125
23
4
Level1
4
0
黎過呢間餐廳3次, 第一次黎食lunch俾佢既裝修同無敵維港景嚇親, 驚嘆原來香港有咁靚既餐廳! 第二次黎食夜晚俾佢既服務嚇親, 果種專業同細心令在下對香格里拉呢個品牌留下深刻印像. 然後第三次黎, 就俾野食嚇親...在下未食過咁失敗既法國菜, 果時lunch menu 玩新野, menu寫左20幾款材料, 客人自己簡幾款之後廚師用佢做主題去整一道菜式出黎, Concept係創新, 不過唔多Work, 完全唔好食, 自此決定以後唔再幫襯!不過, 最近得知佢地轉左大廚, finally... 等到頸都長埋, 所以決定俾多次機會佢~ (今日的在下打倒昨日的在下, 哈哈) 而家大廚係Ricardo Chaneton, 佢來頭唔細, 曾經出任意大利超出名餐廳Mirazur 既主廚 (呢間野而家拎緊兩星, 世界排名第6).<叫野食同野飲>Weekend Lunch 每位盛惠$588, 包2個前菜, 一個主菜, 一個甜品~ 除左主菜6簡1之外, 其餘4簡1, 所以一共384個組合, 食客總會簡到自己鍾意既菜式. 野飲方面, 餐廳做緊Wine Pairing, $88蚊一杯, 抵飲
Read full review
黎過呢間餐廳3次, 第一次黎食lunch俾佢既裝修同無敵維港景嚇親, 驚嘆原來香港有咁靚既餐廳! 第二次黎食夜晚俾佢既服務嚇親, 果種專業同細心令在下對香格里拉呢個品牌留下深刻印像. 然後第三次黎, 就俾野食嚇親...在下未食過咁失敗既法國菜, 果時lunch menu 玩新野, menu寫左20幾款材料, 客人自己簡幾款之後廚師用佢做主題去整一道菜式出黎, Concept係創新, 不過唔多Work, 完全唔好食, 自此決定以後唔再幫襯!

不過, 最近得知佢地轉左大廚, finally... 等到頸都長埋, 所以決定俾多次機會佢~ (今日的在下打倒昨日的在下, 哈哈) 而家大廚係Ricardo Chaneton, 佢來頭唔細, 曾經出任意大利超出名餐廳Mirazur 既主廚 (呢間野而家拎緊兩星, 世界排名第6).

<叫野食同野飲>

Weekend Lunch 每位盛惠$588, 包2個前菜, 一個主菜, 一個甜品~ 除左主菜6簡1之外, 其餘4簡1, 所以一共384個組合, 食客總會簡到自己鍾意既菜式. 野飲方面, 餐廳做緊Wine Pairing, $88蚊一杯, 抵飲!

入到餐廳坐低之後, 酒師就主動問我地飲唔飲啲Bubbles (者係Champagne/ Rose/ Sparkling Wine), 在下心諗$88 蚊一杯, 平到喊, 喊到平, 咪叫兩杯 “浪”下口囉 (之後就中大伏了…請看落去)~ 就咁樣飲兩啖香檳, order埋野食, 就開始今日呢個美食之旅~
114 views
0 likes
0 comments
<FOOD>

Menu: Set Lunch

$588 per person

Bread 面包

面包
30 views
0 likes
0 comments


面包
28 views
0 likes
0 comments
一共有三款面包: Baguette (法包), Sourdough (分別有煙肉, Cereal, Plain), 同一個好香好軟熟既面包 (唔記得叫咩名). 面包剛焗起, 邊有唔好食既理由? 配上兩款牛油, 一款正常, 一款紫菜味, 紫菜味果個幾特別, 值得一試, 試試下在下都差唔多試左半舊~ 慘了... 牛油落肚就變肚腩了…

不過, 以面包黎講, 喺置地既L A’talier de Joel Robuchon 先至係主場, 無論款式同味道都比呢度高幾班.

