琉璃's Profile

一向都喜歡食生蠔，愛它順滑口感與鮮甜味道，而且不同季節及地區的生蠔味道都大不同，味道更多樣化。好耐無食生蠔，朋友發現灣仔Optimist 逢星期四有90分鐘任食法國芬迪奇生蠔，OMG！咁正點可以唔去😍Optimist 裝修以藍綠色為主，配上配上古典的桌椅，很有歐洲復古風味，餐廳樓高三層，地下係酒吧，好chill，而我地則係1樓用餐，好有歐洲復古風味 ，慶生超有儀式感，2樓則是燒烤區。💫Oyster Extravaganza 「生蠔盛宴」($498/p.p)餐前麵包配蒜蓉蛋黃醬, 配麵包食超正🌟Starter🔸Pan Con Tomate西班牙的傳統前菜，簡單在烘過的麵包上塗滿新鮮的蕃茄，再加上初榨橄欖油，簡單但超美味，香脆又充滿蕃茄香甜味。🔸Mussels 加入紅辣椒及卡宴辣椒的白酒煮青口，為青口帶來微微辛辣，但更加的惹味，青口嫩滑入味😋🌟 Free flow oyster（90mins)再來是今天主角之一，90分鐘任食法國芬迪奇生蠔，生蠔全部即叫即開，非常的新鮮鮮味，口感爽脆細膩，配上餐廳調配的的vinegar，更能帶出生蠔的海水味，夏天食用一流，完全不會漏，所以我同朋友每人食咗20隻，大癲🤣🌟Main食完生蠔還有主菜，超豐富的🔸Sea bass 香煎海鱸魚配上紅燈籠椒的醬汁，帶出海鱸魚的鮮甜味，魚肉柔軟細膩。🔸Chargrilled Beef Striploin用上紐西蘭西冷牛扒，以炭火去燒，表面有炭火焦香，內裏保持肉汁，我地點了medium rare, 大廚燒得剛剛好，西冷牛扒肉味香濃，邊位有肥膏令牛扒更香，只簡單的醮鹽吃已經好好食😋🌟Dessert:最後結尾當然要有甜品🔸 CREMA CATALANA西班牙的經典甜品，類似crème brûlée，但加入柑橘皮和肉桂增添香氣，用上牛奶代替奶油，所以整體口感會較輕薄順滑，又唔會太甜及漏，店員即席加上點火製作焦糖脆面，更IG-able🔸巴斯克蛋糕另一個甜品是巴斯克芝士蛋糕，表面帶深棕色，有輕微苦甜焦糖味，但內裏柔軟濕潤，入口即化，奶香味濃郁，配上帶微酸的野莓醬，平衡芝士蛋糕的厚重。見到其他枱有點三吋芝士蛋糕，由職員即場切出享用，好有儀式感，下次嚟都要試吓先😍🌟Drink: Sangria 食西班牙餐廳點可以唔點sangria, 多款水果，清新清甜，酒味不會太重，配食生蠔剛剛好👍🏻…Read More

週末跟朋友出來，當然係食餐好的，朋友選了這家炎丸水產，主要食磯燒海鮮，是香港磯燒海鮮的始祖磯，餐廳附設大魚缸, 海鮮由日本空運直送，包括鮑魚、龍蝦、鱈場蟹等，全部都是鮮活海鮮，由專人即場席前烹調，舒服享受美食。餐廳裝修充滿日式風味，以傳統日式魚市場為裝修主題，身處其中超有feel 💯，最有趣係可以用「發聲雞」落單🤣🌟左口魚刺身先來個刺身，左口魚味道清爽，適合夏天食用，味道鮮甜，口感爽脆，越吃越帶甜味😋🌟芝士甲羅燒這裏的招牌菜之一，味噌甲羅燒的變奏版，蟹蓋內加入蟹膏、蟹肉、三文魚子、鵪鶉蛋，再加入芝士，店員一邊燒一邊搞拌，燒烤後超香，滿滿的蟹肉鮮味，拌隨青瓜絲同吃，清爽又好味😋🌟鮑魚殼燒用上新鮮活鮑魚，鮑魚大隻又厚身，即場以磯燒方法烹調，再搽上醬油提味，超鮮甜又彈牙👍🏻🌟燒活鰻再來就是燒活鰻，份量充足，鰻魚厚身夠肥美，經過燒烤後更做到皮香脆，肉爽彈，啖啖肉🌟烏賊磯燒然後最後來個磯燒烏賊，整隻魷魚原條燒，店員燒得剛剛好，沒有過熟，口感彈入味🌟鮭魚冷麵天氣咁熱，當然要配刺身吃，這個超適合打卡，將三文魚切成長條裝，配日式醬汁、雞蛋及青蔥等配料，清爽又鮮味🌟肉盛壽司盒又係必點之一，份量超充足，滿滿的牛肉刺身，似瀑布般傾瀉，超IG-able，牛肉鮮味滿盈，每一啖都好滿足😌🌟飲品：黑白生啤/檸檬可樂highball 居酒屋必然要喝點小酒，鹗個檸檬可能highball 好飲👍🏻…Read More

