聯邦大酒樓

Open Now

Now Closed

放假同屋企人走左去澳門玩幾日，之前聽朋友極力推介澳門呢間聯邦大酒楼，朋友話呢間D點心唔錯，於是訓醒就同屋企人上左呢間酒樓去飲個早茶先，去到好彩我地好快就有位坐，一坐低我同屋企人已經急不及待就係點心紙度揀左幾款不同的點心！落完order不到十分鐘點心已全部擺在我地面前！首先試下個豉汁蒸鳳爪先……嘩，真是好好食喎！D鳳爪蒸得啱啱好，唔會過火，肉質鮮嫩好惹味跟住就試下我至愛的潮式糯米卷，一樣甘好食，包質食落好 煙韌，D糯米好香好甜好好味！好快再試埋個炸咸水角同埋炸 魷魚鬚，呢2樣都唔錯，炸得剛剛好，先講咸水角先，食落甜甜地，一食就知係即炸，好新鮮好好味！至於個魷魚鬚辣辣地都好野味，真是抵讚！再試埋呢個鳳爪排骨煲仔飯，真是好好食，D鳳爪同排骨好新鮮食落甜甜辣辣好惹味，連埋D飯一齊食真是绝配，口感一流最後食埋個甜品……柚子蜂蜜炸脆麻花，鬆脆到入口即溶，再配埋D柚子蜜汁，真是超級香甜可口，好食到停唔到口！