4口

Open Now

Now Closed

今晚收工去中環覓食，揀咗呢間現代風福建菜館。ifc黎講，係價錢份量比較公道嘅選擇，而且服務很不錯。橙白色裝修幾醒神，環境舒服好坐🐏白切羊肉處理得乾淨，冇咩羊騷味，肉質結實唔柴，皮有啲彈性，油香唔膩。配嘅酸辣醬剛剛好，唔會蓋過羊肉鮮味。🥣黑蒜燉排骨湯好滋潤，湯底濃但唔油，排骨燉得好腍，黑蒜味幾突出，但味道平衡得唔錯，平時唔中意蒜味都覺得好飲。🍜金湯佛跳牆配蔥油拌麵，金湯好足料，瑤柱、鮑魚、海參、花膠質素都唔錯。拌麵係福建長壽麵，香港唔多地方食到，幾有特色。🐟鹹香酥炸黃花魚炸得好香脆，魚肉嫩滑唔乾，鹹香味適中，炸皮唔厚。🐷蒜泥白肉嘅肉片切得好薄，蒜泥香而不嗆，配埋青瓜，清爽開胃。🥢勝瓜燴海蠣看似家常，其實火侯控制都靠功夫，勝瓜滑身無渣，海蠣鮮甜冇沙，而且火候剛剛好，唔會over cook，保留嫩滑口感。🥄椰奶銀耳燉桃膠嘅椰奶香濃唔甜膩，銀耳滑，桃膠有彈性，飲落有種滿滿膠原感，滿足。