下午茶時段，加上咁啱經過，又未試過「名氣」生煎包，咁就試下全餐廳最好食既生煎包。🤣🤣 果然，不過如此！
$28/4隻。正常樣貌。
個人覺得同小籠包差不多，裡面都係豬肉同埋有湯汁。只係生煎包的皮再厚d。
豬肉饀料很普通，胡椒粉味道過濃，但仍可接受。
最不能接受，同減分係個底。底部是這樣的。很硬！很硬！很硬！
由於太硬，每咬一口，d湯都噴晒出黎，漏到周圍都係。每食一隻就要清潔一次，根本嚐唔到佢真正既味道。想要一啖放晒入口，試真d個味，無奈太大隻，又做唔到。
如果比我評論，我唔會講：「可以只試一次。」我會話：「一次都唔需要試！」
我諗我的朋友係中伏過，所以想我都中伏。
