Estab De Comidas Ngao Keo Ka Lei Chon

周不時都會去澳門，但還是有很多地道的小店還沒吃過。牛記咖喱美食位於小巷的一角，周圍都被舊建築物包圍。這間還是米其林美食指南推薦的特色店之一，在澳門有3間分店。我去的這間位於十月初五日街1號舖位，同一條街35號舖位便是另一間分店。亦有一間在氹仔舊城區那邊，看哪裡方便就去哪間吧。先點了一個馳名的 蟹黃撈麵 (MOP 58)拌勻後每一口都吃到蟹黃，油香十足又不至於油淋淋，喜歡吃香濃的會喜歡吧。撈麵是用彈牙的口幼身麵條，吃落沒有鹼水味，不過有些麵黏成一團。另外就是因為這店的冷氣都開得幾大，所以食物冷卻得超快。還點了 椰汁咖喱雞撈麵 (MOP 48)咖喱是走香辣路線，然後有頗淡的椰香，非常惹味。每件雞都好大舊，而且肉都多，不是那種只有骨頭大的。雞皮和肉質也很嫩滑。如果你很能吃辣，建議點這裡的牛腩，咖喱會是再偏辣一點的。也點了一杯 凍奶茶 (MOP 19) 茶味較濃，比較澀。…Read More

因為好耐無食過蟹粥，上網查左好耐，連某網站都研究埋，見到呢間牛記既水蟹粥同蟹皇撈麵都好多人讚咁，就特登去谷古一下地圖尋找美食，發現同一條街有2間牛記，一間新d大d,另一間響街頭既就傳統d舊d, 就選左舊式個間黎試個二樣名物。好快就有得食了，但初見覺得都幾細碟，蟹粥粥底不錯，但最重要個樣就無左，無乜蟹味，雖然有一隻蟹及少少蟹黃，但整體無乜蟹味及海鮮味。而蟹黃麵就中規中矩，但好細碟，我同朋友食完都覺得無乜野落過肚咁。…Read More

🇲🇴澳門美食 蟹黃撈麵🍜🦀又係見好多人推介 專登搭的士去朝聖店面同普通香港麵店無咩分別 坐得都幾迫下 無叫到咖哩亦都無叫水蟹粥因為我係衝住蟹黃撈麵而嚟😎🦀蟹黃撈麵$49其實呢個價錢咁細碟嚟講性價比都幾低😂蟹黃都夠撈成個麵 再加啲薑同葱花蟹黃味唔算超濃郁 唔需要太期待 但食得過🦑香煎鮮墨魚餅$69都係嗰句 幾細碟份量唔多墨魚餅細細件 但油咗啲煎得幾香但唔脆口 夠彈牙有墨魚香海鮮炒烏冬幾惹味 但偏細碟同太油海鮮有鮮尤魚同蟹柳 普普通通總結係唔需要特別過嚟潮聖無想像中咁驚豔-📍牛記咖喱美食 (新馬路)新馬路十月初五街1號地舖#linggfoodie…Read More

其中一個到訪澳門嘅目的地就係呢間牛記美食。上網見過好評如潮，特地去試下。聽講最岀名嘅係蟹皇撈麵，所以先叫一碟，另外作為愛蟹之人，我地仲叫左水蟹粥，一蟹二食！除左蟹皇，薑絲同麵，底部仲有一層蟹油。將全部材料混合就可以食啦！一食落去，最先食到蟹嘅鮮味，麵保持彈牙，而蟹油保持個麵唔會愈食愈乾，亦增添多一份層次，每啖都非常邪惡。蟹皇嘅份量夠撈哂成個麵，食到尾都唔會唔夠味。麵嘅份量唔算好多，下午茶會啱啱好，午餐就略嫌不夠，我地亦覺得香港食到呢種味道嘅機會唔多，所以，encore一碟蟹黃撈麵！而水蟹粥就完全係另一種蟹嘅風格。首先粥係清淡嘅，剛好可以平衡撈麵嘅濃郁。窩粥仲有足足一隻蟹，每啖粥都有絲絲蟹嘅味道，不錯呢！一濃一淡，各有千秋。除此之外，我地仲叫左一碟腐乳通菜。上菜嘅時候有驚喜，因為雖然餐牌上寫住腐乳通菜，以為係就咁悼熟，但其實係腐乳炒通菜！仲要好大碟，不過因為門口人潮眾多，衝衝食完無影相。總括嚟講，味道十分有驚喜，愛蟹之人必定要去澳門試下啊！…Read More

