整好靚。 入面仲有d香料味， 朋友覺得不錯，不過我就唔識欣賞herb的味道。黑松露薯條🍟： 好好味！我連醬都一滴不留😂我地仲叫咗三文魚扒配尼泊爾莎莎醬，不過唔記得影相。 大家睇其他食評的圖片就可以了。不過都係個句，朋友覺得ok, 但我不喜歡parsley, 所以只吃了三文魚，沒吃莎莎。 三文魚賣相好， 味道不錯，煮至全熟，唔似有d西餐廳咁中間少少生，一定唔會肚痛先🤣餐廳好好， 知道我地慶祝生日🍾仲送咗特飲，水果味好出， 好甜好飲。啱晒我呢d唔飲酒的人😋…Read More

如果你想食到係韓國食既味道，呢間餐廳唔啱你🙅🏻‍♀️。食物好好好一般。呢間餐廳只可以食個環境。泡菜湯跟飯既。 賣相一般，味道算中下。茄汁豆味濃，似部隊鍋既味多過泡菜湯。坦白講， 買宗家府泡菜，跟網上食譜，落足料整既話仲好食過佢。五花腩係鍋上既，厚切，重香料八角味。 我自己就一般。如果係鐵板上，可以係你面前烤埋就好d.當日好多人， 服務都ok, 當然你唔可以expect佢好快應你。 等一陣， 佢都記得加d蒜頭比你。整體食物味道：50分。 因為唔係我想要既味，試一次就夠了。…Read More

朋友星期日即興要食Brunch，行左一圈，覺得「海圖」門面幾肆正，加上唔洗等位，於是入內一試。兩個女仔👭🏻點了「班尼迪蛋」及輕食早餐「烤菇炒蛋牛角包」。份量頗大，十分足料，食完好full.😋Egg Benedict整份包有兩個手掌咁大，煙三文魚加Parma ham完全覆蓋曬塊包，加上有薯條🍟，十分足料。Pouched egg有蛋香，又唔腥，連平日少吃生蛋的我，都接受到👍。輕食牛角包🥐有厚厚的蘑菇炒蛋，再加上很多片牛油果。食完半份Egg Benedict後，食幾啖牛角包已經食唔落。雖然兩份餐均有柚子汁沙律相伴🥗，可以中和油膩感，但真心仍感覺飽肚。好彩最後朋友包底，免做大曬鬼。餐廳環境同食物賣相都IG-able，不過略嫌星期六日唔包咖啡及茶飲，有d貴。加上地方唔大，full house時坐得迫澀，建議大家閒日去試。…Read More

從未食過如此難食既午餐！只有匡樂冰室做得到！🤢🤮🤬茶記食物味道口感大多數十分類近。雞扒煎蛋午餐肉意粉配蒜蓉汁呢d基本快餐其實都好難整得差！🤮1. 雞扒炸得太耐，硬度足以整損口腔內部。🤮2. 蒜蓉汁烹調時間過久，醬汁水份過乾。口感似食緊Nutella 榛子醬。🤮如果醬汁係凍既，咁既質感都算了，但佢連熱既汁都可以整到咁，萬中無一。🤮3. 整體太乾，想飲餐飲舒緩吓都唔得。就連檸蜜都太苦澀。🤮最好食係午餐肉，因不是匡樂冰室出品。…Read More

相信大家都知這是「生煎包王子」的餐廳。每個食過既朋友，都只話佢既食物好普通，只有生煎包叫做ok d，想試既試一次就夠。下午茶時段，加上咁啱經過，又未試過「名氣」生煎包，咁就試下全餐廳最好食既生煎包。🤣🤣 果然，不過如此！$28/4隻。正常樣貌。個人覺得同小籠包差不多，裡面都係豬肉同埋有湯汁。只係生煎包的皮再厚d。豬肉饀料很普通，胡椒粉味道過濃，但仍可接受。最不能接受，同減分係個底。底部是這樣的。很硬！很硬！很硬！由於太硬，每咬一口，d湯都噴晒出黎，漏到周圍都係。每食一隻就要清潔一次，根本嚐唔到佢真正既味道。想要一啖放晒入口，試真d個味，無奈太大隻，又做唔到。如果比我評論，我唔會講：「可以只試一次。」我會話：「一次都唔需要試！」我諗我的朋友係中伏過，所以想我都中伏。…Read More

