肥仔力士's Profile

年廿九去新城市逛街買新衫過年, 行到一點半有啲肚餓便走到希爾頓商場睇有什麼食?! 走過海皇粥店見入面吾係咁多人便睇睇水牌有什麼好食. 因好耐無嚟過海皇, 我看到水牌時有點驚奇因除粥品腸粉油器外(佔三分一水牌位置), 竟然還有炒粉面飯...當中"魚湯"頪佔了約三分一水牌位罝! 所以我便首次在海皇食非粥類的食品, 我點了羗葱牛肉撈麵和魚湯魚片頭淨食,羗葱牛肉撈麵牛肉: 算是滑和沒有太"人造"的爽口感.麵: 一般貨色, 應是交來, 有點點蛋香, 可是仍有點碱水味??魚湯: 份量足一大碗, 飲後沒有口乾感應下了不多味精, 最後我都飲晒啲魚湯.魚湯魚片頭淨食魚片頭: 魚肉彈牙及炸得夠香, 不錯香菇: 有一隻香菇, 爽口及有魚湯味, 有寫龍點睛之效.魚湯: 正, 一味而盡., 總括而言, 今次的意外收獲算是那些魚湯, 下次再來必定Encore.…Read More

隨意看看手機從前拍下的照片, 看到在地茂拍下的照片. 嗰日去地茂係今年1月1日, 因要到香工找找平價牛仔褲做洗水PRESENTATION, 完成任務返貿易廣場攞車時覺有點餓, 當時為兩點九, 我便走到幸福村商場搵食. 偶然在一樓商場見到新開的地茂, 睇佢門外寫著有粥粉麵飯任君選擇. 可能已三點鐘, 店內只有一半枱坐了人, 我找卡位坐底便看看餐牌, 店裡的亞姐反應極快走過嚟放底杯茶同問我食什麼. 我便叫了個鮮牛肉雲吞撈麵, 菜心同埋凍啡. 亞姐好快手落完單便走去麵檔和水吧放單, 我無所事事便看看四周, 店的裝修適當不會大跨也不大老土, 枱與枱間有恰當的距離, 斷估飯市坐滿人都吾會迫到轉吾到身. 大約十分鐘後, 我叫的嘢食便陸續送到枱上, 灼菜心 - 灼得剛剛好, 菜仍然好翠綠, 食落爽得嚟又清甜又無渣:)鮮牛雲吞撈麵 - 牛肉有肉味又吾會太化學感, 雲吞六成蝦四成豬肉尚算合格, 麵有蛋味及爽口但有少少碱水味, 碗湯有大地魚咸香味但應只落了少少味精因飲後只有少少口乾.凍啡 - 奶跟啡比例剛剛好又不大甜, 不錯, 食完才發覺三樣嘢加埋五十一元, 我去埋單便問收銀姐姐有無單作泊車用, 佢好快手俾張手寫單我去攞一小時免費泊車. 整個食麵過程只花了三十分鐘, 行埋超市出埋車離開都仍然不過一小時. 地茂原來都有好嘢. …Read More

一月八日, 趁住仲有四星期便到農曆新年, 便到沙田連城廣場的旅行社報廣東短線團在初二行三大運. 大約下午三點到達沙田火車站, 當從連城廣場商場(由火車站經扶手電梯上一層)沿扶手電梯再上多一層到電梯大堂, 赫然見到左手面有間不認識的食店, 給它的菊花LOGO 吸引住便入去吃下午茶. 其實MENU並沒有什麼下午茶, 只不過在下午茶時段送餐茶. 看了分零鐘MENU, 決定試試招牌雲吞麵...但又貪心想試試其鮮生肉. 到最後叫了個雙併雲吞鮮牛肉麵加熱咖啡, 等了約八九分鐘茶與麵一齊到, 麵 - 爽口有根性, 沒有碱水味, 暫時在沙田最好湯 - 有大地魚咸香味帶陣蝦籽味, 飲晒啲湯後都不太口乾, 應沒下太多味精雲吞 - 八成蝦加豬肉, 一般.鮮牛肉 - 太淋和太潺, 可能下了太多鬆肉粉?熱啡 - 似即溶咖啡, 麵和湯都可以, 在沙田應是一等一水平, 不過啲綠葉如雲吞和牛肉要改善. 沙田友諗吾到去邊食晏可以去菊花園試試. 不過分量可能少了點, 肚餓可能要叫兩碗麵, 或一碗加一碗飯.…Read More

今午隨意開車四處逛看到那處用膳?! 不經不覺由龍翔道到深埗, 但黃金四周的停車場都爆棚, 唯有開到貿易廣場泊底部車. 原本諗住行去華潤買啲嘢再去劉森記吃牛柏葉雲吞撈面. 但途中給幾個亞姐的叫喊聲吸引"好正雲吞竹昇面, 又平又正", 聽到"竹昇麵"便很有興趣, 便走入橫街到麵店, 一入門口便係做麵的開放式廚房, 有個後生仔係到用濕毛巾蓋好剛做好的麵. 我坐底便看看MENU, 見拉面加凍飲只係四十四元, 我便叫了雲吞牛腩撈麵加凍啡. 不到十分鐘便有得食, 麵 - 好有疍味又無碱水味, 但仍差劉森記少少.雲吞 - 蝦跟肉比例不錯, 中上水平牛腩 - 係根腩用柱侯醬煮, 味一般腩仍有"渣", 有待改善湯 - 很不錯有大地魚和蝦子味, 少少味精凍啡 - 一般, 算啦又吾係茶餐廳, 總括而言, 麵真係此店的招牌, 希望遲啲有所改善尤其"根性"便可與劉森記比一比. 當然麵好其他配角都要襯番, 可能要在牛腩下點功夫, 不過湯底不俗, 斷估要進步只要多花點心機便成. 下個月再去試試睇下有否進步?!…Read More