Entrees Froidew 第一道前菜


Gillardeau Bourriche oyster, cucumber and lemongrass

法國生蠔配青瓜及香茅

法國生蠔配青瓜及香茅
35 views
0 likes
0 comments
法國生蠔配青瓜及香茅
31 views
0 likes
0 comments
品嚐面包後, 就到第一道菜: 生蠔~ Menu上既生蠔係法國蠔后Gillardeau, 不過由於供貨問題, 轉左做Bourriche. 呢款蠔海水味同金屬味都幾濃郁, 質地偏向creamy, after taste悠長 (食完之後陣金屬味都盤留左喺口腔一段時間) 佢既creamy配埋底下既爽脆青瓜片, 仲有再底下既茅屋芝士, 形成強烈對比, nice!

而家係夏天, 所以菜式偏向light啲, refreshing啲, 而青瓜就係其中一樣好材料. 成道餸都有青瓜既蹤影, 有彰顯刀工既超薄切青瓜 (2塊喺生蠔下面, 一塊卷住左, 1塊放面), 有切粒既青瓜粒, 最後仲有現場淋上去既青咇咇香茅青瓜汁. 生蠔既海洋味道, 加上青瓜既仙氣, 仲有似有還無既香茅, 成件事真係好refresh, 好有清風送爽既感覺.

題外話, 一個月前喺Amber都食左一道生蠔菜式, 當時配既唔係青瓜, 而係青蘋果, 兩者比較之下, 似乎Amber處理得更好 (青蘋果用冰既形態呈上, 連溫度都玩埋), 不愧為全球排名二十既餐廳!

Bullshit 小插曲:

當呢道菜黎到面前, 在下形住隻蠔唔似Gillardeau, 就好奇問下侍者隻生蠔係咩品種, 佢話唔肯定, 入番廚房問大廚, 出黎答在下: 今日Gillardeau唔靚, 所以轉左做 “Bullshit”… 在下呆左, 但由於佢講得唔係太清楚, 加上在下唔信佢講操口, 所以不恥下問叫佢講多次, 佢一面尷尬, 一面再放輕聲量講多次 “Bullshit….”

在下同友人都笑左, 心諗究竟係侍者玩我地, 定大廚玩侍者, 天下間真係有種生蠔叫bullshit??? 返到屋企上網搵, 原來唔係bullshit, 係Bourriche~ 讀音相近, 不過個che音輕好多, 難怪難怪~

Entrees Chaudes 第二道前菜

Pan-seared scallop, rainbow carrot and blood orange sauce (推薦!)
香煎帶子配彩虹蘿蔔及血橙醬汁

香煎帶子配彩虹蘿蔔及血橙醬汁
30 views
1 likes
0 comments
友人繼續海鮮菜式, 穩打穩陣簡左煎帶子. 賣相吸引, 兩隻帶網紋既肥美煎帶子, 五顏六色唔同品種既蘿蔔, 仲有鮮豔既血橙汁, 未食都流晒口水. 在下偷食左少少帶子, 高水準之作! 外面微脆, 入面溫暖, 帶少少糖心, 而帶子味既濃郁程度係在下食過之中數一數二.

Frog let “a la Francaise”, parsley and Lautrec garlic

法式田雞腿配香葉菜頭及香蒜

法式田雞腿配香葉菜頭及香蒜
36 views
0 likes
0 comments
法式田雞腿配香葉菜頭及香蒜
30 views
0 likes
0 comments
一向鍾意挑戰既在下, 明知山冇虎, 偏不向山行, 所以冇簡必然好味既帶子. 田雞在下食得多, 不過全部都係中式食法, 例如煲湯同煲仔飯. 久聞法國人整田雞都有兩手, 難得呢度又有, 即管試一試咩來頭.

一上到枱又係好吸睛, 食物一直線排隊, 又緑又黃又白. 田雞脾全部都係炸過, 肉冇話特別濃味, 跟以往食過的其實分別不大, 一讚既係佢地厚肉好多, 果然飲外國奶水係有營養好多~ 配菜香草 (番茜)化身成香草泡泡同香草乾 (類似香草海綿蛋糕), 叫做用黎清下味蕾. 蒜頭puree同 Parmesan Cheese 薄片既咸香豐富番成個餸既味道, 令成件事冇咁寡.

