siuyingsand's Profile

呢餐飯已經係5月尾嘅時候食嘅，而家補打食評再憶述當時飯後嘅感受，失望之感又湧上心頭。當晚約咗朋友喺荷里活廣場睇戲，因為睇九點幾所以都有好充裕嘅時間食個豐富晚餐。行咗一輪喺大家都無乜主意嘅時候就選擇咗呢間餐廳，因為覺得上海菜係穩陣之選。我諗因為時間尚早所以唔使等位，店員同我哋講餐廳限時兩小時，問我哋有無問題，時間好充裕當然無問題啦！我哋被安排嘅中間二人座位真係好逼，同隔離枱只係相隔約10厘米嘅距離，有少少似被左右圍攻咁，哈哈！坐得唔係太舒服。每人可以選擇唔同嘅茶包，我倆都揀普洱。每張枱上面都有一碟餐前小吃，我哋係香口嘅炸雞軟骨。見到隔離枱係麻辣青瓜。對於我呢個上海菜迷離講，每次食上海菜 醉雞、小籠包一定唔少得。本來想點迷你小籠包嘅，不過落單時店員話已經賣晒 裝滿湯汁嘅小籠包賣相幾吸引，上枱夠熱，忍唔住好快夾咗一個食！不過覺得幾失望，肉質好"鞋"，而湯汁亦無鮮甜嘅味道。第二個失望，我倆同時表示失望雞肉肉質感覺唔新鮮，好散，同時亦好淡無味，整體感覺雞同花雕酒係分離咗。喺我心目中嘅花雕醉雞好味之處係雞肉吸收晒花雕嘅酒香，而花雕亦吸收咗雞嘅肉香，一啖雞肉加少少酒 入口就係天衣無縫嘅配搭。好可惜呢碟醉雞無帶比我呢種感覺。第三個失望。麵條煮得過熟啦，好"淋"！個酸辣湯，材料係好多，但係只有少少辣同好鹹嘅味道，完全食唔到有酸味。整餐飯味道最正常菜式之一。 份量雖然好少，但上枱嘅時候居然因為咁而有少少慶幸，因為失望太多。就圖所見，有烤麩、花生、冬菇同兩塊冬笋片。烤麩好硬，但整體味道正常。味道正常菜式之二。雖然成個菜味道偏淡，不過紫心蕃薯好甜，莧菜嫩。第一間比負評嘅餐廳 我倆都表示好失望，味道唔好但價錢卻偏高。離開嘅時候有好多人等位，我內心不解，或者可能係我哋點嘅菜式都太普通？可能其他較特別嘅菜式先好味？ 各花入各眼，點都好啦，只此一試，下不為例。…Read More

用餐日期 2016年5月16日近呢一年因為生活圈子有所改變，喺一位食素嘅屋企人帶領下喺街食飯多咗選擇素食。以前素菜對我而言就係不外乎係齋滷味 素雞 豆同菇類嘅不斷配搭。。 所以而家每次食新派素菜總係帶住期待嘅心情，因為菜式總係千變萬化。 新派素菜比傳統齋菜更吸引，因為食物款式新穎得來之餘大多數菜式都係用素食物原材料搭配製成，感覺更原汁原味。好耐之前就上網搵到呢間餐廳，喺素食嘅餐廳裏面有幾好嘅食評，所以一直想試。難得呢日離開呢頭，梗係要離食個晚餐啦之前試過嘅素食餐廳有日式料理同西式嘅，今次呢間居然有川味！眼前一亮不過可惜我哋都非食得辣之人，所以唔敢試我哋今次係以清淡為主涼拌雲耳淮山沙律睇餐牌時見到呢個小食就好想好想食！不過上到枱先發現我哋誤會咗。。以為佢係用酸酸地嘅汁涼拌嘅，點知原來係撈咗麻醬。淮山好粉，雲耳好軟身口感好"林"，仲有少少杞子喺面，整體感覺麻醬同呢幾樣材料味道唔係好夾，有少少失望。蘆筍百合炒猴頭菇蘆筍鮮嫩爽口、百合鮮甜、仲有第一次食嘅炒猴頭菇，睇個樣好似好乾身，不過咬落去原來好juicy！鮮茄海鮮焗飯好大一碟啊！鋪滿茄汁同"海鮮" 主要材料其實係雜菇菌類同用蒟蒻整嘅素蝦素帶子，好鮮甜！無疑呢個飯係好開胃，清晒一家秘制蓮藕餅見到隔離枱不停話呢個好好味，我見到又係廚師推介，忍唔住都嗌咗一碟 真係好好味！兩塊蓮藕中間夾住芋頭蓉，芋蓉好香好濃好滑啊！爽脆嘅蓮藕加上香滑嘅芋蓉 個口感好特別！仲撒咗啲椒鹽喺面，食落多咗幾分香口最後埋單要$37X，價錢略貴不過食物質素都唔差嘅，餐廳環境座位都坐得舒服。走嘅時候仲見到要排隊等位添。 似乎每次試一間新嘅素食餐廳都總有嘢係令人難忘嘅，而今次 蓮藕餅嘅味道真係令我好難忘！…Read More

