yummyyami's Profile

行開樓下買mask 等左好耐攰攰地，諗住起hesheat 飲杯走，menus 又冇寫最低消費，淨係寫收10%服務費。我都禮貌問下，個女侍應一聽到我一個，再問多次一個定兩個，再答佢一個，佢即刻西面，我望門口全部都係空枱星期五仲剩咁多位唔係冇原因，終於見識到前面食評口中既衰侍應，扎辮金髮侍應係面黑黑，兇神惡殺，粗暴到完全唔覺得自己去左cafe，早知過對面金記冰室都冇咁勞氣。我叫左杯芝士奶蓋紅茶，佢又chur 你問唔洗食野架，你叫左飲品咋喎，唔洗食野架？ 我問左有冇最低消費，佢同我講人頭消費，我都問多句即係一個人要幾多，佢又答我冇金額限制。其實我寧願你門口寫不接待一人顧客或者一人最低消費係幾多。換來就係一杯水拍落我張枱，倒半杯，瀉半杯。望到我錯愕個樣，就轉身走。 野就未食，己經成肚火，飽哂。佢個經理見到個杯個樣，都呆一呆，但轉頭冇叫人來抹枱。芝士奶蓋紅茶到左，另一個侍應後生但態度好啲，不過個奶蓋冇咩芝士味，芒果味主要係個雪糕，個紅茶澀味好重，同個芒果味融合唔到。…Read More

天氣太熱，唔想食飯類，又想飲凍咖啡☕️最後冇揀外賣壽司，揀左呢間意粉，咁岩做緊優惠包野飲，用左openrice 外賣就$44埋單，仲免費升級送心機expresso tonic， 店員好有禮貌，特登雪住杯咖啡，等到我來拎先拎出嚟！未食己經好期待，味道依舊好食，啲芝士白汁好多，煙肉比上次多咖啡好岩我呢啲飲唔到好苦，平時都係飲奶啡既小朋友，tonic氣泡好醒神開胃，個配搭有啲似韓國啲pizza 炸雞店。Weekend 唔想煮，呢間都係係我既首選，不過今日太熱，胃口冇咁大，就冇叫到佢個爆薯，希望佢哋都出啲岩夏天食既小食啦…Read More

炎炎夏日冇胃，一啲唔想白飯跟湯麵，呢間小店係個唔錯嘅選擇。食過一次佢個海鮮爆薯，起初以為係super sandwich 既焗薯，點知係炸起既薯蓉，非常之滑，外皮薄脫，加上少許海鮮醬汁既調味，完全滿足到嘴饞既我。今次試黑松露爆薯個味好淡身，食唔出有黑松露味，似普通mayo，反而個卡邦尼意粉有驚喜，硬度適中香港人口味既Al dente ，煙肉唔會太油膩，蛋味濃稠，白汁充足，用洋蔥粒炒起煙肉好香，撈勻蛋黃唔會乾癟癟！食落麵條沾滿豐富嘅蛋汁，都好爽身！份量都幾多，平時既外賣意粉係得一半，佢哋係裝7成滿，真係夠胃口細既女仔食兩餐。…Read More

諗住食完飯仲早，來個飯後甜品，當時8點半都唔多人，回知撞正個香港人橙紅色短頭髮staff態度超差，明明其他外國staff幾攰都態度好好。首先講左3次想試隻香港限定口味雪糕味，我當音樂太嘈佢聽唔到，突登靜個下再講多次，佢好唔耐煩咁扮聽唔到，係咁逼你馬上落單，小姐你要呢隻味係咪。明明隔離啲同樣係客可以試幾隻味，慢慢揀岩先落單。最後我唔請屈服，佢先肯死死氣筆個一啖仔雪糕俾人試仲要唔筆埋俾我朋友試，搞到佢都問我咩味嫁？個staff好唔耐煩咁望住我哋，但咩都唔做。第二，唔知佢係咪突登，明明其他staff筆雪糕都係一大個，都成$65一個球，佢筆得超細！冇比較冇傷害，前面個個都笑住拎走，啲雪糕係滿過個杯。我哋個杯係細過個杯……嬲到爆，佢仲拿拿臨拎個卡機逼我哋快啲走The worst customer experience ever and didn’t expect the local staff can be so mean to the locals. It would be the last time to be here and ask my friends to for their competitors instead.…Read More

The outside was too hot today and blend & grind is the closest cafe to my destination. The door placed with plenty of plants attracted me and ofz the air-con too lol Out of my expectation that the mocha tastes very good, milky and not too sweet. The chocolate 🍫 melt perfectly and you won’t feel obesity with the last few sip. Maybe my face looks sweaty and red, the thoughtful barista closed another half of the door and tuned down the air con. that’s such sweet move. Definitely come back next time! …Read More