總括黎講, 法國田雞, 值得一試, 不過試過就算了, 下次黎都係叫番帶子… 始終條脷緊要啲, 冒險精神呢啲野, 都係留番有錢時再擁有…

Plats Principaux 主菜

Roasted Lamb rack, ricotta cheese and Brussels sprout (推薦!)

燒羊架配芝士及迷你棷菜

燒羊架配芝士及迷你棷菜
35 views
0 likes
0 comments
上網見個個都話羊架好食, 而且問侍者有咩主菜好推介時, 佢都話呢個羊同燴牛面珠最多人叫. 友人至愛羊架, 所以又簡左呢個穩陣之選. 當然, 在下又打稅, 試食左一細啖!

侍者推介左四成熟 (umum, 者係 medium rare medium). 果然, 上到枱又係一份超高質既羊架! 首先講火候, 的確做到所謂既四成熟, 冇medium rare 裏面既生肉, 又唔會似medium裏面全pink, 介乎生同熟既中間, 超高手! 肉嫰不在話下, 羊肉香帶點點羊羶, 調味剛剛好, 呢兩件羊架在下俾滿分!

配菜有茅屋芝士同小棷菜, 前者在下冇試到, 後者有啲韌 (啲小棷菜可能只係隨意灼左一下), 不過重點在羊, 佢既光茫已蓋過一切… 包括在下既主菜…

羊架好食一早估到, 估唔到既係咁鬼好食! 驚喜是也~

“Volaille Fermiere” Girolles and Albufera sauce

法國雞肉配雞油箘及鴨肝汁

法國雞肉配雞油箘及鴨肝汁
24 views
0 likes
0 comments
在下本身都想簡羊架… 不過又攞黎賤, 想試新野, 挑戰一下其他主菜 (其他五款為Seabass海鱸, Mackerel鯖魚, Lobster龍蝦, Beef Cheek 牛面珠, 同埋法國春雞

牛面珠係燴既, 一定夠淋夠入味, 驚喜應該唔大.

海鱸魚既肉質在下不嬲麻麻…

燒鯖魚…更加唔駛講, 丼丼屋都有得賣

龍蝦係吸引既, 但發揮唔大. 龍蝦既重點係佢既淡淡既鮮味, 為左唔好抹殺佢, 大廚應該都係簡單poach 佢.

唯有係雞~ 雞~ 全部都係雞~ 配埋誘人鴨肝醬汁, 所以好奇心驅使下, 就用上在下心愛既羊架賭一鋪啦.

雞胸果然一啲都唔鞋, 不過係意料之內, 嫰得黎帶少少粉, 雞味則一般, 幸好香濃既鴨肝醬搭救, 令成件事昇華, 至於雞脾就好嫰滑啦, 雞皮亦烤得夠脆, 挺hao der~

配菜雞油箘份量俾得大方, 食埋佢地都差唔多7成飽. 而細節位係青色果幾點, 佢地係青檸醬, 味道帶酸, 食到中途點少少黎食, 油膩中給一點清新 (隻雞, 鴨肝醬, 雞油箘三者都係性感油物), 見微知著, 抵讚~

不過, 若然俾在下再簡一次, 唔駛問啊貴, 羊架!

Fromage et Desserts 甜品或芝士

Raspberries, lychee and lavender

紅莓, 荔枝及薰衣草

紅莓, 荔枝及薰衣草
30 views
0 likes
0 comments
在下無緣試食呢個甜品, 友人話佢好香荔枝同薰衣草味道, 不過甜左少少…

Artisan cheese selection by Maitre Affineur Bernard Antony

精選法國芝士

精選法國芝士
24 views
0 likes
0 comments
在下當然簡最愛既芝士, 不過唔係太記得果3款叫咩名, 依希記得中間果隻叫The Mont, 最左面果隻係Goat Cheese. 不過佢地一啲都唔平易近人, 完全唔易入口, 其中中間果隻連聞落去都有挑戰性… 雖然食落還可以, 但始終重口味, 或者法國人會好欣賞, 不過黎到香港, 大廚會唔會稍為調教一下口味呢~??