用餐日期 2016年5月14日。聞名已久嘅Little Vegas，今次終於都離試一試佢啦。一行六人提早book咗位，6點鐘離到仲未係好多人。我哋打完🎳過離，所以個個都好餓，一坐低無耐就快快手嗌咗嘢食先！ 離之前上openrice 睇咗食評，第一次離嗌嘅都係大家推介嘅食物  每枱都有一杯雜錦糖，喺上菜期間我哋差唔多將佢清晒🙊 嘢食好快就陸續上枱啦！ 明太子忌廉天使麵呢個要比五粒 啊！  以前好驚食明太子，因為覺得好鹹腥。但係呢個天使麵簡直令人眼前一亮！首先賣相已經好吸引啦，食落唔單止無鹹腥，仲有啖啖又香又滑嘅明太子忌廉汁，啲麵又爽口，仲有好多蘑菇撈埋一齊食 令人食完一啖又想再食，大家一致讚好   777老虎機拼盤呢個老虎機拼盤樣樣都有啲，有洋蔥圈、魚手指、炸蝦、脆皮腸、炸雞翼同釀蟹蓋。全部煎炸物，真係非常邪惡 整體味道就普普通通，最特別係個綠綠地色嘅醬汁，酸酸地好開胃又清新，好刺激到食欲! 雞翼三重奏分別有水牛城、玫瑰同檸檬三種口味。六個人每人一隻剛剛好，對我而言玫瑰雞翼係最新奇嘅，當然要試一試啦。食落口...嗯 雞翼本身係香脆嘅，至於個玫瑰汁 我感覺好似香水味...另外一個朋友都有同感，可能呢啲新穎口味未必人人接受到。至於水牛城同檸檬雞翼，朋友們就用清新開胃去形容，幾好味咁話 招牌燒烤醬焗豬肋骨(一份) 配薯角招牌菜之一嘅焗豬肋骨單係賣相已經好吸引  上面鋪滿燒烤醬好惹味，入口肉質鮮嫩入味。  香煎三文魚香煎三文魚都係配有薯角(突然覺得好似有無盡嘅薯角XD)，三文魚煎得剛剛好 肉實又入味。點少少醬汁食，酸酸地味道好夾。 賭城至尊披薩披薩嘅材料係有芝士、三色椒、菠蘿、蘑菇同腸仔，所有材料平均分佈o係每塊披薩上面，每一啖都可以食到唔用嘅口感，雖然都係簡單嘅食材，不過都好香脆好味。最後睇下飲品~我點嘅骰子奶茶。個人感覺奶同茶味道分配得好平均，杯底有好多四四方方幾甜嘅蒟蒻，因為奶茶本身唔係太甜，一啖奶茶+蒟蒻 味道好夾 入口好舒服啊仲有朋友點嘅 水果茶(熱)，好大一壺啊!今次朝聖成功，大家都滿意同滿足嘅一餐，希望好快有機會再來啦。…Read More