經過尖沙咀棉登徑, 轉角路口位一定被呢間店吸引,富有日本色彩的紅鳥居, 紅色燈籠, 餐廳內設計都好日本居酒屋feel,以深色木系為主題, 師傅就在吧枱後烹調,彷如置身日本小小的居酒屋, 用QR code 落單, 方便簡單,而串燒連少鹽少油少辣等選項都齊備,十分細心🌟燒雪魚乾|炸日本白蝦來居酒屋飲2杯, 送酒小食當然不能少, 白蝦炸得夠乾身,食落冇油膩感,送酒一流!👍🏻🌟牛油果大蝦沙律沙律份量充足,新鮮沙律菜, 車厘茄,再加上牛油果及大蝦, 配料豐富, 清新爽甜🌟玉子燒(芝士)熱辣辣的玉子燒,香軟細滑,蛋味香濃,內裏的芝士半融, 有拉絲的效果,芝士控必食🌟日本宮崎A5和牛三文治必食推介, A5和牛味道濃郁軟腍,又有足夠的牛脂香,配烘得脆脆地嘅軟熟麵包,超正🤩🌟串揚:🔸串揚蟹肉廣島蠔- 都係必食推介, 廣島蠔燒得剛剛好, 飽滿嫩滑, 再加上蟹肉及三文魚籽, 鮮上加鮮🔸串揚大蝦- 大隻大蝦, 包著麵衣, 香脆入味🌟串燒:🔸明太子雞翼(七味)-雞翼釀得漲卜卜, 雞翼燒得焦香, 鹹香的明太子入口香濃, 啖啖肉好滿足🔸牛小排青蔥卷-啖啖香蔥滋, 加上牛小排, 肉汁滿滿🔸豚肉豆苗卷-豚肉燒得香口, 而豆苗吸受肉汁, 很不錯🔸田樂豆腐-還原田樂燒的基本, 將炸豆腐塗上主要由味噌做成的田樂醬,再燒,豆腐沁入味噌的濃郁鹹甜,焦脆之餘有豐富口感 🔸焦糖菠蘿- 表面香脆, 淡淡的甜味, 配菠蘿特有的酸甜,好味又多汁😋🔸翠玉瓜-加上醬汁及木魚絲同燒, 清新之餘都好惹味🌟Drink: 飲品酒類free flow（$168）餐廳有2小時飲品酒類free flow, 無論係生啤、清酒或燒酎、梅酒等全部都包，超抵!…Read More

夏天天氣炎熱，個人都係想食清淡啲，清淡自然諗到食素菜，朋友特別搵咗呢間中式素菜館，餐廳主打中式素菜，並且以天然食材入饌，少鹽少油，適合著重健康的人士。餐廳裝條帶古式古香，座位舒適，而且所有熱點心都係熱辣辣上枱，大讚👍🏻。🌟筍尖蝦餃皇飲茶必叫蝦餃，素點心當然也要。蝦餃皮皮薄煙韌，內裏的餡料用上筍尖及素蝦，口感爽口，尖筍鮮味出晒嚟。🌟黑松露野菌餃飽滿的黑松露野菌，一打開已經滿滿的黑松露香，加埋野菌香味，濃郁好味。🌟竹笙素翅灌湯餃大大隻湯餃，餡料滿滿，而且湯餃好夠熱，湯頭清甜，竹笙吸收湯汁，爽口清甜。🌟齋滷味（三寶）食素菜當然要點齋滷味，這裏的齋滷味是熱食的，酸齋、豉油及咖喱齋，熱食又是不同的滋味。酸齋夠味，但鍾意再酸啲；而最好食係咖喱齋，有咖喱的濃香味。🌟甘筍鹹水角可愛造型的鹹水角，皮軟熟煙韌帶甜，內裏餡鹹香，鹹甜相配，好味😋🌟香酥咖喱角酥皮非常的香，入口鬆脆酥香，配惹味咖喱餡很不錯。🌟春風得意腸腸粉皮包著脆春卷，腸粉皮細滑，內裏包著菌菇菜粒爽脆，口感豐富。🌟雪山叉燒包店員推介的叉燒包，果然美味😋麵包熱辣辣又鬆軟，帶牛油香，內裏素叉燒惹味香濃，配埋一齊食超正👍🏻🌟山珍酸辣粉朋友想食酸辣粉，酸辣粉配料充足，用上薯粉夠煙韌及掛汁，湯夠酸辣，且帶花生香，十分惹味，內裏有大量配菜如大豆芽菜、椰菜及香菇等，口感多層次。🌟特色芒果布甸傳統芒果布甸，但做成花盆的樣子，可愛又好食，兒時回憶返晒嚟☺️🌟原隻椰皇燉桃膠又係必點推介，即叫即燉的椰皇燉桃膠，椰皇清甜帶椰香，而桃膠大大份而且好乾淨，清甜滋潤👍🏻…Read More

