民聲冰室

呢間冰室可算係明星級唔少名人都為佢發聲仲要耐唔耐都會出post話有幾好味之前有一次去到下午落場今次係食晚飯肉餅飯$80 兩個人去食份量睇落一啲都唔多環境非常之嘈，係佢哋嘅機器聲唔知點解嘈到不得了我哋去到嘅時候一個人都冇講返個肉餅呢個唔係肉餅山只係一個普通肉餅，定係我叫錯嘢？點解嚟到係咁嘅樣食落去係甜豉油加碎濕濕嘅肉，而且超多嘅豬肉🤷🏻‍♂️其實都無咩好講人均消費：$80好味：⭐️⭐️環境：⭐️⭐️性價比：⭐️⭐️#香港美食攻略 #香港 #香港一日遊 #香港美食 #香港食評 #真食評 #hkfoodblogger #foodblog #foodblogger#blogger #foodreview #hkfood #hkfoodie …Read More

對於大西北嘅人尼講，大坑真係好遠，難得尼到，終於可以一試民聲冰室嘅肉餅山。去到見到鋪面好細好窄，出面都有人排隊，好在上菜快同客人食得都快，所以等左無耐就入得。入到去當然係試最出名嘅鹹蛋蒸肉餅，另外都叫左手撕雞同朋友SHARE一齊食。一上菜，同上網睇過嘅相一樣，高高嘅肉餅山，開頭睇覺得好大份好抵食，但食食下好快食哂，我諗份量可能同一般蒸肉餅差不多，只不過係推高咗。肉餅方面肉質真係好鬆軟，配上豉油好香，入口後亦都好多肉汁，唔會覺得肥膩，搭飯真係一流。置於手撕雞，就感覺不過不失，沒有太大特別之處。…Read More

我一直對茶餐廳都冇乜興趣，所以就算知道民聲係街知巷聞既良心店都冇特別去試，同埋又比較少去大坑🙈嗰日去報名參加虎豹別墅導賞團，所以經過順便試下, 本來想食既嗰款午餐售罄，所以叫左蝦仁炒蛋同一杯奶茶。奶茶質感唔算濃厚，但係茶味悠香，幾好飲👍🏻滑蛋蝦仁，勁好食，滑蛋超級滑，生熟岩岩好，蝦彈牙爽口！我應該會為咗個滑蛋🤭特登去大坑再食👍🏻老闆仲好Nice咁，服務好好，席間仲問我啲嘢O唔OK，香港一般茶餐廳應該冇呢啲服務。十分讚！…Read More

大坑，老實講，真係第一次去。呢間茶記嘅蒸肉餅，都可以話係大坑必食之一，雖然知道好耐，但一直都無幫襯，今日終於撞啱時間，就去試試。星期六下午一點半去到，店內只有一家四口，仲有大把位。午餐：鹹蛋蒸肉餅（$58）一睇賣相，就知唔係一般蒸肉餅，係肉餅塔。望落好似好大堆頭，但其實份量無想像中咁多，同一般肉餅嘅size相約。雖然佢賣相同坊間好唔同，但味道其實分別不大。肉餅質地偏腍，肉質唔嚡，食落唔算太肥膩（肉餅中間有少量碎骨，咬嘅時候要小心）。粒鹹蛋好軟好粉，但唔咸。豉油覺得甜咗啲。白飯份量偏細碗。食後感：唔係唔好食，但唔覺得吹噓到好勁咁囉。順道經過+唔使等的話，一試無妨，但專登走嚟食，就唔多值了。PS：店內空間唔大，約十個位，多數會係店外露天下開枱加位。…Read More

一路都有聽過民聲冰室肉餅山有幾特別，但可能期望好高，現實同想像中有好大出入。首先舖頭真係好細而且污糟，過膠餐牌已經甩哂膠同埋佈滿油漬，加埋整體空間好細，夏天去真係好辛苦。肉餅山黎到個“山”真係得啖笑，只係比市面既高少少而已，絕對唔係山，食落係正常肉餅既調味而且都冇咩豬肉口感。其實街邊新鮮整起3餸飯都完全食到一樣既口感。另外仲叫左豬扒飯，黎到後豬扒係酸既，同佢反映左之後轉其他食物，之後因為舖頭細，完全聽到哂廚房既人切開塊豬扒試，仲話係喎點解酸。大佬，而家既天氣食材儲存不當就當然會酸，仲要咁大聲討論，發生咩事？有咩咁值得去食呢其實。…Read More