澳門氹仔林記燒烤

Open Now

Now Closed

林記位置於黑沙環，地點其實有點兒偏僻!不過，衆多網友都讚賞此店，必有其因!於是，我們一行4人來到品嚐!首先來個黑椒燒牛仔骨，賣相相當可人，外面香濃炭燒味，裡面嫩滑多汁，加上秘製黑椒醬，配搭完美!!!然後再來一個法式炒花甲皇，花甲非常新鮮，配合法式炒法，將花甲的鮮甜完美帶出來，美味非常主角終於出場了 - 燒羊架!!!店主推介我們兩種食法，第一種為芥末燒羊架，另一種為黑椒羊架基本上，兩種煮法都非常美味，本人由其喜歡芥末煮法，那種感覺可以令不吃羊的人都會愛上的!咖哩牛腩都非常野味，意想不到例牌竟然會份量十足，認真超值!!!最後我們還點了酥炸馬介休球，份量不多，只有6粒。不過，非常好吃，是不容錯過的小食!!!總括而言，林記是一間非常出色的燒烤餐廳，多謝之前各位網友推介!!!!

黑沙環ge食肆一向予人大眾化感覺,價錢實惠,但味道卻一般。但海濱度真係有一間,地方,環境都平平無,但味道卻係星級之選ge隱世奇葩~二人叫左炒蜆,青菜湯,豬仔包,香草芥末燒羊架,燒沙甸魚當中星級之外莫過於係香草芥末燒羊架,熟ge程度剛剛好,咬落非常juicy,可以媲美大酒店級水準。其次係豬仔包,正宗外脆內軟,配合咖喱汁或者炒蜆ge白酒汁真係一絕......美中不足ge係個湯同個魚無咩驚喜,建議集中火力試羊架,豬仔包同咖喱

之前到澳門開工.朋友帶我食過林記.我話過會再食.所以早幾天到澳門玩.專程由氹仔坐車到林記再食菜式十分美味:羊拾壹（半份）—有兩款味道1.用芥茉烤 2.黑椒汁 兩款都好正...肉質嫰又夠林咖喱雞拼朱仔包—咖喱味道好香...香港未食過燒牛仔骨,炸墨丸就OK首次飲:寶礦力Lemon-幾特別上次食過葡式凍蝦勁好味可惜今次得兩個人食唔到0甘多

上星期五同老婆去食晚飯, 點左下列幾樣….1)豬仔包-外脆內軟, 點咖哩, 好好食, 正!!2)葡汁燴什菜-酸味比較濃, 尚算OK!3)芥末羊拾壹 (半份)-叫半份, 只得5條, 而且其中3條仲係普通的燒羊架 (即無芥末味), 如圖 …芥末羊架好正 , 有好濃芥末味, 燒到香噴噴. 正!!普通羊架都OK, 但係唔及芥末羊架咁野味!!-感覺受騙….. 點解叫半份得5 條, 而且唔係全部都係芥末味?! 4)蒜子燒牛膝-覺得好貴, $90一碟, 每碟得三條肉, 而且上枱時重好生, 用刀都切唔開, 之後叫人再整熟啲….-肉仍然好嫩, 有牛味, 尚算OK!5)咖哩牛腩 (碗)-咖哩汁好夠味, 又香又濃正!!-成碗咖哩牛腩得一小舊牛腩肉, 兩舊牛根, 其他全部都係薯仔……成三十幾蚊一碗咖哩腩汁, 我覺得好貴囉…

我住黑沙環咁耐都冇留意過有這一間店舖，可能因為門面黑暗暗的，唔顯眼，上網查查有咩好食，見到有人介紹咁好就去下，我地食左好多野，平均一個一百元。葡國雞48元好食又幾抵，d汁又多又好食，叫埋佢地的6元一個豬仔飽點d葡汁，簡直一絕﹗豬仔包可能烤的關係，外脆內軟，裏面還熱熱的，有時出面d就得個外脆內凍。除此之外，還可能自備飲品入去都可以，因為好多店舖都不準外帶飲品。

