Wagyu Ya (Closed)

好耐冇見喇my friend, 出黎食個飯囉～～A5和牛三文治又魚子又金箔on top睇落好靚，和牛係好肥滋滋，但我食嗰舊有少少筋，同埋唔知點解牛味唔係好出。$398呢個定價真心太貴。 A4和牛燒肉 lunch set睇個menu計落條數$298有6塊牛肉，肉食者貴多差唔多成倍先得8塊，咁梗係叫lunch set 啦🤣 仲要lunch set 又有前菜有白飯有味噌湯有茶碗蒸。可能因為成間餐廳個得一個樓面嘅關係，冇人同我介紹乜野肉打乜野肉，佢冇漏單或者隔好耐先上菜已經偷笑。 講返d牛肉先，每一塊油花分佈好平均，食落唔膩，有油脂香得黎肉味好出，share食每人兩三塊，小吃勁滋味。 鵝肝和牛丼呢個就爭d喇，鵝肝比較薄身，煮得太熟所以起沙，d和牛係薄切，雖然冇lunch set嗰d咁靚，但味道唔錯又冇過熟。 蕃薯雪葩呢個好食，雪葩個味好raw，甜度啱啱好，食晒d雪葩仲可以挖d蕃薯肉食吓。但佢拎出黎嗰陣太硬，等左15分鐘左右先食到。 整體黎講，食物質素唔錯，但散叫定價太貴。個A4和牛lunch set 喺呢間野黎講算cp值好高，可以一試。同埋而家可以做返晚市，希望人手分配上會有改善，我見個樓面一