67
6
5
Telephone
88037878
Introduction
Each dish reflects the Robuchon philosophy of respect for the original flavor of the ingredients using a classic cooking style. They have wine collection with over 5,000 classic French, Italian, American, Spanish, German and Portuguese labels. continue reading
Awards and Titles
Michelin 3 Starred Restaurant (2016-19)
Good For
Romantic Dining
Additional Information
Restaurant change name from Robuchon a Galera
Opening Hours
Today
12:00 - 14:30
18:30 - 22:30
Mon - Sun
12:00 - 14:30
18:30 - 22:30
Payment Methods
Visa Master Cash AE UnionPay JCB
Number of Seats
75
Other Info
Alcoholic Drinks
May Bring Your Own Wine Details
VIP Room Details
Parking Details
Delivery
10% Service Charge
Sea View
Live Music
Signature Dishes
珍珠雞配鵝肝 香煎鹿兒島和牛伴紅酒燴幼蔥及薯仔梳乎厘 脆炸軟滑雞蛋配魚子醬及煙三文魚 魚子醬拼盤 鮮蟹肉及蕃茄千層餅伴牛油果 鹽焗法國沙鴨胸伴香滑鵝肝配時令水果香露
Review (88)
Level2 2019-07-29
726 views
男朋友生日,特登去澳門一日遊。本身朋友介紹去新濠天地既Tasting Room,米芝蓮2星食府,不過最後男朋友睇完個MENU,話佢已經換左MENU,而家個MENU用D料普通左少少,所以就揀左其他。經過男朋友一番篩選,最後揀左新葡京酒店43樓既廳天巢法國餐廳。我係早兩星期打去訂位,因為佢係米芝蓮3星食府,所以早少少去留位就穩陣D。我打去個時係一個外國人接聽,所以要用英文留位。另外,由於係男朋友生日,所以特別要求左窗口位置同埋生日甜品,祝福字句都係免費幫你寫既。STAFF另外有特別提醒由於係FINE DINING,所以男女士都有DRESS CODE,大概係男士唔可以著短褲背心拖鞋波鞋,要著有領衫(呢個唔肯定有無同TASTING ROOM混淆左),女士就唔可以著拖鞋。不過就算我早左2星期打去留位(雖然唔係好耐),留位個時STAFF已經同我講窗口位置已經FULL曬,除非有人取消BOOKING。提提大家,佢係要過數留位既,每位MOP 500,唔係按金,到時會向食飯張單扣返。其實都唔記得左由幾時開始無踏足過葡京或者新葡京,因為澳門太多酒店太多選擇。自助餐有群芳,MEZZA 9 MACAU,雖然後者長期FULL BOOKING,不過都無減佢受歡迎情度。一入到去就見到好多金色,好傳統個種。之後一出電梯係完全唔同既景象,好彩唔係金色,因為個人唔係太喜歡個種格調。雖然訂位個時講左無WINDOW SEAT,不過最後都係有被安排到。其實佢唔係好多枱,所以都做到枱與枱之間有好多空間。STAFF會之後俾個MENU你,可以選擇2 OR 3 MAIN COURSES.  我怕太多,所以揀左2 COURSES,男朋友就貪心D揀左3 COURSES. 頭盤同甜品都包埋既,只係甜品揀唔同既野。  