太夜收工，但又想平食，即刻捻起開左冇耐既薩莉亞，頹食首選。雖然外賣都等咗幾耐，但個味道都幾值得等待，之前食過北角同紅磡嘅分店，都係一貫連鎖式嘅頹食，飽肚大份但唔算特別好食。堅尼地城呢間分店，完全感受到即煮即食，同埋味道非常有水準😍尤其是青醬野菌雞肉意大利粉，個切到好細粒嘅蒜炒得好香，同埋青醬唔會太過草青味強，加上剛剛好煮起，香味撲鼻既意粉（唔係al dente)，一啲都唔乾身，硬度都啱啱好，呢個價錢係個超值之選！…Read More

平時去開媽咪雞蛋仔都要$40一底，咁啱行過太安樓，諗住見到如果係老闆娘，就應該唔會買，尤其是睇完近排啲食評。點知好好彩係哥哥仔開檔，二話不說就放低$20 ，等待時候並沒有其他人所說的5分鐘那麼長，我行了一個圈回來已經準備好，還有不少人仍在排隊。這個價錢來說，算為超值，街上的普通魚蛋鋪的難食雞蛋仔也需要20多元。薄脆既餅底加上少量的煉奶、花生醬，牛油，一夾下去便慢慢融為一體好味道，最適合下午茶時段和太安樓掃街首選。不會太甜膩或太過飽肚。…Read More

終於等到漫長四天假日前的快樂星期五，只是想到銅鑼灣享用些表現較為出色的小店，想不到找到這間在銅鑼灣與灣仔之間較為偏僻的小店，門外早已是一堆與我一樣的白領正在等候，大家卻沒有一念疲倦，卻急不及待地看着餐單，刺身非常吸引，顏色鮮艷之餘，用肉眼可以看出魚油飽滿的表面。與朋友各自被他們刺身飯的配搭吸引，想也沒想就馬上下單，端到上來的是一個日式飯菜便當，分別有茶碗蒸、麵豉湯、壽司飯、和一小疊醃菜。刺身味道鮮甜，我碗內的左口魚經過灼燒後，咬下去的口感爽身卻不油膩，魚油的香氣慢慢在口腔內散開，最配上恰當酸味的壽司飯，簡直是天衣無縫。三文魚和左口魚的份量也出奇地多，真的是有良心的店舖…Read More

有驚喜嘅下午茶套餐見到新開又有海景嘅下午茶，的確好吸引最適合幾個女仔捉膝詳談，預先提早一個月前訂先有位，侍應嘅服務平均來講都禮貌，只可惜美中不足，竟然忘記了寫下我留低朋友生日message....不過念在侍應反應快，同埋笑容可掬，頻密幫我哋玩換茶，又細心幫同朋友多角度拍照留念，貼士方面我都比足一百蚊嘢食方面真心有驚喜，鹹點尤其出色，有鵝肝醬、三文魚、海膽、蟹肉，誠意配搭返有偏甜嘅馬卡龍、脆餅同塔，平衡返成個味道，不會過分油膩或偏鹹，甜品味道也非常不錯，但鹹點較為出色。壓軸嘅松露雪糕，味道非常濃郁，齒頰留香。朋友亦首次品嚐過令人如此印象深刻的味道，不停大讚。檸檬雪葩口感到十分清新，除去了口中濃郁的松露味，頓時圓滿結束整個味蕾上的體驗。雖然我個人比較想其中一道稍為提早一點上菜，因為同時享用雪糕和雪葩有些難度，其一總會先溶掉。慢吃才是下午茶的重點，霎時令整個用餐節奏稍微趕快了。這個價錢來說是超值，亦很期望下一次到來晚餐。…Read More

做完gym起附近搵好西，發現海傍啲餐廳一位難求，唯有退而求其次去返厚和街對面搵餐廳，見到新開呢間新派菜，個經理服務好熱情，仲特別推出個優惠試菜價，咁諗住想食健康啲，西環又真係冇幾間咁乾淨嘅印度餐廳，蠢蠢欲動之下就試咗個腰果咖喱、烤餅、mango lassi 環境好開陽，天氣唔熱加上有陽光照住，又有微風吹入來，都幾舒服。 枱與枱之間都有啲空位，座椅都比平時嘅餐廳偏大張，又有枱背同坐墊，用餐嘅時候都好放鬆，好適合一大班朋友或者同家人聚餐。兩個人就比較適合坐喺室外嘅吧枱，飲下啤酒🍻價錢方面算係幾抵食！佢哋啲烤餅都偏大塊，平過印度咖喱之寶，咖喱幾多選擇，亦會好仔細喺下面寫低材料同成份，方便一啲唔係成日食開印度菜嘅朋友揀菜。 上菜嘅時候，所有嘢都即整，熱辣辣同埋有調校過偏向香港人嘅口味，下次會再想嚟試吓佢出名嘅炒麵…Read More

