Video
Read full review
2013-09-08
2280 views
早幾日去左迪士尼HIGH TEA，令我記番起冇幾耐之前既Hotel Icon High Tea，其實就係因為佢普通到冇特色，令到我連去過佢到High Tea我都唔記得咁制 = =”話說果日一行9人，因為朋友要離港讀書於是想搵個地方食個Tea吹下水，有人提議去依間Hotel Icon，不過經查詢之下發現佢係冇得訂位，要去排，姐係先到先得果種，因為我地都有9人之多，於是我地就早去排，雖然話2點半先開始，但係2點15去到既時候D人已經排隊好遠@__@，我諗我地都大概等左20min左右，因為我地人多要等Lunch既客走，有連枱先可以俾我地，btw未入座，都已經因為場內多人，所以感覺到好嘈-____-,,,即使間酒店靚，都已經冇咩好Feel～入座之後，Menu上3層既Tea Set連茶$388/2位，$198/1位，亦都有其他鹹點如漢堡，意粉又或者Scones Set 等等等等…我同朋友就叫左3層既Tea Set，老公就叫左漢堡，（漢堡未能提供相…因為未影已經俾我地極速食左ｗ）3層架上枱，靚真係好靚，而已份量都唔小，每1款都有2件，包證兩個人都一定食到每一種類既小食！先講長碟既鹹點，蝦配法包，煙
早幾日去左迪士尼HIGH TEA，令我記番起冇幾耐之前既Hotel Icon High Tea，其實就係因為佢普通到冇特色，令到我連去過佢到High Tea我都唔記得咁制 = =”話說果日一行9人，因為朋友要離港讀書於是想搵個地方食個Tea吹下水，有人提議去依間Hotel Icon，不過經查詢之下發現佢係冇得訂位，要去排，姐係先到先得果種，因為我地都有9人之多，於是我地就早去排，雖然話2點半先開始，但係2點15去到既時候D人已經排隊好遠@__@，我諗我地都大概等左20min左右，因為我地人多要等Lunch既客走，有連枱先可以俾我地，btw未入座，都已經因為場內多人，所以感覺到好嘈-____-,,,即使間酒店靚，都已經冇咩好Feel～入座之後，Menu上3層既Tea Set連茶$388/2位，$198/1位，亦都有其他鹹點如漢堡，意粉又或者Scones Set 等等等等…我同朋友就叫左3層既Tea Set，老公就叫左漢堡，（漢堡未能提供相…因為未影已經俾我地極速食左ｗ）3層架上枱，靚真係好靚，而已份量都唔小，每1款都有2件，包證兩個人都一定食到每一種類既小食！先講長碟既鹹點，蝦配法包，煙三文魚法包，肉鬆法包，首先三文魚係正常既味，好香魚油而且好厚身，蝦法包，隻蝦好爽口，配微脆既法包都幾特別！肉鬆法包…？老實講，除左佢係一舊鬆泡泡又淋又鹹既物體，我真係講唔出佢咩味+__+！ 抹茶奶凍+荔枝Jelly，兩者都係用蛋殼型既杯仔裝住，亦都係依一個長碟入面最好食既兩樣野，Jelly唔會太重魚膠粉味，而且唔會好實，奶凍口感淋身，入口即溶既感覺好妙，抹茶味同奶味都調得岩岩好而且唔會過甜或者似即沖布甸粉，Good!!!伏點來了，中伏3層架，由正常講起，Scones好香牛油味，但係切落就好散，難以令人配忌廉或者Jam食，我自己比較喜歡鬆餅帶小小筋性，唔鬆散，Macaroon，其實已經說唔上係好食，因為佢只係一件好普通既Macaroon，連佢係咩味我都食唔出@__@色素～～～士多啤梨+綠色波撻，老實講，依兩件野真係中伏之作，首先個餅底，話餅唔係餅話蛋糕唔係蛋糕鬆餅佢又唔似…定係我唔識得欣賞佢既創作？綠色果個波真係甜到我咬左一半就食唔到，味道有如CupCake上想牛油糖霜，有人接受到有人接受唔到，OK我係後者，其次藍莓撻，個撻底係買番黎再加藍莓上去，(因為我買過)，伏。OK，其實仲有粒朱古力同埋朱古力蛋糕，但係因為以上既伏，跟住落黎我已經冇心機食落去，寧願去飲佢杯茶溫和番自己過甜既口腔…至於老公既漢堡包就幾好食,牛肉好Juicy,漢堡用料都好豐富，亦都有跟大量既薯條，男人既份量！睇過好多食評都係讚多過彈，我都只係用我既角度去寫，份量足係冇用，你俾既甜品質素咁差，而且冇得訂位，如果單純只係為靚靚３層HIGH TEA SET黎，唔值，雖然有人讚佢既件裝甜品，不過算啦，我唔想再去冒險！依個價錢可以食更多野！
Post