打算去朋友屋開party ，當然要準備食物，我就物色咗中環呢間全新韓式快餐，標榜即點即煮，而且重點是價錢超值！四人餐都只係$235起！而且份量充足，超值！餐廳雖然是快餐店，但裝修得好colorful，平日lunch 應該好旺場。💫四人餐🌟主菜（選4款）：有多款主菜可以選擇，每款份量都好充足🔺炸豬肉泡菜餃子好鍾意食佢嘅餃子，做到皮薄，炸餃脆卜卜，泡菜內餡微辣爽口，好味😋🔺韓式烤牛肉雜菜炒粉絲特別鍾意韓國粉絲，煙韌爽口又有口感，配上烤牛肉同吃，惹味！加上麻油及芝麻，非常的香。🔺泡菜湯配豬肉泡菜餃子湯配白飯想要有一個湯的主菜，所以點了這個泡菜湯豬肉泡菜餃子，個湯辣得惹味，而餃子同炸又另要個感覺，吸引咗泡菜湯的餃子連餃子皮都充滿泡菜味，齋個湯拌飯都已經好好味😋🔺韓式拌飯拌飯也是我的心水之選，雖然簡單，但就是好好食，用上韓式辣醬，微辣但好惹味，還有大量泡菜及紫菜，撈埋一齊食至正👍🏻🌟韓式甜辣併蒜香醬油炸雞韓式快餐，炸雞當然是必點的💫可以相拼2款味道，太適合香港人了👍🏻炸雞入盒時還是熱辣辣的，因為撈了醬汁，所以必需快食，雞炸得乾脆不油膩，加上醬汁更惹味。韓式甜辣好惹味，而蒜香醬油則香濃，重口味友人的至愛💯🌟小食除了主食外，還可選幾款小食🔺紫菜粉絲卷地道的韓式小食，紫菜包著韓國粉絲，炸過後外酥內軟軟的，我會配埋餐內附送的泡菜同吃，更加惹味。🔺辣炒年糕（大）辣炒年糕是韓國必食的街頭小食，這裏做的唔會太辣，年糕煙煙韌韌，配上惹味辣汁及魚糕，韓味十足！🔺卜卜脆紫菜🔺泡菜🌟甜品：吉士鯽魚餅併朱古力鯽魚餅估唔到仲有飯後甜品，好窩心的安排，小巧可愛的鯽魚餅，仲有2款口味，朱古力味好香濃，食完飯再食剛剛好。🌟飲品：micho 菠蘿果醋梳打/石榴果醋梳打包4杯飲品，可以選汽水或Micho果醋梳打，大推果醋，天然酸甜味道，更加健康，加上有汽梳打，解渴解辣一流💯…Read More

香江花月一向走高質路線, 由裝修到食物都做得好用心, 餐廳走懷舊路線, 以香港50年代為主題, 好多懷舊打卡位, 超IG-able💯現時餐廳做緊超筍優惠,所以朋友見到唔使講嘢立即訂位~🌟秘製花雕豬肚湯打邊爐前先喝一碗湯, 湯頭濃郁, 有少許胡椒香及花雕香味, 但不會太嗆喉, 豬肚份量充足, 再加入枸杞、紅棗、淮山等藥材及養生食材，慢火熬製,湯頭熬成乳白色，帶有淡淡甜味和藥膳滋補效果。🌟玲瓏琥珀山海圈($1, 原價$498)全場每一枱都必點的item, 一上枱已經超吸睛, 一圈已包括牛肉、海鮮和豬、羊肉, 超滿足!包括:美國安格斯肥牛、日本牛小腿、伊比利亞黑豚肉、澳洲羊肉、大蝦、牛栢葉等食材, 海陸精選, 一次過滿足晒!食材新鮮高質, 牛肉油花均勻、大蝦爽口彈牙,羊肉嫩滑無羶味, 連牛栢葉都好爽口, 超級超值!🌟白鱔片肥美白鱔片, 鱔片夠厚身, 食落啖啖肉夠肥美🌟脆滑桂花蚌桂花蚌爽脆清甜, 鮮味滿滿, 7折後超抵!🌟七色丸打卡菜式必須點, 這個七色丸色彩繽紛, 食落人都開心D, 配上攞設架, 古色古香,七色丸有7種不同味道, 最鍾意係咖喱味的, 食落好惹味😋🌟原條竹笙第一次打邊爐食原條竹笙, 竹笙夠大棵又夠厚身, 吸收晒湯汁精華, 超好食, 大推!🌟新鮮鵝腸鵝腸夠大條, 而且厚身有少許肥膏, 食落爽脆肥美🌟即炸響鈴份量充足又夠香脆, 有豆香, 醮一醮湯汁再食, 滋味無窮!🌟花花綠綠這個蔬菜籃亦是大推, 超豐盛, 有多種不同款式的蔬菜, 而且新鮮靚菜! 🍹飲品:熱情密碼/烏龍角度/花之都見到佢D 飲品好靚, 而且仲有買2送1優惠, 當然立即點番杯啦~🔸熱情密碼(無酒精)用上柚子蜜及柑桔檸檬為基底, 味道清新, 再加上有上枱時會有煙薰波波,非常IG-able!🔸烏龍角度是則用上口Rum 作基底酒, 加入烏龍茶及接骨木花汁, 味道清爽, 雖然是雞尾酒, 但很清淡, 女士很適合🔸花之都是贈送的, 所以就揀一杯簡單的, 以抹花作基底, 加入接骨木花及青蘋果漿, 最尾加上玫瑰花芒果冰, 美美的飲品…Read More