呢間燒肉店開左好幾個月，不過有好幾個食評都話服務麻麻，所以一直無試。近日有朋友試完話ok,所以我就先試Lunch. 午市價錢還算相宜，就算服務態度真係差，都係一次半次。與同行朋友叫左兩個燒烤定食share （牛舌及醃雞腿肉燒烤定食；西冷及豬腩肉燒烤定食），放到一枱都係。定食仲配有味噌湯、昆布小食及沙律前菜🥗。放大少少比大家睇下燒肉。本人同朋友都覺得雞腿肉同西冷好食，所以最好兩人同行再share. 第一位：醃雞腿肉。醃料唔係太咸，同雞肉好夾。一定要沾餐廳提供既檸檬🍋醬料，味道一絕！第二位：西冷小排。 醃料同雞肉不一樣，似豉油味，醃料味道唔太濃。烤完沾細鹽或原汁原味食，都好好味。第三位： 牛舌。牛舌既厚度，簿薄一層，十分適合燒烤。由於係自己燒既關係，所以燒到少許過龍，有d乾身。 第四位： 豬腩肉。 薄身野，我地又係燒過晒火，有d似豬肉乾。 腩肉無醃過，就算沾左醬料都係一般。🤔如果佢第日有西冷及雞腿肉燒烤定食，我應該會時常幫襯🤣總結： 元朗無乜呢類型既燒烤店。午市比呢個價錢食燒肉，雞腿肉同西冷味道ok，我覺得可以Lunch去試一試。另外，午市的服務質素沒有問題，我仲覺得佢地幾親切。應該係因為我地被讚燒肉燒得好靚。🤣🤣🤣…Read More

ME’N’U 食過好多次....午市晚市都食過，食物基本上係一樣的。 個人喜歡去食Lunch多d. 如果你多人去，記得book位， walk in好多時候都要等。MeNu 有意大利菜、印度菜、土耳其菜、泰菜，十分多元化。試過多次，無論係咩國家既菜式，佢都整得好好味😋😋個人最最最鐘意既就係Chicken Kebab。（可因個人喜好加配牛油果🥑。無論加定唔加，都好好食👍🏻）Kebab落足料。生菜好新鮮，好甜，而雞肉全部都係烤過，好惹味香口。再加埋佢特製既醬汁（味道好豐富，講唔出咩味，好似有d minty，又有 d garlic既味道），好有中東風味。 真係要去試下😋😋😋另外，朋友叫左香蒜蜆肉意粉。炒得香口，有蒜味，蜆肉都新鮮，意粉硬度適中，但黑椒味略重。 …Read More

因為環境幾靚，所以揀左Woodsage同好姊妹食Lunch傾計👭。佢既門面靚，但好唔顯眼。 我地行過兩次都見佢唔到... 🤣🤣大家要記得認真望清楚😊原來Woodsage主打泰國Fusion菜。元朗無乜，幾特別，幾新穎，所以我地都點左同泰國有關既菜式。前菜： 泰式生蝦🦐生蝦賣相幾靚既，但生蝦就唔算好新鮮。如果成隻蝦沾滿泰式青檸汁食，就可以去除「蝦味」。腸胃唔好既朋友仔，免食生野為妙。另外，可能因為係fusion菜既關係，特製青檸汁唔會好似一般泰國餐廳個d咁辣，好似無左應有既風味。（個人比較喜歡傳統泰式生蝦醬汁。）小食： 黑松露芝士薯條🍟呢個薯條真係要試。薯條切得幼（似M記個d)，炸得幾脆，再加埋黑松露醬，好正👍🏻👍🏻 個黑松露醬係重點，真係好好味，我地全部沾晒😂😂。 主食：青咖哩雞肉意大利飯賣相靚，份量少。由於佢太creamy, 太膩，食完其實都夠飽肚。蔬菜類有鮮味，好食，但雞肉味道就一般，有少少雞腥味。撈左青咖哩既意大利飯，如果青咖哩既味道再濃郁d，整道菜既味道都會即時提升。試食報告：可以再次光顧，但唔會再叫生野，亦唔會點Thai fusion既菜式。…Read More