呢間餐廳嘅位置個人覺得都幾唔起眼㗎，因為最近成日要行嗰條街留意多咗啲鋪頭先發現到佢嘅存在，平時就咁行過都唔覺眼有餐廳喺度而呢篇食評係草埋兩次一齊打嘅，兩次用餐都試咗唔同嘢食，先講下第一次嘅評價:第一次用餐日期係 2016年4月23日。我哋11點左右到，餐廳座位唔多，不過可能剛剛開鋪無耐所以都無乜人。呢個係男朋友揀嘅冬蔭功湯底。湯底除咗有冬蔭功嘅微酸同微辣之外，仲有蕃茄嘅濃香味，口感好豐富。 而大愛酸菜嘅我就揀咗呢個酸菜蕃茄湯底，自選生滾材料揀咗雞肉同木耳。 原來呢個酸菜係打碎咗變酸菜蓉咁嘅，撈埋落蕃茄湯到就變成酸菜蕃茄湯啦。每一啖湯都有好濃嘅蕃茄味同夠酸，好味木耳爽口而雞肉煮得剛剛好唔會太老！ 呢度連麵都係蕃茄麵離，麵身係偏軟嘅，一碗麵嘅份量都好多，食完好飽啊！跟餐有嘢飲，我叫咗一杯熱柚子茶。好淡無乜味。仲加咗個小食 芝趣雞翼，非常香脆熱辣辣，好味總結我哋兩個都覺得呢餐好唔錯，絕對會再離！第二次用餐日期係 2016年6月18日。呢一日都係午餐時間離，11點幾到，餐廳幾乎滿座啊！好彩剛剛仲有兩個位唔使等位。今次我哋兩個都試新嘢。我叫嘅墨魚餅蕃茄麵，加$6 轉成蕃茄肉碎蛋濃湯。個麵上枱時我有少少嚇親，因為好大碗啊！哈哈！呢碗麵真係好足料，墨魚餅有成三大塊，麵嘅份量又多，湯底亦都非常足料 好多好多蕃茄、蛋同肉碎！真係名符其實嘅濃湯啊！ 墨魚餅煎得幾香，不過就略嫌味道淡咗少少。最後因為實在太多肉碎喺底，唔想浪費所以就連個湯都飲晒，飽到上心口！而男友揀嘅係魚腐香芹蕃茄湯麵。個湯底同我嘅對比 反差實在太大！ 呢個係蕃茄湯裡面夾雜住清香嘅芹菜香味，芹菜無蓋過蕃茄味，兩者兼備最特別係個魚腐，同平時食嘅唔一樣，入面係鯪魚球咁 咬落好香好爽滑，而且非常大粒！兩者相比，我比較中意香芹蕃茄湯多啲，不過男友就話中意濃湯。今次又係嗌咗個雞翼，跟餐加$9。香口而肉質嫩滑。最最後結論，我哋兩個都決定下次會繼續離！如果係蕃茄迷嘅你 其實都值得一試！…Read More

一早就約咗舊同事喺元朗食晚飯聚一聚，但一直未決定到食咩，無意中喺openrice Facebook 見到介紹呢間餐廳，大家都有興趣去試下，就早幾日打去book咗位。餐館就喺西鐵站YOHO Mall附近位置，好方便 好容易搵到。離遠已經見到大大個招牌啦，餐館喺樓上位置嘅。上到去四人被安排坐卡位，旁邊仲可以透過櫥窗睇到師傅喺廚房忙碌嘅身影。一坐下店員就詢問飲咩茶同送上餐前小吃花生及木耳各一小碟。今次只有我一人係比較大食，朋友們都係細食之人，所以嗌得比較少嘢食。打開餐牌睇睇，食物選擇非常多，有少少花多眼亂添。食上海菜小籠包係必點，上台新鮮滾熱辣出大煙一啖咬開小小皮 湯汁已經蜂湧而出，好鮮甜！皮薄而肉質鮮嫩美味，非常好食！餐廳嘅招牌菜。石鍋飯上台時仲發出"咋咋"聲，香氣撲鼻而來。飯面鋪滿金黃嘅蟹粉，撈一撈仲見到有飯焦，急不及待想放落口蟹粉份量好足，蛋炒飯炒得好香，所以每一啖飯食落都好甘香可口，飯焦香口程度更甚。我覺得個石鍋飯份量唔算大，二人份量應該剛好，四人分 每人半碗好似唔係幾夠喉，哈哈。回鍋肉係朋友話要嗌嘅，我係第一次食。薄薄嘅豬肉片同椰菜加上辣椒青椒一齊炒非常香口好味，個醬汁尤其好味。呢道菜送飯一流，但亦相對油膩。花雕醉雞亦係食上海菜必點。雞肉好香濃入味，比較滑身，將雞肉連一啖花雕酒送入口，好味到滿足！肥而不膩，晶瑩可口係我對鎮江肴肉嘅印象。仲記得第一次食呢道菜係朋友介紹，朋友話唔好睇佢外表好似好肥咁，但食落係另一種感覺，而且製作呢道菜好考工夫，於是我即管一試，最後當然一試愛上！ 可能雪得太冰凍入面有少少結咗冰，擺咗好一陣子再食。食嘅時候就係覺得一啲都唔肥，豬手肉質鮮嫩，入口化開，如果皮凍部份再多少少口感就更好啦！食完一舊又忍唔住想食多舊，因為好夠味所以我無點任何嘢食，可以點鎮江醋食 又有另一番風味。最後仲嗌咗個清新開胃小食 手拍青瓜。雖然普通，但同樣做得出色，青瓜非常爽脆入味，食後齒頰留香，青瓜每塊大小適中一啖入口剛剛好。整體而言呢一餐係大大滿足！一個非常好嘅第一次嘗試。下一次再來希望可以多啲人，咁就可以試下片皮鴨同其他特色菜色。…Read More