一直都知道駱駝漆大廈是臥虎藏龍的美食之地，但好少到東九龍搵食, 所以都要靠朋友介紹, 今次朋友就帶我去食由韓國人主理的韓國餐廳,果然無介紹錯, 好味又性價比高! 餐廳門口已經貼滿韓國老闆與客人的合照, 內埋裝修樸實簡單, 牆上貼滿餐廳的菜式, 四周的電視上一直播放韓國MV,超有韓國local餐廳feel🏠餐廳由韓國人主理, 老闆仲好熱情,一直滿場飛同客人寒暄, 超熱鬧的~餐廳提供多款韓國料理，由醬油蟹、石鍋飯、部隊鍋、烤肉、到炸雞都有, 款式種類多, 啱晒多心的香港人🥳點菜後先上前菜, 8款前菜包括新鮮辣泡菜、魚糕、薯仔沙律、菠菜、荳芽等, 全部可以無限量追加🤩而佢地嘅新鮮辣泡菜仲係每日早上新鮮製作, 唔會太辣, 但保證爽脆鮮甜! 一心想食烤肉的我們就點咗2個套餐, 已包括湯、2碗白飯及2罐飲品🌟S3:鰻魚套餐($498)韓式烤鰻魚|芝士蒸雞蛋|海鮮嫩豆腐湯 鰻魚由韓國引入, 肉質厚實彈牙,店員會幫忙烹調, 以確保鰻魚燒得剛剛好,烤過的鰻魚皮好香脆, 魚肉厚實嫩滑,醀燒烤醬同吃超夾😋🔸石鍋韓式芝士蒸雞蛋, 蒸得漲卜卜, 口感柔嫩軟綿, 有蛋香之餘亦帶微焦氣味, 是傳統韓式蒸蛋的味道, 再加上芝士, 更添美味, 用來拌飯一流!🔸海鮮嫩豆腐湯, 海鮮配料充足, 包括大蝦、青口及蜆等, 再加上嫩豆腐及大醬, 鮮辣惹味, 喝一口超暖胃, 用來拌飯吃超讚!🌟S2: 牛肉套餐($398)牛肋骨（醃）|韓式豆醬湯烤牛肉套餐的牛肉3選1，我們就選了醃了的牛肋骨，大大份的牛肋骨已起骨上枱，店員依然好好的幫我們烤肉，牛肋骨只要簡單的烤熟就已經好好味，牛肉入口甘香，油脂香氣豐盛，肉質軟嫩，入口香濃，不用醮任何醬汁已經好好食😋🔸韓式豆醬湯套餐另一個湯就點了韓式豆醬湯，呢個湯唔辣，啱晒怕辣人士💯，豆腐嫩滑，配上濃郁的豆醬及蜆，也十分美味😋老闆除咗成日過嚟問我地對食物味道外，仲送kimpa比我地食，真係超親切可愛。見到有人生日有生日驚喜, 原來生日訂座仲有蛋糕同禮物, 好有心思~…Read More