一開始,STAFF會推架麵包車俾你揀你想食既包,由於太多選擇,花多眼亂,STAFF就話每樣俾我地試D。D麵包多到唔知邊款打邊款,最有印象既係有一款係有一粒SUN DRY TOMATO向中間,個味酸酸地幾特別。第一道開胃菜係法國魚子醬伴海鮮凍及椰菜花忌廉,個魚子醬個味好出,而個個椰菜花忌廉食落滑得黎又唔會腻,係幾好既配搭。頭盤方面,我地揀左法式牛仔鴨肝凍批伴野菌沙律,個人覺得呢個有D油腻。另一道頭盤我地就揀左日本皇帝蟹肉伴雞蛋及魚子醬,呢個係有D驚喜,不論賣相定味道都唔錯。湯方面只有一種,都係香濃野菌湯伴芝士雲吞。呢個湯值得一讚,一黎到我見佢綠色已經心裡一沉,因為本人係唔食青豆,點知飲落好好味好滑,完全無我最怕既臭青味。主菜呢,我只係叫左一款,就係香煎日本甘鯛配法式海鮮濃湯。而男朋友叫左兩款,分別係香煎日本甘鯛配法式海鮮濃湯同香烤龍蝦伴青豆配特色日本芥茉汁。老實講,我地睇到個MENU之後係有少少失望既,因為我地之前見到人地有食評有寫主菜有牛,而我地兩個都係牛魔王,不!大家都明呢D餐廳成日都會轉MENU。先講下個魚,本身以為份量會好少,其實有兩大舊。如果你點左兩道主菜,好似我男朋友咁,佢個碟魚就得一舊啦。個魚煮得岩岩好,唔會過左火,個個海鮮濃湯正合我心意,個味好濃。至於個龍蝦,本人就覺得無咩特別,不過男朋友就話煮得唔錯。食到呢度其實已經好飽,但係當然唔可以錯過我最鐘意既甜品啦。可以揀芝士或甜品,甜品可以兩款同一款雪糕,正!我揀左lemon tart同chocolate pie,加上我地訂左生日蛋糕,拿破倫!!!所以滿足情度係100!!!! 甜品整體有75分,係孚味既而且唔太甜,不過唔會好驚喜。男朋友唔鐘意甜食而且係cheese lover,無疑係揀芝士啦。其實我都唔係好記得最後揀左邊隻芝士,因為太多,同埋本身佢只係可以揀2-3款,D staff又好好人想我地試多D,所以有4款。到最後,由於食左好幾個鐘,而且個環境好舒服,又有D陽光曬下,搞到我越食越眼訓,所以餐飲我就叫左FLAT WHITE提提神。咖啡就一般quality,唔會唔好飲又唔會好好飲,standard野。Overall今之既用餐經驗係開心既,staff又好有善,不過有一點值得改善既係有時有好少部分既餐具可能清洗得唔係咁乾淨,當我同staff示意左之後,佢地都立即換左同講唔好意思架啦,所以都係單一事件。性價比係高既所以值得推介。 continue reading
(The above review is the personal opinion of a user which does not represent OpenRice's point of view.)
Level2 2019-07-14
553 views
每年一次我都會來到這裏享受法國菜,晚餐實在相對昂貴,所以一般我都是選擇午餐。剛剛搬來天巢時有一兩年這裏的主菜水準有點良莠不齊,還好今年回復了水準。話說回來,這裏的午餐也一年比一年貴,記得剛開始幫襯是午餐才$500左右,如今最貴的午餐也要接近$1000 ,若果不能維持水準難以讓我回頭。一如既往點菜後很快就來了我最喜愛的麵包籃,但不知為何今年的水準不如以前,徒有其表而不復其味,比起以前不知為何就是差了那麼一點,不知是否轉了麵粉或者發酵和焗的時間不一樣。🤔不過總的來說麵包質素還是令我滿意的,比較喜歡的有火腿包,橄欖包及芝士包。享用了麵包後,第一道上的是餐廳送的開胃菜,法國白蘆筍配魚子醬。白蘆筍做成啫喱狀,味道清淡,很配合鹹香的魚子醬及微辣的薄脆一起吃,味道不錯。賣相更是一流,有如置身於庭園一般。第二道菜是正式的前菜-日本帝王蟹肉皮雞蛋伴野生蘆筍。水煮雞蛋挖空後釀入大量的蟹肉,頂上配以蛋黃醬, 醬汁以白蘆筍打成,賣相精緻,唯味道稍淡。接着是法式海鮮濃湯配大蝦。這道湯我認為是所有菜色中最出色的,龍蝦湯的味道濃郁,蝦膏造成遠遠的丸子模樣,賣相和品質更是一流,美中不足是龍蝦肉煮得過火,肉質太老。