是日又離到大埔，朋友帶路去食呢間餐廳，佢話食過覺得醉雞好好味。我本身好鐘意醉雞，加上食粉麵嘅地方有醉雞食都幾好奇想試下。我哋三人行下午一點左右到達，雖然唔使等位，不過已經坐得8899因為座位唔多。豬潤米粉豬潤好大件，爽口又滑兼好粉，煮得啱啱好，好好味啊而個湯底望落幾清，但好夠味。鹵水豬頭肉麵朋友嗌嘅鹵水豬頭肉麵。因為未食過豬頭肉，所以試下，上枱先知原來係豬耳好大碟啊！我哋三個人都夠食！豬耳切得好薄，咬落好爽脆，味道調得幾好，唔會好鹹 齋食唔送麵都ok，落咗麻油好香。上湯生菜清清地嗌多個上湯生菜，生菜好入味兼仲係好爽脆花雕醉雞最期待嘅花雕醉雞 原來呢度嘅醉雞係醉雞脾離㗎！雞肉又厚又實，外皮仲好爽脆。酒味唔算太濃，平時唔鐘意花雕酒味嘅朋友都可以試一試窩。另外朋友仲嗌咗牛筋麵，我夾咗舊牛筋試下，係偏爽口嘅。見到餐牌有豬肺，好特別下次要再離試一試另外朋友仲話呢度嘅豬扒都好味，好期待下次再來！…Read More

每年嘅四月，同呢幾位朋友一齊食飯慶祝生日已經係指定活動。因為我係三月尾而其中一位朋友係四月中生日，今年我哋幾個就揀咗食英式下午茶，講笑咁話扮一日貴婦，哈哈。 睇咗openrice 食評覺得呢間幾抵食，又有海景，所以打電話去問咗最新價錢就決定咗試呢間。本來想book定位嘅，但職員話只可以walk in ，我哋當日就3點左右去到，餐廳位於酒店大堂，去到咁啱仲有一張四人枱，唔使等位。 坐低就叫咗兩set英式下午茶。總共有十樣嘢食+一杯飲品。 職員話製作需時 大概要等25分鐘，我哋就嗌住飲品先。點咗餐牌上推介既茉莉花茶同菊花茶各一。 茉莉花茶 茉莉花好清香，茶味較濃，飲完齒頰留香。 菊花茶  菊花清香而茶味偏淡。一邊飲下茶一邊同朋友傾計  睇下餐廳周圍環境:下午茶時間雖然餐廳都坐滿人，不過感覺仍然好寧靜寫意，望住海景好舒服啊!傾下傾下食物好快就離到啦 望落好精緻啊～ 上層有: 提子鬆餅 - 香、鬆軟。點士多啤梨醬食唔錯。  (鹹點)中層有(左至右): - 煙三文魚及水牛芝士包: 煙三文魚味道適中唔會過鹹，下面塊麵包就比較煙韌，需要少少牙力先咬得開，哈哈。- 香芒鮮蝦撻: 撻皮夠脆，整體味道好唔錯，芒果同入面嘅蝦+醬料口感好夾。- 風乾火腿配麵包條: 朋友話呢個都唔錯，麵包條係脆脆嘅。- 鴨肝慕絲配甜包: 未食過鴨肝，本來以為會好腥，但係食落都無腥味，幾滑，味道就似食緊午餐肉咁，哈哈！- 吞拿魚三文治: 普通。  (最好味嘅甜點)下層有(左至右): - 紅桑子朱古力脆脆撻: 朱古力撻又脆又好濃朱古力味，配上酸酸甜甜嘅紅桑子口感一絕。- 迷你芒果拿破崙:雖然叫"迷你"但餡料一D都唔迷你啊! 裡面好多芒果，好鬆脆，好味!- 法式杏仁餅:一向對馬卡龍都興趣不大，因為覺得實在太甜啦。但係呢兩粒又有驚喜窩!檸檬味(黃色)口感清新，食落淡淡嘅檸檬味慢慢散開，甜度剛剛好。而朱古力味嘅就相對檸檬味甜少少，但係絕不至於係平時嘅過甜，朱古力味亦唔會濃到蓋過杏仁味，感覺幾好。- 三色朱古力慕絲:好濃但食完唔會覺得"漏"。四個人消滅呢個三層架完全無難度啦 食完又再嘆下茶傾下計，走去甜品櫃望下又幾吸引窩~於是乎點多兩件甜品一齊食。原來有Tea Set嘅，$98包一件Cake+一杯飲品。 開心果黃梅蛋糕好特別嘅配搭。蛋糕好鬆軟有好香嘅開心果味，而我就嘛嘛地黃梅嘅味道，覺得太濃味啦，所以只試左少少。題外話:當時甜品櫃已經賣曬呢隻蛋糕架啦，只有個名牌，職員好好幫我地打電話落餅房問下仲有無，最後確認仲有就專登送上離。 玫瑰茶草莓蛋糕賣相相當特別 好吸引! 玫瑰茶其實就係個粒圓形透明嘅啫喱，只有好淡嘅玫瑰味，反而草莓蛋糕就更加出色，好香濃。總結 呢度嘅食物質素雖然唔係十分出色，不過環境一流、好適合同三五知己談天說地過一個悠閒嘅下午。 離開前都不忘係長長既樓梯拍照留念。…Read More