值得欣賞係佢既配套, 少少三塊芝士, 有齊晒青紅提子, 合桃, 果仁, 杏甫, 果醬, 巧克力架, 面包 (2塊有nuts & raisins, 2 塊係plain). 或者餐廳都知道佢地啲芝士唔係人咁品… 所以俾多啲野你, 易入口好多.

喺芝士環節, 又係L’ Atalier de Joel Robuchon 技勝一籌.

Petit Four


Raspberry ball, Chocolate, Madeleine

流心紅桑子波波, 朱古力, 貝殼蛋糕

流心紅桑子波波,
18 views
0 likes
0 comments
朱古力, 貝殼蛋糕
28 views
0 likes
0 comments
朱古力同貝殼蛋糕係正常野, 反而粒流心波幾過癮, 一放落口就爆開, 流晒啲紅桑子汁出黎, 欣賞佢唔太甜, 令成件事好refresh~

<DRINK>

Sparkling Water - Badoit

$95 per bottle

有氣礦泉水, 預左俾人掠既~

Champagne – Pierre Peters, Blanc de Blancs, Reserve Oubliee, NV

$300 per glass x 2

呢杯野真係唔話得啦…貴到啊媽都唔認得~ 本身以為佢係Wine pairing $88 蚊, turn out $300一杯…飲2杯夠在下食多個Lunch… 令到成餐飯out 晒budget!

不過, 諗番轉頭, 人地唔係開善堂, 咁靚既餐廳成餐飯收你$588??? 少年, 真係太天真了… 對… 在下那一刻真係天真了…講番杯香檳, 收得你3舊水一杯仔, 點都俾番啲野你, 聞落好香, 飲落都好易分得出唔係cheap野, 少少偏甜,啱晒成個大細路既友人.

Red Wine – Pinot Noir (在下), Cabernet Sauvignon (友人)

$88 per glass x 2

特登同酒師order每人一杯wine 襯番個 main course. 比起香檳, wine pairing既價錢每杯爭成2舊水, 你話有冇分別?? 當然有啦! 呢兩杯紅酒普通到唔普通, 在下既pinot noir 還好, 都叫match到隻雞, 友人果杯則淡而無味 (即管當我地唔識欣賞吧)

酒呢方面, 還是Amber同 Robuchon 既強項~

Coffee or Tea- Single Expresso

$70 per each x 1

<OVERALL COMMENTS>

野食野飲COMMENTS

論本身味道Petrus真係唔差, 有啲菜式更加令人眼前一亮 (帶子及羊架), 不過若然要比, 佢的確拍唔上Amber 同L A’talier de Joel Robuchon, 少左份驚喜連綿. 不過已經好過之前好多, 今次就算冇A都有一定B+.

略有不足既係呢度冇Amuse Bouche (開胃菜), 一黎就直接上第一道菜. 雖然冇明文規定話一定要有, 但當其他高級法國餐廳都有提供時候 (Amber 足足有四款, 呢啲就係人有我優), 而家係人有你冇, 感覺被比下去了.

之不過, 強調一下, Petrus既著眼點應該放喺用餐環境, 所以今次啲野食質素算超晒班.

服務COMMENT

服務都係呢間餐廳既強項, 在下上到56樓時, 友人去洗手間, 在下就喺走廊等住先, 酒師Johan離遠見到在下, 特登走埋黎打招呼, 吹兩嘴, 然後等埋友人出黎再escort我地入餐廳. 佢喺呢餐飯都擔當左一個好重要既角色, 除左本身佢好專業, 介紹每款酒既時候都有紋有路, 頭頭是道, 而且仲好好人, 耐心教我地點樣去欣賞啲香檳泡泡同埋解釋點解同一枝香檳斟出黎但一杯多泡, 一杯少泡. 重點佢係鬼, 成件事高級晒~

每道菜都會有侍者主動黎問你啲野啱唔啱食, 很好! 不過有啲位要注意番, 有時個客剩係食左一細啖配菜, 連主菜都未食, 就黎問啱唔啱食, 你叫人地點答呢? 食完主菜後大廚Ricardo 出黎親自同每一枱客打聲招呼握下手, 在下很欣賞, 起碼在下有機會多謝佢整個羊架同帶子咁出色.