每次經過「稚」都是座無虛席，不分晝夜，每日如是。今日都係上完瑜珈🧘‍♀️好夜去先唔洗等位...入內先發現原來「稚」以動漫為主題。牆上掛有油畫，砌圖，再細心d睇，店主仲放左一排Figures。 當中有一幅畫我好鍾意，覺得好有意思。係多套動漫人物既合照，有龍珠、全職獵人 （😳😳暴露左年齡添）、one piece等等。不過當時仲有其他食客，所以唔方便影相⋯⋯ 動漫迷，記得要去睇睇啊😊欣賞完畢，定食剛剛製作好。我倆各點了滑蛋豬排同浦燒饅魚定食配貓飯。1. 滑蛋豬排🐖定食配貓飯豬排皮薄又炸得脆，肉質鮮嫩好好味。「稚」既滑蛋一流，真係好滑！好滑！好滑！而且無雞蛋🥚既腥味👍🏻 滑蛋豬排既醬汁味道十分濃郁，用黎餸貓飯啱晒。貓飯🐱係珍珠米配紫菜絲，木魚絲，牛油同埋特製醬汁，要撈埋一齊食。 我不知貓飯因何而名，只知道好好味，好香牛油味😋。不過食完要上多幾堂瑜珈先得🤣🤣2. 浦燒饅魚🐟定食配貓飯朋友點的。我本身不好饅魚，但試左第一啖之後，好食到我食左佢2/3條魚🤣🤣🤣滑蛋豬已經好味，估唔到饅魚仲好味，仲有驚喜！饅魚一d都唔腥，放涼左，都唔腥。本身我就係怕腥先唔好食魚， 但呢條鰻魚，我可以連皮都食埋。饅魚汁平均分佈，啖啖肉都沾到，但一d都唔咸。真心推薦！👍🏻👍🏻👍🏻另外，都要一讚手切椰菜絲。雖然無機切得咁幼細，理論上入口會苦少少，但佢無苦口感覺，仲好易入口。經過十幾分鐘，兩隻餓狼全清了兩客定食。味道不錯，下次會努力上多幾堂瑜珈，然後再黎！Menu for reference:…Read More

每次經過呢間「名氣野」都有人排隊，今次少d人排隊，就去試下。 Bove得三款野食： 雞蛋仔、格仔餅、梳乎厘。梳乎厘無乜邊間賣street food既鋪會賣，而且價錢算親民，所以叫左一客黎試吓。第一次，始終想試真d佢既味道。點左原味，乜野都唔加，睇下係咪真係好味。賣相還算可以，但味道認真麻麻。 梳乎厘應該係好滑身，但Bove既梳乎厘就overcooked左。 形狀似既，但入口就似食緊紙杯蛋糕。等緊既時候，聞到好香雞蛋味，但食落就唔係好香雞蛋味。我諗我唔會再食。🤪…Read More

四川盆地氣候潮濕。留傳至今，仍會以花椒入膳，去除積聚於體內既濕氣。麻辣亦因此成了四川既代表。因為身體狀況，已戒食辣野好一段時間，所以不敢嘗試水煮野。只叫了以下菜式淺嘗過癮😆陳醋黑木耳： 去大陸一定會食到既前菜，不過係香港就要比錢點先有。 都是那熟悉既陳醋味，唔會好酸，亦唔會好辣。 配埋芫茜食，好清新，好正。 但芝麻有點多，令黑木耳有點失色，但仍然above average.酸辣土豆絲： 可以走辣的。我叫既就係清炒。 薯仔絲無炒過火，仲好爽口。醋既份量啱啱好，唔會令薯仔絲太酸而不能入口。 由於要令薯仔絲唔痴鑊既關係，師父落左好多油，要減肥同腸胃唔太好既朋友們，少食為妙。😊辣泡牛肉： 已叫小辣，但都好辣！😵😵🤧一邊食一邊叫救命，但朋友完全無反應，仲食得津津有味。牛肉軟滑，但略嫌醃得太犀利，有少少La口感覺。 不過加左芹菜配埋牛肉進口，成道菜既層次立即提升。 食得辣既朋友，呢個會係推介之一。總分：8 out of 10. 😋喜歡辣既，要去試下。…Read More

