Read full review
2020-04-22
853 views
📍 MotorinoBlack series又返黎啦！大家又可以用超優惠價錢試吓Black sheep 旗下嘅美食啦！今日leighleigh去左灣仔船街嘅Motorino食正宗嘅拿玻里pizza-$98(加一）有3個course,好抵呀！有齊starter, pizza同埋甜品。指定左3款Pizza如果唔啱食，仲可以加$88 upgrade Pizza添。-Margherita係傳統嘅意式拿玻里pizza，有番茄醬、Mozzarella、pecorino同basil。一上檯就聞到好香嘅味道！熱辣辣，番茄醬味濃郁，芝士夠拉絲，餅底薄而脆，有少少煙韌，正!-Sorpressata Piccante有辣肉腸，辣椒，Fior di latte, oregano.因為有辣椒的原故，waiter話會有啲辣，可以走辣。我地就嗌左小辣。其實正常辣都唔會好辣，反而係惹味，辣肉腸味親都好正宗，唔錯。-Mixed Green Salad份量十足，好大碗，調味酸酸地，幾開胃，食完感覺清新，但食左半碗就飽飽地-Tiramisu外型上平平庸庸，但食左第一啖好驚喜，好濃郁嘅咖啡味，質感好綿滑，芝士香同rum既ba
Black series又返黎啦！大家又可以用超優惠價錢試吓Black sheep 旗下嘅美食啦！今日leighleigh去左灣仔船街嘅Motorino食正宗嘅拿玻里pizza
-
$98(加一）有3個course,好抵呀！有齊starter, pizza同埋甜品。指定左3款Pizza如果唔啱食，仲可以加$88 upgrade Pizza添。
-
Margherita
係傳統嘅意式拿玻里pizza，有番茄醬、Mozzarella、pecorino同basil。一上檯就聞到好香嘅味道！熱辣辣，番茄醬味濃郁，芝士夠拉絲，餅底薄而脆，有少少煙韌，正!
-
Sorpressata Piccante
有辣肉腸，辣椒，Fior di latte, oregano.因為有辣椒的原故，waiter話會有啲辣，可以走辣。我地就嗌左小辣。其實正常辣都唔會好辣，反而係惹味，辣肉腸味親都好正宗，唔錯。
-
Mixed Green Salad
份量十足，好大碗，調味酸酸地，幾開胃，食完感覺清新，但食左半碗就飽飽地
-
Tiramisu
外型上平平庸庸，但食左第一啖好驚喜，好濃郁嘅咖啡味，質感好綿滑，芝士香同rum既balance拎得好好，食完一舊都覺得唔夠喉
-
地址： 灣仔船街15號地下📍 Motorino
Post