接下來是主菜,共有三款,第一款是香烤法國海鱈魚配巴拉馬黑椒汁及椰汁泡沫。魚肉細緻,煮得剛好,醬汁也非常惹味。黑椒汁及椰汁提供了兩種不同的風味,個人比較喜歡配椰汁泡沫。若有什麼不足之處,相信是賣相平凡及份量太少,吃得不過癮吧!第二款是慢煎小牛臀肉配摩利菌及青蘆筍。牛肉肉質非常細緻,但始終是小牛肉,肉味不足,個人認為是三款主菜中比較失色的。最後一款是法國香草小羊扒伴特色茄子。小羊扒肉味濃厚鮮美又惹味,口味無窮,但份量真是太少了,吃得不過癮。兩款肉類的主菜都配有野菇菌清湯(咖啡杯內)及餐廳的招牌薯蓉,野菇菌清湯味道清甜,配搭肉類剛剛好能夠中和肉類的油膩,招牌的薯蓉更加是香滑細膩。接下來就到了甜品的環節。以前是三款甜品,可能是夏天的關係,現在是兩款甜品加一款雪糕。雪糕選擇了芒果雪葩及朱古力雪糕,兩款都很好吃,朱古力味濃郁幼滑,雪葩果味豐厚,真材實料。蛋糕必選是招牌的拿破崙,新鮮香脆,是我每一次來到必選的,另外選了兩款果撻及草莓蛋糕,味道也不錯。最後的petit fours 也有自己的小餐車,所有小糕點都非常精緻,賣相都很吸引,很可惜只能夠選兩至三款,每一款都果味濃郁,配搭茶及咖啡,這種享受簡直是人生樂事。總括來說還是非常滿意這一次的用餐,期待下一次快點來到。 continue reading
(The above review is the personal opinion of a user which does not represent OpenRice's point of view.)
Level4 2019-03-15
2075 views
到達澳門第一天的晚上,我們匆匆忙忙地離開澳門銀河酒店,乘搭的士到達新葡京賭場。本以為普普通通吃個萄國菜,但我這個朋友比我更愛吃和更識吃,先帶我乘搭電梯到達39樓,一個神秘的入口,原來是多年榮獲米芝蓮三星評級的天巢法國餐廳。在39樓的環境裝潢經已非常典雅,再轉乘電梯到達43樓的時候簡直是目不暇給,高貴得不得了。眼睛給長長的水晶吊燈、金色的鋼琴和其他擺設停住了。我們坐在窗邊的位置,看到澳門迷人的夜景浪漫得不得了。在下不久,朋友點選了玫瑰汽酒,專業及彬彬有理的是應給我們推出麵包車。麵包車是氣勢浩瀚的,而且麵包是他們自家制的,鬆軟可口。淡水小龍蝦華夫餅華夫餅精緻可愛,滿是濃濃的龍蝦味。法國魚子醬伴海鮮凍及椰菜花忌廉是餐廳著名的名菜,上碟時已經非常精緻。魚子醬濃郁可口,晶瑩的海鮮凍伴著細緻的椰菜花忌廉,感覺清新怡人。法式嫩煮蛋配黑松露及芝士醬汁是他們新添加的名菜。雞蛋是用上日本蛋,所以蛋黃是特別橙黃的。再配上黑松露和芝士醬汁,簡直是濃郁得不得了。香煎帶子配椰子香草泡沫香草泡沫緩和了濃濃的油膩感,是帶子清新可口。帶子入口鬆軟微彈,味道濃而不膩。香烤龍蝦伴青豆及白菜配龍蝦濃汁龍蝦新鮮可口新鮮微彈爽口,青豆白菜緩和了油膩感是,使龍蝦更為清新。龍蝦汁濃郁豐厚,帶一點微辣,更為開胃。香烤牛柳及鵝肝配砵酒汁牛柳鵝肝以精緻的木盒給端上,打開時煙薰味搶鼻以來。牛柳與鵝肝口感與味道互相填補,砵走汁更令其昇華極致。特式法國啤梨忌廉慕絲伴蜜糖脆片慕絲溫婉細滑,入口即溶,清甜鮮美。再配上蜜糖脆片,簡直是甜美黏口。精選甜品車享用了一頓美味的法國大餐後,彬彬有禮的是應再給推上精美的甜品車。但是胃部的空間,實在不能再填上了。咖啡或茶伴精美糖果為了緩和濃郁美味的法國餐,最後點選了濃厚的伯爵茶,精緻可愛的朱古力甜品,只能稍稍享用。然而除了菜式出品精緻美味愛外,專業有禮的侍應服務非常貼心。每次嚟咗的時候,圍巾總會及重新折疊妥善,迎接客人的回坐。連續多年榮獲米芝蓮三星的法國餐,無論是食物的質素,環境,服務專業和高質的。 continue reading
(The above review is the personal opinion of a user which does not represent OpenRice's point of view.)