呢日又入到大埔搵食呢間餐廳，上次經過覺得幾吸引，當時已經想一試，點知話無訂位最快要8點鐘先可能有位，於是唯有失望而回啦。今次我哋早一日打電話訂咗位，決心一試。可能餐廳位置都算少少隱蔽，同行嘅大埔朋友都話唔覺呢度原來有間日本餐廳 我哋訂咗8點嘅枱，準時入座，7人被安排一張大長枱。原來餐廳座位唔算多，當時都坐滿晒人啦。一坐低就睇餐牌睇下有咩食，唔同種類食物都選擇好多。刺身 壽司 串燒 鍋物 主食 沙律...我哋樣樣都嗌啲離試下 上菜都幾快豆腐沙律 ： 豆腐好滑，沙律菜好新鮮爽脆，配埋芝麻醬食好開胃。 刺身沙律 : 同樣係好新鮮嘅沙律菜，三文魚大件肥美，刺身份量都幾多㗎。呢個汁係酸酸甜甜嘅，好清新開胃,我忍唔住食咗好多赤貝刺身(2隻)： 本身係赤貝迷 超級鍾意食。好新鮮好爽脆，好好味！估唔到2隻都夠我哋7個人試晒啊。 鐵火卷(吞拿魚壽司) : 本身唔食吞拿魚，所以呢個無試到。 牛油果軟殼蟹卷：鋪喺面嘅牛油果同飯卷係一夾就分開咗，哈哈。軟殼蟹幾脆幾香口，同牛油果感覺好夾。 燒雞泡魚乾： 雞泡魚燒得好乾身好香，食落幾有咬口，點七味粉食更加香口，食完一條又再想食一條...大家都一致好評雞軟骨串 : 熱辣辣好好味！如果再咸少少就再好味啲啦。五花腩三重奏 : 係餐廳推介之一，個名好特別所以啊！見到隔離枱食好吸引所以我哋又嗌離試下。嘩！真係值得推介！薄薄嘅腩肉入面包住粟米芯，腩肉入口即溶，搭配住爽口嘅粟米芯，感覺出奇地夾！仲好多汁好好味一串三件應該係唔同嘅蔬菜，其中仲有秋葵。 南瓜天婦羅&蕃薯天婦羅 : 外面層炸粉好薄身，南瓜同蕃薯都好甜好粉 海鮮炒烏冬 ： 好足料又大碟，烏冬炒得好彈牙爽口，不過偏咸。炒烏冬仲有牛肉/豚肉可以選擇。 黑松露鮮帶子炒飯： 同樣都係好大碟！飯炒得乾身唔會油，黑松露份量一啲都唔少啊，每一啖飯都食到黑松露嘅香味。 總結呢餐係朋友們一致好評嘅，味道好之餘價錢相宜，埋單都係每人$130左右，下次一定再來。溫馨提示：我哋離嘅時候同9點幾走嘅時候門口都幾多人等位，餐廳座位唔多，所以大家唔想等嘅最好提早訂位先啦。…Read More

是日參加完公司一日遊，喺荃灣解散，有同事提議去好多年無食嘅寶蓮素食食齋，於是就一行四人出發啦。六點去到，時間尚早所以只有一，二枱客人。我哋被安排坐圓枱，枱同枱之間都幾狹窄，同隔離枱幾乎係櫈碰櫈，加上我哋大袋細袋咁，都幾狼狽。呢度午餐同晚餐都有自助餐，見到餐牌有成幾十款菜式，每位$108+10%都算抵食，所以決定食自助餐 可以試多幾款嘢食。 我哋大大話話都試咗成20樣嘢食，有啲都唔記得影相就食咗啦！比較推介嘅有: 1. 五柳素鮮斑(芋頭魚)雖然上枱嘅時候魚尾斷開咗比較唔似魚，但都炸得幾香，芋頭好香入口即溶，就咁食唔點汁都好味，五柳汁就酸酸甜甜，點咗又幾開胃。2. 椒鹽炸豆腐上枱熱辣辣，外脆內軟，最中意係椒鹽份量好夠特別好味，呢個我哋一致讚好仲encore添！3. 西汁香酥鴨 上枱嘅時候仲熱熱地，皮脆'肉'嫩滑，點埋西檸汁好開胃，我哋又encore！不過第二次上枱嘅時候已經無第一次咁好味啦，因為凍咗，同埋可能因為人開始多，所以同第一次相比擺得都好求其。。。4. 錦繡酸辣湯呢個湯好足料，唔會好辣之餘都夠酸，唔錯。 相對唔太中意嘅係蘿蔔糕同素羅漢齋粥，前者太多粉，食落去感覺一口粉，後者淡而無味。至於其他食物就比較普通，整體而言感覺比較油膩同幾乎每樣菜式都係好重獻汁，要不停飲水。題外話: 呢度嘅員工質素嘛嘛地，上菜嘅時候倒瀉咗落枱，唔好意思都無一句，只"哎呀"一聲就當若無其事走咗去。 我哋食食下突然聽到好吵，廚房嘅師傅粗口爛舌好似嗌大交咁。。。。結論係一試便可，我哋都話無下次啦！…Read More