朋友好鍾意食牛, 成日都會拉我周圍去食牛, 今次就搵到一間超抵嘅牛扒任食, 牛扒任食真係第一次, 仲要只要$298(星期五,六)就可以任食安格斯牛板鍵扒，除左任食牛扒，連小食及配菜都係任食，超抵食💯, 唔怪得之咁多人! 餐廳裝修是美式簡約風格,  夠feel 夠輕鬆, 而且店員都好主動熱情,超nice!💫100分鐘任食美國安格斯牛板腱扒💫🌟湯品: 是日濃湯‧忌廉蘑菇湯、蒜蓉包濃濃忌廉蘑菇, 好creamy, 配埋蒜蓉包, 絕配!🌟任食牛扒: 美國安格斯牛板腱扒店員建議5成熟, 廚師前得剛剛好, 牛扒有淡淡炭燒香味, 外層煎得剛好,充份鎖住肉汁, 邊位帶焦脆, 5成熟保留口感之餘, 而且肉汁豐盈,肉味濃郁, 配上燒烤汁已經好正! 仲要任食, 我同朋友都忍唔住encore 多一次, 再添依然保持水準!☀️任食配菜: 雞鹽薯條|黑醋橄欖油沙律菜|焗香草車厘茄牛扒當然要配薯條, 厚切薯條即炸即起, 熱辣辣勁好味, 外脆內綿密, 灑上雞更惹味。大大盤車厘茄大加分, 酸酸甜甜又juicy, 清新解膩🌟任食小食:墨西哥脆辣雞鎚|卡真炸雲吞|脆脆魚手指|帶頭吉列蝦|吉列酥炸生蠔估唔到連小食都係任食,而且每款都好好味,食完忍唔住再encore!真係超級抵!原隻虎蝦大大隻, 蝦肉爽彈, 香脆非常!卡真雲吞, 炸得脆卜卜, 而內餡餡料充足, 我至愛!生蠔炸得剛剛好, 內裏保持軟嫩多汁, 朋友指定encore🍨是日雪糕 配焦糖醬食完仲有雪糕食, 超滿足!🍻飲品: Duvel Tripel/ LoveCraft King餐廳另外亦可加($68-$198)享受100分鐘任飲汽水或啤酒或葡萄酒, 我地肚量有限, 所以另外點了啤酒, 由店員介紹, 都非常不錯!…Read More

生日月繼續食好西! 今次朋友帶我到中環的歌賦街食日式燒肉,歌賦街一向有好多特色食肆，間間都好有特色，我都同朋友都成日過嚟食飯呢間係來自奈良的人氣燒肉店，以供應宮崎直送黑毛和牛作主打，水準絕對有保證，鍾意食牛嘅朋友一定唔可以錯過！🌟和牛刺身盛盒($258)和牛刺身盛合有3款刺身級别的和牛，因為是刺身級別，所以生食也可以，所以只要輕輕的燒一燒就最能食到和牛的原味道。和牛他他，和牛肉質軟嫩，切成細條非常有口感，再加上日本蛋，口感順滑之餘，更加添牛的濃郁。另外2款分別係和牛刺身及和牛牛舌刺身，只要輕燒一燒，肉味濃郁，軟淋好味🌟和牛舌盛盒($148)一個價錢可以品嚐3款不同部位的牛舌，包括牛舌背、牛舌芯及厚切牛舌，而牛舌背味道濃郁，牛舌芯則軟嫩，厚切牛舌則口感彈牙帶嚼勁，肉汁豐富，每一款都好好食🌟黑毛和牛里肌肉月見壽喜燒($138)呢度出名里肌肉，當然要點一點嚟試吓，以壽喜燒汁醃製里肌肉，所以帶少許甜味，燒好後再醮蛋黃汁，非常嫩滑惹味！🌟韓式辣烤豬五花肉($98)哈韓的朋友見到有豬五花肉立即要感受一番，豬五花肉肥瘦相間，烤得香脆，完肉無肥膩感，再加上韓式辣醬及生菜包著同吃，十分滋味！🌟飲品: 威士忌生姜汽水(L)/少爺啤生啤(L)/ 梅酒汽酒…Read More

