HeSheEat (銅鑼灣地帶)

Open Now

Now Closed

行開樓下買mask 等左好耐攰攰地，諗住起hesheat 飲杯走，menus 又冇寫最低消費，淨係寫收10%服務費。我都禮貌問下，個女侍應一聽到我一個，再問多次一個定兩個，再答佢一個，佢即刻西面，我望門口全部都係空枱星期五仲剩咁多位唔係冇原因，終於見識到前面食評口中既衰侍應，扎辮金髮侍應係面黑黑，兇神惡殺，粗暴到完全唔覺得自己去左cafe，早知過對面金記冰室都冇咁勞氣。我叫左杯芝士奶蓋紅茶，佢又chur 你問唔洗食野架，你叫左飲品咋喎，唔洗食野架？ 我問左有冇最低消費，佢同我講人頭消費，我都問多句即係一個人要幾多，佢又答我冇金額限制。其實我寧願你門口寫不接待一人顧客或者一人最低消費係幾多。換來就係一杯水拍落我張枱，倒半杯，瀉半杯。望到我錯愕個樣，就轉身走。 野就未食，己經成肚火，飽哂。佢個經理見到個杯個樣，都呆一呆，但轉頭冇叫人來抹枱。芝士奶蓋紅茶到左，另一個侍應後生但態度好啲，不過個奶蓋冇咩芝士味，芒果味主要係個雪糕，個紅茶澀味好重，同個芒果味融合唔到。