4口

Open Now

Now Closed

同friend去IFC做完gym搵嘢食，決定食環境好嘅「4口」福建菜。佢哋做緊海蟶季節菜，我哋叫咗茭白爆炒蟶肉。蟶子超大隻，咬落去好鮮甜又彈牙，完全冇沙。茭白切得好幼身，爽脆得嚟帶少少甜，用咗福建老酒炒，好香。酸湯牛腩粉，湯底橙紅色好靚，酸酸哋，牛腩入味好淋，啲筋位仲有啲黏嘴。福建泗粉，滑溜溜咁索晒啲湯汁。炸黃花魚，連骨都食得！魚身炸到金黃色，點埋佢哋自家製嘅酸甜醬。海鮮炒米粉，賣相出色，好多海鮮幾抵食。小食臘味雞卷，臘腸嘅油香滲入嫩滑雞肉，好好味。黑松露帶子帶子煎到外面香脆，裡面仲好嫩滑！黑松露足料，蘆筍又嫩又冇渣。好鐘意佢哋呢個桂圓檸檬烏龍茶，烏龍茶香出眾，加入的桂圓令口感好有層次。甜品推薦枇杷凍，甜度啱啱好，冰涼爽口仲要好潤喉。