講起意大利, 大家不其然就會聯想到水都威尼斯、羅馬鬥獸場, 以及一系列文藝復興時期的藝術品, 但身為吃貨的我, 想起的就是美食。香港有不少意大利餐廳, 但主打意大利威尼斯Cicchetti小菜的, 灣仔Landau’s 卻是香港首間, 唔係朋友帶去都唔知呢~ 而且環境超靚, 可以一邊同朋友吃威尼斯傳統小食, 一邊喝酒談天, 真一樂也!Cicchetti是威尼斯的傳統小食, 類似西班牙的tapas, 小份量的美食, 配一杯當地葡萄酒或aperol spritz 等飲品, 小巧卻充滿濃郁的意大利風情。常見的Cicchetti有以海鮮配搭的Crudo, 以小片多士配上各種配料的Crostini, 以及香脆的炸肉丸如polpette 等, 款式種類多元化, 配酒最適合💯Landau’s 共分為2個區, 分別是Trattoria及Dining room,前者體現意大利小酒館的文化, 再融入現代化元素,一半是以紅色打造的形格吧檯,配上輕快的的音樂, chic & chill; 另一邊廂則是高雅的Dining room, 為私人活動而設, 特別以彩繪玻璃打造天花板, 充滿歐洲文藝情懷, 高貴典雅。💫Cicchetti: 🌟Crostini Di Manzo烘得香脆的多士上放滿已拌上芥末及沙律醬的手切生牛肉, 再加上大量蛋黃碎, 口感層次豐富,滿滿的牛肉馥郁滋味 🌟Octopus Spiedino 以簡單烹調的方法帶出海鮮的好味道, 也是Cicchetti 的傳統特色,簡單的用燒烤烹調八爪魚腳, 保留八爪魚的鮮味, 及後配橄欖油及蕃茄醬, 提味更提鮮😋🌟Hamachi Crudo油甘魚口感甘甜, 魚油豐盛, 以刺身食法最滋味,拌以初榨橄欖油及柚子西柚做成的醬汁,清新好味, 品嚐油甘魚的魚鮮油香 🌟Chicken Liver Parfait最後來一點重口味的, 以雞肝醬配多士, 雞肝醬口感綿密濃郁, 面頭再加上砵酒、粟米片及raspberry乾, 口感更豐富, 味道濃郁, 配多士同吃好好味! 💫Main:吃過Cicchetti 後就來主菜, 店員將我地餐具全部換過再來主菜, 安排細心周到🌟Fettuccine Cheese Wheel食意大利菜當然要點fettuccine cheese wheel,店員在你面前,將剛煮好的寬條寬放入芝士輪中, 陣陣芝士香隨即升起, 再加上黑松露醬,芝士及黑松露醬掛在每一條寬條麪上,及後再刨黑松露, 香氣再提升,寬條麵帶蛋香, 口感厚實, 食得出的手工寬條麵,每一口都充滿芝士香, 再夾著黑松露香,簡單但超好食!🌟Tagliata另一款主菜選了切片牛扒, 亦是意大利傳統菜式，五成熟的flank steak煎得好好，中間是細嫩的粉紅色，口感軟嫩，牛肉味濃郁及有口感。🍹Drink:見到有好多款特色cocktails, 當然要點嚟試~🌟Peter Rabbit Peter Rabbit 個名吸引, 主調係用dark rum 及falernum, 走香甜路線,再配菠蘿汁及青檸汁, 熱帶水果風味, 叫得peter rabiit, 當然有免仔最愛的胡蘿蔔啦~ 可愛又清新的一杯雞尾酒~ 🌟Peanut Butter Falcon朋友則點了Peanut Butter Falcon, 頗為特別的cocktail, 花生醬味的whisky ，聞落有香濃的花生醬香味, 入口有濃重的威士忌，2者同時呈現, 卻沒有違和感，比較strong 的一款cocktail.…Read More

又係牛, 無錯! 牛魔王朋友又帶我食好西, 今次就去灣仔食港式邊爐, 店名叫得豪牛, 知佢咩料啦!餐廳以簡約工業風格為主, 有大圓枱, 亦有卡位,座位寬闊舒適, 而且一直播放大家耳熟能詳的歌,超好feel, 店員好熱情好客, 不時過來同你傾計,氣氛好好, 我同朋友都食得好開心~香港人打邊爐最重要係咩? 係湯底同碟肥牛! 豪牛就絕對滿足到我的要求! 湯底同碟牛肉一樣係咁正!🌟湯底: 花膠濃雞湯餐廳有5款湯底, 店員就推介呢個花膠濃雞湯湯底, 因為店主將花膠、牛猴菇、雞肉、杞子、瑤柱等配料, 再加上雞湯熬煮一日, 所以湯底十分濃郁, 而且花膠大大舊, 絕對足料!打邊爐前先飲一碗, 果然足料濃厚, 膠質滿滿,好好味! 必食推介: 🌟豪牛拼盤(中)牛肉是餐廳的主打, 當然要試一試佢嘅豪牛拼盤, 拼盤有4款牛, 最低層是封門柳, 然後是牛頸脊,第3層是牛匙柄、最頂層則是牛小排, 封門柳肉質鬆軟, 而且味道濃郁, 輕輕一灼,已經好好味😋牛頸脊是活動最多的部份, 所以脂肪平均,而且肉質結實, 口感爽滑富有牛味。牛匙柄脂肪相對較少，口感軟中帶脆，味道清甜。牛小排脂肪豐富, 口感軟嫩，大愛😍稀有部位: 🌟五花趾|牛心頂呢度連稀有部位都有, 五花趾係第一次食, 係指牛後腿大腿內側的兩小條牛腿肌腱, 部位刁鑽, 五花趾部位富有彈性，食落口感爽脆，好有嚼口。牛心頂即牛的心臟的頂端, 連接血管和心臟的一部份, 牛心頂肉質厚實, 口感特別, 非常的爽脆其他大推火鍋配料:🌟花雕雞翼除了牛肉之外, 花雕雞翼都係店員大推的,好濃郁的花雕味, 未食已有好香的花雕酒香味，而且無平時冷盤花雕雞的苦澀味,即使淥熟後依然花雕味香濃, 而且嫩滑, 推介!🌟炸魚皮即叫即炸魚皮, 上枱時還熱辣辣的, 超脆, 又夠入味,送酒一流!🌟潮州牛丸牛丸都係我私心推介彈牙又juicy, 牛肉味滿溢,食得出的真牛肉肉丸…Read More