久違嘅天巢!好幾年無嚟過,感覺而家比以前更難訂位,一個半月前訂週末午餐都訂唔到窗邊嘅檯🤨 不過都無阻我享受呢個食左三個鐘嘅米芝蓮三星嘅午餐😌以三粒星嚟講,午餐價錢係幾合理嘅($688起),大部分出品都係水準之作,有一兩個dish都有驚喜。今次我就叫左個4-course $788,另外main course轉牛肉tartare另加$90。Amuse Bouche :Le Foie Gras d'Oie 鵝肝伴芹菜慕絲及黑松露 鵝肝係幼滑嘅芹菜慕絲加持下,搖身一變成為清新頭盤,可惜面頭嘅黑松露差咁少少香味Appetizers:L'Hamachi 生油甘魚薄片伴飛魚子配日本陳年醬油及檸檬汁新鮮嘅油甘魚本身就深得我心,檸檬汁加醬油一酸一鹹,加上一粒粒嘅魚子,味道口感好豐富又恰到好處,係其中一道最得我歡心嘅菜式🤤Le Pâté en Croûte 法式牛仔鴨肝凍批伴野菌沙律 好有份量嘅前菜,味道不錯但太膩,友人都話食完就飽左😅Soups:La Châtaigne, unctuous chestnut veloute with onion cream and celeriac 栗子濃湯伴幼滑洋蔥忌廉 濃湯裡面夾雜著煙鴨胸片、栗子粒、野菌同洋蔥忌廉,每個食材都好突出但配合得宜,喜歡!La Crevette木魚清湯伴大蝦及鮮薑 湯底清甜又有香濃嘅菇菌味,唔錯,但差咁啲驚喜(可能驚喜點係似中湯🤪)Main:L'Onglet de Boeuf 生牛肉韃靼伴黑松露呢個tartare味道傳統,爽滑嘅牛肉混入多種調味,其中capers嘅辣味最突出。上面鋪滿嘅黑松露切成碎粒,餐廳話係要令松露平均咁混合牛肉同時增加口感層次,不過tartare本身味道濃,反而蓋過左松露嘅味,有啲可惜呢L'Amadaï 香煎日本甘鯛配法式海鮮濃湯魚柳嘅皮經過特別處理再煎,超級酥脆香口,配上鮮味十足嘅海鮮濃湯,將鮮嫩甘鯛提升至另一層次👍🏻 主菜中最欣賞佢Le cochon Ibérique香煎西班牙豬肩肉伴野菌及粟米蓉 友人叫嘅,食左一啖,覺得係一塊幾嫩口嘅豬扒,係咁多😅(可能我麻麻地鐘意食豬啦)最後就係雪糕車、甜品車同petit four。甜品車可自選兩款甜品,除左送嘅拿破崙仲叫左蘋果tart同Mont Blanc,前者唔錯,但後者有啲伏,甜到有藥水味🤡 都係拿破崙最安全好味,而且佢係我心目中一直有舉足輕重嘅地位,皆因佢嘅酥皮極之出色,焗到啱啱好嘅焦糖色,層層分明又平均,每一啖都散發著牛油嘅香氣,酥脆鬆化🤤 夾埋充滿著雲尼拿籽嘅濃滑厚忌廉,簡直係唔屬於人間嘅美味呀!嚟食開lunch記得揀佢就無錯,有慶祝嘅話餐廳都會送返個。 continue reading
(The above review is the personal opinion of a user which does not represent OpenRice's point of view.)