喺澳門食葡國菜有平有貴，豐儉由人，要又平又正，我就推介呢間林記燒烤，唔好睇佢個名就以為全部都係燒烤食物，佢都有唔少葡國菜、仲有日式燒烤、泰國菜、連橋底辣蟹、潮州凍蟹都有，可以話係多國菜！ 雖然地區好似吊腳啲，其實搭巴士都好方便，為咗食好嘢，捐窿捐罅週圍行我都在所不辭，今晚我哋山長水遠又嚟呢度食平靚正葡國菜： 法式炒花甲王：原本想叫泰式燒花甲王嘅，不過問過店員法式即係點整後，我哋就即刻改變咗主意嘞！呢個法式炒花甲王有啲葡國腸、紅椒絲、蔥同埋洋蔥一齊煮；花甲好大隻，顏色鮮艷，睇嚟好新鮮！味道好鮮甜又冇沙，個汁出呼意料之外嘅清甜，點包太稀，就咁飲好似海鮮清湯，正！ 葡式逼咸牛脷：牛脷好重牛味，但一啲羶味都冇亦冇筋，質感稔滑而且入口即化！ 配嘅汁有蕃茄味同有少少辣，好香濃又好惹味，點豬仔包一流！ 同煮嘅仲有炆得好稔嘅薯仔、紅蘿蔔、蕃茄、紅腰豆、洋蔥、椰菜同葡國腸，配料豐富，份量好多，好大堆頭好滿足！ 蒜子燒牛膝：呢個係今晚最貴嘅，$90而且係最後先到，嚟到嘅時候已經起晒肉，嚿骨就放喺側邊，可以見到啲肉起得好盡，因為嚿骨頭一啲肉都見唔到，啲燒牛膝肉排得頗整齊，賣相幾好；面頭有好多燒過嘅蒜子，發出

去到呢間燒烤店，沒甚橫裝，但由於非常肚餓關系，一定要開餐啦！叫左芥末羊拾壹、燒墨魚丸、肉醬意粉、燒牛仔骨。意外地，全部都好得呀！！芥末羊拾壹：食入口，冇騷味，有好香既芥末味，小小功鼻，好正！推介！燒墨魚丸：入面有墨魚粒，超爽！肉醬意粉：好多芝士，I like it ~燒牛仔骨：雖然唔係好厚，但Juicy~下次一定會再食！

今日同兩個都係喺澳門做嘢嘅舊同事兼朋友一齊食晚飯，去咗呢間佢哋介紹嘅林記燒烤，場內好熱鬧，我哋叫咗： 蒜蓉包：香口，夠身，好多蒜蓉，好鬼脆！ 炸馬介休球：啲味好濃，魚味好出，皮好脆，但入面啲纖維好幼細，最勁係食唔到一絲絲嘅魚肉，因為魚肉已經同薯蓉緊緊融合，有魚係入面但係你食唔出，有別於一般魚球！一定要試！ 葡國雞：中規中矩，未夠沙利文好味，勝在不油膩！ 燒羊架：呢個佢哋出晒名， full portion 叫「羊十一」，即係有十一條骨，半份有 6 條，當佢上枱到我舉機影相一刻，前後不過3 秒，已經得番 4 枝，再唔快啲可能得番啲骨，可以想像吓有幾好味嘞！肉質好嫩，佢係一層麵包糠包住一層芥辣再燒，燒到啱啱離骨。一入口有好濃芥辣味，有啲似日式 wasabi 咁嗆鼻，但隨後就食到鮮嫩嘅肉味，手快有，手慢冇！ 豬仔包：澳門特色，外脆內軟，叫嚟係點葡國雞嘅，唔錯！ 黑椒牛柳：大驚喜！ 喺餐牌上面見到呢樣賣四十幾蚊嘅黑椒牛柳，起初唔敢叫架，不過諗住試吓冇壞就叫咗一個五成熟，嚟到份量都唔少，侍應即刻幫我哋淋黑椒汁，切開試一啖，肉質好稔，好軟，肉味好濃又多肉汁，真係做到五成熟，絕對超值，咁嘅價錢，喺邊度

友人住在附近，加上有朋友極力推介，並將林記編入行程必食之選~只望一眼樓下，你會以為: 都無咩人食o者上到樓上，全院滿座，你便知這真是海濱花園的人氣食店~點了燒羊架,curry 牛腩及烤餅~ 3樣都係好味喎，食物夠哂熱，而且佢地的燒羊架，相當美味，外層燒了，內裡的肉仍然幼嫩，肉汁仍能保持~great!喜歡只吃環境的人便不用來了，這裡是地道小店，通常都是一大班朋友來吃，熱鬧程度就像香港的大排檔。由於可選的菜式太多，而potion 又頗大，強烈建議多人一齊吃~這裡不近平時的景點，但坐一陣巴士便到，值得來吃一次~

間鋪都唔細ga~有上下層，又有內房，但如果你想食，就算係平時平日，都一定要預先book位，如果唔係唔會有位俾你!!老實講，店內環境唔係非常好，都係飯店式摺檯摺櫈，但佢o既食物就真係整得幾出色，而且幾有特式！order o左：- 咖哩牛腩- 鹽燒豬肋骨- 水煮馬介休- 燒牛仔骨- 燒羊架- 豬仔飽值得一提o既係，佢o既咖哩係成盤上ge~~~ 所以適合一班人一齊食！仲可以叫店員俾一種佢o地秘製o既dipping source(唔知個名，大概係用生洋蔥、欖油醋 & 香料製成)，用o黎點D燒烤食品真係好好味，又冇o禁熱氣！同埋最重要係→好抵食！(btw, 佢淨係開晚市ga ja~~~日頭唔好去摸門釘！)