Read full review
2018-12-26
4299 views
蟹黃撈麵蟹黃唔太多，撈勻之後每一啖都食到蟹黃既咸香，唔會太腥，味道幾好！麵條有驚喜！食落彈牙煙韌得黎一咬就斷，好有口感👍🏻冇鹹水味，個人認為哩到既麵比祥x既仲好食。雖然食完個麵，碟有好多油，但食落又唔會覺得太油膩或者漿口，偶然唔健康也是可以的🙈😆一碟蟹黃撈麵$46，份量其實唔多，幾啖就食得曬，細食既女仔可能啱啱好。性價比唔算高，不過味道唔差，麵條質感出色，值得一試咖哩牛腩飯有四、五舊牛腩，兩小片牛筋、兩大舊薯仔。牛腩可以話係全瘦，冇肥膏。肉質唔鞋，軟硬適中，保留到咬口之餘又唔會好韌好難咬，唔錯！牛筋冇試到。薯仔煮既時間啱啱好，粉得黎又唔會煮到爛曬，淋上咖哩汁食好正！薯仔唔係同牛腩一齊燜煮，係分開煮既，所以未算太入味，不過淋咖哩汁食已經好夠味。咖哩唔係有椰香、偏甜果種泰式咖哩，而係印度風格果種，比較稠身、顏色亦較深。味道方面，偏辣，冇麻同刺喉既感覺，純粹係口腔會覺得辣。正正因為哩種辣令咖哩牛腩飯增色不少，更過癮同惹味，會想追住食~我平時唔太食得辣都接受到，想繼續食。見隔離台既食客就因為太辣頂唔順要轉走咖哩，所以怕辣既話就唔好挑戰啦！但絕對值得挑戰。水蟹粥小窩有兩隻蟹。蟹肉鮮甜嫩滑。粥質感
蟹黃撈麵
109 views
0 likes
0 comments
蟹黃撈麵
蟹黃唔太多，撈勻之後每一啖都食到蟹黃既咸香，唔會太腥，味道幾好！
麵條有驚喜！食落彈牙煙韌得黎一咬就斷，好有口感👍🏻冇鹹水味，個人認為哩到既麵比祥x既仲好食。
雖然食完個麵，碟有好多油，但食落又唔會覺得太油膩或者漿口，偶然唔健康也是可以的🙈😆
一碟蟹黃撈麵$46，份量其實唔多，幾啖就食得曬，細食既女仔可能啱啱好。性價比唔算高，不過味道唔差，麵條質感出色，值得一試
咖哩牛腩飯
有四、五舊牛腩，兩小片牛筋、兩大舊薯仔。
咖哩牛腩飯
95 views
0 likes
0 comments
牛腩可以話係全瘦，冇肥膏。
肉質唔鞋，軟硬適中，保留到咬口之餘又唔會好韌好難咬，唔錯！
牛筋冇試到。
薯仔煮既時間啱啱好，粉得黎又唔會煮到爛曬，淋上咖哩汁食好正！薯仔唔係同牛腩一齊燜煮，係分開煮既，所以未算太入味，不過淋咖哩汁食已經好夠味。
咖哩唔係有椰香、偏甜果種泰式咖哩，而係印度風格果種，比較稠身、顏色亦較深。
味道方面，偏辣，冇麻同刺喉既感覺，純粹係口腔會覺得辣。
正正因為哩種辣令咖哩牛腩飯增色不少，更過癮同惹味，會想追住食~
我平時唔太食得辣都接受到，想繼續食。見隔離台既食客就因為太辣頂唔順要轉走咖哩，所以怕辣既話就唔好挑戰啦！
但絕對值得挑戰。
水蟹粥
71 views
0 likes
0 comments
水蟹粥
小窩有兩隻蟹。蟹肉鮮甜嫩滑。
粥質感綿密；
味道方面，第一啖首先會食到蟹膏既鹹香，繼而蟹肉既鮮甜再湧上黎，好好食👍🏻
食左三樣野，每樣都好有質素。而哩三樣都係大部份食客既選擇。
有機會我會再食。
該小店絕對值得一戰
Post