是次澳門Babymoon 美食之旅,重頭戲便是到天巢品嚐法國大餐!細妹早兩個月已訂位,於是星期六一行四人12:30一起到新葡京頂層嘆法式午餐!妹妹早說是43樓,我們進電梯時只看到39樓,還在笑她...原來到達39樓後要由侍應帶領下才轉另一部電梯上43樓!哈哈~ 一出電梯即看到一部木鋼琴及一盞超大水晶燈,每張檯都是在窗邊的!而且坐位都排得不密,與隔離檯有很多距離,保持一定私隱度。(後來發現她們經常要推餐車出來讓客人選食物,確實要預留多些位置放餐車!)看了餐牌,最後我們四人都點了MOP$888的午餐!由於我們都不喝酒,店員便為我們準備了青檸梳打水。麵包籃牛油可選有鹽或無鹽,我們都是重口味人士,都點了有鹽牛油。所有法式麵包都非常好吃,都是暖的,最愛煙肉麵包條及蕃茄香草包!前者香脆,後者鬆軟!好味!頭盤(左上)鵝肝慕絲伴黑松露。以頭盤來說份量挺多的,味道香濃,慕絲很幼滑,中間還有些芹菜。黑松露是原片的,上面還有些金箔。前菜牛仔鴨肝凍批 (右上):味道是好的,還有些開心果碎增加咬口,伴著沙律來吃的確能解膩。一個人吃掉整件的話感覺始終太多,還好有家人幫我分擔。紅菜頭沙律 (左下):紅菜頭加上青蘋果沙律這個是最清新的,芥末雪芭非常特別,是有驚喜的一道前菜!油甘魚薄片(右下):孕婦不能吃生肉,只能聽妹妹們表示魚生片新鮮好吃。窩夫我倒是試了一口,有淡淡的煙肉味,香脆可口。湯栗子濃湯 (左):湯料都是預先放左碟內,再由店員將熱湯加進去。湯料有吞拿魚及野菌,還有一些花瓣,味道香濃幼滑!木魚清湯 (右):湯料有大蝦及野菌,這個湯底清甜好味,一點也不膩,推介!主菜香煎帶子 (左一, 半份):帶子煎得非常好!鮮甜好味!伴著椰子泡沫來吃真是一流!推介!香煎甘鯛配海鮮濃湯 (左二, 半份):連魚皮一起煎的魚塊,非常香脆,魚肉鮮嫩,配上濃湯味道更香濃!煎西班牙伊比利肉腸 (左三, 全份):肉腸是幾種肉混在一起的,口感非常有質感,外層是吉列炸粉,配上蔬菜來吃還算不錯。生牛肉他他 (右一, 全份):孕婦不能吃生肉,兩位妹妹表示非常好味,流心鵪鶉蛋味道香濃,只是整個主菜份量稍為多了一點。伴碟的薯條切得非常幼細,只是一堆的放在一起,中間的部份稍為淋了一點。香草小羊扒 (右二, 全份):非常精緻小巧的羊架!不過肉質非常彈牙,跟一般的羊架口感很不一樣。個人認為很好吃,只是喜歡吃羊羶味的老公認為羶味不夠。甜品及雪芭車甜品:已經吃得飽飽,可以甜品車一出現的時候還是讓人非常期待!每人可以選兩款甜品,我們都點了一些不一樣的來試。我認為檸檬蛋白批最好吃!酸味十足!吃了幾口彷彿可以再從頭再吃的樣子!雪芭:每人可以選一款雪芭。雲呢拿雪芭非常幼滑可口,還可以看到滿滿的雲呢拿籽。不過我認為最特別的是梨雪芭,香甜好味!咖啡及點心車咖啡:我點的是泡沫咖啡,咖啡味偏苦,不過個認為吃了甜品之後來一點苦還算不錯。點心:每人還可以點兩個點心,真是太豐富了!不過點心的味道不及甜品突出。經常聽人說法國大餐盤子大份量少,吃很久卻吃不飽,這次的體驗真是喜出望外!絕對是捧著肚子離開!一個午餐吃足3.5小時!而且味道和份量都很好,大家坐著談著慢慢享受風景,寧靜與美食!雖然價格不算便宜,但無論環境,服務及食物全部都物有所值!不愧是米芝蓮三星的餐廳!絕對值回票價!強烈推介! continue reading
(The above review is the personal opinion of a user which does not represent OpenRice's point of view.)