呢間冰室唔大，有時都要等位先食到。不過，佢既質素未至於令我排隊去食。佢唔可以話難食，但亦都稱不上為好食，但男性友人就覺得好好食。味道真係因人而異⋯⋯我地叫左常餐：义燒意粉、煎蛋🍳，再配牛油多士。义燒意粉湯底好普通，得咸味。义燒就過咸，意粉就係茶餐廳既水平，無乜味。 整體我會覺得係below average.煎蛋🍳唔係overcooked, 只係我唔食生蛋，所以望落個樣唔太靚。其實佢ok的。成個餐，最好食係塊牛油多士。烤得唔燶，又脆皮，牛油唔會太肥。佢裝潢其實幾次舊式冰室，想影相既朋友可以試一次。 我覺得一次就夠了。…Read More

呢間炸豬排🥩專門店真係無改錯名，佢既炸物真係頂級。雖然價錢有d貴，但我年中都會去食幾次，因為佢實在太好味！😋😋😋由於要慳錢，所以每次都係去食lunch. 試過幾個set後，都係鍾情吉列豬排定食。定食🍱有：前菜生薑、麵鼓湯🍲、自制芝麻、吉列豬排🥩、椰菜絲🥬、飯及生果🍉。 份量唔細，一人可勉強食晒。餐廳會提供器具比你磨醉芝麻直至個人喜愛既大小，再加入特制柚子汁或紫菜汁。 我自己就鐘意柚子汁多d. 味道咸的，其他唔識形容，但特別的。配角就唔多講啦。間間都差唔多味，不過主角豬排真係無得彈喇。塊豬排炸出黎外面脆，裡面多汁。 肉質一d都唔「鞋」，唔需要花費好大力氣去咬。最重要係，炸完出黎，件豬排唔油，真係幾難做到。 同一般既街邊小食完全係兩個級別！ 但咁大塊排，食完始終有d膩，配埋椰菜絲中和一下。 椰菜絲好新鮮，味道清甜，唔會苦，而且係免費任加。 我加了三次。😆😆😆講真！十分建議order吉列豬排定食啊！😋…Read More

經常係Facebook見到其他人勁讚，所以抽空去食個Brunch.今日做一做食肉獸🙈，叫咗西冷排同埋牛肉漢堡。賣相一d都唔差，顏色配搭得好好，令人感覺好有heart，食物會好好味。西冷排叫左五成，但overcooked咗。 切開有大部份位置係七成熟，但入口都唔乾，好Juicy，幾好味。我覺得原汁原味食牛排🥩好過點汁食。因為點左汁會蓋過左牛既鮮味。沙律伴菜都唔差，用balsamic vinegar 做sauce，酸酸甜甜幾開胃。不過個人就對兩塊橙無喜好。佢d薯條🍟要熱食，好脆好正！最衰Brunch無任添薯條。Burger配菜同西冷一樣，我不多作評論。Burger比起西冷有點兒遜色。個包係好大個，好掋食既，但對我黎講就太大，好難處理。要續層續層食，唔似食緊Burger, 變得失色。牛肉碎漢堡既味道相對無西冷咁鮮味，有少少肉腥味，但可接受。 再配埋其他配料，包括紅椰菜，蕃茄，生菜，芝士，等等都還不錯。試完Steak’er覺得ok.下次會再去，不過唔食burger.😂😂…Read More

依家越黎越鍾意去小店，因為店員會親切招待，廚師👨‍🍳會用心制作食物！與同行朋友二人叫左一個set及兩款小食share。所有食物都即叫即整，所以等侯時間會耐少少。對我黎講仲好，多d時間Girl’s talk。牛肉薯餅炸粉落得唔多，皮薄得黎炸得好脆。饀料軟綿綿，無落過多份去凝固。好正，好好味。😋由於第一個小食太好味既關係，所以顯得玉子燒有點失色。玉子燒內既蟹柳不算太多。其實味道正常，不過不失，唔難食。不過，有左牛肉薯餅呢個對手，玉子燒就比我扣左少少分喇。主餐Set 有湯，沙律，薑汁牛肉同埋有味飯。薑汁燒牛肉味道正常，似普遍日本餐廳薑汁燒定食既味道，不過初心既味道就偏濃，有少許咸，配埋白飯剛剛好。 （我既口味係偏淡的，外面好多食肆整既食物都覺得好咸。）總結： 初心真係拎真心為顧客煮野食，好味😋。 已列入外賣首選List🤣. (外賣自取有九折優惠架！）…Read More