早兩個星期日, 同老婆開車逛到奧海城, 行咗個幾鐘便到午飯時間. 因自己剛出差返來, 便話想食日本拉面喝喝豬骨湯. 當在水牌見到扎幌拉面的名字便朝它的位置進發, 在途中的數分鐘步程, 見到數間食店到有人龍等位, 我們便開始打定輸數要一點半先開飯?!但我地行到扎幌拉面, 出奇地沒有人龍等位, 反而店內只有七成滿, 我便有點覺得運氣不錯. 我們在門口等了數分先有侍應招呼我們, 我想是飯市吧? 坐下那侍應便用帶點催促的語氣問我們食什麼? 但我們第一次嚟要點時間睇MENU, 便告訴那侍應轉頭先叫, 佢就面黑轉身便走. 約五分鐘後, 我地揀好點海鮮沙律定食和海鮮拉面定食, 但要差不多十分鐘先吸引到煮面師傅注意, 由佢叫個侍應過來同我地點嘢. 落完單老婆便攞住"愛鳳"玩推銀仔, 玩咗二十分鐘枱面仍是"吉"的, 我地便搵侍應...但叫咗好耐都無人理, 我便走到收銀機附近捉住個男侍應問我張枱單的情況, 我見佢"督"個Monitor顯示沒有Order?! 佢即時問我叫咗什麼便落番單, 可能因為四周食店仲有好多人再加上我想食拉面, 便無同老婆拔足走人.再等多不到十分鐘, 兩個set除餐飲外都到齊, 海鮮沙律- 淨係得啲蟹柳碎, 三文魚碎, 和帶子碎, 每樣幾點仔, 其他都係菜絲, 可能我老婆以為沙律點差都會有一定水準, 佢就算漏咗如果啲魚吾新鮮會有啲腥?! 最後佢挾了兩注便攞咗碗拉面食. 但佢又中招, 因為佢吃了一啖面便停咗係到, 其實按我一般吃面速度應在一分鐘吃完, 但我竟然停底無食落去...講番碗海鮮拉面, 1) 面仲係硬"心"2) 啲湯吾夠熱, 飲得出落咗頗多味精因只飲了兩三啖便有口乾感覺.3) 啲所謂海鮮只有蟹柳, 一隻帶子, 兩塊魷魚...其餘為雜菜.4) 又係因為吾夠熱, 點都覺得面, 湯, 餸"分開"晒.最後我們只花不足十分鐘便飲埋杯即溶咖啡的餐茶和埋單便走人. 整個驚嚇拉面花了我地成個鐘, 終於明白點解飯市呢間扎幌只坐七成人. 呢間扎幌算係咁多間叫扎幌中最差的. 無服務又無質素. 之後我地係MEGABOX逛街時要食味吉補番. …Read More

二十五年前搬進沙角村, 明角面家就在我搬進村後數年始進來, 它頂替了一間上海飯館, 之後小學和中學午飯便在明角完成, 最喜愛它的牛腩牛什魚皮餃云吞魚旦等等. 不久進理工及往大陸工作...然後買了自己的樓搬離沙角村. 眨眼過了十年沒有再到明角吃面, 因要到乙明村睇中醫後有點肚餓, 便到明角再嘗嘗久違了的牛腩面. 除了新的裝修, 其他都沒有變, 老闆仍然坐係收銀, 仔仔仍然在幫手, 但個煮面師傅就變咗....坐下便叫了個云吞牛腩撈面, 芥蘭, 和凍啡共四十四元. 面就有點碱水味, 可接受.云吞食落很不錯牛腩好淋好入味芥蘭好爽好青甜凍啡是一般貨色., 總括嚟講, 明角仍保持水準, 按它的價錢, 在沙田應是無敵. 有時間一定會再去幫襯. 橫掂吾使等位, 又吾使受侍應氣, 又吾使叫坑腩加錢. 真是"實而不華, 物超所值."平日村內停車場只收十二元/小時, 周末十三元/小時. 消費滿五十元(十時後進停車場)有一小時免費泊車.…Read More

家在愉翠苑, 自和味千燒開張至今, 我在一年半前終於想入去試試, 嗰時係晚飯時間大若有兩三成客人. 叫咗個中式套餐--蝦仁炒疍跟中湯吹凍奶茶, 但發生以下大錯誤,1) 等了二十五分鐘 (由七點九到八點二) 先有第一樣嘢到枱,就凍奶茶. 一飲就中招, 杯茶只有奶味同埋勁甜.2) 再等十分鐘- 杯凍茶都飲咗三分二, 碟蝦仁炒疍到, 但碟疍入面一眼睇晒只有三仔蝦仔同埋勁多油...3) 等咗三,四分鐘...忍吾住吹個侍應攞白飯同例湯...湯似水但勁多味精! 飯有少少生米?!, 我食咗二分一炒疍同扒了幾啖飯....碗湯只飲了一啖. 到現在我想在附近食晚飯, 便到第一城....或去沙角村的明角面家食勁好味的牛腩撈粗....都吾咗幫襯和味千燒...真是過門不入.…Read More