宏 (Moved) New Location

成日都行尖沙咀，都唔知食咩好，the ONE夜晚間間餐廳都排晒隊😵 但係呢間出名食抹茶甜品嘅宏🍵就冇咩人，所以就去試下佢嘅晚餐☺️ 睇menu俾我地想像中多選擇，冷熱烏冬、刺身丼、鰻魚飯，一時之間都諗唔到食咩🤓 最後要左煙三文魚冷烏冬，見佢有得送出名嘅抹茶蛋卷😆  冷烏冬幾好食，口感煙靭，海藻味就唔係太覺，但有少少似蕎麥麵😋 煙三文魚上碟時捲得好靚，不過其實只有一塊三文魚🙈 份量唔算多，啱晒仲有第二個甜品胃嘅女仔😆  抹茶蛋卷🍵 係呢度嘅招牌，好有品質保證😍 蛋糕軟熟有淡淡蛋香，裡面抹茶mousse 好滑，好重抹茶味😋 抹茶控必食呀♥️