大頭芋烘焙

Open Now

Now Closed

本身搵緊公司附近有邊Ｄ新餐廳可以試，唔覺意搵到呢間烘焙店，全部都係賣我最愛嘅芋頭乜乜乜！所以食完飯就上去睇下有無得買～店主自己做門面之餘仲要整埋野食真係忙到爆～我地想買芋泥卷，佢就即刻跑入廚房新鮮卷畀我地～個卷側邊睇真係爆曬漿！不過最好味其實係個蛋糕身，唔知係咪新鮮出爐關係，個蛋糕好鬆軟又厚，熱辣辣之餘仲有微甜感覺，無芋泥一樣咁好食！至於芋泥本身同一般芋泥蓉唔同，佢裡面有好多好大粒的芋頭粒仲有少少咸味，咁就唔會好快食滯，加上佢size細細碌價錢仲好平，性價比超高！等緊店主卷嘅時候我已經忍唔住食左另外買的原味芋頭酥，佢都係新鮮出爐，所以熱辣辣芋頭味飄香，問落先知道原來芋頭酥上面的漸變色係老闆精心研製，上面pattern真係好適合打卡呢～咬落去完全feel到佢落左好多芋頭．同芋泥卷唔同，佢個芋蓉相當綿密，由於唔係好甜外面又好酥脆，所以食一粒都唔會好heavy！