唔講唔知，原來銅鑼灣智選假日酒店內藏一間咁古色古香的餐廳，因為朋友想食點心，仲要係夜晚！所以先發現呢間古色古香的餐廳，餐廳裝潢雅致，帶古典氣息，連杯盤碗碟都用心地配合，全部都好有儀式感。餐廳中間位置攞滿特色古董擺設，座位寬敝舒適，同朋友嚟食飯促膝長談就最適合！🌟手工蝦餃-蝦餃好大隻,蝦肉夠爽口彈牙🌟麻辣燒賣好惹味的燒賣,平時食燒賣會醮豆辨醬或辣椒醬的，呢個完全滿足我的要求,微辣,配搭燒賣的豬肉鮮蝦，令燒賣味道更提升，更惹味！🌟麻辣金錢肚金錢肚係我至愛，呢個加埋麻辣更愛，金錢肚軟淋入味，加多一份辣，更加惹味🌟鮮蝦腐皮卷外皮非常薄脆，配上充足鮮蝦餡料，薄脆好味🌟叉燒腸粉腸粉皮用上台灣米漿所製，所以是煙韌路線，包著香濃叉燒,好食😋🌟杏汁蜜瓜煲豬展朋友想飲湯,特別揀了這一款, 用上蜜瓜嚟煲，清甜滋潤, 不油膩, 好喝!🌟乾隆古法六頭鮑魚八味客棧的鎮店名品，當然要試一試！師傅根據乾隆期間出版的《隨園食單》的古法去炮製鮑魚，用上鴨去煨製鮑魚，鴨肉香味滲入鮑魚，味道更有層次，而鮑魚口感彈牙，古人真係好識食!🌟黃金蟹粉沾麵必食推介!OMG!!一上枱見到碗蟹粉已經立即心心眼, 滿滿的一碗蟹粉, 份量非常充足, 打開時更香氣滿溢, 蟹粉的味道濃郁鮮味, 更有粒粒蟹膏，每一啖都是蟹味精華, 配麵條一起食, 超滿足, 蟹迷必食! 不過注意一定要快食， 如果唔係麵凍咗就難攪拌🌟麻辣水煮封門柳(配飯)朋友唔夠喉，所以加點呢個新出的麻辣水煮封門柳，大大的一小鍋，2人食剛剛好，麻辣夠香夠辣，而封門柳則軟淋中有口感，肉味係麻辣中依然保持，仲有其他配料如鴨血，配飯一流!🧁開心果千層酥Signature 甜品，開心果千層酥，小巧精緻的size， 食完飯食都無負擔， 開心果吉士cream好香滑, 開心果味亦很出, 配上薄脆千層酥, 好味🧁客棧茶拉米素用瓦煲盛載的茶味版tiramsui，頗為特別，打卡一流！中西合璧的甜品, 以伯爵茶代替咖啡做出 ’tea’ramusi ，沒有咖啡版提拉米素般厚重，食落較輕盈，有淡淡的茶味，清新怡人。🫖清潤燉雪梨茶呢度嘅飲品全部都好有儀式感，雪梨茶係用古代的酒壺同杯—「爵」嚟飲，好靚好得意，超ig-able。而雪梨茶的味道好清潤甜蜜，內裏更有雪梨蓉，真材實料🫖客棧茶啤(無酒精)另一款的茶啤就係用酒壼去盛載，好得意，一秒回到古代的感覺，茶啤沒有酒精，只有濃濃的茶味，加咗汽，清涼解渴！…Read More

