倫記軟滑腸粉

Open Now

Now Closed

同朋友去一去個短trip黎到澳門😊，黎之前緊係search 下有咩食同玩啦😎。 俾我地搵到呢個倫記軟滑腸粉！見到有網站介紹，又好似好好味咁 ，所以就黎左。我地由大山巴個邊行過去，途中都經過幾間唔同嘅食店，🤤一路食一路行，所以都算方便。去到好搞笑，冇人係到😂有個牌寫住，去左送外賣。不過好快佢就番左黎 ，之後我地叫左個佢地最出名嘅蔥花雞蛋腸粉😍同韭菜豬紅，黎左個腸粉，好大份！唔似香港街邊個d。佢d腸粉真係名不虛傳👍🏼。係好滑，腸粉本身d腸粉點甜醬花生醬都好好食。依加有埋一層雞蛋，令到腸粉有淡淡嘅蛋香味。👍🏼至於個韭菜豬紅就麻麻了🙈，可能唔係拿手野 煮得有d硬。味道都唔及香港濃，可能係唔同口味掛。