另一個亮點係樓面員工同枱既比例, 已經超越1:1. 當日好似得四枱客, 但員工只少有5位, 人釘人都得啊!

不過似乎有一兩個新員工/ 實習生, 服務未夠純熟, 要多啲時間train一train, 練一下presentation skill (就係同我地講bullshit果位人兄~哈哈)

環境COMMENT



如果要數香港最靚既餐廳, 肯定係呢度! 餐廳叫做分兩層, 第一層既枱全部對住落地玻璃, 無敵大維港景, 完全冇遮無擋. 第二層既要行幾級樓梯上去, 望番海景果面時因為有高度相差, 所以第一層既枱唔會block晒個景, 細心既設計. 而且分兩層, 俾人感覺好高級.

除左個景, 裝修都係冇得輸, 典型高級法國餐廳格局, 無論地氈, 牆紙, 吊燈, 枱櫈, 都散發著西方古典氣息, 最欣賞係枱同枱之間既距離, 米半至兩米一定有, 私隱100分!

容許在下俾少少意見, 餐廳似乎開始有點歷史, 或者係時候翻新一下了.
116 views
0 likes
0 comments
抵唔抵食?

如果以$588 for 4個courses黎講, 唔飲酒既, 當然係超值, 不過去得呢啲餐廳, 好少唔叫酒. 本身諗住叫多兩杯wine pairing, $88 per glass, 都係每人$800幾蚊埋單, 倘可接受. 不過…唔知鬼掩眼定俾鬼呃… 竟然叫左2杯香檳, $300一杯, 咁樣就唔多抵啦…

人地Amber個Weekend Wine Lunch, 雖然索價$900幾, 不過已包左4杯酒!

做個比較

以下用Amber 同 L’ Atalier de Joel Robuchon 黎做一個比較, 倘若大家有special occasion, 要搵間高級法國菜而budget係每人大概千鬆啲既話, 可以考慮一下呢三間既lunch (佢地係在下暫時認為全香港最好既3間法國餐廳, 當然, 下個月在下會去埋Caprice@四季酒店, 三甲位置隨時有變).

Amber @ 置地文華既weekend wine pairing courses: 6個courses加Amuse Bouche, 包4杯酒, 每位埋單大約$1,200

L’ Atalier de Joel Robuchon, 5 個courses 加Amuse Bouche, 叫左枝$800既靚酒, 每位大約$1,400

Petrus @ 港香: 4 個courses, 1杯香檳加1杯紅酒, 每位大約$1,200

> Better than, >> Much Better than
食物質素: Amber > L’ Atalier de Joel Robuchon >> Petrus
用餐環境: Petrus > Amber >> L’ Atalier de Joel Robuchon (坐bar 枱)
服務質素: L’ Atalier de Joel Robuchon > Amber = Petrus
注意: 呢三間餐廳本身都好多高分 (Experience 都屬A+ 水平), 上面只係夾硬幫佢地分grade拉curve~

多謝友人賞臉飯局, 上次同佢食左間意大利菜AVA (難食到喊…), 今次食番餐好既補數~ 下一餐約定你: 超正北歐菜FINDS @ The Luxe Manor Hotel~
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2016-08-07
Dining Method
Dine In
Spending Per Head
$1200 (Lunch)
Recommended Dishes
面包
面包
法國生蠔配青瓜及香茅
法國生蠔配青瓜及香茅
香煎帶子配彩虹蘿蔔及血橙醬汁
法式田雞腿配香葉菜頭及香蒜
法式田雞腿配香葉菜頭及香蒜
燒羊架配芝士及迷你棷菜
法國雞肉配雞油箘及鴨肝汁
紅莓, 荔枝及薰衣草
精選法國芝士
流心紅桑子波波,
朱古力, 貝殼蛋糕