近年多了香港人飲sake , 所以sake bar亦隨之而興起, 呢間係銅鑼灣的sake bar 一直旺場, 好鍾意佢大吧檯的設計,店員可以與客人有互動之餘, 客人亦可以自行選擇自己喜歡的清酒, 每支清酒都有清晰的介紹及價錢,按自己的喜好去選擇即可, 考考自己的眼光,當然亦可請店員介紹,各適其式, 非常的不錯!🌟燒鱈魚乾🌟碎蔥吞拿魚蓉最中餅鮮味碎蔥吞拿蓉, 放入招財貓做型的最中餅,非常的可愛🌟串燒: 厚切牛舌|雞蠔肉|秋葵|露筍| 自家製免治雞肉棒厚切牛舌: 燒得甘香, 味道香濃雞蠔肉: 雞腿肉包著生蠔,生蠔燒得剛剛熟,鮮味嫩滑 自家製免治雞肉棒：加入雞軟骨啖啖肉又帶口感, 再醮日本蛋黃, 更滑更香。🌟煳麻醬炸雞熱辣辣的炸雞, 啖啖肉又夠嫩滑, 再醮煳麻醬,辣辣的, 但更惹味, 飲酒最適合!🌟西班牙辣肉碎薄餅這個是薄餅用上酥餅作底,加上西班牙辣肉碎, 所以並不是脆脆的路線, 而是滿滿的酥香,配上西班牙辣肉碎,味道更平衡🌟燒馬友一夜干大大一條馬友, 油份豐盈, 再是一夜干, 味道更濃郁, 口感更結實,師傅燒得焦香, 好味!🌟自家製雞白湯烏冬烏冬彈牙細滑, 配上濃郁雞白湯,好喝又好吃😋🌟清酒:店員一開始就先問我們對清酒的喜好, 我跟朋友都是鍾意米味較重, 以及辛口的清酒,今次試了多款清酒🍶大七 純米生酒一開始, 店員先介紹這支, 由福島縣大七酒造的純米生酒, 味道清爽的純米酒, 不會太strong, 🍶寒紅梅純米吟釀 夏の企鵝有可愛的企鵝酒標，帶清新水果香味，入口有微微氣泡口感，夏天飲用一流，非常清爽。🍶大辛口 鬼淚來自福島的笹正宗的鬼淚，用上日本國產米，精米步合65%，味道比較strong 及米味重，但酒體輕盈，配炸物一流。🍶七福神 超辛口 純米酒來自岩手縣的七福神, 用上日本國產米釀造, 有果實香, 飲落有層次, 有醇厚味道, 口感圓潤🍶陸奧八仙 芳醇超辛日本青森縣八戶酒造出的清酒, 口感清爽, 芳香十足的清酒, 比較強的辛辣感, 酒體較濃郁, 米香強, 有豐富的層次感, 配濃重口味的食物一流!🍶米鶴 超辛口純米大吟釀 雪女神最後一款是來自山形縣的清酒, 用上山形縣特有的酒米雪女神釀造, 有濃郁的米飯香味道, 辛口之餘, 保留清爽口感。…Read More

到大圍探朋友，順道吃晚飯，朋友帶我到圍方御膳房用膳，講嘅係圍方內的上陽樓，唔講唔知，原來以前為皇帝烹調御膳的地方叫上陽樓，而餐廳裝修得非常雅緻大方，空間感充足，座位寬敞，與家人或朋友一齊嚟可以坐得舒舒服服享受美食😋🌟五香牛𦟌($98)牛𦟌入口軟淋, 而味道則濃郁入味, 有滷汁的鹹香及甜味, 更突顯牛肉鮮味🌟撈起象拔蚌($148)份量充足, 象拔蚌好爽脆鮮甜, 帶淡淡麻油香, 再配上其他配菜同吃, 作為前菜非常美味。🌟紅燒鴿($108)上枱時已經好香, 鴿皮燒得油光水亮，皮香脆而肉嫩，而且醃得入味，香脆惹味，連骨都想食埋~🌟蜜脆銀雪魚($188)脆薄炸漿包著銀雪魚，炸得好薄脆不油膩，內裏是油份重的銀雪魚，魚油香濃，再配甜甜地的醬汁，味道滿分💯，不過一定要快食！🌟火腿絲上湯麵(碗)($58)朋友夜晚唔食澱粉質，我就忍唔到肚餓，所以就叫咗一碗湯麵，份量剛剛好，湯頭清甜，蛋麵彈牙😋…Read More

之前一直心心念念想食肉肉大米, 但奈何真係人太多, 每次經過滿滿人潮的門口都只可以望門輕嘆, 而家終於等到佢開多幾間分店, 人潮分流咗, 所以立即約朋友去食餐廳只售現做現烤嘅日式漢堡扒, 佢地嘅漢堡扒由九州黑毛和牛混美國牛肉混合製成，而白飯則用上日本東北虹煌米，漢堡扒每日新鮮現製，餐廳主要提供2款口味的漢堡扒, 包括原味及芝士味，而每個套餐均附白飯、味噌湯及鮮雞蛋, 當中白飯, 味噌湯及西蘭花均可以無限添加~ 今次就遇到期間限定的南洋咖喱套餐, 當然要把握機會試吓~🌟三件漢堡扒套餐(2件原味+1件芝士)第一次食自然要食原味~ 果然一如外界所說, 漢堡扒軟熟, 滿滿的肉汁, 當中加入少許筋肉, 增加口感, 再加上蛋黃, 口感更順滑, 而蛋汁落到香軟白飯, 超美味!🔺芝士漢堡扒超澎湃! 上枱時漢堡扒已經加上車打芝士片, 之後店員再即席刨上大量芝士絲, 雙重芝士超惹味, 半融芝士加上漢堡扒, 超好味! 🌟雙件漢堡排套餐(青咖喱微辣+芝士)見到有期間限定的南洋咖喱套餐, 當然要把握機會試吓~青咖喱配上椰奶, 味道香濃香甜,再配上菠蘿及香草醬, 嘅香濃又帶水果香氣，漢堡扒吸收青咖喱醬汁, 味道更惹味, 還可以將咖喱汁加入白飯, 無敵的組合!🤤…Read More