4口

Open Now

Now Closed

一間自己好鍾意食嘅中菜餐廳，炒米粉係必點之選，而鍾意豪華嘅可以叫佢哋嘅佛跳牆套餐，保證夠足料。黑蒜香煎帶子 $178擺盤十分精緻而且絕對唔係得個樣，帶子口感外酥內軟，醬汁有好好咁浸入其中，味道香口又惹味，黑蒜起到調味作用之餘本身亦好香甜美味。松子薑蓉菠菜 $38青嫩嘅菠菜配搭埋松子香同薑蓉嘅惹味，令呢道冷盤口味變得非常清新，口感爽嫩越食越開胃。福建金湯佛跳牆套餐 $268套餐會跟麵線同一款自選小食，我就揀咗冷盤嘅臘味雞肉卷，佛跳牆材料有鳥蛋、鮑魚、海蔘、花膠、豬肚等十分足料，金湯質感濃厚，味道香濃美味，倒落麵線一齊食十分之夾。臘味雞肉卷臘味嘅香味突出，外層雞肉包住令口感層次豐富好多，估唔到冷盤臘味都可以咁好味。高湯燜炒純米粉 $138每次嚟都必點嘅炒米粉，米粉炒得夠晒乾身，高湯味道完全浸入晒米粉當中，每口都有濃郁高湯美味，保持一貫水準。椰奶銀耳燉桃膠 $58初試咗兩款甜品，第一款嘅椰奶味道夠香甜，銀耳同桃膠食落好有口感。潤肺枇杷凍 $48第二款係枇杷凍，食落帶有好香嘅枇杷味，甜度適中，食落夠晒潤喉潤肺。