倫記軟滑腸粉

Open Now

Now Closed

店舖喺大三巴行多幾條街，店面都幾舊式，店內只有兩張摺枱。腸粉即叫即整，好處係可以睇住師傅表演整腸粉。🔸蔥花雞蛋腸(💰33)(7/10)講真我又覺得食落唔係太驚艷咋喎。最特別在於有黃色嘅外表，可惜蛋味唔濃，滑但又唔係特別滑，豉油又唔夠味。不過佢好大盒，兩個人食都差啲食唔哂。

慕名而來的一間小鋪，舖面只有2張枱，進入店舖時老闆剛入了備料處，我們要等好一會才點到食物。來這裡吃招牌倫記蛋腸粉是常識吧。腸粉即叫即製，蛋香腸粉夠滑，自己混醬上腸粉，美味。

睇完相相，未必吸引到會食，食完就會明點解咁多人推介。係大三巴或者十六浦酒店行5分鐘左右。。蔥花蛋腸粉 $33真！係！好！滑！蔥花同蛋既香味加埋甜豉油，perfect match! 即叫即整大分新鮮，仲可以睇住老闆整。鋪頭外面嘅街係斜路，排隊時有啲唔方便，有心理準備要排隊。當日仲試左原味腸粉，有啲普通，建議揀蔥花蛋。雖然招牌寫住第一鴨粥，但無試到😂另外鋪頭平日會休息，good luck!

唔識路，天氣又熱唯有問人，雖然都算近大三巴，都有啲難搵，喺民居，不過未到遠遠都估倒係佢，因為有人排隊，旁邊就係馬路，行人路有少少窄，所以排隊都有啲辛苦。喺門口見倒師傅即叫即整，純熟嘅手勢，通透嘅腸粉，未食感覺已好古早好有質素。簡單嘅裝修，細細嘅鋪位吸引倒唔止遊客仲有local 居民一定有原因，我地叫咗蔥花雞蛋腸粉同黑松露鮮蝦腸，嚟到賣相就一般般，全用即棄餐具，感覺麻麻，不過食落就真係無得頂，蔥花蛋腸嘅蛋好香，黑松露就更香，而且腸粉好通透同煙韌，蝦又彈牙，真心好食，真材實料。

布拉腸粉即叫即做，一般口感也爽滑，只要粉漿開得好，火喉控制得宜，基本上各家也分別不大。有些店家以混醬取勝，這間就加了雞蛋，變成其特色。影相真的是勝了一籌，但雞蛋沒有任何味道，蛋漿又不均勻地分佈，又有一點點蛋孔。用多一倍價錢，食多少少蛋汁，值不值真是見人見智。有時網上極力推薦的地道美食，當體驗一下當地特色還可以，美食就真是談不上。由於店內只有少於十個座位，如果不能即時堂食，就連布拉腸粉的唯一特色也沒有了，所以想體驗一下地道的朋友，最好還是即叫即食。

記得第一次過黎食既時候眼睛簡直發亮✨腸粉很滑，又QQ😎是很有特色的手拉布腸粉👐今次再來探訪，價錢已略有提升了，但味道返而沒有第一次食咁美味，可能係因為已經帶有七八分飽來食既關係😂😅因為鋪面比較少，所以最好避開早午晚市d時間就唔需要等

經網上推薦，一直好想試，但由於每次都去左其他地方，一直都冇特登過去食，今日終於有時間去試下，搭車不方便，還塞車，和朋友滿懷希望地過去，我們叫了一條雞蛋腸和一條豬潤腸粉，賣相還可以，用黎呃like係唔錯既，食落就認真麻麻地，唔夠香，口感一般，而且價錢相對貴了一點，開始和老闆對話還可以，有講有笑的，但傾傾下，新聞播緊政治新聞，老闆過於激動，個人表示很無奈本人本身也比較鍾意食腸粉，但依間真的一般，冇咩特別，果然希望越大，失望越大🤷‍♀️🤷‍♀️🤷‍♀️

倫記軟滑腸粉以即拉即製既腸粉而出名，但一直未有機會試試，有香港較常見既叉燒腸、牛肉腸等等，但澳門便有蔥花雞蛋腸。店舖旁都張貼了介紹店中的食品。下單後，即叫即整，看到手法純熟咁用米漿整腸粉，倒米漿後蒸一蒸，再倒雞蛋加蔥花蒸一蒸；三兩下手勢好快就完成一碟。完成後，慢慢地卷成腸粉形狀，再手起刀落的切開。店中已放下各樣的醬汁可供客人自行添加(鼓油、麻醬、甜醬、辣醬)。加添了雞蛋制作的腸粉，蛋味唔重而且較老。食落都幾飽，而且一盒份量都很多，建議兩至三人食一盒亦可。

早前吃過這裡的蔥花雞蛋腸覺得不錯，今次再來澳門特意帶朋友來品嚐。腸粉都是即叫即製，需要時間等待。客人可觀看製作腸粉的整個過程。於蒸爐上鋪上浸濕的白布後，倒入米漿蒸一蒸然後加入雞蛋和灑上蔥花再蒸蒸好後連布帶腸粉拉起來，然後用刮板將粉皮刮下來捲起成腸粉再切段入盒；醬油、芝麻醬和甜醬都是自助添加的。蔥花雞蛋腸粉 (MOP 33)單看賣相已經很失望了，雞蛋腸粉的表面很老、有蜂窩狀的氣泡，像豆皮一樣，一點也不光滑，一看便知蒸的時間過久。不過味道尚可，帶點米香，有彈性，份量多夠飽肚。