每年一次去澳門都要搵野食,今次男朋友帶左我黎呢間好出阱食蟹黃撈麵既餐廳!呢到唔算話係旅遊熱點區, 不過由大三巴去都好方便!沿住十月初五日街行, 盡頭就係架啦!不過我地正正食午飯時間去, 去到已經有4,5個人等緊位要食好野緊係要等下啦!好彩我地都好快有位!環境方面, 真係估唔到細細間舖位可以容納30人左右如果大家去食野就最好係買手信前去啦而大家都好乖咁食完就埋單走人!做足功課就叫野食啦! 除左蟹黃撈麵 @ MOP$46, 當然再叫埋花雕雞撈麵 @ MOP$41男朋友話細個黎食既蟹黃無咁少, 有D失望, 另外都估到佢食呢個會唔飽, 所以想叫個墨魚餅...好可惜墨魚餅賣哂 :(, 就轉左個鮮蝦餅 @ MOP$60!鮮蝦餅好足料, 兩個人食都已經好夠! 不過就可能有少少油膩.另外我叫既花雕雞撈麵無令我失望, 真係好香花雕味, 麵條都好有口感!只係肉會比較少, 要慢慢逐舊去品嘗.用餐時候, 隔離有位澳門人有朋友黎食, 叫左水蟹粥同咖哩牛腩, 份量相當多!水蟹粥好足料好大碗! 咖哩味都好香, 不過就聽到好辣 鐘意食咖哩既其實都可以黎試一試架!…Read More

蟹黃撈麵蟹黃唔太多，撈勻之後每一啖都食到蟹黃既咸香，唔會太腥，味道幾好！麵條有驚喜！食落彈牙煙韌得黎一咬就斷，好有口感👍🏻冇鹹水味，個人認為哩到既麵比祥x既仲好食。雖然食完個麵，碟有好多油，但食落又唔會覺得太油膩或者漿口，偶然唔健康也是可以的🙈😆一碟蟹黃撈麵$46，份量其實唔多，幾啖就食得曬，細食既女仔可能啱啱好。性價比唔算高，不過味道唔差，麵條質感出色，值得一試咖哩牛腩飯有四、五舊牛腩，兩小片牛筋、兩大舊薯仔。牛腩可以話係全瘦，冇肥膏。肉質唔鞋，軟硬適中，保留到咬口之餘又唔會好韌好難咬，唔錯！牛筋冇試到。薯仔煮既時間啱啱好，粉得黎又唔會煮到爛曬，淋上咖哩汁食好正！薯仔唔係同牛腩一齊燜煮，係分開煮既，所以未算太入味，不過淋咖哩汁食已經好夠味。咖哩唔係有椰香、偏甜果種泰式咖哩，而係印度風格果種，比較稠身、顏色亦較深。味道方面，偏辣，冇麻同刺喉既感覺，純粹係口腔會覺得辣。正正因為哩種辣令咖哩牛腩飯增色不少，更過癮同惹味，會想追住食~我平時唔太食得辣都接受到，想繼續食。見隔離台既食客就因為太辣頂唔順要轉走咖哩，所以怕辣既話就唔好挑戰啦！但絕對值得挑戰。水蟹粥小窩有兩隻蟹。蟹肉鮮甜嫩滑。粥質感綿密；味道方面，第一啖首先會食到蟹膏既鹹香，繼而蟹肉既鮮甜再湧上黎，好好食👍🏻食左三樣野，每樣都好有質素。而哩三樣都係大部份食客既選擇。有機會我會再食。該小店絕對值得一戰…Read More

