Mano (The L. Square)

Open Now

Now Closed

之間食過一次海濱匯分店，覺得個手工意粉驚為天人，今日係衝住個手工意粉再黎😍銅鑼灣分店裝修風格一樣，都係簡約歐陸風。餐廳menu 原來無pizza，其他菜色就基本上差不多。意大利生切牛肉薄片$168牛肉咸咸香香，配上牛肝菌汁，火箭菜，腌洋蔥，檸檬汁，幾清新開胃。忌廉牛油蒜香雜菌$68一上枱好香，好rich & creamy, 份量都幾多，多士好香好脆，好夾。香煎北海道帶子三文魚籽龍蝦汁扁意粉$238手工意粉果然不會令人失望，意粉質地幾彈牙，幾掛汁。龍蝦汁香濃，帶子都幾大粒厚身👍🏻Affogato$58 有驚喜！原本係個咖啡真係超級特濃！加埋雪糕冷熱交錯，好正的飯後甜品😋🌟總括嚟講，食過兩餐分店，質素都好穩定，價錢係正常西餐價錢，係銅鑼灣黎講係一個不錯的選擇。