這些日子每星期都有一、兩天要外出吃飯，所以頻頻上OpenRice 看不同的餐廳食評，希望可以嘗試多點不同的好味食物。因在沙田上班，是次就把搜索目標定在沙田吧，找到這家位於大會堂樓上的餐廳。要不是刻意搜索根本不知道原來這裡有西餐廳呢! 平常經過居然也沒有發現。  看過食評後感覺值得一試，於是提早兩天致電訂位。 看食評介紹室外位置可以看到夜景，我們訂了晚上七點的檯，不過到達的時候發現室外的座位都已經坐滿客人了  職員直接把我倆帶到室內，其實室內環境也不差的，起碼暖一點啊! 座位也闊落。 知道這裡的招牌菜是香草烤春雞，所以我們就點了這個以及白酒青口燴意粉。跟餐還有蘋果茶(熱/凍)、餐包、餐湯或沙律。蘋果茶我倆都點了熱的，我本身不喜歡蘋果系列的飲品，所以不太喜歡只喝了兩口，也沒有拍照，哈哈。 本想點一個餐湯一個沙律的，不過職員溫馨提示我們 跟餐沙律和烤春雞配的沙律是一樣的，問我們要不要兩個都要餐湯，於是我們就兩個都要餐湯了。 餐湯是 忌廉蘑菇湯這個湯不得了! 是我目前為止喝過最好味最足料的蘑菇湯! 很濃很濃的蘑菇味，每一口湯都是滿滿的蘑菇粒，有點難以置信  真的很讚! 餐包看食評記得包面是印有餐廳名字的，難道現在已經不再印了? 餐包看樣子不太吸引，不過原來很鬆軟!配餐湯或點油醋吃也很不錯。主菜之一 白酒青口燴意粉青口的數量很多，最少有十多隻啊! 青口煮得頗鮮甜、入味的，意粉雖然浸透在湯裡，不過依然很爽口而且很夠味。主菜之二 香草烤春雞一致好評的烤春雞，讓人很期待。果然是沒有讓人失望烤春雞的皮脆、肉出氣地嫩滑且又多汁發入味，超級好味的！總結是整體食物相當不錯，值得再光顧。但美中不足是室內環境確定有點吵嘈，我們離開踏出門口時竟有室內外如兩個世界的感覺下次再來一定要試試坐室外。題外話: 八時多餐廳幾近滿座，如果可以的話提早訂位較好，周末可能更多人呢！ …Read More