朋友生日前一日用openrice訂咗枱，寫明慶祝生日，第二日打去留生日message ，個侍應係完全唔知發生咩事。到去餐廳時，明明見到佢有落remarks，但最後出甜品冇咗回事....我特登去cashier 問職員，我問佢野，佢淨係掛住執餐具都唔回應我，好冇禮物，cashier同事見到但忙緊聽電話，要我企咗幾分鐘等佢執哂野先覆我，who cares咁話唔記得同我講個甜品冇得寫字（？） 但佢落單完全冇講過，跟住我逼住要叫多份甜品。 啲野食味道overall唔錯，星期五晚來講唔多人，坐得都舒服，但侍應一口氣上哂appetiser,main同side ，放哂起outdoor 嘅細細一條木bar枱，好難同朋友share dish🤯未食哂啲小食，個主菜就涷哂。最後叫咗侍應幫我同朋友影張合照，全部都45度角打斜.....正常人都唔會咁影，搞到朋友都掃興，逼住要自己番重影，呢個服務態度好求其，體驗都好差，個刻我連服務費都唔想俾:(雖然其他員工態度都好啲，但正如其他foodie講呢個價錢，i may consider not to come back again …Read More

我前一晚打來訂位同起甜品上面寫字，捻住幫我朋友慶祝生日，點知食完一肚氣，唔係見你係近中上環的黄店，真係唔會試，寧願去隔離街間Al Forno pizerria食。話說個日我哋準時到，成間鋪運動初期係冇黄deco，似係間普通bar硬轉做餐廳，成間店得我哋一張枱食野，叫左沙律、朋友摯愛既carbonara 同燒雞、咖啡☕️ 沙律普通，carbonara 個賣相幾靚，但出事既係冇濃厚的芝士汁冇溫泉蛋，係普通蒜片炒意粉加蛋黃，仲要帶少辣味...幾條臘肉絲，即刻問個侍應係咪上錯菜，個侍應望兩望入廚房，出來同我講係廚師話係.. 我望下餐牌，下面有pasta 得個2-3款，仲要個日係有蒜香炒意粉賣。 個雞肉質感係ok但個調味好一般，甜品叫咩冇咩，等左成9個字，張枱兩大空碟冇人收野，冇人主動加水，再同我講冇材料，最後推薦左個佢自己臨時整既four petit ...（如果唔想買咁多料，有人訂位講明要甜品寫字，係咪應該問定要咩先）最嬲既係，佢哋冇將我朋友個名寫落去，我個刻心諗我訂枱來做咩？成晚間鋪得3張枱，啲侍應得閒到玩電話，服務態度又唔係好，俾啲黄店精神好冇？…Read More

生日飯記食番間近自己，又就同事放工同最岩飲兩杯既蘭桂坊Fine dining選擇都多，但同行有男士，唯有揀間有肉食既遷就下朋友啦。見到米芝蓮一星都幾心動，以往都試過幾間on the list都覺得幾好，點知呢間味道有少少失望，不過服務真係好出色既，紅酒都好飲。牛肉他他同taco係最推薦，Taco內既三文魚肉粒好鮮味同埋個醬唔會太膩，同內面既牛油果醬好合，朋友都有沖衝想Encore， 不過叫左starter就算。 breads 都好食，暖溫脆身內軟，配左vinegar and olive oil 好岩收工既餓鬼補肚。唔知係咪影相影耐左，個steak 同tenderloin 冇咩落調味，單靠嫩滑的肉質，食落覺得差一點，又或者前面的菜式都比較濃味，大家都有d失望... 甜品都好食，earl grey pie同chocolate soufflé 都好滑，甜度適中…Read More

有同事試過個石板燒牛肉唔錯，叫我午餐時段去仲抵，點知上到來又見到炒牛肉，又怕趕唔切慢慢燒肉，應該話番工冇咩mood搞咁大陣仗如果我放假都會想叫多一兩個小食同個石板。見到隔離木枱好多人食緊，好香牛味咁。個套餐有包麵豉湯、溫泉蛋、沙律同飯，營養價值豐富，又易送飯，不過炒菜有d太咸，叫左罐汽水先搞得掂，良心價$5罐，起尖沙咀近海港城的地段來講，$6x都算性價比高。環境都舒服，服務態度還好，可能最近人流少左，員工都唔點出floor，唔點斟下水。…Read More

起旺角都捻間好食既魚生飯都難，又唔想食元氣板長個類連鎖店，大熱天時行到成身濕哂，行行下見到鐡火堂岩岩開鋪，就排左15分鐘左右等入坐。前面都有幾個韓國大媽研究左個餐牌勁耐，見左佢地點哂d bestseller同期間限定，望落都幾吸引，魚生都幾大塊。女仔叫可以叫少飯，我見好多女仔一個人來都食淨幾多飯，同埋冇配菜好難送到飯，我都係食完魚生就停左手，幾鍾意佢個厚切，微火灸都加分，個流心蛋都唔錯，帶子都新鮮，唔係會好腥。…Read More