Video
Read full review
2009-11-02
18 views
尋日同好友過咗海，難得去到港島，當然係個邊食埋嘢啦~好友提議去大坑搵食，最後選擇咗食－民聲冰室一去到嘅時候，我見到有位，咁就打算坐低啦~ 點知老闆娘話未入得，我又見門口有人，以為等緊位啦~ 咁咪企咗係門口囉，點知企咗成十分鐘，之後先留意到門口嘅人係等外賣嘅~ 但見到伙記們都好忙，我都無出聲啦~ 過咗一陣，老闆娘終於問我哋幾多位啦~ 我就答兩位啦，跟住咩都無講啦~ 點知呢個時候，有個伙記（之後證實係老闆娘個仔）對老闆娘講大大聲話："兩位你叫佢等吓啦，你搞點晒Ｄ嘢先啦，執好晒枱先啦，佢唔等得咪叫佢唔好等囉！"嘩！！！我聽到個時真係好嬲呀！今時今日呢Ｄ咩服務態度呀？！就算你好多客，唔憂做，但我兩位都算係客丫！我當時真係嬲到想即刻走！不過見老闆娘即刻走去執枱，同埋我已經行到好攰，就即管試吓佢嘅嘢係唔係好食到值得有咁寸嘅態度啦~坐低咗，等咗十分鐘，無人拎餐牌比我哋~ 好友之前嚟過，咁無餐牌都唔緊要啦~ 好友憑記憶叫咗兩樣嘢：咸蛋蒸肉餅＋馬拉盞炒通菜咸蛋蒸肉餅－真係好好味，好肥同好滑，不過係因為落咗肥豬肉，鍾唔鍾意，真係見人見志啦~馬拉盞炒通菜－平平無奇，同係出面食嘅差不多~最後兩碟餸＋兩碗白飯＋
好友提議去大坑搵食，最後選擇咗食－民聲冰室
一去到嘅時候，我見到有位，咁就打算坐低啦~ 點知老闆娘話未入得，我又見門口有人，以為等緊位啦~ 咁咪企咗係門口囉，點知企咗成十分鐘，之後先留意到門口嘅人係等外賣嘅~ 但見到伙記們都好忙，我都無出聲啦~ 過咗一陣，老闆娘終於問我哋幾多位啦~ 我就答兩位啦，跟住咩都無講啦~ 點知呢個時候，有個伙記（之後證實係老闆娘個仔）對老闆娘講大大聲話："兩位你叫佢等吓啦，你搞點晒Ｄ嘢先啦，執好晒枱先啦，佢唔等得咪叫佢唔好等囉！"
嘩！！！我聽到個時真係好嬲呀！今時今日呢Ｄ咩服務態度呀？！就算你好多客，唔憂做，但我兩位都算係客丫！我當時真係嬲到想即刻走！不過見老闆娘即刻走去執枱，同埋我已經行到好攰，就即管試吓佢嘅嘢係唔係好食到值得有咁寸嘅態度啦~
坐低咗，等咗十分鐘，無人拎餐牌比我哋~ 好友之前嚟過，咁無餐牌都唔緊要啦~ 好友憑記憶叫咗兩樣嘢：咸蛋蒸肉餅＋馬拉盞炒通菜
咸蛋蒸肉餅－真係好好味，好肥同好滑，不過係因為落咗肥豬肉，鍾唔鍾意，真係見人見志啦~
馬拉盞炒通菜－平平無奇，同係出面食嘅差不多~
最後兩碟餸＋兩碗白飯＋一支大樽裝可樂＝ＨＫ＄１０９
結論係我唔覺得佢嘅嘢食值得有咁嘅態度囉！
我真係想講：有陳奕迅幫襯又點？！咁樣得罪Ｄ客~ 做陳奕迅一單生意，唔會夠佢賺呱？！
好彩佢唔係開係遊客區咋，唔係影衰晒香港呀！
Post