佛笑樓2 (Closed)

門面望落非常高檔吸引…叫左招牌菜葡式海鮮飯同埋乳鴿。乳鴿肉質同口感都唔錯，又夠大隻…但係未算話好特別。相反，個海鮮飯望落以為味道會係茄汁味…但係食落就覺得呢隻味道係從來未食過既味道…份量大到足夠兩個人食!海鮮又新鮮!!記得呢個必食既招牌菜一定要 趁 熱 食 !!!!!

周圍環境有點像香港的soho...從店舖外表看, 不太覺得是一間食葡國菜的餐廳但好像很多書都有介紹, 便來試一試...可能因為下雨, 餐廳只有6枱客, 日本人比中國人還要多, 我想日本的旅遊書一定有介入這兒食物點了出名的非洲雞和海鮮飯...第一次食非洲雞, 感覺唔錯, 少少辣, 就算唔食得辣的我都絕對接受到...雞好嫩, 食啖薯仔有助中和口腔的辣味...用餐包點呢D汁食, 出奇地好味海鮮飯係酸酸地, 好開胃大蝦普通, 蝦味唔夠濃, 應該係雪藏的...但飯中的海鮮反而味道唔錯...飯和汁就好好味...絕對值得一試service都唔錯, waiter好有禮貌...下次O黎會考慮試埋佛笑樓1或3

突然好想飲 sangria佛笑樓, 上次去了福隆新街那間, 除了差, 還是差; 地堡街那間也不見得出色對皇朝這間, 也不用抱什麼期望吧...反正只想飲sangria而已來到門口, 服務員已經馬上推門招呼, 服務加分啦上了二樓, 裝潢不錯, 很舒服; 可是店面很少, 人多就很吵耳點了一jar sangria, 一客阿拉斯加蟹肉沙律, 和一客燒沙甸魚阿拉斯加蟹肉沙律 : 賣相沒有很吸引, 但奇異果和芒果真的很甜; 蟹肉鮮甜卻有點點略咸, 但加上哈蜜瓜一起吃, 味道還是不錯的燒沙甸魚 : 很久沒有吃到, 真的有炭燒味道的燒沙甸魚, 整條魚燒得香香脆脆, 我也顧不了那麼多, 連頭也吃掉了, 讚!Sangria : 上桌時, 顏色稍稍淡了一點, 味道卻是可以的. 若然能加重一點酒的份量, 水果的泡酒時間再長一點, 應該會更好.

上船回港前，想幫襯佛笑樓既焗骨飯，原來附近有間2鋪，唔洗搭車過返議事亭果邊，正。2鋪呢到第一次黎，環境唔錯，樣樣都新d，無主店果邊禁老風情，望住個海，環境拎哂分。想試的係焗骨飯，胃口有點滯滯地，要多過非洲雞應該差不多了。餐前包熱烘烘，軟熟，穩陣。先黎係非洲雞，半隻份量，起哂骨，肉滑汁燶，不錯的。焗骨飯即叫即焗，等了好一會先有得食，豬扒鬆軟，已斬件，方便食，炒飯底，乾身，好味道，印象中老店無咁大兜，呢邊好似大兜d。這邊全是外籍侍應，服務也不錯的，環境好，食物好，好野。

環境好好,, 剛剛上去果陣成間都冇人, 佢比左張夠坐6個人既卡位我地2個坐,, 坐得好舒服d野食款式唔係太多, 最後叫左:炸馬介休球 $68芝士焗西蘭花 $88葡國雞 $128先黎炸馬介休球, 黎到嚇一嚇,, 份量少得驚人, 得6 小粒,,, 雖然味道係唔錯既, 但係好唔抵食, 咁樣要68蚊 之後隔左好耐先黎另外2碟,芝士焗西蘭花味道ok 既, 但係好多水!葡國雞就一般般啦, 冇乜特別.總結係下次唔會再黎!

澳門遊的第二晚，堂細路同姑丈商量後決定到呢間佛笑樓試一試。八時半，集齊親戚便一行五人到皇朝區。我們有訂了八位，但係去到發現只有四五檯客，侍應帶我們到八人大檯，半邊場得我們，像是包了場，哈，講說話大聲點也沒有問題。裝修很現代，冷氣好好好勁，勁到我們頭頂滴水！侍應就不定時在我們頭頂抹水。由堂細佬點菜：餐前包包－暖暖的豬仔包，外脆內軟，好吃到呢～我食左兩個！焗田螺－平平無奇，個potato paste完全無味非洲雞－很有驚喜，雖然雞肉吃得出是雪藏雞，但係個汁非常出色！馬介休炒飯－完全沒有興趣，一啖也沒有吃。芝士焗西蘭花－芝士很香，不是普通貨，但是西蘭花就很普通，出了很多水。咖哩蟹－個人不好吃蟹，而且隻蟹不多肉。羊排－乾乾乾乾（形容完畢）堂細佬女友及堂細細佬出現，我原定想點大蝦湯，但待應說沒有！於是便乖乖的等甜品出場。登登登登～梳乎厘　到！個樣就好好～侍應待我拍照後便分開七份，剛剛好。但係味道就～無乜味囉，連我不嗜甜也覺得啖而無味。但整體來說，食景and 服務，都唔會失望啦！

27-2-2009落船 settle down 後搵地方食晚飯, 搵唔到想去的九記, 但就見到上次食唔成的呢間葡菜餐廳, 又試試. 星期五成 10:00pm 先0黎到, 唔食咁多了, 只簡單叫了 3 樣 share 食, 但仍食得相當滿意!- Table bread 係熱辣辣豬仔包, 外殼極鬆脆, 內就好鬆軟, 塗上已 softened 的 salted butter, 正!- 葡式炒蜆: 細細隻蜆仔落了黑椒, 蒜蓉, 芫茜, 蔥, 青 / 紅椒 etc 用 olive oil 炒, 食落無沙, 幾鮮, 不過 d 汁太鹹了, 蓋過了蜆仔本身的鮮甜, 可惜.- 馬介休炒飯: 飯粒分明, 乾爽無油, 炒得好香, 正! 不過場內冷氣頗勁, 要趁熱食唯有食快 d; 條條馬介休唔會好鹹, 食落帶點魚香, 好食; olives 及條條紅椒就慘遭放棄, 我0地都幾揀飲擇食. - 阿拉斯加蟹肉沙律: 雖然係沙律, 但我0地就當甜品食 , 因為 d fruits (芒果, kiwi 及哈密瓜) 實在又甜又多汁, 正; 蟹肉份量頗多, 賣相夠晒靚, 食落帶點海水味, 夠晒清新.食物好, 樓上環