很難得和男友一起放平日，當然不能辜負藍天白雲，到戶外走走吧。這天的目的地選了他從沒去過而我也有一年多沒有去過的赤柱。對我來說，一提起"赤柱"，就會想到"悠閒" 還有 "霞飛"  。 事緣從前在灣仔半山一安老院工作期間，常常需要帶長者們到戶外走走看看，然而他們大多數都是行動不便的，所以平日清靜但舒服的赤柱就是我們最佳的目的地，而霞飛也成為我們每次到赤柱的食堂，因為價錢不貴而且地方大。所以，這分店也是我第一間和最常光顧的霞飛分店。算起來快有一年沒有吃了，所以這次心裡盤算著難得到來一定要再吃!我們在赤柱廣場閒逛完，到下午兩點多兩人才終於覺得肚子很餓，我當然就馬上提議去霞飛吃午餐。  可能是平日加上已經過了繁忙的午飯時間的關係，所以店內只有一、兩檯客人，顯得很清靜。坐下後店員很快送上餐牌，我把每次來都一定會點的小籠包、醉雞和酸辣湯麵推介給男友，誰知又是換來"你不能吃辣"的回應...  好吧，所以這餐都點了清淡為主的菜。 上海菜一定少不了的小籠包熱騰騰很多湯汁，肉質鮮嫩入味  不過男友則說不算十分出色，略嫌皮有點厚呢。 涼拌茄子 這次是第一次點。茄子很大件，淋上滿滿的醬汁很吸引。為了不讓醬汁流下來所以整件放入口吃。嘩! 咬下去口感很豐富! 醬汁的味道很特別，咸中帶酸酸的味道，加上裡面的蒜蓉，感覺涼涼的很開胃。茄子喜歡涼拌的吃法多於熱食呢 題外話: 記得不久前同事自家製涼拌茄子帶回公司給我們品嘗，我才知道茄子也可以凍食(真是大鄉里出省..-_-")原來出奇地美味和讓人難忘呢! 所以看見這裡也有這道菜就二話不說點了，上檯後才發現原來是不同的烹調方法製作的。 涼拌小黃瓜 雖然是普通的菜式，不過對於喜歡吃酸的我來說，這也是最喜歡的菜式之一。爽口的青瓜切得小小的一口一塊剛剛好，配上醋汁很醒胃讓人吃不停。美中不足的是，如果可以加一點少辣味道就更可口了!  花雕醉雞 也是我吃上海菜必點的。份量不算少，不過這次味道卻有點失望的。雞吃下去感覺肉質很散不太新鮮，也不夠入味。鮮茄蛋花牛肉拌麵，男友點的，也是一新嘗試。牛肉又滑又嫩，蕃茄味道酸甜適中，麵質也是爽口的，雞蛋很滑，吃罷讓人感覺整碗麵的材料、味道配搭分外得宜。別看照片好像份量不多，其實份量足夠兩人吃呢! 皆因盛麵的碗其實是很深的。題外話:記得在尖沙咀分店曾吃過"牛肉餡餅"，實在讓人回味! 這次也想吃，誰知原來赤柱分店是沒有的。 也是有少許失望吧。不過整體而言，這餐也是滿足的，在這裡也讓我回味起從前的時光，對霞飛 始終有一份情。 …Read More

搬來青衣有6年多的時間，知道涌美村有好幾家不錯的大排檔，卻一直未曾光顧，作為青衣人真有點慚愧呢。這天和男朋友去大澳遊玩，晚餐決定回青衣吃，又恰巧想吃大排檔，所以就走到涌美村來了! 因為全部都沒有吃過，所以我們沒有指定目標，六記就在村口第一家的位置，而且看起來相當熱鬧的! 所以就吃這家了! 室內室外全是滿滿的客人呢，有一家幾口的、有三五知己的，真的很熱鬧很有氣氛。服務員們看上去都忙得不可開交，不過我們等了5分鐘左右就為我們安排了室外的位置了。看到很多客人都吃雞煲，我也很想吃呢...不過這段日子都在喝中藥調理身體，實在不宜太重口味，唯有忍一忍口吧...  看過小菜餐牌真的很多選擇，而且價錢相宜，很吸引。最後我們點了三個菜，分別是: 六記小炒王、黑椒牛仔骨和蟹肉扒西蘭花。 看見小炒王上檯，立刻胃口大開! 份量很多配料也很多呢! 有韭菜花、芽菜、魚仔、腰果、魷魚、叉燒。魚仔炸得很脆很香口，韭菜花的份量十分多，配上相對上火的腰果及炸魚仔吃，感覺剛好得到中和。整道菜炒的很香口，好味得讓人難以抗拒。牛仔骨份量也是相當多的! 牛仔骨很嫩很滑，配上很濃很足的黑椒汁，吃下去辣辣的，很惹味! 不過對於不能吃辣的我來說...反而有點過辣，吃罷胸口立刻有鼓"熱氣"往上燒的感覺。我們兩人另外當然有點了兩碗白飯，不過此時...看著眼前兩道滿滿的菜，我們討論著還有一道菜沒送來，會否吃不完呢??? 最後的蟹肉扒西蘭花，份量也是一如前面的多! 西蘭花很爽口青甜，蟹肉"hin"汁比較稠身，味道也是足夠的。 這道菜吃下去感覺很健康，心裡自我安慰說 雖然前兩道菜都看似不是很健康之選，不過最後起碼也有健康的青菜吧! 以使自己的罪惡感減半... 總結: 這餐我們都捧著肚子離開! 小菜的份量足而價錢大眾化，絕對是街坊晚餐很好的選擇。…Read More