倫記係之前去完澳門嘅朋友所介紹。店舖細細，只有2張細圓枱。去到個時除左見到旅客慕名而來，仲有d街坊同老闆吹水買外賣。雞蛋腸即叫即製即拉。就如店名倫記軟滑腸粉，腸粉好滑，同有動L 嘅感覺。口味方面，食落去有淡淡蛋味。但蔥花可以更多，製造多d香蔥味。建議大家點豉油食，味道會更出。對於重口味嘅我，就算點豉油都有d淡，所以最後出動最強武器— 麻醬。而朋友冇我咁重口味，所以好鐘意呢個蔥花雞蛋腸。口味呢樣真係因人而異。

澳門必食美食，一定係倫記軟滑布拉腸粉！呢個葱花雞蛋腸粉(MOP $33)，好大份，布拉腸粉好軟滑，一試難忘，真係香港食唔到😭蛋味恰好，就咁落豉油已經好好味👍🏻

說起來，即叫即蒸的布拉腸粉，在香港買少見少，加雞蛋這個配搭更是前所未見！穿過橫街窄巷才能找到小店，其貌不揚，毫不起眼。店內面積不大，只有十個座位，桌上有豉油、麻醬、甜醬和辣醬，悉隨尊便。點餐後，倫哥開始以熟練的手法製作腸粉，每一份腸粉都是即點即做，製作需時，而看著餐點的製作過程，有時也是一種樂趣。布拉腸粉的做法，先在蒸爐上鋪浸濕的白布，然後倒腸粉漿，蒸熟定型後再加雞蛋。接下來連布帶腸粉拉起來，用刮板將成品刮下來，捲起再切段即完成。單看賣相，整條腸粉都是鮮黃色，特別醒神。蔥花雞蛋腸帶蛋香，蛋沒有過老，微微的蔥香味道，還有腸粉的彈牙軟糯口感，再配搭自家醬油，每一口很是滿足！值得一提的是，這店的甜醬比平時坊間的不稠身，所以入口省卻了平時甜醬的甜膩感，與之同吃已很美味了。整體而言，腸粉內裡的滑度很好，沒有過份硬實，亦沒有糊口感覺。這主要是粘米粉的份量調配得宜，值得推介。「倫記」果然是一間非常低調但美味的地道小店，值得支持。

想試倫記腸粉好耐今次終於有機會早左收工 又到食飯時間就同老公嗌一碟試下檔口得老闆一腳踢剛好前面有人嗌左外賣我地等左五分鐘先落到單嗌左個蛋腸粉 真係即叫即整睇住佢倒漿 打蛋等等十分鐘後有得食了～口感好QQ 滑嘟嘟咁但我地覺得好似加左糯米粉漿咁因爲太彈牙😅😅😅味道普通無特别

澳門來回船票賣百多元，即刻來個快閃半天遊，一邊坐船，一邊上網搜尋美食，找到這個倫記軟滑腸粉。店子很小，只有不足十個坐位，到達時坐滿了人，正在猶疑要不要等時，剛好有人離開，可以即刻入去坐。點了蔥花蛋腸粉$33 ，腸粉是現點現做的，好奇去看看師傅如何製作，正好看到他把兩隻雞蛋搞勻，倒在蒸爐上的粉醬上。不一會，師傅從爐上取出承載蒸粉的布塊，小心奕奕地把粉片完整地刮下來，然後在鋼板枱面上卷成條狀，再切開一段段，蔥花蛋腸粉就完成了，無論堂食或外賣都係用發泡膠盒裝，很不環保哦......金黃色的蛋皮有點青綠色蔥花，顏色吸引，腸粉呈透明，口感軟滑QQ而味淡，沒有米香。 枱上面有齊醬油、麻醬、甜醬和辣醬，可醮混醬以補不足。見隣枱的蝦米腸好香，又點了一個蔥花蝦米腸 $26。師傅手法純熟，落米漿、下配料、稍稍蒸焗、取布刮出、卷成條狀再切成段，一氣呵成。蝦米腸呈白色有米香，加上蝦米蔥花的鮮香，聞到都流口水，入口軟滑味美，加唔加醬都好食。

Fatbrown 係腸粉狂，有時早餐唔想食麵包就會去買份腸粉，港式腸粉一定要撈麻醬、甜醬同豉油，呢個配搭真係冇得輸今次嚟到澳門，就要轉下口味試吓澳門嘅特色腸粉-倫記軟滑腸粉<蔥花蛋腸粉$33 >蔥花蛋腸粉係倫記嘅招牌，即叫即整夠新鮮師傅真係係個鐵板上面即刻卷，然後再切開細份上，製作過程非常透明腸粉外面都裹住一個蛋皮，蛋皮面有小小嘅蔥花，枱上面有齊咁多隻醬料，食客可以根據自己嘅喜好自由添加Fatbrown 急不及待即刻食一啖腸粉，腸粉好淋身同香港嘅完全唔一樣，完全唔使用力咬就可以吞落肚，口感真係好得意Fatbrown 一開始完全食唔停，一口接着一口咁係咁食，食到中間就開始覺得有D厭，始終味道太過單一，好容易食厭，所以建議幾個朋友仔share 一份岩岩好