中午去到前面已經有六七人等緊位店員仲話水蟹粥得返一碗 果然好多人幫襯😍.好有驚喜的蟹黃撈麵😍 $46原本以為只係蟹黃好味 麵條應該麻麻估哈到蟹黃同麵條同樣出色😘蟹黃足料 充滿鮮味🦀麵條彈牙有韌力又有醬汁 絕對出色😋…Read More

在來澳門之前已經有朋友推薦我來試「牛記咖哩美食」的蟹黃撈麵和水蟹粥。和朋友在大三巴「打卡」後，便沿著小路走到了「牛記」。（從大三巴牌坊走到十月初五街路程其實不遠）其實位於街角處的「牛記」本屬街坊食店，看上去就是一家普通的茶餐廳。在店裡除了遊客，明顯可以看到本地人在用餐。這次點了撈麵和水蟹粥，片刻，店員便把撈麵放到我們面前。可能因為通脹，麵上的蟹黃沒有其他食評照片那麼多，份量偏少，大概是下午茶的份量。把蟹黃和麵條拌均後，每口都吃到蟹油蟹膏味道，什麼高膽固醇之類的，先吃再說吧！竹昇幼麵沒有鹼水味，口感爽彈。因為份量少，兩三口就把麵給吃完了，吃到底還能看到碟底泛著油光，整個麵做的相當出彩，邪惡卻又美味的讓人難以抗拒。相比撈麵，「牛記」的水蟹粥就沒那麼令人驚艷。水蟹粥的粥底軟綿，裡面還有一隻蟹的份量，隱約吃的蟹的鮮甜味。可能是剛才吃過蟹黃撈麵，現在吃水蟹粥的時候就不禁比較其蟹味。但由於蟹黃撈麵實在太出眾，只能委屈水蟹粥淪為配角了。另，水蟹粥可以按人數選份量，比如我們只有兩人，店員便推薦我們叫一碗（雖然叫”一碗”但份量也不小）「牛記咖哩美食」沒有豪華裝潢，卻拿得出一手讓人驚艷的美食，米芝蓮果然沒走眼。…Read More

今天的行程都集中在新馬路這邊。酒店退房後，來到十六浦這邊玩3D拍照。不過這個3D場太細了，好快影完，然後到附近的十月初五街食水蟹粥。原本家人想在官也街食水蟹粥，可是朋友推介這家十月初五街的水蟹粥店，所以順道來試試。　雖是平日，遊客應該不多，店內主要是當地人，但都座無虛席。稍等一下，才可入內就座。先看看餐牌，水蟹粥的價格還算合理，另加一個撈麵及豬扒包。下單後，職員呈上三套碗筷。蟹黃撈麵　　　未曾試過這種食法，難得來到，當然要試試。以蟹黃來撈麵，聽到名字，都會以為＜高膽固醇＞。　可是看到這個撈麵真身，就不會擔心膽固醇的問題。因為蟹黃實在太少了！份量／體積大約是一湯匙！在這新馬路橫街窄巷，損窿損隙，已經消耗大量體力。況且現在是一家三口一起分享蟹黃撈麵呢！膽固醇，洗咩驚呀！　先把蟹黃跟蛋麵拌勻，再分到小碗裡。由於蟹黃不多，每一口麵只帶有淡淡的蟹黃甘香，仍然嚐到麵底的原味。來到最後，碟子上還有丁點蟹黃及蟹油，最後一口也不能放過。就是這一口，才可感到蟹黃應有的甘香。水蟹粥（細窩）　　　由於坐得接近廚房，清楚看到職員如何烹調水蟹粥。白粥底加上二隻花蟹，在小鍋內即煮，家人很放心。細窩水蟹粥來了！份量剛好是三人份量呢！紅色的花蟹與細碎的蟹黃，浸在粥底內。先來一小碗蟹粥，粥底是淡淡的蟹黃味，甘香不濃。這只是二隻細小的花蟹，不會強求大閘蟹那種入口爆膏的感覺。淡淡蟹的鮮味及蟹黃味，還有薑！！！蟹為寒濕之物，加薑的辛溫來作平衡，本是很正常的做法。自己卻比較希望走薑。來到配角～花蟹，雖然要出動五指山，但把蟹殼放在碟子上，保持枱面乾淨，總算有儀態吧！細窩水蟹粥，每人可分到二小碗，價格還算合理。豬扒包　昨天在官也街，没有到那家有名的豬扒包專門店，唯有在此來一份。看到豬扒是即點即炸，看來不錯呢！　但豬扒帶骨，要小心品嚐。　全家食飽飽，竟然有客人在門外等候，也不好意思久留。一於盡快結賬，向大三巴出發！…Read More