入左沙田反工都有一年，不過就好少係沙田食晚飯，呢日收工後朋友帶我去河畔一帶搵食，原來呢邊好多野食! 行左一輪決定食日本野，因為都有3個幾月無食日本菜啦! 7點左右唔使等位就入得，服務員係我地同意之下安排左吧檯比我地。  吧檯位置都好闊落一D都唔逼，仲可以望到師傅整刺身同壽司。餐廳食物選擇都好多，我地睇左一輪都揀唔定，最後索性點左個二人餐，咩都有D丫嘛! 前菜有芝麻八爪魚(忘記影相)沙律好新鮮，最好味係個汁，好開胃! 刺身有三文魚，新鮮肥美! 小食有枝豆。鹽燒鯖魚好好味，好大條! 燒得好香好入味!有南瓜、蝦、茄子、冬菇、紫蘇葉。出面層炸粉唔算好厚，食落所有野都好新鮮，最好味係南瓜，因為好粉好有南瓜味! 飯炒得乾身配料都好多，不過有好多洋蔥粒炒所以我食左一小碗...(我本身唔食洋蔥)另外仲有牛肉鍋(忘記影相)，配料有牛肉、少少粉絲、菜、豆腐、冬菇、雞蛋。整體味道覺得一般，覺得菜有D老，牛肉都唔係特別好食。麵豉湯幾足料，最值得一讚係唔會好鹹，感覺係清清地既味道。我地另外叫左火炙左口魚裙邊壽司同赤貝壽司，左口魚入口即溶好好味 赤貝大大隻好新鮮爽口!!整體而言呢餐都唔錯，值得一試!…Read More

是日和另一半到赤柱遊玩，晚上八時多回到灣仔搵食。走到最為熟路的軒尼詩道一帶看看有什麼好吃的，男友一看到"永華麵家"就說道:這家店很有名的! 還記得我從前在灣仔工作的時候，對於永華麵家最深刻的印象就是: 門前張貼滿報章雜誌的報導，以及晚上下班時間總會看到大量人流。既然我們都沒有事先決定要吃什麼，又這麼有緣再回到這裡，就決定一嚐它的滋味吧。 八時多，不用等位直接入座，入座率有8成左右，還不用搭檯被安排坐卡位呢，真好。 肚子已經相當餓了，但是我還在糾結了好一會兒到底吃雲吞好還是水餃好，最後男友決定點雲吞麵及水餃麵各一碗  外加一個菜心。 我們在等食物上檯的過程中討論道，我說這裡一碗雲吞麵都要$40元真的不便宜啊! 男友說不要緊反正是第一次吃，不好吃的大不了就沒有下次罷了!  食物很快就來了，先是雲吞麵:再來水餃麵上檯時雲吞和水餃都是在麵下面的，因為想要拍照，所以才把它們都放上面而已。)最後還有蠔油菜心:先喝一口湯，很鮮甜很好喝呢! 竹昇麵比較硬身，非常爽口，沒有梘水味，配上鮮甜的湯底一起吃，使人忍不住一口一口不停吃。 雲吞共有4粒，剛好一口一粒，薄薄的雲吞皮內滿是鮮蝦和豬肉，餡料很足。餃子共有3隻，每隻都相當足料，內有整隻鮮蝦、很多冬菇、木耳、豬肉和筍(不確定有沒有遺漏)，一口咬下去口感很豐富，鮮蝦很爽口，尤其最喜歡裡面有好像吃不完的冬菇!! 真的真的很好吃呢!!!連看似平凡的菜心原來也是不平凡的。粗身大條得來很清甜，一點也不硬也完全沒有渣，很好吃呢!!!最後...其實我們二人都覺得麵的份量少了點，加上我們都很餓的因素，所以不是很飽，哈哈! 再者，很想再吃水餃，所以最後再多點了一碗淨水餃 真的很好吃啊!! 我和男友分別再吃了2隻及4隻，吃完感覺剛剛好，大滿足啊!!離開的時候我和男友說，貴得來絕對是物有所值的!有機會得話一定會再來的。p.s. 在打這篇食評時看到其他食評有提及的醃蘿蔔，才知道有此一物呢 不知道是我們沒有留意到檯上有還是當時真的沒有呢? 怎樣也好，下次去的時候一定要找找看…Read More

差唔多兩點仍然需要等位，不過見吾算多人等又一直未食過，所以就決定等!!等左30分鐘左右就入得，實在好肚餓好肚餓!! 由於都成半個月無食韓國菜(又掛住大埔某韓國餐廳..)，所以第一時間點左個濃湯拉麵先!!好想食啊!!濃湯拉麵味道一般，應該係辛辣麵離，無咩特別!卡邦尼芝士年糕個汁好好味啊!好香! 不過年糕得10條都無..有D少....烏卒卒飯卷(墨魚飯卷)呢個係朋友想試既，都幾唔錯!細細件好易入口。總結係: 眼見school food越開越多分店，總算叫做試過!係嫌價錢有D貴...…Read More