每次來到澳門都必定會來這裡的, 平時一大班朋友會叫水蟹粥, 今次不同, 只有兩個人所以沒叫粥, 反而試了蟹黃撈面, 之前未試過的, 但真的一試難忘! 蟹黃味道十分濃已經很足夠, 整個撈面都充滿著蟹味, 簡直一流, 雖然我加了雲吞, 但都沒影響蟹的味道! 另外今次亦叫了墨魚餅, 但水準感覺比以前差了一點, 但口感還是不錯, 如果不是人少, 也想試試蝦餅的! 位置方面不算很難找, 可能因為以前有來過的關係, 大致上都認得路, 只是因為我來的時候已經晚上十時, 很多店都關了, 街都比較靜, 所以如果未來過的話有機會以為自己走錯路而掉走, 其實只要再十月初五街行到尾就可以了!…Read More

之前兩天龍蝦美食之旅，已經非常滿足，之後兩天亦會去一間米芝蓮推介及一星餐廳，今晚去食自己喜歡的牛記咖喱麵食，例牌點蟹黃撈麵，由$25開始食起到加到$43，氹仔那邊比較便宜。阿姐話啱啱加咗水再滾，要等10-15分鐘先可以淥麵，唯有等......等咗15分鐘，終於有得食，今次蟹黃比較多一點，因為平時會加錢另加蟹黃，但今次不用追加，先將熱辣辣及充滿油份的蟹黃與幼麵撈勻，本身蟹黃已經係邪惡之物，如果你覺得不太好食而因為太油膩，我勸你不要食算了，食完真的有罪惡感，鹹香的蟹黃沾上彈牙爽口的麵條，蟹油更從麵條滴回碟中，三扒兩撥已經將碟麵解決了，如果不是仍有下一場，真的想再叫一碟。…Read More

黎到澳門 一定要食下牛記先滿足蟹黃撈麵麵上面放滿左勁多蟹黃勁豪氣蟹黃味道美濃齒頰留香將香噴噴既蟹黃同麵撈埋一齊好正！配上爽口既麵條 真係好夾蔥花麵係重點之一 蔥花令到蟹黃更香口 鮮味加倍…Read More

由於永安旅遊訂澳門大倉酒店麵幾抵，所以特登請日假去玩吓，一落船第一站就去食爽口彈牙撈麵蟹黃撈麵 - 爽口彈牙，蟹黃都幾多，不過就略嫌油比較多椰汁咖哩雞撈麵 - 椰汁味濃，送上枱已經聞到好香咖哩味，咖哩同醬油比例啱啱好，雞肉亦好滑…Read More

山長水遠去食同事力推嘅牛記蟹黃撈麵 。麵一上枱，就聞到好香蟹膏味(食落就冇咩味啦)，麵好彈牙，但好可惜的是太油啦，成隻碟都係油，最後個幾啖麵完完全全浸左係啲油裡面:( …Read More

今日黎澳門睇煙花, 中午都係決定再黎牛記食, 最近呢幾次黎澳門都黎牛記, 每次都無令我失望。 今次除咗必食既邪惡蟹黃撈麵同清湯牛腩之外想試吓其他嘢, 所以今次叫咗之前未喺度食過既水蟹粥、花雕炆雞同雜菜牛尾。 牛記又一次無令我哋失望, 樣樣都好味, 又食到飽飽!…Read More